سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل آسٹریا کے بارہ رکنی وفد نے مورخہ 10 مئی 2011ء کو عمرہ کے دوران غار حرا میں حاضری دی۔ وفد کے اراکین درود و سلام پڑھتے ہوئے غار حرا پہنچے اور وہاں محفل نعت کا اہتمام کیا۔
منہاج القرآن انٹرنیشنل کے مرکزی نائب ناظم دعوت علامہ محمد شکیل ثانی جاپان کا تین ماہ کا دعوتی و تنظیمی دورہ مکمل کرنے کے بعد مورخہ 09 مئی 2011ء کو ٹوکیو نارتیا ائیر پورٹ سے لاہور پاکستان کے لئے روانہ ہوگئے۔
تحریک منہاج القرآن لودھراں کے زیراہتمام 70 واں سلسلہ وار ماہانہ درس عرفان القرآن 8 مئی 2011ء کو سبزہ زار تحصیل کونسل لودھراں میں منعقد ہوا، جس سے شیخ الاسلام ڈاکٹر محمد طاہرالقادری کے شاگرد رشید علامہ نصیر احمد بابر نے خطاب کیا۔
منہاج یونیورسٹی لاہور کے فاضلین کی دوسری ماہانہ میٹنگ 8 مئی 2011ء بروز اتوار کو WAAG (جامعۃ الازھر) پاکستان برانچ میں منعقد ہوئی، جس میں اسلام آباد، راولپنڈی سے تعلق رکھنے والے منہاجینز کی ایک کثیر تعداد نے شرکت کی،
منہاج پیس اینڈانٹی گریشن یونان کے زیر اہتمام مورخہ 08 مئی 2011ء کو منہاج القرآن اسلامک سنٹر ریندی میں تارکین وطن کے قانون کے بارے میں آگاہی کے لئے ایک سیمینار منعقد ہوا جس میں وزارت داخلہ کے شعبہ امیگریشن کے جنرل سیکرٹری آندریا تاکی نے اپنے دو عہدیداران کے ساتھ خصوصی شرکت کی۔
مصطفوی سٹوڈنٹس موومنٹ راولپنڈی اور اسلام آباد کا مشترکہ اجلاس مورخہ 08 مئی 2011ء بروز اتوار شام 6 بجے سیٹلائٹ پلازہ سکس روڑ راولپنڈی منعقد ہوا، جس میں جڑواں شہروں کی تمام تنظیمات نے شرکت کی۔
منہاج ویلفیئر فاؤنڈیشن سید والا کے زیراہتمام 7 مئی 2011 کو سید والا شہر میں ایمبولینس سروس کا افتتاح کر دیا گیا۔ اس حوالے سے افتتاحی تقریب منعقد ہوئی، جس میں منہاج ویلفیئر فاؤنڈیشن کے ڈائریکٹر افتخار شاہ بخاری مہمان خصوصی تھے۔
مسلمان اور بالخصوص پاکستانی تارکین وطن کی نوجوان نسل یورپین ممالک میں رہ کر دنیاوی علوم سے آراستہ ہو کر مختلف میدانوں میں اپنا اور اپنے ملک کا نام تو روشن کر رہی ہے لیکن دینی علوم سے نا آشنا ہونے کے باعث وہ رفتہ رفتہ دین سے دور ہوتے جا رہے ہیں ایسی صورتحال میں ملت اسلامیہ کی نئی نسل کو علم دین کے زیور سے مزین کرنے کے لئے منہاج القرآن انٹرنیشنل یورپ کی تنظیمات کے زیرانتظام مختلف تربیتی کلاسز، کورسز اور ورکشاپس کا انعقاد کیا جاتا ہے
منہاج ایشیئن کونسل کے صدر علی عمران مورخہ 07 مئی 2011ء بروز ہفتہ تین دن کے تنظیمی دورہ پر کمپو ائیرپورٹ ساؤتھ کوریا پہنچے۔ ائیر پورٹ پہنچنے پر منہاج ایشیئن کونسل کے امیر محمد جمیل چودھری، علامہ غلام ربانی تیموراور علامہ حافظ محمد انور نے استقبال کیا اور پھولوں کے گلدستے پیش کئے۔
مرکزی نظامت تربیت کے زیراہتمام ملک بھر میں جاری عرفان القرآن کورس کے سلسلے میں 194 Y۔ بلاک ڈیفنس لاہور میں عرفان القرآن کورس کے اختتام پر تقریب تقسیم اسناد مورخہ 6 مئی 2011ء کو منعقد کی گئی۔
مرکز منہاج القرآن انٹرنیشنل فرانس میں 6 مئ 2011ء بروز جمعۃ المبارک ماہانہ محفل گوشہ درود منعقد کی گئی۔ جس میں سربراہ سلسلہ علوی الجزائر فرانس شیخ خالد بن تونس نے صدر مسلم سکاؤٹ فرانس حسین سودوکی انچارج کمیونیکیشن شیخ عزیز بن تونس اور دیگر 25 افراد پر مشتمل وفد کے ہمراہ شرکت کی۔
شیخ الاسلام ڈاکٹر محمد طاہر القادری نے اپنے خصوصی خطاب میں امام اعظم ابو حنیفہ رضی اللہ عنہ کے علمی و تحقیقی کام کے بارے میں پائی جانے والی غلط فہمیوں اور شکوک و شبہات کا مدلل جواب دیا اور امام اعظم کا بھرپور علمی دفاع کیا۔ آپ نے خصوصی طور پر ائمہ اربعہ میں سے امام احمد بن حنبل اور امام شافعی رضی اللہ عنھما کے اقوال و فرامین اور عمل سے امام اعظم کی علمی فوقیت و ثقاہت ثابت کی۔
منہاج القرآن انٹرنیشنل آسٹریا کے امیر حفیظ اللہ قادری کی قیادت میں 12 رکنی وفد عمرہ کی سعادت حاصل کرنے کے لئے 05 مئی 2011ء بروز جمعرات ویانا ائیرپورٹ سے سعودی عرب کے لئے روانہ ہوا۔ عمرہ گروپ کو ویانا ائیر پورٹ پر الوداع کرنے والوں میں چودھری فاروق، حاجی غلام شبیر منہاس، حاجی نذیر شاہ، حاجی اکبر علی، وحید احمد، ارشد شاہ، سید محمود شاہ اور دیگر تحریکی رفقاء کی کثیر تعداد شامل تھی۔
منہاج القرآن انٹرنیشنل یونان کے صدر ملک جاوید اقبال اعوان مورخہ 05 مئی 2011ء کو عمرہ کی سعادت حاصل کرنے کے بعد واپس ایتھنز پہنچے۔ ملک جاوید اقبال اعوان عمرہ کی سعادت حاصل کرنے اور روضہ رسول صلی اللہ علیہ وآلہ وسلم کی حاضری کے بعد جب ائیر پورٹ پہنچے تو امیر منہاج القرآن انٹرنیشنل یونان علامہ شہباز احمد صدیقی، چودھری ناصر آف جنڈ شریف، چودھری محمد افضل شام پور، اے ڈی جرال، محمد زاہد، صدام حسین، علامہ اسجد علی چشتی، عبدالجبار سلہری، طارق شریف، ندیم عباس، شاہد بٹ کے علاوہ یونان کی سیاسی، مذہبی اور ادبی تنظیموں کے افراد کی کثیر تعداد موجود تھی۔
مصطفوی سٹوڈنٹس موومنٹ کراچی کے زیراہتمام 4 اپریل 2011ء کو نیپا چورنگی کراچی میں "بیداری شعور مہم" کے حوالے سے ایک پروگرام منعقد ہوا۔ جس میں مرکزی مصطفوی سٹوڈنٹس موومنٹ پاکستان کے صدر ساجد ندیم گوندل ایڈووکیٹ مہمان خصوصی تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
