پروفیسر ڈاکٹر حسین محی الدین قادری سے صدر اسلامک سپریم کونسل کینیڈا پروفیسر سید بدیع الدین سہروردی کی وفد کے ہمراہ ملاقات
منہاج القرآن انٹرنیشنل کے صدر پروفیسر ڈاکٹر حسین محی الدین قادری سے صدر اسلامک سپریم کونسل کینیڈا پروفیسر سید بدیع الدین سہروردی کی وفد کے ہمراہ ملاقات، وفد میں علامہ ڈاکٹر بدر منیر مجددی سیفی صدر علماء و مشائخ ونگ رابطہ کونسل پاکستان سمیت دیگر علمائے کرام بھی شامل تھے۔
معزز مہمانانِ گرامی نے اتحاد امت، اعتدال و رواداری، امت کے وسیع تر مفاد میں قران وسنت کی پرامن تعلیمات کو فروغ دینے کے لیے شیخ الاسلام کی خدمات اور مغرب میں نوجوانوں کے دلوں میں عشقِ مصطفیﷺ کی شمعیں روشن کرنے اور امن بقائے باہمی کے زریں اصولوں اور اسلامی اقدار کے احیاء کے لیے شاندار خدمات انجام دینے پر شیخ الاسلام پروفیسر ڈاکٹر محمد طاہرالقادری اور منہاج القرآن انٹرنیشنل کے بین الاقوامی کردار پر خراج تحسین پیش کیا۔
اس موقع پر ڈائریکٹر انٹرفیتھ منہاج القران سہیل احمد رضا، ڈپٹی ڈائریکٹر فارن افیئرز شکیل احمد طاہر، طیب اسلم اور فضل الرحمن بھی موجود تھے۔
دریں اثناء معزز مہمانانِ گرامی نے مرکزی سیکرٹریٹ منہاج القرآن انٹرنیشنل کے مختلف ڈیپارٹمنٹس، فریدِ ملت ریسرچ انسٹی ٹیوٹ، گوشۂ درود، آغوش آرفن کیئر ہومز، منہاج انسٹی ٹیوٹ آف قرآت اینڈ تحفیظ القرآن، منہاج کالج برائے خواتین اور منہاج یونیورسٹی لاہور کا بھی دورہ کیا۔
تبصرہ