سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
صدر MQI سویڈن سید محمود شاہ (منہاجین) نے 14جولائی2018 کو ماڈل ٹاون میں تحریک کے مرکزی سیکرٹریٹ کا وزٹ کیا اور منہاجینز کی ایگزیکٹو باڈی سے ملاقات کی۔ صدر منہاجین ڈاکٹر ابوالحسن الازہری، محمد جواد حامد (نائب صدر منہاجین)، شہزاد رسول قادری (جنرل سیکرٹری منہاجین)، محمد مشتاق (کوآرڈینیٹر منہاجین)، محمد وسیم افضل (کوآرڈینیٹر منہاجین بیرون ممالک)، علامہ غلام ربانی تیمور، سعید اختر اور نعیم الدین ایڈووکیٹ بھی اس موقع پر موجود تھے۔
پاکستان عوامی تحریک و تحریک منہاج القرآن کے عظیم رہنما ڈاکٹر رحیق عباسی کے چھوٹے بھائی،عمرریاض عباسی کے بہنوئی خلیق عباسی کے ایصال ثواب کیلئے دعائیہ تقریب ان کے آبائی گاوں مری کے علاقے گھوئی میں منعقدہ ہوئی۔ دعائیہ تقریب سے خطاب کرتے ہوئے مرکزی ناظم اعلی منہاج القرآن علماء کونسل حضرت پیر سیدفرحت حسین شاہ نے کہا ہے کہ ڈاکٹر رحیق عباسی اوران کے خاندان کی تحریک منہاج القرآن اور پاکستان عوامی تحریک کے لئے لازوال قربانیاں ہیں۔
تحریک منہاج القرآن کے قائد شیخ الاسلام ڈاکٹر محمد طاہرالقادری دورہ یورپ میں سپین کے شہر بارسلونا پہنچ گئے، بارسلونا ائیرپورٹ پر سپین تنظیم کے عہدیداروں اور کارکنوں نے آپ کا پرتپاک استقبال کیا، اس موقع پر استقبال کے لیے آنے والے کارکنان و عہدیداروں نے ڈاکٹر طاہرالقادری کو پھول پیشے کیے اور خوش آمدید کہا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری، صاحبزادہ حماد مصطفیٰ المدنی اور صاحبزادہ احمد مصطفیٰ العربی بھی آپ کے ساتھ تھے۔
پاکستان عوامی تحریک کے سینئر رہنما، سنٹرل کور کمیٹی کے ممبر ڈاکٹر رحیق احمد عباسی کے بھائی اور عمر ریاض عباسی کے بہنوئی خلیق عباسی رضائے الٰہی سے انتقال کر گئے، پاکستان عوامی تحریک کے سربراہ ڈاکٹر محمد طاہرالقادری نے خلیق احمد عباسی کے انتقال پر گہرے رنج و غم کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحوم کی مغفرت اور درجات بلند فرمائے، انہوں نے کہا کہ مرحوم نیک اور پرہیزگار انسان تھے تحریک منہاج القرآن کیلئے گراں قدر خدمات دیں۔
پاکستان عوامی تحریک کے سربراہ ڈاکٹر طاہرالقادری نے پشاور میں اے این پی کی کارنر میٹنگ میں دھماکے کی پر زور مذمت کی ہے۔ انہوں نے کہا کہ نیشنل ایکشن پلان کو بالائے طاق رکھ کر قومی سلامتی کو داؤ پر لگانے والے ایسے حادثات کے ذمہ دار ہیں، قومی سلامتی کا تقاضا ہے کہ دہشت گردوں کے سیاسی سرپرستوں اور ان کے سہولت کاروں کے ساتھ آہنی ہاتھوں کے ساتھ نمٹا جائے، دہشت گردوں کو کھلی چھوٹ دینے والے قوم کے سامنے جواب دہ ہیں۔
منہاج القرانانٹرنیشنل بریشاء کے ڈائریکٹر علامہ سید غلام مصطفی مشہدی کے والد گرامی سید عاشق حسین شاہ کے ایصال ثواب کے لیے تعزیتی محفل کا انعقاد کیا گیا۔ محفل میں بریشاء اور گردونواح سے شرکاء نے بڑی تعداد میں شرکت کی۔ پروگرام میں علامہ حافظ آصف محمود ڈائریکٹر مرکز السلام کوریجو، علامہ وقار احمد قادری ڈائریکٹر منہاج القرآن کارپی نے خطاب کیا۔
شیخ الاسلام ڈاکٹر محمد طاہرالقادری کے دورہ یونان پر کارکنان کیساتھ افتتاحی نشست ایتھنز میں منعقد ہوئی، جس میں یونان میں پاکستانی سفیر خالد عثمان قیصر مہمان خصوصی تھے۔ پروگرام میں شیخ الاسلام نے ’’انسان کی اخلاقی و روحانی ترقی’’ کے موضوع پر خطاب کیا۔ اس موقع پر منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری اور صاحبزادہ حماد مصطفیٰ المدنی بھی اسٹیج پر موجود تھے۔ انہوں نے کہا کہ آج پوری دنیا کو امن کی ضرورت ہے لیکن عالم کو اس وقت تک امن نہیں مل سکتا، جب تک انسانی معاشرے میں امن نہ ہو، انسانی معاشرے پرامن ہوں گے تو پوری دنیا پرامن بن جائے گی۔
تحریک منہاج القرآن کے ضلعی صدرسید ہدایت رسول قادری نے کہاکہ پاکستان کی تاریخ میں پہلی بار طاقتور اشرافیہ کے خلاف فیصلہ آیا ہے ہم اس کا خیر مقدم کرتے ہیں۔ احتساب عدالت کا فیصلہ قانون کی بالادستی اور سیاسی مافیا کی شکست ہے۔ انہوں نے پی پی حلقہ جات کے عہدیداران کے اجلاس سے خطاب کرتے ہوئے کیا۔ اجلاس میں اللہ رکھا نعیم، رانا رب نواز انجم، رانا طاہر سلیم، میاں کاشف محمود، غضنفر علی، حافظ محمودالحسن، غلام محمد قادری اور میاں امجد قادری بھی موجود تھے۔
منہاج القرآن انٹرنیشنل کینیڈا کے زیراہتمام عید ملن پارٹی 7 جولائی 2018ء کو Rowville Park میں منعقد ہوئی، جس میں کارکنان، فیملیز اور بچوں نے شرکت کی۔ عید فیسٹیول میں شرکاء کے لیے ہلکے پھلکے فن پروگرامز کے علاوہ یوتھ اور سینئرز کے درمیان کرکٹ میچ بھی کھیلا گیا۔
منہاج القرآن انٹرنیشنل لندن ساوتھ زون کے زیراہتمام 6 جولائی 2018ء کو ورکرز کی تربیتی نشست کا اہتمام کیا گیا، جس میں شیخ الاسلام ڈاکٹر محمد طاہرالقادری نے خصوصی خطاب کیا۔ تربیتی نشست میں ڈاکٹر حسن محی الدین قادری، صاحبزادہ حماد مصطفیٰ المدنی، ڈاکٹر زاہد اقبال اور منہاج القرآن انٹرنیشنل برطانیہ کے قائدین بھی موجود تھے۔ لندن پہنچنے پر میڈیا سے گفتگو کرتے ہوئے ڈاکٹر طاہرالقادری نے کہا کہ سانحہ ماڈل ٹاون میں حصول انصاف کے لیے شہداء کیساتھ کھڑے ہیں۔
شیخ الاسلام ڈاکٹر محمد طاہرالقادری مؤرخہ 6 جولائی 2018 کو یونان میں ایتھنز ائیرپورٹ پہنچے، چیئرمین سپریم کونسل ڈاکٹر حسن محی الدین قادری، حماد مصطفیٰ المدنی بھی آپ کے ہمراہ تھے۔ ایئرپورٹ پر عہدیداران و کارکنان نے آپ کا پرتپاک استقبال کیا، اس موقع پر منہاج القرآن انٹرنیشنل یونان کے صدر محمد اسلم چوہدری، ناظم محمد شاہد بٹ کی قیادت میں منہاج القرآن انٹرنیشنل یونان کے عہدیدران اور ذیلی مراکز کے صدور، ناظمین، خطباء اور کارکنان کی بڑی تعداد ائیرپورٹ پر موجود تھی۔
ڈاکٹر طاہرالقادری نے کہا کہ عوامی تحریک، تحریک منہاج القرآن، اس کے ذیلی فورمز کے کسی عہدیدار یا ممبر نے سانحہ ماڈل ٹاؤن کے قاتلوں کے ٹکٹ ہولڈرز سے پاکستان بھر میں کسی بھی حلقے میں بلواسطہ یا بلاواسطہ تعاون کی کوشش کی تو سخت ایکشن ہو گا، یہ پالیسی میٹر ہے، اس ضمن میں کسی اگر مگر کو قبول نہیں کیا جائیگا، شریف برادران نے بے گناہ کارکنوں کا خون بہایا، علم اور امن کے فروغ کی اسلامی، عالمی تحریک منہاج القرآن کے خلاف بدترین انتقامی کارروائیاں کیں
شیخ الاسلام ڈاکٹر محمد طاہرالقادری کے دورہ یوکے میں منہاج القرآن انٹرنیشنل ریڈ فورڈ کے زیراہتمام خصوصی نشست کا اہتمام کیا گیا، جس میں شیخ الاسلام نے خطاب کیا۔ ڈاکٹر حسن محی الدین قادری، صاحبزادہ حماد مصطفیٰ المدنی، ڈاکٹر زاہد اور منہاج القرآن انٹرنیشنل بریڈ فورڈ کے قائدین بھی اس موقع پر موجود تھے۔ شیخ الاسلام نے ’’انسان کی اخلاقی و روحانی ترقی‘‘ کے موضوع پر گفتگو کرتے ہوئے کہا کہ اللہ تعالیٰ حسن اخلاق اور خود پر دوسروں کو ترجیح دینے والوں کو پسند کرتا ہے۔
تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے کہا ہے کہ غریب عوام پر پٹرول بم گرانا انتہائی تشویشناک ہے، ہمارا مطالبہ ہے کہ پٹرولیم مصنوعات میں اضافہ فوری طور پر واپس لیا جائے۔ بائیس کروڑ عوام پہلے ہی صبح شام مہنگائی، لوڈ شیڈنگ کے زہر آلود تھپیڑے کھا رہے ہیں۔
شیخ الاسلام ڈاکٹر محمد طاہرالقادری کے والد گرامی فرید ملت، محسن تحریک حضرت ڈاکٹر فریدالدین قادری رحمۃ اللہ علیہ کا سالانہ عرس مبارک یکم جولائی 2018ء کو جھنگ صدر بستی لوہلے شاہ میں منعقد ہوا۔ عرس تقریبات کی صدارت متولی دربار فریدملت و آستانہ عالیہ صاحبزادہ محمد صبغت اللہ قادری نے کی۔ مرکز سے جواد حامد، عدنان جاوید، سید امجد علی شاہ، علامہ جمیل احمد زاہد، شہزاد رسول قادری حاجی محمد اسحاق، سہیل احمد رضا اور دیگر قائدین کے وفد نے بھی عرس تقریبات شرکت کی۔
4M
فیس بک
2M
ٹوٹر
© 1994 - 2026 Minhaj-ul-Quran International.
