سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے زیراہتمام یتیم اور بے سہارا بچوں کی کفالت کے عظیم منصوبہ ’’ آغوش‘‘ کے لئے شب و روز محنت کرنے اور اس کی تعمیر کے لئے مالی تعاون کرنے والی تنظیمات اور افراد میں تقسیم اسناد کی ایک پروقار تقریب مورخہ 6 جون 2010ء بروز اتوار کو منہاج القرآن اسلامک سنٹر اٹلی میں منعقد ہوئی جس میں صدر سپریم کونسل منہاج القرآن انٹرنیشنل صاحبزادہ حسن محی الدین قادری مہمان خصوصی تھے۔
منہاج القرآن ویمن لیگ اٹلی کے زیراہتمام مورخہ 6 جون 2010ء بروز اتوار اٹلی کے شہر کارپی میں ورکرز کنونشن منعقد ہوا جس میں صدر سپریم کونسل منہاج القرآن انٹرنیشنل صاحبزادہ حسن محی الدین قادری مہمان خصوصی تھے۔ ورکرز کنونشن میں منہاج ویمن لیگ اٹلی کی جملہ تنظیمات، رفقاء و وابستگان نے کثیر تعداد میں شرکت کی۔
منہاج القرآن انٹرنیشنل کی سپریم کونسل کے صدر صاحبزادہ حسن محی الدین قادری اپنے دورہ یورپ ميں 9 جون کو سپين پہنچيں گے۔ منہاج القرآن انٹرنیشنل کے مرکزی نائب ناظم اعلیٰ شیخ زاہد فیاض اور منہاج ویلفیئر فاؤنڈیشن یورپ کے ڈائریکٹر علامہ اقبال اعظم بھی دورے ميں آپ کے ساتھ ہوں گے۔ لوگرونیا سے آپ کے دورے کا آغاز ہوگا۔ اس کے بعد آپ 10 جون کو بارسلونا اور 11 جون کو بادالونا کا بھي دورہ کریں گے۔
منہاج القرآن فرانس کے ڈائریکٹر علامہ حسن میر قادری کے ہاتھ پرایک سکھ نوجوان اقبال سنگھ نے اسلام کی تعلیمات سے متاثر ہو کر اسلام قبول کیا اور اس کا نیا نام محمد اقبال رکھا گیا۔ اس خوبصورت تقریب میں محمد اقبال کو اسلام کی طرف مائل کرنے والے سیالکوٹ کے ساتھی محمد ذیشان کے علاوہ قاری طاہر عباس، منظور بھٹی، راجہ عابد حسین، راحت حسین، حاجی حنیف مغل او ر امجدحسین بھی شریک تھے۔
منہاج القرآن بريشيا، اٹلي کے زيراہتمام سيرت کانفرنس مورخہ 5 جون 2010ء بروز ہفتہ کو منعقد ہوئي، جس ميں لخت جگر شيخ الاسلام ڈاکٹر محمد طاہرالقادري اور صدر سپريم کونسل منہاج القرآن انٹرنیشنل صاحبزادہ حسن محي الدين قادري، سینئر نائب ناظم اعلیٰ منہاج القرآن شيخ زاہد فياض، صدر منہاج ويلفیئر فاؤنڈیشن حافظ اقبال اعظم اور سيد ارشد شاہ نے خصوصي شرکت کي۔
تحریک منہاج القرآن مغل آباد راولپنڈی کینٹ کے زیراہتمام حلقہ درود شریف 5 جون کی شام محفل حلقہ پی پی 10 کے ناظم دعوت و تربیت محمد زاہد نقشبندی کے گھر میں منعقد ہوئی۔ جس کی صدارت صوفی محمد عارف اعوان نے کی۔ محفل کے مہمان خصوصی امیر محمد خان رہنما تحریک منہاج القرآن ملتان تھے۔
منہاج القرآن انٹرنیشنل (دیز یو) میلان کے وفد نے صاحبزادہ حسن محی الدین قادری کو اٹلی آمد پر خوش آمدید کہا۔ آپ کے ساتھ منہاج القرآن انٹرنیشنل کے سینئر نائب ناظم اعلیٰ شیخ زاہد فیاض اور ڈائریکٹر MWF علامہ حافظ محمد اقبال اعظم بھی تھے۔
مورخہ 4 جون 2010ء بروز جمعۃ المبارک بعد نماز مغرب منہاج القرآن انٹرنیشنل ( دیزیو) میلان اٹلی کے زیر اہتمام تربیتی و تنظیمی کنونشن کا انعقاد کیا گیا جس میں مہمان خصوصی صدر سپریم کونسل صاحبزادہ حسن محی الدین قادری تھے۔ پروگرام میں سینئر نائب ناظم اعلیٰ منہاج القرآن انٹرنیشنل شیخ زاہد فیاض اور ڈائریکٹر MWF علامہ اقبال اعظم نے خصوصی شرکت کی۔
تحریک منہاج القرآن کے گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا 54 واں ماہانہ روحانی اجتماع 3 جون 2010ء کو مرکزی سیکرٹریٹ میں ہوا۔ ماہ جون کے اس پروگرام کی صدارت ناظم اعلیٰ ڈاکٹر رحیق احمد عباسی نے کی۔
منہاج ویلفیئر فاؤنڈیشن تعلیم، صحت اور فلاح عام کے منصوبہ جات پر کام کررہی ہے اور دنیا بھر کے مفلوک الحال اور افلاس زدہ لوگوں کی مددکرنے میں پیش پیش ہے۔ یہ اللہ تعالیٰ کا خاص فضل وکرم ہے کہ MWF پاکستان میں 573 اسکولوں میں تقریباً غریب و متوسط طبقے کے ایک لاکھ 18 ہزار طلبہ و طالبات کو زیور تعلیم سے آراستہ کر رہی ہے اور ہزاروں طلبہ و طالبات ان تعلیمی اداروں میں مفت تعلیم حاصل کر رہے ہیں۔
مورخہ 2 جون 2010 بروز جمعرات کو المصطفیٰ اسلامک سنٹر لمرک آئرلینڈ میں قلب و روح کو جلا بخشنے کے لئے اور قربت رسالت اور نسبت رسول صلی اللہ علیہ وآلہ وسلم کو مستحکم کرنے کے لئے ہفتہ وار گوشہ درود و ذکر کی محفل کا انعقاد کیا گیا۔ محفل کا آغاز اسد غفار نے تلاوت کلام مجید سے کیا جس کا ترجمہ عرفان القرآن سے پیش کیا گیا۔ بعد از تلاوت آقا صلی اللہ علیہ وآلہ وسلم کی بارگاہ میں درود پاک درود پاک کا نذرانہ پیش کیا گیا، تمام احباب نے حلقہ بنا کر سرکار دو عالم صلی اللہ علیہ وآلہ وسلم کے حضور جھوم جھوم کر درود پاک کا ورد کیا۔
مصطفوی سٹوڈنٹس موومنٹ لاہور کے زیراہتمام اسرائیلی بربریت کیخلاف لاہور پریس کلب کے باہر مختلف کالجوں اور یونیورسٹیوں کے سینکڑوں طلبہ نے پر امن احتجاجی مظاہرہ کیا۔ سیکرٹری جنرل مصطفوی سٹوڈنٹس موومنٹ ساجد گوندل نے مظاہرے کی قیادت کی۔ جبکہ لاہور کے صدر عبدالغفار مصطفوی، علی رضا، محمد عمران اور چوہدری عاصم بشیر بھی اس موقع پر موجود تھے۔
منہاج ویلفیئر فاؤنڈیشن ایک بین الاقوامی فلاحی و رفاعی تنظیم ہے جو معاشرے کے پسے ہوئے طبقات کی فلاح و بہبود کے لیے ہر شعبہ زندگی میں مدد و تعاون فراہم کرنے کے لیے پاکستان سمیت دنیا بھر میں کوشاں ہے۔ منہاج ویلفیئر فاؤنڈیشن جہالت، بیماری، غربت، بیروزگاری، محرومی کے خاتمے اور قدرتی آفات اور بحرانوں کے متاثرین کی بحالی کے لیے عملی جدوجہد میں مصروف ہے۔
منہاج القرآن علماء کونسل تحصیل ڈسکہ یونین کونسل نامکے چیمہ کے زیراہتمام گستاخانہ خاکوں کے خلاف پرامن احتجاجی ریلی نکالی گئی۔ ریلی کی قیادت علماء کونسل ناظم تحریک حافظ محمد علی قادری نے کی جبکہ ریلی میں علماء کرام مذہبی کے علاوہ سیاسی اور سماجی شخصیات نے بھی خصوصی شرکت کی۔
منہاج القرآن فرینکفرٹ جرمنی نے بین المذاہب رابطہ کمیٹی کے تعاون سے (جس کی سربراہ ڈاکٹر برگٹاساسن ہیں) فرینکفرٹ کے سب سے بڑے چرچ (فرینکفرٹرڈم)، اس ڈوم کے بازو میں چوتھی منزل پر ایک شاندار کانفرنس مورخہ 31 مئی 2010ء کو منعقد کی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
