سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القران لاہور کے زیراہتمام تقریب تقسیم ایوارڈز و عشائیہ مؤرخہ 13 مئی 2018 بروز اتوار، شام 7 بجے، مرکزی سیکرٹریٹ لاہور میں منعقد ہوئی۔ تقریب کے مہمان خصوصی چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری تھے۔
تحریک منہاج القرآن کراچی گلشن اقبال کے زیراہتمام تنظیمی تربیتی ورکشاپ کا انعقاد ہوا، جس میں تحریک منہاج القرآن کراچی کے صدر علامہ نعیم انصاری اور ناظم تحریک مرزا جنید علی نے خطاب کیا۔ علامہ نعیم انصاری نے کہا ہے کہ نظریاتی کارکن تحریکوں کا سرمایہ ہیں تحریک منہاج القرآن ایک نظریاتی اور انقلابی تحریک ہے اور اسکے کارکنان عظیم نظریاتی اور انقلابی کارکن ہیں۔
منہاج یونیورسٹی لاہور کے کالج آف شریعہ اینڈ اسلامک سائنسز کے زیراہتمام 21 روزہ اسلامی تربیتی کورس کی اختتامی تقریب 11 مئی کو منعقد ہوئی، جس کی صدارت تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے کی۔ تقریب میں ملک بھر کے مختلف اضلاع سے تعلق رکھنے والے کورس کے طلباء، منہاج القرآن یوتھ لیگ اور ایم ایس ایم کے رہنماؤں نے بھی شرکت کی۔ ڈاکٹر حسن محی الدین قادری نے تقریب سے خطاب کرتے ہوئے کہا کہ نوجوان قرآن و سنت اور اسلامی تاریخ کے مطالعے کو اپنے معمولات زندگی میں داخل کریں
سانحہ ماڈل ٹاؤن کیس میں پراسکیوٹر کی طرف سے پولیس کے گواہوں کو دوران جرح چٹیں دینے پر اے ٹی سی جج نے پراسیکیوٹر پر اظہار برہمی کرتے ہوئے انہیں اس سے سختی سے روک دیا، مستغیث جواد حامد نے اے ٹی سی جج کی توجہ مبذول کروائی کہ پراسیکیوٹر وقار بھٹی مقتولین کی بجائے قاتل پارٹی کا سہولت کار بنا ہوا ہے انہیں اس غیر قانونی اقدام سے روکا جائے۔ جج نے سختی سے روکتے ہوئے کہا کہ دوران جرح صرف اور صرف گواہ بول سکتا ہے کوئی اسے ڈکٹیشن نہیں دے سکتا۔
سانحہ ماڈل ٹاؤن استغاثہ کیس کے سلسلے میں مستغیث جواد حامد کے بیان پر پانچویں روز جرح جاری رہی، پولیس ملزمان کے وکلاء نے سوال کیا کہ ڈاکٹر طاہرالقادری کے طیارے کا رخ کس کے کہنے پر اسلام آباد سے لاہور کی طرف بدلا گیا؟ مستغیث جواد حامد نے کہا مرکز میں ن لیگ کی حکومت میں نواز شریف کے کہنے پر ڈاکٹر طاہرالقادری کے طیارے کا رخ اسلام آباد سے لاہور کی طرف بدلا کیونکہ شیڈول کے مطابق کارکنان کے علم میں تھا کہ ان کے قائد اسلام آباد آرہے ہیں، اس لیے وہ ان کے استقبال کیلئے اسلام آباد ایئرپورٹ جمع ہورہے تھے، حکومت نے گھبرا کر طیارے کا رخ زبردستی لاہور کی طرف موڑ دیا۔
منہاج القرآن یوتھ لیگ یورپ کے صدر اویس اعجاز نے لاہور میں منہاج القرآن انٹرنیشنل کے مرکزی سیکرٹریٹ، منہاج یونیورسٹی لاہور، آغوش کمپلیکس، تحفیظ القرآن انسٹی ٹیوٹ کا دورہ کیا جس میں انہوں نے فرید ملت ریسرچ انسٹیٹوٹ، نظامت امور خارجہ، منہاج ٹی وی، منہاج القرآن یوتھ لیگ، ایم ایس ایم کا دورہ کیا۔
تحریک منہاج القرآن کی سپریم کونسل کے چیئرمین ڈاکٹر حسن محی الدین نے منہاج القرآن ای لرننگ پروگرام کے سکالرز کے تربیتی سیشن سے خطاب کرتے ہوئے کہاکہ علوم دینیہ بالخصوص قرآن پاک کی تعلیم کو عام کرنا بہترین عبادت اور صدقہ جاریہ ہے۔ ہر ذی نفس تک قرآن کی حقانیت کا پیغام پہنچانا وقت کی ناگزیر ضرورت، اسلامی، ملی، قومی ضرورت ہے۔ قرآن امن، محبت اور اعتدال کی تعلیمات سے عبارت ہے۔ انہوں نے کہا کہ یہ ایک حوصلہ افزا بات ہے کہ دنیا کے 28 ممالک میں 500 سے زائد خاندان ای لرننگ پروگرام کے تحت دینی تعلیم حاصل کر رہے ہیں۔
تحریک منہاج القرآن کراچی کے زیراہتمام وابستگی مہم جاری ہے، اس سلسلے میں شہر کراچی کے تمام اضلاع اور پی ایس حلقوں میں وابستگی مہم کیمپ لگائے گئے، جہاں شہریوں نے تحریک منہاج القرآن سے وابستگی اختیار کی۔ اس موقع پر صدر تحریک منہاج القرآن علامہ نعیم انصاری اور ناظم تحریک مرزا جنید علی نے دیگر قائدین کے ہمراہ کراچی کے تمام اضلاع کے کیمپوں کا دورہ کیا اور مقامی تنظیمات اور کارکنان کو مبارکباد پیش کی۔
تحریک منہاج القرآن جہلم کے ضلعی دفتر جادہ میں تحریک منہاج القرآن اور اس کے جملہ فورمز کے عہدیداران کا اجلاس منعقد ہوا جس میں منہاج القرآن ویمن لیگ جہلم کی صدر اور ناظمہ نے شرکت کی۔ اجلاس میں ویمن لیگ کی عہدیداران نے تنظیمی کارکردگی کی رپورٹ پیش کی اور آئندہ کے لائحہ عمل سے آگاہ کیا۔
تحریک منہاج القرآن آئرلینڈ کے زیراہتمام ڈبلن میں منہاج القرآن آئرلینڈ کے جنرل سیکرٹری ڈاکٹر مدثر ثاقب کی رہائش گاہ پر شب برات کی روحانی محفل کا انعقاد کیا گیا جس میں منہاج القرآن آئرلینڈ کے رفقاء و اراکین اور ایگزیکٹو ممبران اور پاکستانی کمیونٹی کے علاوہ آئرلینڈ کی اہم شخصیات نے خصوصی طور پر شرکت کی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے منہاج القرآن ویمن لیگ کے زیراہتمام منعقدہ ’’عرفان الہدایہ ریفریشر کورس‘‘ میں شریک خواتین سے خطاب کرتے ہوئے کہا کہ تحریک منہاج القرآن قرآن و سنت کا علم، امن، رواداری اور احترام آدمیت و تکریم انسانیت پر مبنی پیغام دنیا میں عام کررہی ہے، سوشل میڈیا پر نوجوان طلباء وطالبات اسلام اور پاکستان کی آئیڈیالوجی پر ہونے والے مذموم حملوں کا دفاع بھی کریں اور اسلام کی سچی تعلیمات کے فروغ کیلئے اپنا اسلامی، ملی کردار ادا کریں۔
تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے ضلعی آفس میں ڈاکٹر محمد طاہرالقادری کے دیرینہ ساتھی حاجی نصیراحمد کی یاد میں منعقدہ تعزیتی ریفرنس سے خطاب کرتے ہوئے کہا کہ دنیا چندروزہ ہے، آخر انسان کو اپنے رب کی طرف لوٹ جانا ہے قبر کی زندگی برزقی زندگی ہے یہ زندگی اس ہی کی کامیاب گزرے گی۔
شہدائے ماڈل ٹاؤن کے ورثاء کی طرف سے وکیل اظہر صدیق ایڈووکیٹ نے انسداد دہشتگردی عدالت لاہور میں اے ٹی سی جج سے درخواست کی کہ سانحہ ماڈل ٹاؤن کے حوالے سے پنجاب حکومت نے اصل رپورٹ نہ ورثاء کو فراہم کی اور نہ ہی عدالت میں انہوں نے کہا اے ٹی سی میں بھی جعلی رپورٹ جمع کروائی گئی جس کا سب سے بڑا ثبوت اس رپورٹ کا بغیر دستخط کے ہونا اور فوٹو کاپی کی شکل میں عدالت میں جمع کروایا جانا ہے لہٰذا عدالت اس بات کو یقینی بنائے کہ پنجاب حکومت سانحہ ماڈل ٹاؤن کی جے آئی ٹی کی اصل رپورٹ ہمیں فراہم کرے۔
تحریک منہاج القرآن کے زیراہتمام شب برات کے مقدس و بابرکت موقع پر یکم مئی 2018ء کی رات مرکزی سیکرٹریٹ ماڈل ٹاؤن میں ’’شب التجا‘‘ کے عنوان سے روحانی اجتماع منعقد ہو گا۔ جس میں مشائخ عظام، جید علمائے کرام، نامور قرآء و نعت خوان حضرات شرکت کریں گے۔ دعائیہ محفل میں مرد و خواتین کی کثیر تعداد بھی شرکت کریگی۔ شیخ الاسلام ڈاکٹر محمد طاہرالقادری نے ’’شب برأت‘‘ کے موقع پر اپنے پیغام میں کہا ہے کہ 15 ویں شب شعبان (شب برأت) بخشش اور مغفرت کی رات ہے، اس رات ساری مسلم قوم توبہ، استغفار اور عبادات کرے۔
تحریک منہاج القرآن کے زیراہتمام شب برات کے مقدس و بابرکت موقع پر یکم مئی 2018ء کی شب مرکزی سیکرٹریٹ ماڈل ٹاؤن میں ’’شب التجا‘‘ کے عنوان سے روحانی اجتماع منعقد ہوا، جس سے سفیر یورپ علامہ حافظ نذیر احمد قادری نے خطاب کیا۔ محفل میں مشائخ عظام، جید علمائے کرام، نامور قرآء و نعت خوان حضرات نے شرکت کی، اس دعائیہ محفل میں مرد و خواتین کی کثیر تعداد بھی موجود تھی۔
4M
فیس بک
2M
ٹوٹر
© 1994 - 2026 Minhaj-ul-Quran International.
