سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
وزیراعلیٰ پنجاب کی انسپکشن ٹیم کے کوارڈینیٹر چوہدری محمد احمد چٹھہنے منہاج یونیورسٹی لاہور میںڈپٹی چیئرمین بورڈ آف گورنرز ڈاکٹر حسین محی الدین قادری سے ملاقات کی۔ اس موقع پر تحریک منہاج القرآن گکھڑ کے رہنما اظہر شفیق چودھری، محمد شکیل شفیق، راحیل افضل بھٹی اور اصغر مہر بھی موجود تھے۔ اس موقع پر چودھری احمد چٹھہ نے وفد کے ہمراہ منہاج یونیورسٹی لاہور کے مختلف ڈیپارٹمنٹس کا وزٹ کیا۔ ملکی تاریخ کی پہلی روبوٹیک لائبریری کے وزٹ کے دوران انہوں نے حیرانگی اور مسرت کا اظہار کیا۔
منہاج القرآن انٹرنیشنل کی طرف سے ”سیرتِ نبوی ﷺ کا اصل خاکہ“ کتاب شائع ہو گئی ہے۔ یہ کتاب حضور نبی اکرم صلی اللہ علیہ وآلہ وسلم کے اسوہ کامل کے اسباق پر مشتمل ہے۔ اس کتاب میں حضور نبی اکرم صلی اللہ علیہ وآلہ وسلم کے اخلاقِ حسنہ، منصف و نرم مزاجی، فراخ دلی اور اعتدال و توازن کی صفات کابڑے دلنشیں انداز میں مستند احادیث مبارکہ کے ذریعے احاطہ کیا گیا ہے۔
منہاج القرآن انٹرنیشنل فرانس کے نائب صدر مہر محمد ارشد کے بیٹے اور MQI فرانس کے جنرل سیکرٹری مہر طاہر ارشد کی شادی کی تقریب مرکزی سیکرٹریٹ میں منعقد ہوئی، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔ تقریب میں ڈاکٹر حسن محی الدین قادری اور ڈاکٹر حسین محی الدین قادری نے دولہا مہر طاہر ارشد اور ان کے والد مہر ارشد کو مبارکباد بھی پیش کی۔
صدر منہاج القرآن انٹرنیشنل ڈاکٹر حسین محی الدین قادری کا منہاج کالج برائے خواتین میں منعقدہ 2 روزہ تربیتی نشست کے اختتامی روز خطاب کرتے ہوئے کہا کہ انسانی زندگی میں صبر و تحمل، استقامت اور مستقل مزاجی ہی کامیابی کی ضمانت ہیں۔ انہوں نے کہا کہ کامیاب انسان وہ ہے جو اپنی تخلیق کے مقصد کو پہچان کر اپنی منزل کا تعین کرتا ہے اگر انسان کو اپنا مقصد حیات ہی واضح نہ ہو تو پھر ساری زندگی تگ و دو کر کے بھی سوائے تھکن کے کچھ حاصل نہیں ہوتا۔
منہاج القرآن انٹرنیشنل لندن کی ایگزیکٹیو کونسل نے شیخ حماد مصطفیٰ المدنی القادری کو لندن سکول آف اکنامکس یونیورسٹی سے ماسٹر ڈگری مکمل کرنے پر مبارکباد پیش کی۔ اس سلسلہ میں ایک تقریب کا انعقاد کیا گیا، جس میں منہاج القرآن انٹرنیشنل لندن کی لوکل ایگزیکٹیو کونسل کے ممبران نے شرکت کی، اس موقع پر ممبران نے شیخ حماد مصطفیٰ المدنی القادری کو مبارکباد پیش کرتے ہوئے آپ کے مستقبل کے لیے نیک خواہشات کا اظہار کیا، تقریب میں کیک بھی کاٹا گیا۔
منہاج کالج برائے خواتین لاہور میں طالبات کے لئے دو روزہ تربیتی اعتکاف کی نشست ’’ایام الزھد والورع‘‘ کے پہلے روز محترمہ فضہ حسین قادری نے خصوصی گفتگو کی۔ انہوں نے خطاب کرتے ہوئے کہا کہ عاجزی و انکساری، قیام اللیل، ضبط نفس اور رضائے الہی کے لئے سر انجام دیئے گئے اعمال سے ہی سچی توبہ اور تزکیہ حاصل ہوتا ہے۔ تربیتی نشست کا اہتمام ٹریننگ ڈیپارٹمنٹ کے زیراہتمام طالبات کی روحانی و فکری تربیت کے لئے کیا گیا، جس میں محترمہ فضہ حسین قادری نے گفتگو کرتے ہوئے کہا کہ انسان کو ظاہری نقائص اور تقصیروں سے زیادہ نقصان اس کے باطنی امراض پہنچاتے ہیں۔
ورلڈ گرین رینکنگ میں شامل ہونے پر منہاج یونیورسٹی لاہور کے بورڈ آف گورنرز کے ڈپٹی چیئرمین ڈاکٹر حسین محی الدین قادری نے مثالی خدمت انجام دینے پر منہاج یونیورسٹی لاہور کی ایڈمنسٹریشن بالخصوص وائس چانسلر ڈاکٹر ساجد محمود شہزاد، رجسٹرار، ہیڈ آف ڈیپارٹمنٹس، ڈینز، ڈائریکٹر کیو ای سی اور متعلقہ فیکلٹی ممبرز کو مبارکباد دی ہے۔ انہوں نے اپنے مبارکبادی پیغام میں اس امید کا اظہار کیا ہے کہ یونیورسٹی کی ترقی کیلئے محنت کا یہی جذبہ روا رکھا جائے گا اور یہ محنت ان شاء اللہ یونیورسٹی کے قومی و بین الاقوامی معیار میں مزید بہتری کا سبب بنے گی۔
جگر گوشہ شیخ الاسلام شیخ حماد مصطفی المدنی القادری نے لندن سکول آف اکنامس یونیورسٹی سے Master in International Relations کی ڈگری اعلیٰ امتیازی گریڈ کے ساتھ مکمل کر لی ہے، لندن سکول آف اکنامکس یونیورسٹی کی طرف سے منعقدہ کانووکیشن میں انہیں ڈگری سے نوازا گیا۔ اس اہم اور پر مسرت موقع پر شیخ الاسلام ڈاکٹر محمد طاہرالقادری دامت برکاتہم العالیہ نے شیخ حماد مصطفی المدنی القادری کو اعلیٰ امتیازی گریڈ کے ساتھ ماسٹر ڈگری مکمل کرنے پر مبارکباد دی اور اپنی ڈھیروں دعاؤں سے نوازا۔
ٹریڈرز ایسوسی ایشن وحدت روڈ اور ٹریڈرز ایسوسی ایشن مسلم ٹاؤن کے عہدیداران و تاجر رہنماؤں نے عوامی تاجر اتحاد کی دعوت پر تحریک منہاج القرآن کے مرکزی سیکرٹریٹ کا دورہ کیا۔ ٹریڈرز ایسوسی ایشن وحدت روڈ کے صدر محمد فیاض چودھری کی قیادت میں تاجر رہنماؤں نے ناظم اعلیٰ منہاج القرآن خرم نواز گنڈاپور، چیئرمین عوامی تاجر اتحاد حاجی محمد اسحاق، صدر الطاف رندھاوا، سیکرٹری جنرل راشد چودھری و عوامی تاجر اتحاد لاہور کے صدر نوید بٹ دیگر رہنماؤں سے ملاقات کی۔
منہاج القرآن انٹرنیشنل فرانس کے رہنماء حمید اللہ نے اپنے بیٹے محمد عثمان کے ہمراہ مرکزی چئیرمین سپریم کونسل ڈاکٹر حسن محی الدین قادری سے ان کی رہائش گاہ پر ملاقات کی۔ اس سے پہلے انہوں نے منہاج القرآن انٹرنیشنل کے مرکز کا دورہ کیا اور مرکزی سیکرٹریٹ کے مختلف شعبہ جات، دفاتر، جامع شیخ الاسلام، منہاج یونیورسٹی لاہور اور آغوش کمپلیکس کا بھی تفصیلی وزٹ کیا۔
مصطفوی سٹوڈنٹس موومنٹ کے زیراہتمام مرکزی سیکرٹریٹ میں ضلعی صدور اور ناظمین کیلئے تنظیمی تربیتی ورکشاپ کا انعقاد کیا گیا۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ورکشاپ سے خطاب کرتے ہوئے کہا کہ حضور نبی اکرم صلی اللہ علیہ والہ وسلم بڑی شانوں والے آقا ہیں، آپ ﷺ کی سب سے بلند تر شان آپ کا اعلیٰ اخلاق والا ہونا ہے۔
کالج اف شریعہ اینڈ اسلامک سائنسز منہاج یونیورسٹی لاہور کے سینئیر فارغ التحصیل منہاجینز سکالرز نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر ڈاکٹر حسن محی الدین قادری نے گفتگو کرتے ہوئے کہا کہ پوری تحریک کو کالج آف شریعہ اینڈ اسلامک سائنسز کے فارغ التحصیل سکالرز (منہاجینز) پر فخر ہے جو زندگی کے مختلف شعبہ جات میں پروفیشنلز کی حیثیت سے مثالی خدمت انجام دے رہے ہیں۔
منہاج القرآن انٹرنیشنل کے ناظم سیکرٹریٹ جواد حامد کی والدہ مرحومہ کی برسی کے موقع پر اُن کے ایصالِ ثواب کے لیے محفلِ میلاد النبی ﷺ کا انعقاد کیا گیا۔ محفل میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، نائب صدر بریگیڈیئر (ریٹائرڈ) اقبال احمد خان، علامہ رانا نفیس حسین، سید الطاف حسین شاہ، ناظم اعلیٰ نظام المدارس پاکستان علامہ میر آصف اکبر، نائب ناظم اعلیٰ میڈیا افئیرز نوراللہ صدیقی، ڈائریکٹر منہاج ویلفیئر فاؤنڈیشن سید امجد علی شاہ، میاں زاہد الاسلام، شفقت اللہ قادری، عرفان یوسف، مقصود احمد ملک، علامہ عین الحق بغدادی، ناصر اقبال ایڈووکیٹ و دیگر نے شرکت کی۔ شیخ الاسلام ڈاکٹر محمد طاہرالقادری نے اس موقع پر جواد حامد کی والدہ محترمہ کے لیے بلندئ درجات کی دعا فرمائی۔
منہاج القرآن انٹرنیشنل کے صدر ڈاکٹر حسین محی الدین قادری نے سیرت النبی ﷺ کانفرنس سے خطاب کرتے ہوئے کہا کہ سیالکوٹ واقعہ نے پوری انسانیت کا سر شرم سے جھکا دیا۔ اس واقعہ کے بعد قوم کے ہر فرد کو انتہا پسندی، تنگ نظری اور جہالت کے خاتمے تک اپنا کردار ادا کرنا ہو گا۔ ان عظیم مقاصد کے حصول کی کوششوں کی قیادت ریاست پاکستان کو کرنا ہو گی۔ تعلیم انسان کا زیور ہے، تعلیم و تربیت کے بغیر کسی قوم اور معاشرے کا کوئی مستقبل نہیں۔ انہوں نے اپنے خطاب میں کہا کہ تاریخ میں مسلمان جب بھی زوال کا شکار ہوئے تو وقار کی بحالی کے لئے تعلیم و تحقیق سے رشتہ مضبوط کیا گیا اور حضور نبی اکرم ؐ کی تعلیمات کے ساتھ ٹوٹے ہوئے تعلق کو جوڑا گیا۔
اختتامی روز علماء سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ استاد اور علماء نئی نسل کو تعلیم دینے کے ساتھ ساتھ انہیں ادب اور اخلاق سکھائیں، اختلاف رائے کا مطلب دشمنی اور دنگا فساد نہیں ہوتا۔ ائمہ و محدثین کے درمیان فقہی امور پر اختلاف رائے ہوتا تھا مگر ان کے درمیان ادب و احترام کا رشتہ قائم و دائم رہتا تھا۔ علمی اختلاف پر کبھی قطع تعلق نہیں ہوتا تھا، افسوس آج گردنیں کاٹی جاتی ہیں، اس متشدد رویے کا مصطفوی تعلیمات سے کوئی تعلق نہیں ہے۔ ڈاکٹر حسن محی الدین قادری نے تین روزہ تدریسی ورکشاپ میں شرکت کرنے والے مدرسین و مدرسات، ناظمین و ناظمات کو مبارکباد دی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
