شیخ الاسلام ڈاکٹر محمد طاہرالقادری کی قومی ٹیم کو نیوزی لینڈ کے خلاف شاندار فتح پر مبارکباد
قومی کرکٹ ٹیم کو شاندار فتح پر مبارکباد دیتا ہوں، جیت شاندار کھیل اور ٹیم ورک کا نتیجہ ہے مزید کامیابیوں کے لیے دعا گو ہوں#T20Iworldcup2022 @TheRealPCB @babarazam258
— ڈاکٹر طاہرالقادری (@TahirulQadriUR) November 9, 2022
ٹیم جیت کے تسلسل کو برقرار رکھتے ہوئے ٹی ٹونٹی ورلڈ کپ اپنے نام کرے گی
پاکستانی ٹیم کی جیت تمام کھلاڑیوں کی محنت کا نتیجہ ہے، قائد تحریک منہاج القرآن
لاہور (9 نومبر 2022) بانی و سرپرست شیخ الاسلام ڈاکٹر محمد طاہرالقادری نے قومی کرکٹ ٹیم کو ٹی ورلڈ کپ کے سیمی فائنل میں نیوزی لینڈ کے خلاف شاندار فتح پر مبارکباد دیتے ہوئے کہا کہ نیوزی لینڈ کے خلاف سیمی فائنل میں قومی کرکٹ ٹیم نے عمدہ کھیل کا مظاہرہ کیا۔ پاکستانی ٹیم کی جیت تمام کھلاڑیوں کی محنت کا نتیجہ ہے۔ شیخ الاسلام نے گرین شرٹس کو ٹی ٹونٹی ورلڈ کپ کے فائنل میں پہنچنے پر مبارکباد دیتے ہوئے کہا کہ امید ہے پاکستانی ٹیم جیت کے تسلسل کو برقرار رکھتے ہوئے ٹی ٹونٹی ورلڈ کپ اپنے نام کرے گی۔ پوری قوم کی دعائیں قومی کرکٹ ٹیم کے ساتھ ہیں۔ ان شاء اللہ قومی کرکٹ ٹیم ورلڈ کپ لے کر وطن لوٹے گی۔
تبصرہ