سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنشینل جاپان کے مرکز جامع مسجد المصطفیٰ میں 26 رمضان المبارک مورخہ 03 اگست 2013 عظیم الشان محفل ختم قرآن اور شب قدر کا اہتمام کیا گیا، جسمیں جاپان بھر سے احباب نے شرکت فرمائی۔ پاکستان سے تشریف لائے مہمان قاری اللہ بخش نقشبدی (امام ادارہ منہاج القرآن لاہور) نے نماز تروایح میں ختم قرآن کیا جبکہ حافظ ذوالقرنین نے سماعت کی۔
مورخہ 14 اگست بروز بدھ شام 5 بجے مرکز منہاج القرآن انٹرنیشنل یونان ریندی میں منھاج پیس اینڈ انٹی گریشن اور منہاج یوتھ لیگ کے تعاون سے ایک عظیم الشان جشن آزادی سیمینار کا اہتمام کیا گیا جس میں اہل وطن نے سینکڑوں کی تعداد میں شرکت کی جن میں تمام سیاسی، سماجی، صحافی، وینس ٹی وی کی ٹیم، تکبیر ٹی وی کی ٹیم اور مذہبی جماعتوں نے بھرپور شرکت کی۔
مختلف مذاہب کے پیروکاروں کے نمائندوں پر مشتمل وفد نے شیخ الاسلام ڈاکٹر محمد طاہرالقادری کی رہائش گاہ پر عید کے دن ملاقات کی۔ انہوں نے پھولوں کے گلدستے پیش کرتے ہوئے شیخ الاسلام کو عید کی مبارکباد دی۔ وفد میں سکھ راہنما سردار بش سنگھ (چیئرمین بابا گرونانک جی ویلفیئر سوسائٹی)، سردار رنجیت سنگھ، سردار پنڈت بھگت لال، ہندو راہنما، مسیحی راہنما فادر پاسکل پولوس، بہائی فیتھ کے راہنما یوسف بجنوری شامل تھے۔
تحریک منہاج القرآن کے زیراہتمام 23واں سالانہ شہراعتکاف 8 اگست 2013ء کو چاند نظر آنے پر مکمل ہوگیا ہے۔ فہم دین، اصلاح احوال، توبہ اور آنسوئوں کی بستی میں شیخ الاسلام ڈاکٹر محمد طاہرالقادری نے اختتامی دعا کرائی، اس موقع پر ہرآنکھ پرنم تھی۔ شہر اعتکاف میں معتکفین نے اپنے ایمانی جوش وجذبہ سے شرکت کی اور شیخ الاسلام ڈاکٹر محمد طاہرالقادری کے ایمان افروز دروس تصوف سنے۔ معتکفین کی تعلیم وتربیت کا خاص اہتمام کیا گیا تھا۔
شیخ الاسلام نے معتکفین و معتکفات سے "خواتین اور بیویوں کے حقوق" پر خطاب کرتے ہوئے کہا کہ بنیادی طور پر عورت کے حقوق بھی مرد کے برابر ہیں۔ عورت کے ساتھ مودت، محبت اور ادب سے پیش نہ آنا غیر اسلامی عمل ہے۔ ہمارے معاشرے کا عالم یہ ہے کہ مرد، عورت کے حقوق کو سرے سے مانتا ہی نہیں۔ بلکہ دیہاتوں میں تو یہ غلط رواج ہے کہ مرد، عورت کو اپنی جوتی سمجھتے ہیں۔
مرکز منہا ج القرآن انٹرنیشنل جاپان باندوشی شہر اباراکی کین میں رویت ہلال کمیٹی کا اجلاس مورخہ 07 اگست 2013 کو منعقد ہوا جس میں جاپان بھر سے دین اسلام کے لئے کام کرنے والی تنظیمات کے نمائندوں نے شرکت کی۔
مورخہ 07 اگست بروز ہفتہ بعد نماز عصر مرکز منہاج القرآن انٹرنیشنل یونان ریندی میں ایک عظیم الشان محفل نعت کا منہاج نعت کونسل اور منہاج یوتھ لیگ کی طرف سے اہتمام کیاگیا جس میں یونان بھر سے ثناء خوان مصطفی صلی اللہ علیہ وآلہ وسلم نے بھرپور شرکت کی
منہاج القرآن انٹرنیشنل جاپان کی جامع مسجد المصطفیٰ ابارکی کین باندوشی میں07 اگست 2013 کو رویت ہلال کمیٹی جاپان کا اجلاس ہوا، جس میں پروفیسر سلیم الرحمن (چیئرمین رویت ہلال کمیٹی) کے ہمراہ جاپان بھر کی مذہبی وسماجی تنظیمات کے نمائندگان نے شرکت کی۔
شیخ الاسلام نے لیلۃ القدر کے عالمی روحانی اجتماع کے شرکاء سے خطاب کرتے ہوئے کہا کہ لوگو، آج ہم طالبان دنیا ہو گئے، ہمارے قول اور عمل جھوٹے ہو گئے۔ ہماری محبتیں جھوٹی ہو گئیں، ہمارے ارادے جھوٹے رہ گئے۔ آئو اس راہ پر پلٹ آئو جس راہ پر اللہ کی محبت، قربت اور صدق ملتا ہے۔ جوانو، آو آج اپنی زندگیاں بدل لو۔ ایسی زندگی بنا لو، جس سے اگلے زمانوں کی جھلک نظر آئے۔ جس سے اللہ تعالیٰ کو ایسا صدق نظر آئے کہ وہ ہماری توبہ قبول کر لے۔
منہاج القرآن انٹرنیشنل گما کین جاپان کے زیر اہتمام مورخہ 06 اگست 2013 کو Shitomora شہر میں ختم قرآن پاک کی شاندار تقریب منعقد ہوئی جس میں علامہ محمد شکیل ثانی، عالمی ایوارڈ یافتہ قاری اللہ بخش نقشبندی، محمد انعام الحق، اصغر علی بھنڈر، محمد سلیم خان اور دیگر رفقاء نے شرکت کی۔
شہر اعتکاف لاہور میں شیخ الاسلام ڈاکٹر محمد طاہرالقادری نے والدین اور قرابت داروں کے حقوق پر خطاب کرتے ہوئے کہا کہ اللہ تعالیٰ نے قرآن مجید میں بہت تصریح کے ساتھ والدین کے حقوق کی ادائیگی کا حکم دیا ہے۔ حدیث مبارکہ کا حوالہ دیتے ہوئے آپ نے کہا کہ ماں باپ کی خدمت کرنا اور بڑھاپے میں ان کا دل بہلانے کے لیے خوبصورت باتیں کرنے کا درجہ اور ثواب جہاد کے برابر ہے۔
دنیا بھر میں منہاج ویلفیئر کے مختلف پراجیکٹ کام کررہے ہیں جن کی وجہ سے امت مسلمہ کی اخلاقی اصلاح کے ساتھ ساتھ دکھی انسانیت کی خدمت بھی کی جارہی ہے ان منصوبہ جات کی تفصیل کا ذکر کرتے ہوئے حافظ اقبال اعظم نے مورخہ 04 اگست 2013 کو دی ہیگ میں افطار ڈنر سے خطاب کرتے ہوئے کیا۔
جاپان بھر میں لیلۃ القدر اور ختم قرآن کی شاندار تقریبات منعقد ہوئیں، مورخہ 04 اگست 2103 کو باندوشی شہر اباراکی کین میں ختم قرآن کی تاریخی تقریب منعقد ہوئی جو نماز مغرب سے لے کر نماز فجر تک جاری رہی جس میں ٹوکیو، سایتاما، چیسا، یاشلو، ایباراکی، توجگی، اور دیگر کئی مقامات سے لوگوں کی کثیر تعداد شریک ہوئی۔
ڈاکٹر محمد طاہر القادری نے کہا ہے کہ دسمبر میں تاریخ ساز جلسہ اور جنوری میں لانگ مارچ کر کے اذان دی تھی، جماعت ہونا ابھی باقی ہے۔ موذن اذان دے کر جماعت کھڑی ہونے تک چپ رہتا ہے۔ ہم چھوٹے چھوٹے نان ایشوز میں نہیں الجھنا چاہتے۔ ایک کروڑ نمازی تیار ہو جائیں گے تو اقامت کہہ کر کھڑے ہو جائینگے۔ جس دن جماعت قائم ہو گی باطل خس و خاشاک کی طرح بہہ جائے گا۔ اللہ کے فضل اور نبی کریم صلی اللہ علیہ وآلہ وسلم کی نسبت کے صدقے ہمارا عزم جوان ہے۔ پاکستان عوامی تحریک سنار کی ٹھک ٹھک پر یقین نہیں رکھتی، وقت آنے پر ایک ہی ضرب لگائیں گے۔ اسکے بعد ظلم و استبداد اور گمراہی کے بادل چھٹ جائیں گے۔
دل کے گھر کو محبت الہٰی اور محبت رسول صلی اللہ علیہ وآلہ وسلم سے معمور کرنے کی جدوجہد ہر مسلمان کی اولین ترجیح ہونا چاہیے۔ محبت کے راستے پر چلنے کی ابتدا توبہ سے ہوتی ہے۔ سابقہ گناہوں کا اعتراف کر کے گریہ و زاری اور ندامت و شرمندگی سے اللہ سے معافی مانگنا اور گناہوں سے ہمیشہ کیلئے برات کرنا توبہ ہے۔ اللہ کے حضور عام مسلمان کا اعتراف گناہ کرنا توبہ کہلاتا ہے، جبکہ اولیاء کرام اور عرفاء کی توبہ "انابہ" کہلاتی ہے اور انبیاء کرام کی توبہ کو "اوبہ" کہتے ہیں۔ نظر آنے والے گناہوں کا علاج نظر آنے والے نیک اعمال سے کیا جاتا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
