سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یوتھ لیگ کے مرکزی قائدین نے 23 اکتوبر 2016ء کو سیالکوٹ کا تنظیمی دورہ کیا۔ اس وزٹ میں ڈپٹی سیکریٹری جنرل و نگران یوتھ لیگ سنٹرل پنجاب محمد انعام مصطفوی، نائب صدر منہاج یوتھ لیگملک امجد محمود چاند اور ملک عرفان تھیم شامل تھے۔
نیو دہلی: منہاج القرآن پبلیکیشنز انڈیا نے سہارنپور میں ہونے والے کتاب میلہ میں شیخ الاسلام ڈاکٹر محمد طاہرالقادری کی قرآنیات، احادیث، ایمانیات، اعتقادیات اور سیرت و فضائل نبوی صلیٰ اللہ علیہ وآلہ وسلم کے موضوعات پر مبنی کتب کا نمائشی سٹال لگایا۔ مختلف مکاتبِ فکر سے تعلق رکھنے والے افراد نے نمائشی سٹال کا دورہ کیا اور شیخ الاسلام کی کاوشوں پر انہیں خراجِ تحسین پیش کیا۔
منہاج القرآن انٹرنیشنل یوکے کے رہنماء اور جامعہ اسلامیہ منہاج القرآن کے فاضل (سیشن 2010 - 2003) احمد رضا منہاجین منگل 18 اکتوبر 2016 کو لندن میں انتقال کر گئے (انا للہ و انا الیہ راجعون)۔ مرحوم طویل عارضہ قلب میں مبتلاء تھے۔ بانی و سرپرستِ اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری، چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صدر منہاج القرآن انٹرنیشنل ڈاکٹر حسین محی الدین قادری، امیرِ تحریک فیض الرحمن خان درانی، ناظم اعلیٰ خرم نواز گنڈا پور، ناظم امور خارجہ جی ایم ملک، صدر منہاجینز ڈاکٹر ابوالحسن الازہری اور مرکزی قائدین نے ان کے انتقال پر گہرے رنج و غم کا اظہار کیا ہے۔
تحریک منہاج القرآن کے 36 ویں یوم تاسیس کے سلسلہ میں 18 اکتوبر 2016ء کو کالج آف شریعہ اینڈ اسلامک سائنسز میں سیمینار منعقد ہوا۔ ’’علم اور امن کے بغیر خوشحال معاشرہ کی تشکیل ناممکن ‘‘ کے موضوع پر منعقد سیمینار میں معزز اساتذہ کرام، اسٹاف اور طلباء کے علاوہ مرکزی قائدین نے بھی شرکت کی۔ مرکز سے ناظم امور خارجہ جی ایم ملک، پاکستان عوامی تحریک کے سیکرٹری کوارڈینیشن ساجد محمود بھٹی اور راجہ ندیم جبکہ شریعہ کالج سے شیخ الفقہ مفتی عبدالقیوم خان ہزاروی، پرنسپل میجر ریٹائرڈ خان محمد، وائس پرنسپل ڈاکٹر ممتاز الحسن باروی، ڈاکٹر مسعود مجاہد اور عارف چودھری اسٹیج پر موجود تھے۔
مصطفوی سٹوڈنٹس موومنٹ کے زیراہتمام پاکستان زندہ بادسٹونٹس کنونشن فیصل آباد میں منعقد ہوا۔ ایم ایس ایم کے مرکزی صدر چوہدی عرفان یوسف نے پروگرام کی صدارت کی۔ ایم ایس ایم کے مرکزی اور مقامی رہنماوں میں میاں انصرمحمود، راناطاہرسلیم، حافظ رب نوازانجم، میاں کاشف محمود، شاہدسلیم مصطفوی، آصف عزی، عامرحسین مصطفوی، ناصروارثی۔ مزمل جٹ، ڈاکٹر ثاقب اور عمران خان بھی معزز مہمانوں میں شامل تھے۔
تحریک منہاج القرآن اوکاڑہ کے زیراہتمام 18 اکتوبر 2016 کو تحریک منہاج القرآن کے 36 ویں یومِ تاسیس کی تقریب منعقد ہوئی، جس میں تحریک منہاج القرآن کے نائب ناظم ِاعلیٰ انجینئر محمد رفیق نجم، تحریک منہاج القرآن ضلع اوکاڑہ کے امیر مرزا خالد محمود سمیت تحریک منہاج القرآن اور پاکستان عوامی تحریک کے عہدیداران اور کارکنان نے بڑی تعداد میں شرکت کی۔
امیر تحریک فیض الرحمن درانی نے کہا کہ ڈاکٹر طاہرالقادری کو فکری دوام حاصل ہے کہ 36 سالہ سفر ان کی کامیابیوں کا گواہ ہے۔ آج بھی ان کی فکری جہت بہت واضح ہے۔ آج سے 36 سال قبل شیخ الاسلام ڈاکٹر محمد طاہرالقادری نے قرآن و حدیث کی روشنی میں جن شرور و فتن کی پیش گوئی کی تھی آج وہ اسی طرح رونما ہو رہے ہیں۔ انہوں نے کہا کہ تحریک منہاج القرآن اور اس کے ذیلی فورم اور شعبہ جات دنیا بھر میں قائم ہو چکے ہیں، 36 سال قبل شروع ہونے والا ادارہ دنیا کے 100 ممالک میں اپنا وجود رکھتا ہے، یہ شیخ الاسلام کی سب سے بڑی تنظیمی کاوش ہے۔
پاکستان عوامی تحریک کراچی کا اہم اجلاس 16 اکتوبر 2016 کو صدر سید علی اوسط کی صدارت میں گلشن اقبال میں منعقد ہوا۔ اجلاس میں ملکی موجودہ صورتحال اور آئندہ کے لائحہ عمل پر طویل مشارت کی گئی۔ ابتدائی فیصلہ جات کے ساتھ 21 اکتوبر کو دوبارہ اجلاس طلب کر لیا گیا۔ اجلا س سے خطاب کرتے ہوئے PAT کراچی کے صدر سید علی اوسط نے کہا گیس کی قیمتوں میں 36فیصد اضافہ ظلم ہے اور آٹھ بجے کاروبار بند کرنے کی منطق سمجھ سے بالاتر ہے۔ یہ عوام کا معاشی قتل ہے اسی طرح شادی ہال دس بجے بند کرنا عوام کیلئے بے حد مشکلات پیدا کردہ مسائل ہیں۔
تحریک منہاج القرآن کے قیام کے 36 سال مکمل ہونے پر یوم تاسیس کی پروقار تقریب 16 اکتوبر 2016ء کو مرکزی سیکرٹریٹ میں منعقد ہوئی۔ صدر منہاج القرآن ڈاکٹر حسین محی الدین تقریب کے مہمان خصوصی تھے۔ پروگرام میں تحریک کے دیرینہ عہدیداروں و رفقاء، بانی اراکین، شہدائے ماڈل ٹاؤن کے ورثاء، اور اسیران انقلاب و زخمیوں سمیت سینکڑوں کارکنان نے تحریکی جوش و جذبہ سے شرکت کی۔ خواتین کی بڑی تعداد بھی اس پروگرام میں شامل تھی۔
سید ہدایت رسول قادری نے خطاب کرتے ہوئے کہا ہے کہ شہادت امام حسین نے انسانیت کو جابر سلطان کیخلاف کلمہ حق کہنے کا سلیقہ دیا۔ صبر و شکر، عدل، امن، وفا اور تحفظ دین مصطفی صلی اللہ علیہ وآلہ وسلم کا نام حسینی کردار ہے۔ انہوں نے کہا کہ محرم الحرام قربانی، اتحاد امت اور امن کا درس دیتا ہے۔ سیدنا امام حسین علیہ السلام کے صبر و رضا نے امت مسلمہ کے ایمانی جذبوں کو زندہ و جاوید کر دیا۔
تحریک منہاج القرآن پی پی 129 تحصیل ڈسکہ کے زیرِاہتمام 10 روزہ پیغامِ شہادتِ امام حسین علیہ السلام کانفرنسز منعقد کی گئیں۔ کانفرنسز سے علامہ محمد ثناءاللہ ربانی، علامہ حافظ محمد علی، علامہ محمد یاسین قادری، علامہ محمد ناصرالقادری نے خطابات کیے۔ کانفرنسز میں مقامی علمائے کرام، مشائخ عظام، مختلف مکاتبِ فکر اور شعبہ ہائے زندگی سے تعلق رکھنے والی شخصیات، تحریک منہاج القرآن کے کارکنان اور خواتین و حضرات نے بڑی تعداد میں شرکت کی۔
علامہ مدثر حسین اعوان نے ’’محبت اہل بیت اطہار‘‘کے موضوع پر خطاب کیا۔انہوں نے کہا کہ تاجدار کائنات صلی اللہ علیہ وآلہ وسلم نے عالم انسانیت کو اخوت و محبت کا عظیم درس دیا۔ آپ صلی اللہ علیہ وآلہ وسلم لوگوں کو حق و صداقت کی طرف دعوت دی لیکن معاشرے کی اصلاح و تربیت کے صلے میں انہوں نے کسی فرد سے بھی کسی انعام کا تقاضا نہیں کیا بلکہ صرف اپنے اہل بیت اطہار رضی اللہ عنہم اور قرابت داروں محبت کا درس دیا۔
تحریک منہاج القرآن پی پی129 تحصیل ڈسکہ کے زیراہتمام 14 اکتوبر 2016 کو ستوکے میں پیغامِ شہادتِ امام حسین علیہ السلام کانفرنس منعقد ہوئی۔ کانفرنس سے تحریک منہاج القرآن پی پی 129 تحصیل ڈسکہ کے صدر علامہ حافظ محمد علی نے خطاب کیا۔ کانفرنس میں پاکستان عوامی تحیریک پی پی 129 ڈسکہ کے صدر محمد اسلم قادری، تحریک منہاج القرآن پی پی 129 تحصیل ڈسکہ کے ناظم ناصر محمود مان، محمد سفیان مغل اور اللہ رکھا قادری سمیت تحریک منہاج القرآن کے کارکنان، خواتین و حضرات اور علمائے کرام نے بڑی تعداد میں شرکت کی۔
تحریک منہاج القرآن فیصل آباد کے زیراہتمام دارالعلوم نوریہ رضویہ گلبرگ اے، فیصل آباد میں 13 اکتوبر 2016 کو ’پیغام شہادت کانفرنس‘ منعقدہوئی۔ کانفرنس کی صدارت تحریک منہاج القرآن فیصل آباد کے راہنما سید ہدایت رسول قادری نے کی۔ کانفرنس میں علامہ عبدالرشیدجامی، حاجی امین القادری، ڈاکٹر یوسف سیالوی، علامہ منیر احمد شہباز، قاری محمد صدیق قادری، اللہ رکھا نعیم، سید حمایت رسول قادری، قاری کرامت علی اور غلام مصطفی سمیت تحریک منہاج القرآن کے کارکنان اور مختلف شعبہ ہائے زندگی سے تعلق رکھنے والی شخصیات بھی شریک تھیں۔
شیخ الاسلام ڈاکٹر طاہرالقادری نے عاشورہ محرم الحرام کی شب مرکزی سیکرٹریٹ میں منعقدہ ’’پیغام شہادت امام حسین علیہ السلام کانفرنس‘‘ سے خطاب کرتے ہوئے کہاکہ شہادت امام حسین علیہ السلام کے بعد کائنات انسانی کو دو کردار مل گئے، یزیدیت جو بد بختی، ظلم، استحصال، جبر، تفرقہ پروری، قتل و غارت گری اور خون آشامی کا استعارہ بن گئی اور حسینیت صبر، شکر، عدل، امن، وفااور تحفظ دین مصطفی صلی اللہ علیہ وآلہ وسلم کی علامت ٹھہری۔
4M
فیس بک
2M
ٹوٹر
© 1994 - 2026 Minhaj-ul-Quran International.
