سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
کالج آف شریعہ اینڈ اسلامک سائنسز کے سینئر سٹاف ممبر شیخ اللغہ والادب پروفیسر محمد نواز ظفر چشتی نے طویل علالت کے بعد دوبارہ تدریسی خدمات سنبھال لیں ہیں۔ کالج آمد پر طلبہ سال ششم کالج آف شریعہ اینڈ اسلامک سائنسز نے ان کا بھر پور استقبال کرتے ہوئے پھولوں کے ہار پہنائے جبکہ مفتی عبدالقیوم خان ہزاروی نے پھولوں کا گلدستہ بھی پیش کیا۔
تحریک منہاج القرآن کے فورم انٹر فیتھ ریلیشنز اور مسلم کرسچن ڈائیلاگ فورم کے زیراہتمام 28 مارچ 2011ء کو ’’احترام مذاہب کانفرنس‘‘ کا انعقاد کیا گیا۔ جس کی صدارت مرکزی امیر تحریک منہاج القرآن فیض الرحمن درانی نے کی۔ تقریب میں منہاج القرآن کے مرکزی قائدین کے علاوہ عیسائی، ہندو، سکھ اور مختلف مذاہب کے پیروکاروں نے شرکت کی۔
منہاج لائبریری اوسلو کی جانب سے اس سال ماہ میلاد النبی صلی اللہ علیہ وآلہ وسلم کی خوشی میں ایک اچھوتی کاوش کی گئی جس کو ہر شخص نے بہت سراہا۔ میلاد گفٹ پیکج مہم کے ذریعے شیخ الاسلام ڈاکٹر محمد طاہر القادری کی ایک کتاب، DVD، آڈیو سی ڈی، نعت سی ڈی، سکارف، مسواک، تسبیح، تحریک کے تعارف کا کتابچہ، کی رنگ اور خوبصورت گفٹ بیگ شامل تھا۔ اس گفٹ پیک کو خریدنے والوں کے لئے قرعہ اندازی کے ذریعے دو عمرہ کے ٹکٹ بھی رکھے گئے تھے۔
سینئر نائب ناظم اعلیٰ تحریک منہاج القرآن شیخ زاہد فیاض اور امیر پنجاب احمد نواز انجم نے ضلع لودہراں کا تنظیمی دورہ کیا جس میںلودہراں، دنیا پور اور کہروڑ پکا کی تحصیلوں کے عہدیداران حاجی راؤ شمشاد علی کے گھر اکٹھے ہوئے جہاں مرکزی رہنماؤں نے تحریک منہاج القرآن کی جاری سرگرمیوں کا follow up لیا
منہاج پیس اینڈ اینٹی گریشن کونسل یونان کے زیر اہتمام مورخہ 27 مارچ 2011 بروز اتوار شام 6 بجے منہاج القرآن کمیونٹی سنٹر ریندی میں یوم پاکستان سیمینار کی پر وقار تقریب منعقد ہوئی۔ تقریب میں منہاج القرآن یونان کے عہدیداران کے علاوہ یونان بھر کی سیاسی، سماجی اور فلاحی تنظیموں کے عہدیداروں نے شرکت کی۔
منہاج القرآن بادالونا کی تنظیم نو کے سلسلہ میں مورخہ 27 مارچ 2011ء بروز اتوار منہاج اسلامک سنٹر بادالونا میں ایک اہم اجلاس منعقد ہوا جس میں منہاج القرآن بادالونا کے عہدیداران اور وابستگان نے شرکت کی۔ تنظیم نو کے عمل کی نگرانی منہاج القرآن انٹرنیشنل سپین کے مرکزی عہدیداران میں سے مرزا محمد اکرم بیگ (صدر)، نوید احمد اندلسی (جنرل سیکرٹری)، محمد نواز قادری (ناظم مالیات)، حاجی ارشد محمود (صدر مجلس شوریٰ)، محمد نواز کیانی (سرپرست)، ظل حسن قادری (نائب صدر) اور محمد اقبال چودھری (صدر مصالحتی کونسل) نے کی۔
منہاج تحفیظ القرآن انسٹیٹیوٹ مانکیالہ مسلم گوجر خان کے زیر اہتمام مورخہ 27 مارچ 2011ء کو پانچویں سالانہ عظیم الشان محفل میلاد مصطفی صلی اللہ علیہ وآلہ وسلم کانفرنس منعقد ہوئی جس کی صدارت پیر سید صدیق حسین شاہ نے کی۔ محفل میں علاقہ کی معروف، معزز اور مقتدر شخصیات راجہ افتخار حسین بھٹی (ناظم یونین کونسل مانکیالہ)، ڈی ایس پی (ر) عبدالعزیز بھٹی، پروفیسر صاحبزادہ راشد مسعود کلیامی، علامہ محمد صفدر عثمانی (خطیب جامع مسجد مانکیالہ مسلم) اور چودھری محمد ضمیر نے شرکت کی۔
منہاج ایجوکیشن سنٹر اوسلو ناروے میں مورخہ 27 مارچ 2011ء کو یوم پاکستان و سالانہ تقسیم اسناد کی تقریب منعقد ہوئی جس میں فیض محمد کھوسو (ایمبیسیڈر آف پاکستان ناروے) مہمان خصوصی تھے۔ تقریب میں منہاج القرآن ناروے کے جملہ فورمز اور پاکستانی کمیونٹی کی کثیر تعداد نے شرکت کی۔
جاپان میں 11 مارچ کو آنے والے شدید زلزلے اور ہلاکت خیز سونامی کے بعد جاں بحق ہونے والے پاکستانی ایاز محمد سلیم کی نماز جنازہ گزشتہ روز بعد نماز عشاء جاپان میں واقع منہاج القرآن کے مرکز ابارا کی میں ادا کی گئی۔ جس میں ابارا کی، توچگی، سائتاما، چیبا اور ٹوکیو سمیت دیگر علاقوں میں مقیم پاکستانی کمیونٹی کے وسیع حلقوں نے شرکت کی۔
پاکستان عوامی تحریک فرانس کے زیر اہتمام مورخہ 26 مارچ 2011 بروز ہفتہ کو مرکز منہاج القرآن فرانس میں یوم پاکستان جوش وخروش سے منایا گیا۔ تقریب کی صدارت منہاج یورپین کونسل کے امیر علامہ حسن میر قادری نے کی جبکہ پاکستان مسلم لیگ (ن)، پاکستان مسلم لیگ (ق)، پاکستان پیپلز پارٹی اور ورلڈ اسلامک مشن کے عہدیداران نے خصوصی شرکت کر کے قومی یکجہتی کا ثبوت دیا۔
علم و عرفان کی عظیم درسگاہ کالج آف شریعہ اینڈ اسلامک سائنسز میں بزمِ منہاج کے زیرِاہتمام شیخ الاسلام ڈاکٹر محمد طاہرالقادری کی 60 ویں سالگرہ کے حوالے سے منعقد کی جانے والی سالانہ کل پاکستان ہفتہ تقریبات کا آخری پروگرام مورخہ 26 مارچ 2011ء بروز ہفتہ کو منعقد کیا گیا۔ ہفتہ تقریبات کے آخری روز اردو مباحثہ بعنوان : "مجھ سے پہلوں کی ہے غفلت کا نتیجہ میرے حالات" اور "انقلاب قومیں لاتی ہیں لیڈر نہیں" کے عنوان سے مقابلہ مضمون نویسی کا اہتمام کیا گیا۔
منہاج القرآن انٹرنیشنل کوریا کے زیر اہتمام مورخہ 26 مارچ 2011ء بروزہفتہ کو پھاجو سٹی میں محفل میلاد منعقد ہوئی جس میں پاکستانی کمیونٹی کی کثیر تعداد نے شرکت کی جبکہ منہاج ایشیئن کونسل کے امیر محمد جمیل چودھری نے محفل کی صدارت کی۔
تحریک منہاج القرآن دھدو بسراء تحصیل ڈسکہ کے زیراہتمام 26 مارچ 2011ء کو سالانہ غوث اعظم کانفرنس منعقد ہوئی،خصوصی خطاب شیخ الاسلام ڈاکٹر محمد طاہرالقادری کے شاگرد رشید علامہ ثناء اللہ ربانی نے کیا۔
مؤرخہ 25 مارچ 2011ء کو CWC کے اجلاس کے دوران پاکستان عوامی تحریک کی مرکزی ویب سائٹ [http://pat.com.pk] کا افتتاح صدر پاکستان عوامی تحریک صاحبزادہ مسکین فیض الرحمن خان درانی نے کیا۔ جبکہ ناظم اعلیٰ تحریک منہاج القرآن ڈاکٹر رحیق احمد عباسی، جی ایم ملک، جنرل سیکرٹری پاکستان عوامی تحریک انوار اختر ایڈووکیٹ، پاکستان بار کونسل کے وائس چیئرمین لہراب آصف خان ایڈووکیٹ اور تمام شعبہ جات کے سربراہان بھی اس موقع پر موجود تھے۔
شیخ الاسلام ڈاکٹر محمد طاہرالقادری کی 60 ویں سالگرہ کے سلسلے میں منہاج یونیورسٹی لاہور کے کالج آف شریعہ اینڈ اسلامک سائنسز میں "ہفتہ تقریبات" کے دوران مورخہ 25 مارچ 2011ء بروز جمعہ کو مقابلہ اردو مشاعرہ کا انعقاد کیا گیا۔ جس میں مختلف یونیورسٹیز اور کالجز سے طلباء نے شرکت کی۔ پروگرام کے مہمان خصوصی پروفیسر ڈاکٹر علی محمد چوہدری وائس چانسلر منہاج یونیورسٹی لاہور تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
