سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
ناظم منہاج القرآن انٹرنیشنل ایسٹرن کیپ ساؤتھ افریقہ چوہدری محمد اصغر وڑائچ کے والد گرامی انتقال کر گئے۔ چیئرمین سپریم کونسل ڈاکٹرحسین محی الدین قادری کی ہدایت پر مرکزی نائب ناظم علامہ غلام ربانی تیمور کی سربراہی میں ایک وفد نے چوہدری اصغر وڑائچ سے آبائی شہرگوجرانوالہ جا کر ان سے تعزیت کی۔
منہاج القرآن انٹرنیشنل برطانیہ کے زیراہتمام دو روزہ الہدایہ کیمپ 3 اگست 2019ء کو اختتام پزیر ہو گیا۔ نوجوانوں کی نظریاتی، فکری تربیت اور عصری چیلنجز سے نمٹنے کے حوالے سے منعقدہ الہدایہ کیمپ میں دوسرے روز اختتامی سیشن میں شیخ الاسلام ڈاکٹر محمد طاہرالقادری نے خصوصی خطاب کیا۔ اس موقع پر چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صاحبزادہ حماد مصطفیٰ قادری، صاحبزادہ احمد مصطفیٰ المدنی، منہاج القرآن انٹرنیشل برطانیہ کے رہنماء ڈاکٹر رحیق احمد عباسی، ڈاکٹر زاہد اقبال، سید علی عباس بخاری اور دیگر رہنماء بھی موجود تھے۔
تحریک منہاج القرآن کے گوشہ درود کی مجلس ختم الصلوۃ علی النبی صلی اللہ علیہ وآلہ وسلم کا اجتماع 3 اگست 2019ء کو مرکزی سیکرٹریٹ میں منعقد ہوا۔ پروگرام میں گوشہ نشینان کے علاوہ منہاج القرآن لاہور کے قائدین و کارکنان کے علاوہ مرکزی قائدین میں ڈائریکٹر ایڈمن جواد حامد، رانا محمد ادریس قادری، راجہ زاہد محمود، سعید اختر قادری، علامہ غلام ربانی تیمور، علامہ لطیف مدنی نے بھی شرکت کی۔
شیخ الاسلام ڈاکٹر محمد طاہرالقادری نے مانچسٹر میں نوجوانوں کی نظریاتی، فکری تربیت اور عصری چیلنجز سے نمٹنے کے حوالے سے منعقدہ الہدایہ کیمپ کے دوسرے اور آخری روز یورپ بھر سے آئے ہوئے نوجوانوں سے خطاب کرتے ہوئے کہا کہ علم، عمل اور نیک نیتی یہ ترقی کے راستے ہیں، اگر علم ہے اور عمل نہیں ہے تو اس کا کوئی فائدہ نہیں ہو گا اور اگر علم بھی ہے، عمل بھی ہے اور نیت بھی نیک ہے تو یہ ایک کامیاب زندگی ہے، ہر شخص کو اپنے آپ سے یہ سوال کرنا چاہے کہ اس کی ذات، علم اور تجربے اور توانائی سے دوسروں کو کیا فائدہ پہنچ رہا ہے؟
تحریک منہاج القرآن کے وفد نے قومی ہاکی ٹیم کے سابق کپتان کوچ اور سٹار اولمپئن خواجہ محمد جنید سے ان کے والد گرامی اولمپئن خواجہ محمد اسلم کے انتقال پر تعزیت کی ہے۔ تحریک منہاج القرآن کا تین رکنی وفد ڈائریکٹر پبلک ریلیشنز شہزاد رسول، منہاج القرآن لاہور کے رہنماء ثاقب بھٹی اور محمد سلیم ڈیفنس لاہور میں خواجہ جنید کی رہائش گاہ پر گیا اور فاتحہ خوانی کی۔ اس موقع پر شہزاد رسول نے خواجہ جنید کیساتھ اظہار تعزیت کرتے ہوئے شیخ الاسلام ڈاکٹر طاہرالقادری کی طرف سے تعزیتی پیغام بھی پہنچایا۔
تحریک منہاج القرآن گھوٹکی کے زیراہتمام جامع مسجد منہاج القرآن گھوٹکی میں درس عرفان القرآن منعقد ہوا، جس میں علامہ محمد محسن قادری منہاجین نے خصوصی خطاب کیا۔ اس موقع پر تحریک منہاج القرآن گھوٹکی کے ضلعی رہنما محمد امین کلوڑ، حلقہ درود انچارج عبدالخالق اور رفقاء و کارکنان نے بڑی تعداد میں شرکت کی۔
تحریک منہاج القرآن کوٹلی آزاد کشمیر کے زیراہتمام منہاج القرآن و جملہ فورمز کے ذمہ داران اور رفقاء کا تنظیمی و تربیتی کیمپ منعقد ہوا، جس میں انجینئر محمد رفیق نجم نائب ناظم اعلیٰ کوآرڈینیشن تحریک منہاج القران، علامہ غلام مرتضیٰ علوی، مرکزی ناظم تربیت نے خصوصی شرکت کی۔
تحریک منہاج القرآن اگڑا ضلع خیرپور کے زیراہتمام درس عرفان القرآن منعقد ہوا، جس میں علامہ محمد محسن قادری منہاجین نے خطاب کیا۔ اس موقع پر تحریک منہاج القرآن خیرپور کے ضلعی رہنما پیر سید ڈنل شاہ، صدر مصطفوی سٹوڈنٹس موومنٹ تحصیل گھمبٹ سید غلام مرتضیٰ شاہ اور رفقاء و کارکنان نے شرکت کی۔
تحریک منہاج القرآن کے مرکزی سیکرٹری اطلاعات نوراللہ صدیقی نے ملتان میں زیرتعمیر جامع مسجد منہاج القرآن اورمنہاج ایجوکیشنل کمپلیکس کا دورہ کیا۔ اس موقع پر مرکزی رہنما عین الحق بغدادی، مرکزی میڈیا کوارڈینیٹر راؤ محمد عارف رضوی اور ضلعی صدر یاسر ارشاد دیوان بھی ان کے ہمراہ تھے۔
تحریک منہاج القرآن جہلم کے ضلعی سیکرٹریٹ کی افتتاحی تقریب 28 جولائی 2019ء کو منعقد ہوئی، اس موقع پر افتتاح کیلئے مرکزی قائدین علامہ محمد ادریس رانا (مرکزی نائب ناظم اعلیٰ تنظیمات شمالی پنجاب)، محمد انعام مصطفوی (ڈپٹی سیکرٹری جنرل منہاج یوتھ لیگ) اور اِرشاد اقبال (زونل ناظمہ منہاج القرآن ویمن لیگ شمالی پنجاب) نے افتتاحی تقریب میں خصوصی شرکت کی۔
تحریک منہاج القرآن لاڑکانہ کے زیراہتمام درس عرفان القرآن امیر تحریک منہاج القرآن اپرسندھ مخدوم ندیم احمد ہاشمی کی زیرصدارت منعقد ہوا، جس میں علامہ محمد محسن قادری منہاجین نے خصوصی خطاب کیا۔
چئیرمین سپریم کونسل منہاج القرآن انٹرنیشنل ڈ اکٹر حسن محی الدین قادری کا منہاج القرآن ڈنمارک کی تنظیمات سے خصوصی ایگزیکٹو سیشن کا اہتمام کیا گیا، جس میں منہاج القرآن ڈنمارک کے تمام فورمز کے ایگزیکٹو شامل ہوئے اور اپنی کارکردگی، حکمت عملی اور مستقبل کے پلان پیش کیے۔
منہاج القرآن انٹرنیشنل ہانگ کانگ کے زیر اہتمام قدوہ الاولیاء پیر سیدنا طاہر علاؤالدین القادری الگیلانی البغدادی رضی اللہ عنہ کے سالانہ عرس کے موقع پر منہاج اسلامک سنٹرکھوائی چنگ میں ماہانہ درس قرآن اور گیارہویں شریف کا پروگرام منعقد کیا گیا۔
منہاج ایجوکیشن بورڈ نے امسال تعلیمی سیشن 2019 کے آغاز میں ہی ڈنمارک میں موجود منہاج القرآن کے تمام مراکز کے لیے نصابی و ہم نصابی اور غیر نصابی سرگرمیوں کا ایک مکمل چارٹ جاری کیا، جس کے مطابق طلباء و طالبات کے لیے بزم منہاج کے ماہانہ پروگرامز سمیت مختلف معلوماتی اور غیر نصابی سرگرمیاں ترتیب دی گئی ہیں۔ اس سلسلہ میں منہاج سکول آف اسلامک سائنسز نے کوپن ہیگن میں 27 جولائی کو سالانہ سپورٹس فیسٹیول 2019ء کا انعقاد کیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی 26 جولائی 2019ء کو ڈنمارک آمد پر منہاج القرآن انٹرنیشنل ڈنمارک کے تمام فورمز کے ایگزیکٹوز کا ایک اہم اجلاس منعقد ہوا۔ جس میں منہاج القرآن انٹرنیشنل ڈنمارک کے تمام فورمز کی طرف سے سالانہ کارکردگی اور آئندہ سال کے اہداف پیش کئے گئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
