سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل نیو جرسی امریکہ کے زیراہتمام منہاج القرآن ایجوکیشنل اینڈ کلچرل سینٹرنیوجرسی میں خواتین کی تعلیم وتربیت کے لئے آئیں دین سیکھیں کورس کا آغاز 8 مارچ 2014ء سے کیاگیا۔ کورس کی افتتاحی تقریب میں گیارہ خواتین نے شرکت کی جس کا انتظام عطیہ باجی اور ثمینہ باجی نے بڑی محنت کے ساتھ کیا۔ افتتاحی کلاس کا آغاز درود وسلام سے کیاگیا۔ ڈائریکٹر منہاج القرآن سینٹر نیوجرسی علامہ محمد شریف کمالوی نے آئیں دین سیکھیں کورس کا مکمل تعارف کروایا۔
QTV کے ذریعے شیخ الاسلام ڈاکٹر محمد طاہرالقادری اور تحریک منہاج القرآن کے پیغام کو برصغیر کے کونے کونے تک پہنچانے پر منہاج القرآن انٹرنیشنل ہمیشہ حاجی عبدالرزاق مرحوم کا احسان مند رہے گا۔ ARY News کے بانی چیئرمین حاجی عبدالرزاق یعقوب مرحوم کی روح کے ایصال ثواب کے لئے منہاج القرآن انٹرنیشنل ڈنمارک کے زیر اہتمام منہاج اسلامک سنٹرکوپن ہیگن میں قرآن خوانی و نعت خوانی کی محفل کا اہتمام کیا گیا۔
منہاج القرآن انٹرنیشنل سپین کی تنظیم نو کے نتیجہ میں نوید احمد اندلسی 6 سال سیکرٹری جنرل کی ذمہ داری پر فائز رہنے کے بعد تنظیم کے نائب صدرمقرر کر دیئے گئے ہیں جبکہ بلال یوسف نے گزشتہ ہفتے باضابطہ طور پر سیکرٹری جنرل کی حیثیت سے اپنی ذمہ داریاں سنبھال لی ہیں
منہاج القرآن انٹرنیشنل نیوجرسی امریکہ کے زیراہتمام 7 مارچ 2014ء کو منہاج القرآن ایجوکیشنل اینڈ کلچرل سینٹرمیں ماہانہ حلقہء درود وفکر کا انعقاد کیا گیا۔ مجلس کا آغاز نماز عشاء کے فوری بعد کیاگیا۔ پروگرام کا شیڈول بتاتے ہوئے ڈائریکٹر منہاج القرآن سینٹر نیوجرسی علامہ محمد شریف کمالوی نے کہا کہ جس طرح دنیا بھر میں منہاج القرآن انٹرنیشنل کے زیراہتمام حلقات درود وفکر منعقد کئے جارہے ہیں یہ مجلس بھی اسی کی ایک کڑی ہے۔
منہاج القرآن ویمن لیگ حلقہ پی پی 10-A راولپنڈی کی تنظیم نو کے سلسلے میں اجلاس باجی نورین ریاست کے گھر الہ آباد، پشاور روڑ منعقد ہوا۔ جس کی صدرات منہاج القرآن ویمن لیگ راولپنڈی کی صدر محترمہ گل رعنا نے کی، جبکہ ویمن لیگ کی دیگر عہدیداران کے علاوہ پی پی حلقہ سے بھی خواتین نے شرکت کی۔
تحریک منہاج القرآن رحیم یار خان کے زیراہتمام حاجی عبد الرزاق یعقوب چیئرمین ARY News کے ایصال ثواب کے لیے قرآن خوانی کا انعقاد کیا گیا۔ جس میں تحریک منہاج القرآن کے جملہ فورمز کے عہدیداران وکارکنان نے شرکت کی۔ تقریب کے اختتام پر مرحوم کی بخشش ومغفرت کے لیے خصوصی دعا کی گئی۔
رائیٹ ریورنڈ بشپ ٹونی رابنسن چیئرمین پاکستان فوکس گروپ آف آرچ بشپ آف کنٹربری چرچ آف انگلینڈ سے پیس سنٹر لاہور میں ڈائریکٹر انٹرفیتھ ریلیشنز منہاج القرآن سہیل احمد رضا نے ڈاکٹر جیمز چنن کے ہمراہ ملاقات کی اور انہیں پاکستان میں مسلم مسیحی تعلقات کے مختلف پہلوؤں سے آگاہ کیا۔ انہوں نے دونوں عالمگیر مذاہب کے مابین معاشرتی وسماجی مشترکات کو اجاگر کرنے کے علاوہ مذہبی رواداری کے فروغ اور باہمی مکالمے کے کلچر کو عام کرنے کی ضرورت پر زور دیا۔ سہیل احمد رضا نے عالمی قیام امن ومحبت کے حوالے سے تحریک منہاج القرآن کی کاوشوں سے مہمانوں کو آ گاہ کیا۔
علامہ محمد شکیل ثانی( ڈائریکٹر منہاج القرآن انٹرنیشنل جاپان) نے سیدہ کائنات کانفرنس سے خطاب کرتے ہوئے کہا کہ سیدہ کائنات تو مجسمہ شرم وحیا ہیں وہ تووارث چادر تطہیر ہیں، ان کا نام لینے کے لئے زبان کا وضو چاہیئے کیونکہ پردہ ان کا زیور تھا۔
کھاریاں، سوشل میڈیا ٹریننگ کیمپس برائے رضاکاران
مورخہ 04 مارچ 2014ء کو لاہور میں منہاج القرآن انٹرنیشنل کے مرکزی سیکرٹریٹ پر زونل ناظمین کا اجلاس منعقد ہوا۔ اجلاس کی صدارت مرکزی صدر پاکستان عوامی تحریک شیخ زاہد فیاض نے کی، جبکہ جملہ مرکزی فورمز کے صدور و ناظمین اور پاکستان بھر سے آئے ہوئے زونل ناظمین بھی اس موقع پر موجود تھے۔ اجلاس کے دوران ڈائریکٹر منہاج انٹرنیٹ بیورو عبدالستار منہاجین نے سوشل میڈیا کیمپس کے حوالے سے پریزنٹیشن دی، جس میں انہوں نے سوشل میڈیا کا استعمال اور مصطفوی مشن کے فروغ سلسلے میں سوشل میڈیا کی اہمیت کو اجاگر کیا۔
مؤرخہ 02 مارچ 2014ء بروز اتوار پاکستان عوامی تحریک ڈسٹرکٹ پاکپتن کے زیراہتمام مہنگائی، کرپشن، بے روزگاری اور فراڈ نجکاری کے خلاف 16 مارچ کو پاکپتن شریف میں نکالی جانے والی احتجاجی ریلی کے حوالہ سے ایک اہم اجلاس تحصیل ہیڈ کواٹر پاکپتن شریف میں ہوا۔ اجلاس میں پاکپتن شریف کے تمام ضلعی وتحصیلی عہدیداران کے علاوہ تحصیل نور پور اور تحصیل عارف والہ کے عہدیدارن شریک ہوئے۔
تحریک منہاج القرآن کے زیراہتمام حاجی عبدالرزاق یعقوب مرحوم ARY News کے ایصال ثواب کے لیے نوشہرہ وادئ سون میں تلاوت قرآن مجید، محفل نعت اور دعائیہ تقریب منعقد کی گئی، جس میں تحریک منہاج القرآن، پاکستان عوامی تحریک اور ایم ایس ایم کے عہدیداران وکارکنان نے شرکت کی۔ محفل کے اختتام پہ حاجی عبدالرزاق یعقوب کی بخشش ومغفرت اور بلندئ درجات کے لیے خصوصی دعا کی گئی۔
ڈائریکٹر انٹرفیتھ ریلیشنز سہیل احمد رضا نے لایولا ہال سمپوزیم لاہور میں شرکت کی جس کا موضوع ''انسانی اقدار اور ماحولیاتی تحفظ'' تھا۔ اس تقریب میں مختلف مذہبی وسیاسی رہنماؤں کے علاوہ غیر ملکی سکالرز جن میں ڈاکٹر کرسچن ٹرال جرمنی، ڈاکٹر تھامس ہالینڈ، ڈاکٹر جان برین آسٹریلیا، فادر لیم آئرلینڈ نے بھی شرکت کی۔ ڈائریکٹر انٹرفیتھ ریلیشنز نے اظہار خیال کرتے ہوئے کہا کہ اسلام دین فطرت ہے اور وہ انسان کی معاشرتی زندگی کی تمام ضروریات کو پورا کرنے کے علاوہ ماحول کو پاک صاف رکھنے اور صفائی پر خاص زور دیتا ہے۔
پاکستان عوامی تحریک رحیم یار خان کے زیراہتمام مہنگائی، کرپشن، غیر آئینی نجکاری اور دہشت گردی کی مذمت میں احتجاجی ریلی 2 مارچ کو خانپور اڈا سے ریلوے چوک تک نکالی گئی جس کی صدارت مرکزی صدر PAT شیخ زاہد فیاض نے کی۔ ریلی کے شرکاء سے خطاب کرتے ہوئے انہوں نے کہا کہ موجودہ حکومت کے چھ ماہ عوام کیلئے بہت گراں گزرے ہیں۔ بیرونی قرضوں، مہنگائی، دہشت گردی اور بیروزگاری کی شرح میں اضافہ ہوا۔ موجودہ حکمرانوں کے پاس قوم کو ان مسائل سے نجات دلانے کیلئے نہ کوئی حکمت عملی ہے نہ صلاحیت ہے۔ جعلی مینڈیٹ، بدترین دھاندلی اور فرسودہ نظام انتخاب کے ذریعے اسمبلیوں میں پہنچنے والے دونوں ہاتھوں سے ملک کو لوٹ رہے ہیں، ایسے میں نجات کا راستہ فقط انقلاب ہے۔
مورخہ 3 مارچ 2014ء بروز سوموار منہاجینز کوآرڈنیشن کونسل کا اجلاس صدر منہاجینز رانا محمد ادریس قادری کی صدارت میں منعقد ہوا، صدر منہاجینز علامہ رانا محمد ادریس نے کہا کہ مصطفوی انقلاب ان شاء اللہ ہماری منزل ہے اور اس منزل کو حاصل کرنے کیلئے منہاجینز کو اپنا کلیدی کردار ادا کرنا ہے۔ انہوں نے کہا کہ پاکستان میں ظلم و بربریت، دہشت گردی اور فرسودہ نظام سے نجات کا واحد حل وہی ہے جو ڈاکٹر طاہرالقادری نے اس قوم کو دیا ہے۔ تمام منہاجینز اپنے اپنے علاقے میں اپنی سرگرمیاں کو مصطفوی انقلاب کے لئے تیز کر دیں۔
4M
فیس بک
2M
ٹوٹر
© 1994 - 2026 Minhaj-ul-Quran International.
