سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ضلع ٹوبہ ٹیک سنگھ میں تحریک منہاج القرآن کی رابطہ مہم کے نتیجے میں مدارس کی کثیر تعداد نظام المدارس پاکستان سے الحاق کر چکی ہے اور علماء کرام نظام المدارس پاکستان سے الحاق کروانے کے لیے قونسلر نظام المدارس پاکستان پروفیسر یاسر اقبال سے رابطہ کر رہے ہیں۔ حالیہ دنوں میں علامہ صوفی صفدر صدیقی معصومی کا پارہ ٹاؤن پیرمحل میں قائم ادارہ جامعہ نوریہ قدوسیہ عرفان القرآن، نظام المدارس پاکستان میں رجسٹر ہوا ہے۔
شیخ الاسلام ڈاکٹر محمد طاہرالقادری تحریک منہاج القرآن کے پلیٹ فارم سے چار دہائیوں سے سیرت النبی ﷺ اور قرآن و سنت کے علوم کے فروغ کے لئے کوشاں ہیں اور اس باب میں سینکڑوں کتب تصنیف کر چکے ہیں ان کی تحقیق و تصنیف کا مرکز و محور سیرت طیبہﷺ کا فروغ ہے۔ ہر ادنیٰ و اعلی بے عمل اور با عمل مسلمان حضور نبی اکرم ﷺ سے والہانہ محبت اور عقیدت رکھتا ہے۔ عام آدمی کےعقیدت پر مبنی ان جذبات کو عمل کے قالب میں ڈھالنے کے لئے شیخ الاسلام حضور نبی اکرم ﷺ کی شخصیت کے ہر گوشے کو ضبط تحریر میں لائے ہیں۔
شیخ الاسلام ڈاکٹر محمد طاہرالقادری نے رمضان المبارک کے آغاز پر اسلامیان پاکستان اور پوری امت مسلمہ کو مبارکباد دی ہے۔ انہوں نے کہا ہے کہ رمضان المبارک تزکیہ اور ضبط نفس کا مہینہ ہے۔ امت اس ماہ مقدس کو اپنے لئے مہلت اور غنیمت سمجھے۔ نماز پنجگانہ، نماز تراویح کی ادائیگی اور مستحقین کی مدد کے ذریعے اللہ کو راضی کیا جائے۔ انہوں نے اپنے بیان میں کہا کہ روزہ تزکیہ نفس واصلاح احوال کے حوالے سے ایک عظیم عبادت ہے۔ اللہ رب العزت کا کروڑ ہا شکر ہے کہ ہمیں اپنی زندگی میں پھر سے رمضان المبارک کی بابرکت گھڑیاں نصیب ہوئی ہیں۔
منہاج القرآن انٹرنیشنل کویت جنرل کونسل کا آن لائن اجلاس مورخہ 11 اپریل 2021 کو صدر منہاج القرآن انٹرنیشنل کویت محترم حاجی عبدالرشید صاحب کی زیر صدارت منعقد ہوا۔ اجلاس میں منہاج القرآن انٹرنیشنل کویت کی مرکزی مجلس عاملہ، زونل تنظیمات اور جملہ فورمز کے ممبران نے بھرپور شرکت کی۔ موجودہ حالات کے پیش نظر یہ اجلاس آن لائن کیا گیا جس میں سب احباب کو آن لائن کنکٹ کرنے کے لئے نومنتخب ناظم عمومی محترم اصغر علی نے خصوصی کاوش کی۔
تحریک منہاج القرآن مدینہ ٹاون چکوال کے زیراہتمام 3 اپریل 2021ء کو بعد نمازِ مغرب جامعہ اسلامیہ مدینۃ العلم میں ماہانہ حلقہ درود و سلام منعقد ہوا۔ حلقہ درود کی محفل کا آغاز تلاوت کلامِ مجید اور بارگاہِ رسالتمآب ﷺ میں ہدیۂ درود و سلام پیش کرنے سے ہوا۔ بعد ازاں جامعہ اسلامیہ منہاج القرآن کے فاضل محمد رضا طاہر نے شیخ الاسلام ڈاکٹر محمد طاہرالقادری کی کتاب زکوۃ و صدقات کا تعارف پیش کیا اور زکوۃ ادا کرنے کے فضائل پر گفتگو کی۔ محفل کا اختتام دعا سے ہوا اور شرکاء کی تواضع پرتکلف عشائیہ سے کی گئی۔
منہاج القرآن انٹرنیشنل کے زیراہتمام استقبال رمضان المبارک کے حوالے سے تربیتی کیمپ منہاج اسلامک سنٹر کھوائی چنگ میں منعقد کیا گیا جس میں منہاج القرآن ہانگ کانگ کے عہدیداران، رفقاء اور عوام الناس نے بھرپور شرکت کی۔ تلاوت قرآن مجید اور نعت شریف کے بعد فضائل رمضان المبارک کے حوالے سے علامہ محمد ظہیر نقشبندی نے گفتگو کی۔ علامہ حافظ محمد طیب شمیم نے شرکاء کو سحری، افطار، تینوں عشروں کی دعائیں، تسبیح تراویح، دعائے شب قدر یاد کرائیں۔
الحاج شیخ محمد جمیل رحمۃ اللہ علیہ کی یاد میں جامع مسجد شیخ الاسلام ماڈل ٹاؤن لاہور میں منعقدہ تعزیتی ریفرنس اور محفل قرآن خوانی کی تقریب سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ الحاج شیخ محمد جمیل قادری شیخ الاسلام ڈاکٹر محمد طاہرالقادری کے دستِ راست اور تحریک منہاج القرآن کے بانی ممبر تھے، انہوں نے کہا کہ حاجی شیخ محمد جمیل قادری جیسے مخلص، عاشقِ رسول ﷺ اور دینِ اسلام کی تعلیمات کی ترویج و اشاعت میں حصہ لینے والے اہل اللہ کے ایثار اور عملی کاوشوں کے باعث آج تحریک منہاج القرآن دنیا بھر کے مسلمانوں کے لئے ذریعہ علم و ہدایت ہے۔
ہانگ کانگ پولیس اور سوشل ورکرز نے 8 اپریل 2021ء کو منہاج اسلامک سنٹر کھوائی چنگ کا دورہ کیا۔ اسلامک سنٹر کے ڈائریکٹر علامہ حافظ محمد نسیم خان نقشبندی، علامہ محمد طیب شمیم اور علامہ قاری محمد عثمان الترازی نے مہمانوں کا استقبال کیا۔ دورے پر آئے وفد میں YMCA ہانگ کانگ کے سیکرٹریز Tang Lui Lok اور Chong Sing Miu شامل تھے۔ دیگر مہمانوں میں ہانگ کانگ پولیس کے Mr.Fan اور منہاج اسلامک سنٹر کھوائی چنگ کے سابقہ طالبعلم قاسم علی شامل تھے۔ پولیس افسران نے منہاج القرآن انٹرنشینل ہانگ کانگ کی کمیونٹی کے لیے خدمات بالخصوص بین المذاہب رواداری کے فروغ کے لیے کی جانے والی کاوشوں کو سراہا۔
چیئرمین سپریم کونسل ڈاکٹر حسن محی الدین قادری نے کالج آف شریعہ اینڈ اسلامک سائنسز کی لائبریری کی نئی عمارت کی افتتاحی تقریب کے موقع پر گفتگو کرتے ہوئے کہا کہ قوم کے بیٹوں اور بیٹیوں کو تعلیم اور دینی شعور دینا فی زمانہ دنیا و آخرت کی بہترین نیکی اور انویسٹمنٹ ہے۔ انہوں نے ناظم اعلیٰ خرم نوازگنڈاپور، حاجی امین القادری چیئرمین ریسورسز اینڈ ڈویلپمنٹ، حاجی ارشد سینئر ممبر، شاہد لطیف ڈائریکٹر آر اینڈ ڈی، ڈاکٹر ممتاز الحسن باروی کے ہمراہ کالج آف شریعہ اینڈ اسلامک سائنسز لائبریری کی نئی عمارت کا افتتاح کیا۔ اس موقع پر اویس طاہر، ملک وزیر، شیخ محمد حنیف اور کالج آف شریعہ کے فیکلٹیز ممبر موجود تھے۔
منہاج القرآن انٹرنیشنل کویت کے زیراہتمام 2 اپریل 2021ء کو شیخ الاسلام ڈاکٹر محمد طاہرالقادری کی ہمشیرہ کے ایصالِ ثواب کی محفل کا انعقاد کیا گیا۔ محفل کا انعقاد منہاج القرآن انٹرنیشنل کویت کے صدر حاجی عبدالرشید کی رہائش گاہ سالمیہ میں کیا گیا تھا۔ کویت میں ہونے والے لاک ڈاؤن کی صورت حال کے پیش نظر اس ایصالِ ثواب کی محفل میں مجلس عاملہ کے اراکین نے شرکت کی۔
چیئرمین سپریم کونسل ڈاکٹر حسن محی الدین قادری نے منہاج القرآن ویمن لیگ کے زیراہتمام قائم ایگرز کلب کی افتتاحی تقریب سے خطاب کرتے ہوئے کہا کہ سوسائٹی کو پرامن بنانے اور فرقہ واریت و انتہا پسندی سے پاک کرنے کے لیے بچوں کی اوائل عمری میں ہی اخلاقی تربیت کرنا ہوگی اس کیلئے والدین، اساتذہ، علمائے کرام اور میڈیا مرکزی کردار کا حامل ہے۔ شیخ الاسلام ڈاکٹر محمد طاہرالقادری نے منہاج القرآن کے پلیٹ فارم سے ہر عمراور طبقہ کے افراد کی اخلاقی، روحانی تربیت کیلئے ادارے قائم کئے ہیں۔ انہوں نے منہاج القرآن ویمن لیگ کے زیراہتمام بچوں کی تربیت کیلئے قائم ڈیپارٹمنٹ ’’ایگرز‘‘ کی جملہ ذمہ داران بہنوں کو انکی شاندار کاکردگی پر مبارک باد دی۔ انہوں نے کہا کہ ایگرز کا ڈیپارٹمنٹ بیک وقت ماں، باپ، استاد اور بزرگوں والا تربیتی کردار ادا کر رہا ہے۔
شیخ الاسلام ڈاکٹر محمد طاہرالقادری دامت برکاتہم العالیہ کی ہمشیرہ کے ایصال ثواب کیلئے سویڈن میں قرآن خوانی کی محفل کا اہتمام کیا گیا۔ جس میں علامہ سید محمود شاہ الازہری (ممبر سپریم کونسل منہاج القران انٹرنیشنل و صدر منہاج القرآن سویڈن)، منہاج القران مالمو سویڈن کے عہدیداران نے شرکت کی- محفل پاک میں قرآن خوانی کی گئی اور آقا دو جہاں ﷺ کی بارگاہ میں گلہائے عقیدت پیش کیے گئے۔ اختتام پر مرحومہ کی بخشش اور درجات کی بلندی کے لیے دعا کی گئی۔
شیخ الاسلام ڈاکٹر محمد طاہرالقادری نے کہا ہے کہ قیادت سیاسی ہو یا مذہبی قوم کی کردار سازی اسکی اولین ذمہ داری ہے۔ جس نظام میں حلال اور حرام کی تمیز ختم ہو جائے اس سے نجات میں ہی ملک و قوم کی خیر ہے۔ موجودہ دور کا سب سے بڑا بحران اخلاقی گراوٹ ہے۔ سچ اور جھوٹ میں تمیز ختم ہو گئی۔ اخلاقی اقدار کی جگہ حرص، ہوس اور لالچ نے لے لی ہے۔ علمائے کرام اور نوجوان سوشل میڈیا کے ذریعے اسلام کی حقیقی تعلیمات کو اجاگر کریں۔ تحریک منہاج القرآن نے نوجوانوں کی تعلیم و تربیت اور کردار سازی کیلئے بے مثال ادارے قائم کئے اور نوجوانوں کو تشدد، انتہا پسندی اور فرقہ واریت سے بچایا۔
شیخ الاسلام ڈاکٹر محمد طاہرالقادری دامت برکاتہم العالیہ کی ہمشیرہ کے ایصال ثواب کیلئے "جامع شیخ الاسلام" لاہور میں قرآن خوانی کی محفل کا اہتمام کیا گیا۔ اس موقع پر ممتاز نعت خواں شہزاد برادران، پروفیسر ذیشان بیگ نے حضور سرور کونین ﷺ کی بارگاہ میں ہدیہ تبریک بھی پیش کیا۔ اختتامی دعا چیئرمین سپریم کونسل ڈاکٹر حسن محی الدین قادری نے مرحومہ کی بخشش اور درجات کی بلندی کے لیے دعا کروائی۔
امیر جماعت اسلامی سینیٹر سراج الحق اور علامہ ڈاکٹر راغب حسین نعیمی نے منہاج القرآن کے مرکزی سیکرٹریٹ میں چیئرمین سپریم کونسل تحریک منہاج القرآن ڈاکٹر حسن محی الدین قادری سے ملاقات کی۔ سینیٹر سراج الحق اور علامہ ڈاکٹر راغب حسین نعیمی نے شیخ الاسلام ڈاکٹر محمد طاہرالقادری کی ہمشیرہ کے انتقال پر تعزیت کا اظہار کرتے ہوئے مرحومہ کی بخشش اور درجات کی بلندی کے لیے دعا کی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
