سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مصطفوی سٹوڈنٹس موومنٹ پلندری کے زیراہتمام یوم تاسیس کے سلسلے میں تقریب کا انعقاد کیا گیا جس میں انصارالحق سیکرٹری انفارمیشن ایم ایس ایم کشمیر نے خصوصی شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ واضح رہے کہ اس سلسلے کے پروگرام نومبر کے آغاز تک جاری رہیں گے، جبکہ پورا ماہ ‘‘امید پاکستان طلبہ کنونشنز’’ ہوں گے۔
گزشتہ روز جہلم میں ورکرز کنونشن سے خطاب کے بعد راولپنڈی ورکرز کنونشن میں شرکت کیلئے ڈاکٹر حسن محی الدین قادری(چیئرمین سپریم کونسل منہاج القرآن انٹرنیشنل) جب گلیانہ موڑ گوجرخان پہنچے تو کارکنان منہاج القرآن نے جی ٹی روڈ پر ان کا والہانہ استقبال فلک شگاف نعروں اور پھولوں کی پتیوں سے کیا۔ اس موقع پر موٹرسائیکل سواروں نے گلیانہ موڑ سے گوجرخان چوک تک استقبالیہ ریلی نکالی۔
ڈاکؔٹر حسن محی الدین قادری نے چکوال میں بیداری شعور عوامی اجتماع سے خطاب کرتے ہوئے کہا کہ انقلاب کیلئے تیاری کرنا آپ کا جبکہ آواز دینا قائد کا کام ہے۔ شاہ رخ اور شاہ زیب جب تک برابر کے شہری نہیں بن جاتے تبدیلی تب تک نہیں آئے گی، اس فرسودہ نظام سے تبدیلی کی امید نہیں رکھی جا سکتی۔ پاکستان میں حقیقی تبدیلی کیلئے نظام کو بدلنا ہو گا، ڈاکٹر محمد طاہر القادری نے انتخابات سے قبل کے جو حقائق بیان کیے تھے آج وہ من و عن صحیح ثابت ہو رہے ہیں۔
ڈاکٹر حسن محی الدین قادری نے خطاب میں کہا کہ جہلم جانبازوں کا شہر ہے، میں جب لانگ مارچ کے دن یہاں سے گزرا تھا تب بھی لوگوں کے ہجوم واستقبال کو دیکھ کر بہت خوش ہوا تھا اور آج کھچا کھچ بھرا ہوا پنڈال دیکھ کر میرا دل باغ باغ ہو گیا ہے۔ آپ نے کہا کہ قائد نے دو کروڑ نمازی مانگے ہیں ووٹرز نہیں، کیونکہ ووٹر بک سکتے ہیں نمازی بک نہیں سکتے۔
ڈاکٹر حسن محی الدین قادری نے کہا ہے کہ ملکی اداروں کو لوٹ سیل پر لگانے والوں کی لوٹ سیل لگنے والی ہے۔ عوام جرآت کی طاقت سے لٹیروں کو کوڑیوں کے مول فروخت کرنے کیلئے اٹھنے والے ہیں۔ ڈاکٹر طاہر القادری نے انقلاب کی جماعت قائم کرنے کیلئے دو کروڑ ووٹرز کو نہیں نمازیوں کو کال دی ہے جو استقامت کے ساتھ اُس وقت تک ڈٹے رہیں گے جب تک سیاست کے شیطان بھاگ نہیں جاتے۔ پاکستان عوامی تحریک کے کارکن دوکروڑ نمازیوں کیلئے صفیں بچھاتے جائیں جلد ہی اقامت کہی جائے گی اور ڈاکٹر طاہر القادری کی امامت میں نماز انقلاب قائم ہو جائے گی جس کے نتیجے میں انقلاب کا سویرا طلوع ہو گا۔
راولپنڈی: ڈاکٹر حسن محی الدین قادری نے ورکرز کنونشن سے خطاب کرتے ہوئے کہا ہے کہ عوام کش اقدامات کے ذریعے پاکستان میں جمہوریت کو سر عام مصلوب کیا جا رہا ہے مگر عدالتوں اور الیکشن کمیشن کے ہونٹ سلے ہوئے ہیں۔ تبدیلی کی خواہش رکھنے والے کروڑوں عوام جان چکے ہیں کہ ملک میں رائج استحصالی نظام حکومت کے ہوتے غریب کا مقدر نہیں بدل سکتا اس لئے وہ کشاں کشاں ڈاکٹر طاہر القادری کی امامت میں ہونے والی نماز انقلاب کے دو کروڑ نمازیوں میں شامل ہو رہے ہیں۔
تحریک منہاج القرآن آزادکشمیر کی مشاورتی کونسل کا اہم اجلاس راولپنڈی میں منعقد ہوا۔جس کی صدارت امیر تحریک منہاج القرآن آزاد کشمیر سید ابرار سرور شاہ نے کی۔ اجلاس کا باقاعدہ آغاز تلاوت کلام سے ہوا جس کی سعادت علامہ حافظ عرفان صدیقی ناظم دعوت تحریک منہاج القرآن میرپور نے حاصل کی، جبکہ بارگاہ رسالت مآب صلی اللہ علیہ وآلہ وسلم میں حافظ آفتاب احمد ناظم تحریک منہاج القرآن عباس پور نےگلہائے عقیدت نچھاور کیے۔ اجلاس میں نائب ناظم اعلیٰ تنظیمات منہاج القرآن انٹرنیشنل احمد نواز انجم اور سردار منصور احمد خان مرکزی رہنما پاکستان عوامی تحریک نے خصوصی شرکت کی۔
22 ستمبر 2013ء بروز اتوار کو منہاج ویلفیئر فاؤنڈیشن کے زیراہتمام منہاج القرآن اسلامک سنٹر مانکیالہ مسلم گوجرخان میں ایک میڈیکل کیمپ کا انعقاد کیا گیا۔ اس میڈیکل کیمپ میں مہمان خصوصی غلام صمدانی تھے جو کہ جامعہ الازہر یونیورسٹی مصر سے PHD ہیں اور ویلفیئر کی فیلڈ میں خدمات سرانجام دے رہے ہیں۔ اس کیمپ میں نظامت امور خارجہ کے عہدیداران ندیم احمد اعوان اور میاں محمد اشتیاق نے بھی خصوصی طور پر شرکت کرنی تھی تاہم بعض نجی مصروفیات کی وجہ سے شرکت نہ کر سکے۔ اس میڈیکل کیمپ میں ڈاکٹر مسعود اور ڈاکٹر کاشف اور دیگر ڈاکٹروں نے 250 سے زائد مریضوں کا معائنہ کیا اور مفت ادویات فراہم کی گئیں۔ مانکیالہ مسلم کے علاوہ اردگرد کے علاقہ جات موہڑہ، سپیالی، ڈھوک میلم کے مریضوں نے بھی اس فری میڈیکل کیمپ کی سہولت سے فائدہ اٹھایا۔
تحریک منہاج القرآن گوجر خان کے زیراہتمام سرپرست اعلی تحریک منہاج القرآن گوجر خان پیر سید صدیق حسین شاہ کی زیر صدارت ورکرز کنونشن کا انعقاد کیا گیا جس میں مرد و خواتین کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک منہاج القرآن کے مرکزی نائب ناظم اعلی احمد نواز انجم، نائب ناظم پنجاب چوہدری انار خان گوندل اور سیکرٹری انفارمیشن تحریک منہاج القرآن گوجر خان عبد الستار خان نیازی نے خصوصی شرکت کی۔
تحریک منہاج القرآن اور پاکستان عوامی تحریک کا مشترکہ بیدارئ شعور ورکرز کنونشن 14 ستمبر بروز ہفتہ منہاج القرآن اسلامک سنٹر دولتالہ میں منعقد ہوا۔ کنونشن کی صدارت سردار منصور خان مرکزی ڈپٹی سیکرٹری جنرل پاکستان عوامی تحریک نے کی۔ کنونشن کا باقاعدہ آغاز تلاوت کلام پاک سے ہوا جس کی سعادت علامہ نور آصف ناظم دعوت یونین کونسل سکھو نے حاصل کی، جبکہ بارگاہ رسالت مآب صلی اللہ علیہ وآلہ وسلم میں محمد آصف ناظم یونین کونسل راماں نے عقیدت کے پھول نچھاور کیے۔
مصطفوی سٹوڈنٹس موومنٹ میرپور یونیورسٹی آف سائنسز اینڈ ٹیکنالوجی کے زیراہتمام تین روزہ سٹوڈنٹس گائیڈنس کیمپ 7 سے 10 ستمبر تک لگایا گیا۔ جس میں نئے آنے والے طلبہ کو خوش آمدید کہنے کیساتھ ساتھ داخلے کیلئے گائیڈنس دی گئیں۔ طلبہ کو داخلے کے دوران جو مشکلات پیش آتی ہیں ان کو حل کرنے کیلئے ایم ایس ایم کے کارکنان رضاکارانہ طور پر کیمپ میں موجود رہے۔ عوامی حلقوں نے ایم ایس ایم کے اس اقدام کو سراہا۔
تحریک منہاج القرآن گوجر خان کے زیراہتمام ورکرز کنونشن اور تربیتی نشست کا انعقاد کیا گیا جس میں کارکنان کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر خطاب کرتے ہوئے تحریک منہاج القر آن راولپنڈی ڈویژن کے کوآرڈینیٹر علامہ محمد افضال قادری اور میڈیا ایڈوائزر تحریک منہاج القرآن گوجرخان عبدالستار نیازی نے کہا کہ ہم نے تبدیلی کا بیڑہ اٹھا لیا ہے۔
تحریک منہاج القرآن کھوئی رٹہ کے زیراہتمام عہدیداران کا ایک اہم اجلاس صدر TMQ کھوئی رٹہ حافظ محمد وسیم زیدی کی زیر صدارت منعقد ہوا۔ اجلاس کا باقاعدہ آغاز تلاوت قرآن پاک سے ہوا جس کی سعادت کامران سلطانی نے حاصل کی، جبکہ عثمان شوکت مصطفوی نے بارگاہ رسالت مآب صلی اللہ علیہ وآلہ وسلم میں ہدیہ نعت پیش کرنے کی سعادت حاصل کی۔ اجلاس میں ناظم TMQ کھوئی رٹہ محمد ابصار قادری نے ماہانہ کارکردگی رپورٹ پیش کی اور اجلاس کا ایجنڈا شرکاء کو بتاتے ہوئے کارروائی کو آگے بڑھایا۔
مصطفوی سٹوڈنٹس موومنٹ ڈگری کالج کھوئیرٹہ کی تنظیم سازی کے سلسلہ میں ایک اہم اجلاس محمد وسیم زیدی کی زیر صدارت منعقد ہوا۔ اجلاس کا باقاعدہ آغاز سابق جنرل سیکرٹری MSM کھوئیرٹہ خاقان حیدر نے تلاوت قرآن پاک سے کیا بعد ازاں شرکاء اجلاس نے مل کر بارگاہ رسالت مآب صلی اللہ علیہ وآلہ وسلم میں مل کر ہدیہ درود پاک پیش کیا۔ اجلاس کی کارروائی کو آگے بڑھاتے ہوئے ندیل احمد چوہدری جنرل سیکرٹری MSM تحصیل کھوئیرٹہ نے مصطفوی سٹوڈنٹس موومنٹ کا منشور اور اغراض و مقاصد پیش کیے۔
پاکستان عوامی تحریک کے زیراہتمام 28 اگست کو اے آر وائی نیوز کے حق میں پریس کلب ایبٹ آباد سے MCB چوک تک پرامن نکالی گئ جس میں لوگوں کی کثیر تعداد نے شرکت کی۔ ریلی کی قیادت پاکستان عوامی تحریک خیبر پختونخواہ کے جنرل سیکرٹری راجہ وقار احمد نے کی۔ اس موقع پر مرکزی نائب ناظم اعلیٰ تنظیمات منہاج القرآن احمد نواز انجم، ضیاء الرحمان ضیاء، حاجی شمریز خان جدون، ھارون خان جدون، ملک طاھر محمود اور شیخ آصف محمود بھی شریک تھے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
