سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل سپین بارسلونا کی تنظیم نو کے لئے مورخہ 07 نومبر 2010ء بروز اتوار کو منہاج القرآن اسلامک سنٹر میں مجلس شوریٰ کا اجلاس منعقد ہو ا ۔اجلاس کی صدارت منہاج یورپین کونسل کے صدر اعجاز احمد وڑائچ نے کی جبکہ امیر یورپین کونسل علامہ حسن میر قادری اور رسیکرٹری جنرل بلال اپل نے بھی شرکت کی۔
منہاج القرآن انٹرنیشنل نیکیا (یونان) میں مورخہ 6 نومبر 2010 بروز ہفتہ کو اٹلی سے آئے نوجوان امتیاز احمد اور ایتھنز سے عثمان احمد اور مدثر کے چچا محمد یونس مرحوم کی بخشش کے لئے ایصال ثواب کی محفل کا انعقاد کیا گیا۔ محمد یونس پاکستان کے علاقہ کوٹلہ سے تعلق رکھتے تھے اور گذشتہ دنوں بیمار ہونے کے بعد اپنے خالق حقیقی سے جاملے جن کی ڈیڈ باڈی جمعرات کو پاکستان پہنچی اور انہیں آبائی علاقہ میں دفن کر دیا گیا۔
بانی وسرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہر القادری کے چھوٹے صاحبزادے اور منہاج القرآن انٹرنیشنل کی فیڈرل کونسل کے صدر صاحبزادہ حسین محی الدین قادری مورخہ 06 نومبر 2010ء بروز ہفتہ 5 روزہ دورے پر ہانگ کانگ پہنچ گئے
منہاج القرآن انٹرنیشنل ہانگ کانگ کے زیر اہتمام مورخہ 6 نومبر 2010ء بروز ہفتہ پاکستان ایسوسی ایشن آف ہانگ کانگ کے کلب ہال میں عظیم الشان سیرت النبی صلی اللہ علیہ وآلہ وسلم سیمینار منعقد ہوا۔ سیمینار کے مہمان خصوصی منہاج القرآن انٹرنیشنل کی فیڈرل کونسل کے صدر صاحبزادہ حسین محی الدین قادری تھے جبکہ سیمینار کی صدارت قونصل جنرل آف پاکستان ڈاکٹر احمد بلال نے کی۔
منہاج ایجوکیشن سوسائٹی پاکستان کے ڈائریکٹر شاہد لطیف نے گزشتہ دونوں آزاد کشمیر کے دور ہ کیا۔ دورے کے پہلے میرپور پہنچنے پر ان کا شاندار استقبال کیا گیا۔ منہاج القرآن آزاد کشمیر کے مرکزی قائدین نے آپ کو خوش آمدید کہا۔ منہاج ایجوکیشن سوسائٹی کے ڈپٹی ڈائریکٹر ایجوکیشن برائے آزاد کشمیر فرید حسن خان، صدر معلم گورنمنٹ ہائی سکول کنیلی محمد صغیر قادری اور پرنسپل ادارہ حافظ احسان الحق بھی ان کے ساتھ تھے۔
شیخ الاسلام ڈاکٹر محمد طاہرالقادری نے تقویٰ کے موضوع پر خطاب کرتے ہوئے کہا کہ تقویٰ انسان کی زندگی کا اصل امتحان ہے۔ یہ امتحان غربت میں بھی ہے اور امارت میں بھی۔ انہوں نے کہا کہ یہ زندگی مرد مومن کے لیے کڑا امتحان ہے، غریب شخص کے لیے غربت اس کا امتحان ہے اور امیر کے لیے امارت۔ اللہ تعالیٰ غربت کے ذریعے بھی بندے سے امتحان لیتا ہے کہ انسان اس حال میں اللہ تعالیٰ کو کتنا یاد رکھتا ہے۔
پاکستان پیپلز پارٹی کے مرکزی سیکرٹری جنرل جہانگیربدر نے مورخہ 02 نومبر2010ء کو منہاج القرآن انٹرنیشنل آسٹریا کے صدر خواجہ محمد نسیم سے ان کی رہائش گاہ باجوہ ہاؤس پر ملاقات کی
منہاج القرآن انٹرنیشنل یونان کے امیر علامہ شہباز احمد صدیقی اور ناظم ذیلی تنظیم ماراتھونا عابد حسین نے مورخہ 01 نومبر 2010ء بروز سوموار کو گوجرانوالہ سے چند تنظیمی ساتھیوں کے ساتھ مرکزی سیکرٹریٹ کا وزٹ کیا۔
مزارت پر خود کش حملوں کے خلاف تحفظ ناموس رسالت محاذ کے زیراہتمام لاہور میں یکم نومبر 2010ء کو پر امن احتجاجی ریلی نکالی گئی۔ ریلی میں منہاج القرآن علماء کونسل نے بھی بھرپور نمائندگی کی۔ منہاج القرآن علماء کونسل کے ناظم علامہ فرحت حسین شاہ کی قیادت میں منہاج القرآن علماء کونسل کے مرکزی قائدین ریلی میں خصوصی طور پر شریک ہوئے۔
منہاج القرآن انٹرنیشنل آسٹریا کے انتہائی متحرک راہنما حاجی قاسم علی کے بیٹے وسیم راجہ کی دعوت ولیمہ کی تقریب مورخہ 01 نومبر 2010ء کو گوجر پورہ لاہور میں منعقد ہوئی جس میں ناظم امور خارجہ راجہ جمیل اجمل نے تین رکنی وفد کے ساتھ خصوصی شرکت کی۔
ہر سال کی طرح امسال بھی تحریک منہاج القرآن کے زیر اہتمام قربانی مہم 2010ء کا آغاز ہوگیا ہے۔ اس سلسلے میں مرکز کی ہدایت اور امیر پنجاب احمد نواز انجم کی رہنمائی پر صوبائی نائب ناظم چوہدری قمر عباس دھول نے ’’چرم ہائے قربانی مہم‘‘ کے لیے منہاج القرآن لودہراں کی تنظیم کا اجلاس بلایا۔
منہاج ویلفیئر فاؤنڈیشن کے تحت فیصل آباد سٹی میں ایمبولینس سروس کا آغاز کر دیا ہے۔ یہ ملک کا 26واں شہر ہے جہاں ایمبولینس سروس مہیا کی گئی ہے۔ ایمبولینس سروس کی افتتاحی تقریب مورخہ یکم ستمبر 2010ء کو منعقد ہوئی۔
شیخ الاسلام ڈاکٹر محمد طاہرالقادری نے معاشرے کی اس بے رحمانہ وسفاکانہ، ظالمانہ رسم و رواج اور حالات کی سنگینی کا صحیح وقت پر تدارک کرتے ہوئے منہاج ویلفیئر فاؤنڈیشن کے زیراہتمام اجتماعی شادیوں کا سلسلہ شروع کیا۔ منہاج ویلفیئر فاؤنڈیشن اب تک 515 غریب و بے سہارا بچیوں کی شادیوں کا اہتمام کر چکی ہے۔ منہاج ویلفیئر فاؤنڈیشن فیصل آباد کے تحت اجتماعی شادیوں کی تعداد 102 ہوگئی ہے۔
تحریک منہاج القرآن کوریکے تحصیل ڈسکہ کے زیراہتمام ایک عظیم الشان محفل نعت مورخہ 29 اکتوبر کو منعقد ہوئی۔ یہ محفل نعت تحریک منہاج القرآن یونین کونسل بڈھا گورائیہ کے ناظم ڈاکٹر محمد سلیم اور ان کے خاندان کے 10 افراد کی حج کی سعادت کیلئے روانگی کے سلسلہ میں کی منعقد کی گئی تھی۔
منہاج القرآن انٹرنیشنل نیکیا مرکز یونان میں مورخہ 30 اکتوبر2010ء بروزہفتہ بعد نماز عشاء کے بعد ایک عظیم الشان مقابلہ حسن نعت کی تقریب منعقد ہوئی جس کی صدارت ملک جاوید اقبال اعوان صدر MQI یونان نے کی جبکہ ہر مکتبہ فکر سے تعلق رکھنے والے افراد نے اس محفل میں خصوصی شرکت کی۔ تقریب میں ایتھنز کے علاوہ ماراتھونا، نیاماکری، انوفیتا، الف سینا، ریندی، منیدی، کپیسلی اور پیرا ستیری سے عاشقان رسول صلی اللہ علیہ وآلہ وسلم کی کثیر تعداد نے شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
