منہاج القرآن انٹرنیشنل کے مرکزی سیکرٹریٹ میں ضیافت میلاد کا انعقاد
ماہِ ربیع الاول کی آمد اور عید میلاد النبی ﷺ کی خوشی میں منہاج القرآن انٹرنیشنل کے مرکزی سیکرٹریٹ ماڈل ٹاؤن لاہور میں حضور شیخ الاسلام ڈاکٹر محمد طاہر القادری دامت برکاتہم العالیہ کی ہدایت پر یکم سے 11 ربیع الاول تک ضیافتِ میلاد اور محافلِ میلاد مصطفیٰ ﷺ کا سلسلہ جاری ہے۔
آج پہلے روز منعقد ہونے والی ضیافت میلاد کی محفل میں آغوش کمپلیکس اور تحفیظ القرآن انسٹیٹیوٹ کے طلباء، اساتذہ اور مرکزی قائدین و کارکنان نے شرکت کی۔ تقریب کا آغاز تلاوتِ کلامِ پاک سے ہوا، جس کے بعد نعت خوانی کا سلسلہ جاری رہا۔ آغوش کمپلیکس اور تحفیظ القرآن کے بچوں نے بھی محبتِ رسول ﷺ میں نعتیہ کلام پیش کیا۔
تقریب کے اختتام پر ڈائریکٹر تحفیظ القرآن، علامہ عباس نقشبندی اور علامہ غلام مرتضیٰ علوی نے شرکاء سے خطاب کیا اور دعا کروائی۔ بعد ازاں شرکاء کی تواضع ضیافت میلاد سے کی گئی۔
تبصرہ