تحریک منہاج القرآن پاکستان کی اہم خبریں

منہاج القرآن انٹرنیشنل نے Android پر شیخ الاسلام کی کتب کی نئی App جاری کر دی

منہاج القرآن انٹرنیشنل نے Android پر شیخ الاسلام کی کتب کی نئی App جاری کر دی

منہاج القرآن انٹرنیشنل کی طرف سے 18 اگست 2015ء کو Android سسٹم کے لئے نئی App کے نام سے متعارف کروائی گئی، جس میں شیخ الاسلام ڈاکٹر طاہرالقادری کی سیکڑوں اردو، عربی، انگلش کتب موجود ہیں۔ یہ App گوگل پلے سٹور پر "Islamic Library by MQI" کے نام سے مفت ڈاؤن لوڈ کے لئے دستیاب ہے۔ ڈاکٹر حسن محی الدین قادری نے App کا افتتاح فرمایا۔ اس موقع پر انہوں نے App کے ڈویلپر طیب خان رند اور اس کی ٹیم کی کاوشوں کو خوب سراہا اور کہا کہ ان کی یہ خدمت اسلام کے پیغام امن کے فروغ کا باعث بنے گی۔ یہ App منہاج انٹرنیٹ بیورو کے تعاون سے BlueHornTechnologies نے رضاکارانہ طور پر تیار کی ہے۔

18 اگست 2015ء

لاہور: یوم آزادی کے موقع پر بین المذاہب جشن آزادی ٹور

لاہور: یوم آزادی کے موقع پر بین المذاہب جشن آزادی ٹور

انٹرفیتھ ریلیشنز کی قیادت میں 14 اگست 2015 یوم آزادی کے موقع پر مختلف مذاہب کے نوجوانوں کے لیے جشن آزادی ٹور کا اہتمام کیا گیا، جس میں ہندو، سکھ، مسلم اور مسیحی نوجوان شامل تھے۔ انہوں نے جشنِ آزادی کے موقع پر وطنِ عزیز کی سلامتی اور بلندی کیلئے مختلف مندر، چرچ، گوردوارہ اور مساجد میں اجتماعی دُعائیں کیں۔

14 اگست 2015ء

کائنات کی تشکیل و تکمیل کا سبب محبت مصطفیٰ (ص) ہے: ڈاکٹر حسین محی الدین قادری

کائنات کی تشکیل و تکمیل کا سبب محبت مصطفیٰ (ص) ہے: ڈاکٹر حسین محی الدین قادری

گوشہ درود کی ماہانہ مجلس ختم الصلوٰۃ علیٰ النبی صلیٰ اللہ علیہ وآلہ وسلم کے اجتماع سے خطاب کرتے ہوئے ڈاکٹر حسین محی الدین قادری کا کہنا تھا کہ کائنات کی تشکیل و تکمیل کا سبب محبت ہے۔ زمین و زماں، کون و مکاں، جبرئیل و میکائیل، بہشت و برزخ اور ملائک کی تخلیق سے پہلے جوہرِ محمد مصطفی صلیٰ اللہ علیہ وآلہ وسلم کو تخلیق کیا گیا۔ اللہ پاک کی تمام تخلیقات کی بنیاد و اساس ذات محمد اور حبُ محمد تھی۔ یہی وجہ ہے کہ رب نے اپنے حبیب کا ذکر نہ صرف تمام الہامی مذاہب کی روحانی کتب میں کیا۔

08 اگست 2015ء

انٹرفیتھ ریلیشنز منہاج القرآن انٹرنیشنل کے زیراہتمام نیشنل مینارٹی ڈے سیمینار

انٹرفیتھ ریلیشنز منہاج القرآن انٹرنیشنل کے زیراہتمام نیشنل مینارٹی ڈے سیمینار

اس موقع پر انٹرفیتھ ریلیشنز کے ڈائریکٹر سہیل رضا نے کہا کہ نیشنل مینارٹی ڈے منانے کا بنیادی مقصد قیام پاکستان میں قائداعظم محمد علی جناح کی قیادت میں غیر مسلم رہنماؤں کی جدوجہد اور قربانیوں کو خراج تحسین پیش کرنے کا دن ہے۔ قیام پاکستان میں غیر مسلم رہنماؤں کے کردار کو کبھی فراموش نہیں کیا جاسکتا۔ پاکستان کے تمام مذاہب مل کر ایک قوم بنتی ہے۔

11 اگست 2015ء

منہاج ویلفیئر فاؤنڈیشن کی طرف سے متاثرین سیلاب کیلئے امدادی سامان روانہ

منہاج ویلفیئر فاؤنڈیشن کی طرف سے متاثرین سیلاب کیلئے امدادی سامان روانہ

ڈاکٹر طاہرالقادری کی ہدایات کے مطابق منہاج ویلفیئر فاؤنڈیشن کی طرف سے امدادی سامان کے ٹرکوں کی پہلی کھیپ متاثرہ اضلاع کو روانہ کر دی گئی۔ 15سو خاندانوں کیلئے خوراک اور ادویات راجن پور، ڈی جی خان اور مظفر گڑھ کی سیلاب سے شدید متاثرہ 25 یونین کونسلوں کی طرف روانہ کی گئی ہیں۔

07 اگست 2015ء

منہاج یونیورسٹی لاہور کانووکیشن 2015

منہاج یونیورسٹی لاہور کانووکیشن 2015

شیخ الاسلام ڈاکٹر محمد طاہرالقادری نے منہاج یونیورسٹی کے سالانہ کانووکیشن سے خطاب کرتے ہوئے کہا کہ علم کو مذہب اور سیکولر ازم کے خانے میں بانٹ کر معاشرے کو تضادات اور فکری انتشار کے حوالے کر دیا گیا، ایسے نظام اور باطل فکر کو دفن کر دینگے جس نے ہمارے بچوں کے ہاتھ میں قلم کی بجائے بندوق دی اور دلوں میں محبت کی جگہ نفرت پیدا کی۔ آنے والا دورعلم، سچ کی بالادستی اور انتہائی رویوں کی شکست فاش کا ہے۔

01 اگست 2015ء

اسلام آباد: ڈاکٹر طاہرالقادری نے 25 کتابوں پر مشتمل امن کے فروغ کا نصاب پیش کر دیا

اسلام آباد: ڈاکٹر طاہرالقادری نے 25 کتابوں پر مشتمل امن کے فروغ کا نصاب پیش کر دیا

ڈاکٹر طاہرالقادری نے امن کے فروغ اور دہشتگردی کے خاتمے کے حوالے سے 25 کتابوں پر مشتمل امن نصاب پیش کرنے کی تقریب سے خطاب کرتے ہوئے کہاکہ دہشت گردی عالم اسلام ہی نہیں پوری انسانیت کیلئے بہت بڑا خطرہ ہے، دہشت گروپوں نے طاقت کے حصول اور مالی مفادات کی خاطر اسلام کو بدنام کیا، دہشت گردوں کوقتل و غارت گری اور فساد برپا کرنے کیلئے اربوں روپے کے فنڈز دئیے جاتے ہیں جو بد قسمتی سے ابھی تک جاری ہیں۔

29 جولائی 2015ء

منہاج ایجوکیشن سوسائٹی کے ہونہار طالبعلم محمد عمر کی فیصل آباد بورڈ میں سیکنڈ پوزیشن

منہاج ایجوکیشن سوسائٹی کے ہونہار طالبعلم محمد عمر کی فیصل آباد بورڈ میں سیکنڈ پوزیشن

منہاج ایجوکیشن سوسائٹی تحریک منہاج القرآن کا وسیع تعلیمی نیٹ ورک ہے، جس کے تحت ملک بھر میں لاکھوں بچے علم کے زیور سے آراستہ ہو رہے ہیں، جس کا منہ بولتا ثبوت فیصل آباد انٹرمیڈیٹ اینڈ سیکنڈری بورڈ کے میٹرک کے سالانہ امتحانات میں دوسری پوزیشن محمد عمر رول نمبر 530843 نے حاصل کی ہے۔ منہاج ایجوکیشن سوسائٹی کے چیئرمین ڈاکٹر حسین محی الدین القادری، مینجنگ ڈائریکٹر پروفیسر عابد چودھری کی طرف سے محمد عمر کو خصوصی مبارکباد پیش کی گئی۔

23 جولائی 2015ء

اللہ تعالیٰ پاکستان کو خوشحالی اور امن کی دولت سے مالا مال کرے: ڈاکٹر طاہرالقادری

اللہ تعالیٰ پاکستان کو خوشحالی اور امن کی دولت سے مالا مال کرے: ڈاکٹر طاہرالقادری

ڈاکٹر طاہرالقادری نے عید الفطر کے موقع پر اپنے خصوصی پیغام میں کہا ہے کہ اللہ تعالیٰ پاکستان اور اسکے 19 کروڑ عوام کو خوشحالی اور امن کی دولت سے مالا مال کرے، یہ بھی دعا ہے کہ اللہ رب العزت پاکستان کو ایماندار، باصلاحیت اور دردمند قیادت نصیب فرمائے جو اس ملک اور قوم کو کرپشن، دہشتگردی اور غربت کے اندھیروں سے نجات دلائے۔

17 جولائی 2015ء

جوانو! جوانی اللہ کی نعمت ہے، اسے ذکر الہٰی میں گزاریں۔ ڈاکٹر محمد طاہرالقادری

جوانو! جوانی اللہ کی نعمت ہے، اسے ذکر الہٰی میں گزاریں۔ ڈاکٹر محمد طاہرالقادری

ڈاکٹر محمد طاہرالقادری نے معتکفین سے خطاب کرتے ہوئے کہا کہ اللہ تعالی نے مومنوں کے لیے ایمان کو محبوب کیا۔ ہم نے ایمان کو رسم بنا دیا۔ ہمارے دل ایمان سے محبت کریں تو دل ایمان کی حالت سے مزین ہو جائے گا۔ سوال یہ پیدا ہوتا ہے کہ ایمان کیا ہے۔ حضرت علی المرتضی رضی اللہ تعالی عنہ نے فرمایا کہ ایمان ایک درخت ہے، جس کی جڑیں یقین اور شاخیں تقوی ہے۔ شیخ الاسلام نے کہا کہ ایمان ایک ایسا درخت ہے، جس کی جڑ تو یقین ہے لیکن یہ عشق اور محبت کے پانی سے پھلتا پھولتا ہے۔

15 جولائی 2015ء

شہداء انقلاب کیلئے نشان حضرت امام حسین علیہ السلام ایوارڈز

شہداء انقلاب کیلئے نشان حضرت امام حسین علیہ السلام ایوارڈز

ڈاکٹر طاہرالقادری نے کہا ہے کہ سانحہ ماڈل ٹاؤن کے ثبوت محفوظ اور قاتلوں کے چہرے یاد ہیں، یہ تمام ثبوت قوم کے سامنے ہیں، انصاف کے ادارے ان ثبوتوں سے زیادہ دیر منہ نہیں موڑ سکتے، سانحہ ماڈل ٹاؤن قاتل حکمرانوں کیلئے زلزلہ ہے، جب یہ زلزلہ آئے گا انہیں سرچھپانے کیلئے چھت اور بھاگنے کیلئے زمین نہیں ملے گی۔ قارون کا خزانہ رکھنے والے حکمران میرے کسی کارکن کو نہیں خرید سکے میری قیمت لگانے کی جرات کیسے کر سکتے ہیں۔

15 جولائی 2015ء

شہر اعتکاف 2015: عالمی روحانی اجتماع (لیلۃ القدر)

شہر اعتکاف 2015: عالمی روحانی اجتماع (لیلۃ القدر)

تحریک منہاج القرآن کے شہر اعتکاف میں لیلۃ القدر کا عالمی روحانی اجتماع منعقد ہوا۔ جس کے مہمان خصوصی جگر گوشہ قدوۃ الاولیاء پیر السید محمود محی الدین القادری الگیلانی تھے۔ شیخ الاسلام نے عالمی روحانی اجتماع سے خطاب کرتے ہوئے کہا کہ تاریخ عالم کا سب سے بڑا پیغام انقلاب قرآن پاک کی صورت میں نازل ہوا جس کا ہر حرف قیامت تک کیلئے ذریعہ نجات اور چشمہ ہدایت و رہنمائی ہے۔ انہوں نے کہا کہ پاکستان کی عظیم اسلامی سلطنت بھی آج کی مقدس رات کا تحفہ ہے۔

14 جولائی 2015ء

حضور (ص) سے قلبی و روحانی تعلق مضبوط کرنے میں ہی امت کی بقاء ہے۔ شیخ الاسلام

حضور (ص) سے قلبی و روحانی تعلق مضبوط کرنے میں ہی امت کی بقاء ہے۔ شیخ الاسلام

نعت خوانی سے قبل خطاب کرتے ہوئے شیخ الاسلام ڈاکٹر محمد طاہرالقادری نے کہا کہ فکر کا محل دماغ، عمل کا گھر جسمانی اعضاء اور محبت کا محل دل ہے، محبت رسول صلی اللہ علیہ وآلہ وسلم کے بغیر کوئی عمل قابل قبول نہیں۔ ایمان کا موضوع محبت ہے اور محبت کا اصلی موضوع حضور سرور دوعالم صلی اللہ علیہ وآلہ وسلم کی ذاتِ گرامی ہے۔

12 جولائی 2015ء

کارکنان یقین اور توکل کے ساتھ انقلاب کی جدوجہد جاری رکھیں۔ ڈاکٹر طاہرالقادری

کارکنان یقین اور توکل کے ساتھ انقلاب کی جدوجہد جاری رکھیں۔ ڈاکٹر طاہرالقادری

شیخ الاسلام نے معتکفین کو درس قرآن دیتے ہوئے کہا کہ مقام صبر یقین کے بغیر نہیں آتا۔ انہوں نے کہا کہ آپ کا مقام صبر ایسا ہو کہ فولاد بھی ٹکرائے تو آپ کے جذبے میں لرزش نہ آئے۔ شیخ الاسلام نے کہا کہ انقلابی جدوجہد کے دوران جن لوگوں نے میرا ساتھ دیا، میں آج تک ان پر خوش بہت ہوتا ہوں لیکن جو نہیں آئے ان پر دکھ نہیں ہے۔ ایسا ہر دور میں ہوتا رہا اس لیے جو آج ساتھ چلے ہیں وہ آہستہ آہستہ پختہ ہو جائیں گے۔ ایسے کارکنان سے ناراض نہیں ہو سکتا۔

11 جولائی 2015ء

اسلام نے خواتین کو برابر کی ذمہ داریاں اور برابر کے حقوق دیئے، ڈاکٹر طاہرالقادری کا معتکف خواتین کے اجتماع سے خطاب

اسلام نے خواتین کو برابر کی ذمہ داریاں اور برابر کے حقوق دیئے، ڈاکٹر طاہرالقادری کا معتکف خواتین کے اجتماع سے خطاب

شیخ الاسلام ڈاکٹر محمد طاہرالقادری نے شہر اعتکاف میں معتکف خواتین کے بڑے اجتماع سے خطاب کرتے ہوئے کہا کہ سانحہ ماڈل ٹاؤن میں خواتین نے شہادتیں قبول کر کے مصطفوی انقلاب کی بنیاد رکھ دی، اسلام نے خواتین کو برابر کی ذمہ داریاں اور برابر کے حقوق دئیے، جب تک سانس چل رہی ہے، عدل کے نظام کیلئے جدوجہد کرتا رہوں گا، طاقت ور کمزوروں کا استحصال کر کے اللہ کے غضب کو دعوت نہ دیں۔ قانون کمزوروں کو انصاف دلوانے کے معاملے میں اندھا کیوں ہے؟

11 جولائی 2015ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top