سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
اس موقع پر علامہ صفدر مجید نے قرآن پاک کی آیات کا حوالہ دیتے ہوئے اپنے خطاب میں کہا کہ جو قوم اللہ کے دین کو چھوڑ دے گی اللہ ان کی جگہ ایک ایسی نئی قوم لائے گا جو اللہ سے محبت کرتی ہو اور اللہ ان سے محبت کرے گا اور اگر ہم نے اللہ اور اس کے رسول صلی اللہ علیہ وآلہ وسلم کے دین سے اپنے تعلق کو جوڑے رکھا تو پھر ہم ہی اللہ کے نزدیک محبوب بن کر رہیں گے اسی لیے شیخ الاسلام ڈاکٹر محمد طاہرالقادری نے لوگوں کا دین سے تعلق مضبوط بنانے کا بیڑہ اُٹھایا اور وہ آج کامیابی سے دنیا کے 90 سے زائد ممالک میں پھیلا ہوا ہے۔
محمد اقبال چوہدری نے اپنی مختصراستقبالیہ گفتگو میں تمام اراکین کا گرم جوشی سے شکریہ ادا کیا اور 14 مارچ کو یوم پاکستان کے سلسلہ منعقد ہونے والے کامیاب پروگرام اور تقریب حلف برادری پر مبارکباد پیش کی۔ انہوں نے کہا کہ اگر ہم نے اپنے آغاز کی طرح اپنے سفر میں بھی محنت، لگن اور خلوص کو شامل رکھا تو وہ دن دور نہیں جب عوامی تحریک سپین کی سب سے بڑی، منظم اور مضبوط پاکستانی سیاسی جماعت ہوگی۔
مانچسٹر یونیورسٹی کے شعبہ لسانیات اور بین المذاہب سٹڈی کے برطانیہ، پاکستان، ازبکستان، ترکی، سپین اور جرمنی سے تعلق رکھنے والے طلبہ پر مشتمل وفد نے منہاج القرآن انٹرنیشنل سنٹر مانچسٹر کا دورہ کیا۔ دورے کا مقصد یونیورسٹی کی طرف سے جاری کردہ تحقیقی پروجیکٹ بعنوان ’کثیرالمذاہب برطانوی معاشرے میں مذہبی اداروں کا کردار‘ کی تکمیل تھا۔
تقریب کا آغاز تلاوت قرآن پا ک، نعت رسول مقبول صلی اللہ علیہ وآلہ وسلم اور قصیدہ بردہ شریف سے ہوا۔ پرنسپل منہاج سکول اوسلو علامہ صداقت علی قادری نے شرکاء کو منہاج القرآن انٹرنیشنل ناروے اور منہاج سکول اوسلو کی طرف سے خوش آمدید کہا اور تشریف آوری پر شکریہ ادا کیا۔ منہاج القرآن انٹرنیشنل ناروے کی خوبصورت بلڈنگ کے دوسرے اور تیسرے ہال میں سجائے گئے مینا بازار میں مختلف سٹالز لگائے گئے تھے
تحریک منہاج القرآن ضلع نوشہرو فیروز کے زیراہتمام مورو سٹی میں قائد ڈے کی تقریب کا انعقاد کیا گیا جس میں کارکنان کی کثیر تعداد نے شرکت کی۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ تقریب کے مہمان خصوصی ناظم اعلی تحریک منہاج القرآن شیخ زاہد فیاض، راجہ ندیم تھے، علاوہ ازیں سعید میمن صدر تحریک منہاج القرآن تحصیل مورو، ناظم شاہ صدر تحریک منہاج القرآن تحصیل نوشہرو فیروز، علی رضا بگھیو صدر پاکستان عوامی تحریک بھان سعید آباد، منہاج القرآن ویمن لیگ کی عہدیداران اور تحصیل دریا خان کے کارکنان بھی شریک تھے۔
قونصلر جنرل ڈاکٹرامتیاز احمد قاضی نے اپنے خیالات میں بھائی چارے کی فضا قائم رکھتے ہوئے جرمن کمیونٹی سے تعلقات استوار کرنے پر زور دیا۔ انہوں نے ملکی حالات پر بات کرتے ہوئے کہا کہ یمن میں جاری حالیہ بحران پر گورنمنٹ گہری نظر رکھے ہوئے ہے اور وہاں پر پھنسے ہوئے پاکستانیوں کو نکالنے کے لیے حکومت نے عملی اقدامات شروع کر رکھے ہیں۔
منہاج ویلفئیر فاؤنڈیشن کی اعلیٰ سطحی ٹیم نے ڈائریکٹر منہاج ویلفئیر فاؤنڈیشن سید امجد علی شاہ اور پروجیکٹ مینیجر منہاج ویلفئیر فاؤنڈیشن برطانیہ عدنان سہیل کی قیادت میں تھر پارکر کے قحط زدہ علاقوں کا دورہ کیا۔ دورے کا مقصد تھر پارکر میں امدادی سرگرمیوں اور مسقتل بنیادوں پر پانی کی فراہمی کے منصوبہ جات کے لئے سروے کر کے معلومات اکٹھی کرنا تھا۔ ان معلومات کی روشنی میں منہاج ویلفئیر فاؤنڈیشن تھرپارکر کے مکینوں کے لئے پینے کا صاف پانی، تعلیم اور صحت کے منصوبہ جات شروع کروائے گی۔
پاکستان عوامی تحریک یوتھ ونگ کے زیراہتمام منعقدہ آل پارٹی یوتھ امن سیمینار سے خطاب کرتے ہوئے چیئرمین سپریم کونسل تحریک منہاج القرآن ڈاکٹر حسن محی الدین نے کہا کہ 67 فیصد ملکی یوتھ کی کیریئر کونسلنگ اور ہیومین ڈویلپمنٹ کیلئے کوئی بجٹ ہے نہ وزارت۔ زبانی جمع خرچ کا نتیجہ ہے کہ 67 فیصد نوجوان لا تعداد نفسیاتی مسائل کا شکار ہو چکے ہیں، دہشت گردی اور سنگین جرائم میں اضافہ نوجوانوں کی تربیت سے منہ موڑنے کا نتیجہ ہے۔
گلوبل آگاہی مشن USA کے چیئرمین ڈاکٹر لیف ہیٹلنڈ نے ڈائریکٹر انٹرفیتھ ریلشنز منہاج القرآن انٹرنیشنل کی دعوت پر شریعہ کالج منہاج یونیورسٹی کے وزٹ پر آئے۔ اس موقع پر انہوں نے ’’بین المذاہب رواداری اور قیام امن‘‘ کے موضوع پر طلبہ سے اظہار خیال کرتے ہوئے کہا کہ عصر حاضر میں مذاہب کے مابین بہتر تعلقات اور انسانی اقدار کے فروغ کی اشد ضرورت ہے۔ انہوں نے کہا کہ محبت دنیا کی سب سے بڑی طاقت ہے جو خالق کائنات نے انسان کو عطا کی ہے۔ انہوں نے عالمی سطح پر شیخ الاسلام ڈاکٹر محمد طاہرالقادری کی قیام امن کے لیے عملی کاوشوں کو خراج تحسین پیش کیا۔
تحریک منہاج القرآن میرپور خاص ڈویژن کے زیراہتمام ڈاکٹر طاہرالقادری کے 64 ویں یوم پیدائش کے موقع پر قائد ڈے تقریب کا انعقاد کیا گیا جس میں کارکنان کی کثیر تعداد نے شرکت کی۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ تقریب کے مہمان خصوصی ناظم اعلی تحریک منہاج القرآن شیخ زاہد فیاض، راجہ ندیم اور صوبائی امیر سندھ مخدوم ندیم احمد ہاشمی تھے، علاوہ ازیں نائب صدر پاکستان عوامی تحریک سندھ ممتاز رضا سیال، صدر تحریک منہاج القرآن میرپور خاص سید عدنان شاہ، صدر تحریک منہاج القرآن کھپرو سید زاہد علی شاہ بھی شریک تھے۔
منہاج ویمن لیگ بادالونا (سپین)کی صدر محترمہ سعیدہ بیگم کے شوہر اور منہاج نعت کونسل سپین کی انچارج محترمہ طیبہ سرور کے والد محترم حاجی محمد سرور طاہر 19 مارچ 2015ء کو رضائے الٰہی سے بادالونا (سپین) میں انتقال کر گئے۔ان کی وفات پر منہاج القرآن انٹرنیشنل سپین اور منہاج ویمن لیگ سپین کے جملہ عہدیداران نے اہل خانہ سے تعزیت کی اور 25 مارچ کو سانتا کولوما (سپین) میں ان کی نماز جنازہ میں شرکت کی۔مرحوم کی تدفین ضلع گجرات کے قریب واقع ان کے آبائی گاؤں شادیوال میں 29 مارچ 2015ء بروز اتوار اداء کی جائے گی۔ مرحوم کے گھر والوں کی طرف سے ان کی مغفرت کے لیے دعا کی درخواست کی گئی ہے۔
منہاج القرآن انٹرنیشنل سوشل ویلفیئر سوسائٹی کویت کے صدر حاجی عبد الرشید نے سفارتخانہ اسلامی جمہوریہ پاکستان کویت میں تقریبِ یومِ پاکستان میں شرکت کی۔ وفد میں احمد حسین چوہدری، منیر احمد گوجر، محمد ارشد گجر اور حاجی عبد الرشید عباسی شامل تھے۔ اس موقع پر حاجی عبد الرشید نے اظہار خیال کرتے ہوئے کہا کہ 1947 میں قیادت اور قوم دونوں تھیں تو پاکستان معرض وجود میں آیا، لیکن افسوس کہ آج مخلص قیادت تو موجود ہے لیکن قوم نہیں ہے۔ 68 سال کی نام نہاد جمہوریت اور آمریت نے اس وطن کو افراد کا ہجوم تو دیا لیکن انہیں یوں محکوم رکھا کہ آج تک قوم نہ بن سکی۔
پاکستان عوامی تحریک کے رہنما میڈیا کوآرڈینیٹر غلام علی خان نے آل پارٹیز کانفرنس سے خطاب کرتے ہوئے کہا کہ پچھلے پانچ سالہ دور اور موجودہ دو سالہ دور میں جمہوریت کے دعوے کرنے والوں نے بلدیاتی الیکشن نہ کروا کر جمہوریت کش اقدام کیا ہے۔ راولپنڈی کے عوام نے کبھی بھی میٹرو بس منصوبے کی ڈیمانڈ نہیں کی اور نہ ہی عوام کو میٹرو بس کی ضرورت ہے۔ میٹرو بس منصوبہ عوام پر مسلط کیا گیا۔ انہوں نے کہا کہ ن لیگ نے عوام پر بلدیاتی اداروں کے دروازے بند کیے اور سرکاری ایڈمنسٹریٹرز کے ذریعے لوٹ مار کی انتہا کی۔
ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے وفد کے ہمراہ نیو دہلی (انڈیا) میں واقع بہائی فیتھ کی معروف عبادت گاہ کنول مندر (Lotus tample) اور سکھ مذہب کے سب سے بڑے گوردوارےگوردوارہ بنگلہ صاحب اور گوردوارہ رکاب گنج کا وزٹ کیا۔ وفد میں ڈائریکٹر انٹرفیتھ ریلیشنز سہیل احمد رضا (ممبر متروکہ وقف املاک بورڈ وزارت مذہبی امور و اقلیتی امور حکومت پاکستان) کے ہمراہ راجہ زاہد محمود صدر پاکستان عوامی تحریک پنجاب، محمد رضوان قادری سیکرٹری جنرل تحریک منہاج القرآن نیو دہلی، جنید خان کوآرڈینیٹر انٹرفیتھ ریلیشنز نیو دہلی عبدالحمید خان (شان بھائی)، سید ناد علی صدر تحریک منہاج القرآن بڑودھ (گجرات)بھی تھے۔
مرکزی سیکرٹری جنرل خرم نواز گنڈاپور نے سانحہ ماڈل ٹاؤن کے خلاف احتجاجی ریلی سے خطاب کرتے ہوئے کہا کہ پنجاب کے موجودہ حکمران ہمارے 14 بے گناہ کارکنوں کے قاتل ہیں، جوڈیشل کمیشن نے بھی ماڈل ٹاؤن قتل و غارت گری کا ذمہ دار پنجاب حکومت کو ٹھہرایا، قاتل حکمرانوں اور قاتل پولیس کے نمائندوں پر مشتمل جے آئی ٹی قبول نہیں۔ ماڈل ٹاؤن قتل و غارت گری کے مرکزی کردار رانا ثناء اللہ کو ڈپٹی وزیراعلیٰ اور ڈاکٹر توقیر کو سفیر بنا دیا گیا۔ انہوں نے کہا کہ پاکستان عوامی تحریک کے سربراہ ڈاکٹر طاہرالقادری کا شہداء کے خون کا قصاص لینے اور جے آئی ٹی کی تشکیل کے حوالے سے جو موقف پہلے روز تھا وہی آج ہے۔
4M
فیس بک
2M
ٹوٹر
© 1994 - 2026 Minhaj-ul-Quran International.
