سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کی مرکزی نظامت تربیت کے زیراہتمام پڈیانوالہ فاروق آباد ضلع شیخوپورہ میں عرفان القرآن کورس کی تین ماہ کی کلاس کے بعد تقسیم اسناد اور اختتامی تقریب منعقد ہوئی۔ مرکزی ڈائریکٹر کورسز حافظ سعید رضا بغدادی اور کوارڈنیٹر کورسز محمود مسعود قادری اور مجاہد حق نوازنے خصوصی شرکت کی۔ پروگرام میں علاقہ بھر سےخواتین کی کثیر تعداد بھی شریک ہوئی۔ پروگرام میں علامہ عدنان وحید قاسمی، انجنیئر ساجد علی، شفیق اور جمیل نے بھی شرکت کی۔
مؤرخہ 27 اگست 2017 کو منہاج القرآن انٹرنیشنل سپین کے ذیلی مرکز اوسپیتالیت کی تنظیم نو کی حلف برداری کی گئی جس میں قائم مقام صدر محمد اقبال چوہدری نے خصوصی شرکت کی اور نئے منتخب عہدیداران سے حلف لیا، اس کے بعد نماز ظہر تا عصر دوسری سالانہ علم کانفرنس و کوئز مقابلہ کا انعقاد کیا گیا جس میں منہاج القرآن کے رفقاء، کارکنان، عہدیداران اور دور و نزدیک سے کثیر تعداد میں احباب شریک ہوئے۔
منہاج ایجوکیشن سوسائٹی کے زیر اہتمام سالانہ فرید ملت سکالر شپ ایوارڈ دینے کی سالانہ تقریب ’’اینول اسمبلی 2017‘‘ الحمرا ہال لاہور میں 26 اگست 2017ء کو منعقد ہوئی۔ تقریب کی صدارت منہاج القرآن کے صدر اور چیئرمین ایم ای ایس ڈاکٹر حسین محی الدین نے کی۔ سابق وزیر خارجہ خورشید محمود قصوری، سابق گورنر پنجاب چودھری محمد سرور، ممبر قانون ساز اسمبلی آزاد کشمیر غلام محی الدین دیوان اور ایم ڈی منہاج ایجوکیشن سوسائٹی راشد کلیامی مہمان خصوصی تھے۔
منہاج القرآن علماء کونسل واہگہ ٹاؤن کے ناظم مالیات علامہ قاری عبدالمجید چشتی کی صاحبزادی ماریہ مجید نے ساڑھے تین ماہ کی مختصر مدت میں قرآنِ کریم حفظ کرنے کی سعادت حاصل کی ہے۔ جس کے بعد ماریہ مجید دنیائے اسلام کے ان چند افراد میں شامل ہوگئی ہیں جنہوں نے مختصر مدت میں لاریب کتاب مکمل زبانی یاد کی ہے۔ وہ چھٹی جماعت کی طالبہ ہیں اور انہوں نے قاری محمد عمران عباسی کے زیرنگرانی قرآن مجید حفظ کیا۔
تحریک منہاج القرآن کی مرکزی نظامت تربیت کے زیر ِاہتمام جڑانوالہ ضلع فیصل آبادکے نواحی علاقے میں 25 اگست 2017 کوعرفان القرآن کورس کی افتتاحی تقریب منعقد ہوئی۔ جس میں مرکزی کوارڈنیٹر کورسز محمود مسعود قادری اور مجاہد حق نواز نے شرکت کی جبکہ خلیل احمد طاہر، علامہ ریاض اور رانا شکیل مہمانوں میں شامل تھے۔ علاقہ بھر سے علمائےکرام، اساتذہ کرام اور عوام الناس کی بڑی تعداد تقریب میں شریک ہوئی۔
منہاج ویلفیئر فاؤنڈیشن کے ڈائریکٹر سید امجد علی شاہ کا کہنا ہے کہ عید الاضحی 2017ء کے موقع پر ہزاروں چھوٹے بڑے جانور قربان کیے جائیں گے، اجتماعی قربانی کی تیاریاں و انتظامات تکمیل کے آخری مراحل میں داخل ہو چکے ہیں۔ قربانی مہم کے سلسلے میں25 انتظامی کمیٹیاں تشکیل دے دی گئی ہیں۔ بڑے جانوروں میں 10 ہزار سے زائد حصے ڈالے جائینگے۔ 70 فی صد حصوں کی رجسٹریشن مکمل ہو چکی ہے۔ حفظان صحت اور شرعی اصولوں کے مطابق قربانی کیلئے جدید سلاٹر ہاؤس کا انتخاب کیا گیا ہے۔ لاہور میں مرکزی قربان گاہ کے علاوہ ملک بھر میں 2 سو سے زائد مقامات پر اجتماعی قربانی کے مراکز قائم کئے جائینگے۔
پاکستان عوامی تحریک جنوبی پنجاب کے میڈیا کوارڈینیٹر راؤ عارف رضوی اور منہاج انٹرنیٹ بیورو کے رکن محمد یامین مصطفوی کی والدہ مرحومہ کی رسم قل 23 اکست 2017 کو ملتان کے نواحی علاقہ کوٹ عباس شہید کی جامع مسجد عثمانیہ میں ہوئی۔ قل خوانی میں جماعت اہلسنت کے مرکزی رہنما اور جگر گوشہ غزالی زماں حضرت علامہ سید طاہر سعید کاظمی نے خصوصی شرکت کی اور خطاب کیا۔ دیگر مقررین میں علامہ نصیر احمد بابر صدر منہاج القرآن علما کونسل لودھراں، علامہ صدیق احمد سعیدی خانیوال، علامہ مختار علی قادری ناظم منہاج القرآن علما کونسل شہداد پور نے بھی اظہار خیال کیا۔
منہاج القرآن انٹرنیشنل یونان کی مجلس شوریٰ کا اجلاس 13 اگست 2017ء کو اسلامک سنٹر ریندی میں منعقد ہوا۔ اجلاس میں یونان کے مقامی اور ذیلی مراکز کے تمام ممران نے بھرپور شرکت کی۔ اجلاس کا باقاعدہ آغاز تلاوتِ قرآن پاک سے ہوا جسکی سعادت صدر منہاج نعت کونسل یونان سجاد حسین قادری نے حاصل کی جبکہ تیمور عابد ناظم یوتھ لیگ نے نعت مبارکہ پیش کی۔
تحریک منہاج القرآن کی مرکزی نظامت تربیت کے زیرِاہتمام حجرہ شاہ مقیم تحصیل دیپالپور ضلع اوکاڑہ میں ِعرفان القرآن کورس کی افتتاحی تقریب کا اہتمام کیا گیا۔ جس میں مرکز سے ڈائریکٹر کورسز حافظ محمد سعید رضا بغدادی اور کوارڈنیٹر کورسز محمود مسعود قادری نے خصوصی شرکت کی۔ علاوہ ازیں علاقہ بھر سے علمائےکرام، اساتذہ کرام، مخیر حضرات اور مردو خواتین کی کثیر تعداد تقریب میں شریک ہوئی۔
تحریک منہاج القرآن لیہ اور منہاج القرآن یوتھ لیہ کے زیراہتمام درس قرآن کا پروگرام 11 اگست 2017ء کو منعقد ہوا۔ علامہ غضنفر حسنین قادری نے فلسفہ حج کے موضوع پر خطاب کیا۔ منہاج القرآن لیہ کے صدر سجاد شاہ گیلانی، شبیر بھٹی ڈاکٹر عبدالمجیدگرواں، سید سجاد شاہ اور منہاج القرآن یوتھ لیگ لیہ کے صدر حسنین رضا ناصر مصطفوی محمد وقار اور عابد حسین نے بھی پروگرام میں شرکت کی۔ پروگرام میں اہل علاقہ کی کثیر تعداد شریک ہوئی۔
تحریک منہاج القرآن اور پاکستان عوامی تحریک ساہیوال کے زیراہتمام ورکر کنونشن 19 اگست 2017ء کو ہوا۔ ورکرز کنونشن کی صدارت مرکزی نائب ناظم اعلیٰ رانا محمد ادریس نے کی۔ امیر تحریک ضلع سرگودھا ملک غلام حسین جوڑا، پیر معین الحق شاہ، نگران تحریک تحصیل ساہیوال ادریس مغل، صدر تحریک منہاج ڈاکٹر مہر ممتاز اور ناظم تحریک رانا عاصم جلال نے بھی ورکرز کنونشن کے معزز مہمانوں میں شامل تھے۔
منہاج القرآن علماء کونسل گوجرانوالہ کے زیراہتمام علماء کنونشن 20 اگست 2017ء کو ہوا، جس کی صدارت مرکزی صدر علماء کونسل علامہ امداد اللہ قادری اور مرکزی ناظم علامہ میر محمد آصف اکبر قادری نے کی۔ کنونشن میں علماء و مشائخ کی کثیر تعداد نے شرکت کی۔ پروگرام کا آغاز تلاوت و نعت سے ہوا۔ علامہ امداد اللہ قادری اور علامہ میر آصف اکبر نے کنونشن میں خطاب کیا۔
منہاج القرآن النور اسلامک سینٹر کنیٹیکٹ کے زیراہتمام پاکستان کے 70 ویں یوم آزادی کی پروقار تقریب 20 اگست 2017ء کو ''ٹی کے بی'' کنیٹیکٹ کلب میں منعقد ہوئی۔ تقریب سے پہلے یوم آزادی کی خوشی میں ریلی نکالی گئی، جس میں پاکستانیوں اور امریکن لوگوں نے بڑی تعداد میں شرکت کی، ریلی میں شرکاء نے ڈھول کی تھاپ پر سبز ہلالی پاکستانی پرچم لہرائے اور’’پاکستان زندہ باد‘‘ اور’’پاکستان کا مطلب کیا لا الہ الا اللہ‘‘کے نعرے بھی لگا رہے تھے۔
تحریک منہاج القرآن لودھراں کے زیراہتمام درس عرفان القرآن 20 اگست 2017ء کو اسلامک سنٹر لودھراں میں منعقد ہوا۔ علامہ محمد احسان رضوی منہاجین نے پروگرام میں خصوصی خطاب کیا۔ انہوں نے کہا کہ آج معاشرے میں صرف عبادات پر عمل کرنے کے نام اسلام رکھ دیا گیا ہے جبکہ آقائے دوجہاں کی حیات مبارکہ اخلاقیات کا نمونہ ہے۔ آقاؤے دوجہاں نے اعلان نبوت سے پہلے کفار کو اپنے اخلاق کے ذریعے دین حق کا پیغام دیا مگر آج معاشرہ اس تبلیغ دین سے دور ہوتا جا رہا ہے۔
منہاج القرآن انٹرنیشنل نارتھ بیچ ڈربن ساوتھ افریقہ کے زیراہتمام 20 اگست 2017ء کو امیر تحریک مسکین فیض الرحمان درانی کے ایصال ثواب کی محفل اور حلقہ درود کا انعقاد سمندر کنارے واقع پارک پر کیا گیا۔ منہاج القرآن انٹرنیشنل ڈربن کے صدر ایوب طفیل قادری نے درود شریف اور نعت مبارکہ پڑھی جبکہ فقیر محمد نے بھی ثناء خوانی کی۔ اس موقع پر منہاج القرآن انٹرنیشنل کے KZN علامہ محمد طاہر رفیق نے محبت رسول صلی اللہ علیہ وآلہ وسلم کے موضوع پر اظہار خیال کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
