سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مورخہ 04 اپریل 2016ء کو تحریک منہاج القرآن کے زیراہتمام ضلی آفس فیصل آباد میں تنظیمی عہدیداران کا اجلاس بلایا گیا جس میں خصوصی شرکت تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے کی جبکہ کہ اجلاس میں بابر چوہدری، میاں کاشف محمود، رانا رب نوازانجم، بدر رمیض، رانا وحیدشہزاد، رانا ناصر اور مدثر فاروق بھی موجودتھے۔
منہاج ویلفیئر فاونڈیشن کے زیراہتمام منعقدہ شادیوں کی اجتماعی تقریب میں 25 مسلم، مسیحی اور ہندو جوڑوں کی شادی ہوئی۔ ہر بچی کوڈیڑھ لاکھ روپے تک ضروریات زندگی پر مشتمل جہیز کا سامان دیا گیا۔ تقریب کے مہمان خصوصی بین الاقوامی شہرت یافتہ سماجی رہنما انصار برنی تھے۔
تحریک منہاج القرآن کے گوشہ درود کی ماہانہ ’مجلسِ ختم الصلوۃ علی النبی صلی اللہ علیہ والہ وسلم‘ کا انعقاد مورخہ 2 اپریل 2016ء کو مرکزی سیکرٹریٹ پر ہوا، جس میں قائدین تحریک منہاج القرآن، سٹاف ممبران، جامعہ اسلامیہ منہاج القرآن کے اساتذہ و طلبہ سمیت عشاقان مصطفی صلی اللہ علیہ وآلہ وسلم کی کثیر تعداد نے شرکت کی۔
تحریک منہاج القرآن پی پی65 فیصل آباد کے زیرِاہتمام اقبال ٹاؤن میں میلادِ مصطفیٰ صلیٰ اللہ علیہ وآلہ وسلم کانفرنس منعقد ہوئی جس سے تحریک منہاج القرآن کے مرکزی نائب ناظم اعلیٰ دعوت مفتی ارشاد احمد سعیدی اور تحریک منہاج القرآن فیصل آباد کے ضلعی امیر سید ہدایت رسول قادری نے خطاب کیا۔ کانفرنس میں منہاج القرآن علماء کونسل فیصل آباد کے امیر علامہ عزیزالحسن اعوان، علامہ ریاض احمدکھرل، رانا رب نواز انجم، میاں کاشف محمود، زبیب مسعود شاہ اور کارکنان کی بڑی تعداد شریک تھی۔
منہاج القرآن انٹرنیشنل فرینکفرٹ محمد یونس، محمد یوسف، محمد سلیمان اور محمد عثمان کی والدہ محترمہ اچانک حرکتِ قلب بند ہونے سے وفات پا گئیں۔ منہاج القرآن انٹرنیشنل کے ناظم اعلیٰ خرم نواز گنڈ اپور، ڈائریکٹر امور خارجہ جی ایم ملک اور مرکزی قائدین نے محمد یونس اور دیگر لواحقین سے تعزیت کرتے ہوئے گہرے دکھ اور غم کا اظہار کیا ہے۔ ان کا کہنا تھا کہ ہم اللہ ربُ العزت کے حضور دعاگو ہیں کہ اللہ پاک محمد یونس و برادران کو اس دُکھ بھری مشکل گھڑی میں صبر عطا فرمائے۔
گلشن اقبال پارک دہشتگردی کے سانحہ خلاف زخمی اور جاں بحق ہونے والے بچوں، خواتین و دیگر افراد کی یاد میں پارک کے اندر خصوصی دعائیہ تقریب منعقد ہوئی۔ تقریب کی صدارت پریسبٹیرین چرچ آف پاکستان کے ماڈریٹر ڈاکٹر مجید ایبل اور ڈائریکٹرانٹرفیتھ منہاج القرآن انٹرنیشنل سہیل احمد رضا نے کی۔ سہیل احمد رضا نے تقریب سے خطاب کرتے ہوئے کہا کہ دہشتگرد بلا رنگ و نسل اورمذہب سب کو نشانہ بنا رہے ہیں، انسانیت کے ان دشمنوں کی کوئی شہریت نہیں، یہ کرائے کے قاتل پیسے کیلئے بے گناہ انسانی خون بہا رہے ہیں، انہوں نے کہاکہ ہر سانحہ کے بعد پاکستا ن کے شہریوں کا دہشتگردی کے خلاف عزم مزید پختہ ہو جاتا ہے۔
تحریک منہاج القرآن کے طلبہ ونگ مصطفوی سٹوڈنٹس موومنٹ نے 29 مارچ 2016 کو سانحہ گلشن پارک لاہور میں شہید ہونے والوں کی یاد میں شمعیں روشن کیں، اور عقیدت و محبت کا اظہار کیا۔ اس موقع پر مصطفوی سٹوڈنٹس موومنٹ فیصل آباد کے ضلعی صدر شاہد سلیم، غلام محمد قادری، آصف عزیز، رانا کرامت علی اور عمران خان نے سانحہ گلشن پارک میں ہونے والے بم دھماکے کی شدید الفاظ میں مذمت کی ہے۔
منہاج القرآن یوتھ لیگ جہلم کے زیرِاہتمام بعد نمازِمغرب تحریک منہاج القرآن جہلم کے دفتر جادہ میں ’ماہانہ شب بیداری‘ کا اہتمام کیا گیا۔ جس میں تلاوت و نعت کی بعد شیخ الاسلام ڈاکٹر محمد طاہرالقادری کا خطاب بعنوان ’بندے کا اللہ تعالیٰ سے تعلق ذکر‘ چلایا گیا۔ محسن ہاشمی نے ذکر و دُعا کروائی۔
تحریک منہاج القران کے مرکزی نائب ناظم اعلیٰ تنظیمات انجینئر رفیق نجم کی صدارت میں 25 مارچ 2016 کو گوجرہ کی تنظیم کا اجلاس منعقد ہوا جس میں تحریک منہاج القرآن تحصیل گوجرہ کی تنظیم کی کارکردگی کا جائزہ لیا گیا۔ اجلاس میں منہاج القران تحصیل گوجرہ کے ناظم رانا مجاہد حسین، نائب صدر عظیم قادری اور ناظم دعوت مدثر غفار سمیت تنظیمی عہدیداران اور ذمہ داران شریک تھے۔
پاکستان عوامی تحریک آسٹریا کے زیراہتمام 23 مارچ 2016 کو یوم پاکستان کے موقع پر آسٹرین دارالحکومت ویانا کے مقامی بلدیہ ہال میں ’صدائے امن پاکستان‘ کے عنوان سے فکرانگیز کانفرنس منعقد کی گئی جس میں سفارت خانہ پاکستان کے نمائندگان سمیت نمائندہ اسلامی تنظیمات کے سربراہان، ممبرانِ پارلیمنٹ اور پاکستانی کمیونٹی سے کثیر تعداد میں خواتین و حضرات نے شرکت کی۔
مارچ 2016ء کو یومِ پاکستان کے موقع پر مصطفوی سٹوڈنٹس موومنٹ واہ کینٹ اینڈ ٹیکسلا کے زیرِاہتمام ٹیکسلا کے مقامی شادی ہال میں عظیم الشان ’تعمیرِ پاکستان طلبہ کانفرنس‘ کا انعقاد کیا گیا۔ کانفرنس میں پاکستان عوامی تحریک کے مرکزی ڈپٹی سیکرٹری انفارمشن عمر ریاض عباسی، مصطفوی سٹوڈنٹس موومنٹ کے مرکزی صدر عرفان یوسف، منہاج القرآن انٹرنیشنل یو اے ای کے مرکزی صدر فخر زمان عادلسمیت مصطفوی سٹوڈنٹس موومنٹ کے کارکنان کی بڑی تعداد شریک تھی۔
منہاج القرآن یوتھ لیگ کے مرکزی سیکرٹری جنرل منصور قاسم اعوان نے وسطی پنجاب کے مختلف اضلاع کا تنظیمی دورہ کیا۔ دورے کے دوران وہ قائد آباد، خوشاب، میانوالی، بھکر، پپلاں، لاوا، عیسیٰ خیل، تلہ گنگ اور دریاخان گئے جہاں انہوں نے ضرب امن ورکشاپس میں شرکت کی۔ اس موقع پر منصور قاسم اعوان نے کہا کہ منہاج القرآن یوتھ لیگ کے نوجوان شیخ الاسلام ڈاکٹر محمد طاہرالقادری کی قیادت میں فروغِ امن اور انتہاپسندی کے خاتمے کے لیے علمی اور عملی جہاد میں مصروف ہیں۔
ڈاکٹر محمد طاہرالقادری نے نئی دہلی میں منعقدہ چار روزہ عالمی صوفی کانفرنس کے اختتامی سیشن سے صدارتی خطاب کرتے ہوئے کہا کہ پاکستان اور انڈیا دو حقیقتیں ہیں، دونوں ملک ایک دوسرے کو دشمن نہ سمجھیں، 4 جنگیں بھی لڑ لیں بالاخر مذاکرات کی میز پر آنا پڑتا ہے، دونوں ملکوں کا اصل دشمن داعش ہے، پائیدار امن، ترقی اور استحکام کیلئے بجٹ غربت کی آگ بجھانے پر خرچ کیا جائے، علاقائی تنازعات حل اور دہشتگرد گروپوں کا سیاسی استعمال بند ہونا چاہیے۔
منہاج القرآن یوتھ لیگ کے مرکزی سیکرٹری جنرل منصور قاسم اعوان نے خوشاب کی یونین کونسل كٹہہ سگہرال کا دورہ کیا جہاں انہوں نے منہاج القرآن یوتھ لیگ كٹہہ سگہرال کے نومنتخب عہدیداران سے ملاقات کی۔ ملاقات میں ضرب امن ورکشاپ کے انعقاد کا اعلان کیا گیا۔ منصور قاسم اعوان نے خیالات کا اظہار کرتے ہوئے کہا کہ ربع صدی سے امتِ مسلمہ بالعموم اور وطن عزیز بالخصوص تنگ نظری، انتہاء پسندی، شدت پسندی اور دہشت گردی کی لپیٹ میں ہے۔
منہاج القرآن یوتھ لیگ کے مرکزی سیکرٹری جنرل منصور قاسم اعوان نے خوشاب کی تحصیل نوشہرہ کا دورہ کیا جہاں انہوں نے منہاج القرآن یوتھ لیگ نوشہرہ کے نئے ذمہ داران کا اعلان کیا اور ضرب امن تربیتی ورکشاپ میں شریک ہوئے۔ ضربِ امن ورکشاپ سے اپنے خیالات کا اظہار کرتے ہوئے منصور قاسم اعوان نے کہا کہ شیخ الاسلام ڈاکٹر محمد طاہرالقادری نظریاتی اور فکری سرحدوں پر دہشت گردی کے خلاف جنگ لڑنے کے لیے نوجوانوں کی ایک فوج ترتیب دینا چاہتے ہیں۔
4M
فیس بک
2M
ٹوٹر
© 1994 - 2026 Minhaj-ul-Quran International.
