سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل لندن کو نیشنل ہیلتھ سروسز کی جانب سے این ایچ ایس اور پرائمری ٹرسٹ کے ساتھ مل کر کمیونٹی خدمات کے صلے میں کمیونٹی ہیلتھ ایوراڈ 2009ء دیا گیا۔ منہاج القرآن انٹرنیشنل لندن کے صدر اشتیاق احمد قادری نے مورخہ 27 ستمبر 2009 ء کو منعقدہ تقریب میں ایوارڈ وصول کرتے ہوئے کہا کہ 2009ء کے کمیونٹی ہیلتھ ایوارڈ کو منہاج القرآن لندن کے لئے مختص کرنا اور واحد مسلم تنظیم کا چناؤ بہت بڑی کامیابی ہے اور اس کامیابی پر جملہ کارکنان منہاج القرآن مبارکباد کے مستحق ہیں۔
منہاج القرآن یوتھ لیگ راولپنڈی کی تنظیم نو کر دی گئی ہے، اس حوالے سے خصوصی اجلاس ضلعی سیکرٹریٹ البلال پلازہ چاندنی چوک روالپنڈی میں 26 ستمبر 2010 کو ہوا، جس کی صدارت منہاج یوتھ لیگ کے مرکزی صدر بابر علی چوہدری نے کی۔ اجلاس میں شہر بھر سے یوتھ لیگ کی ذیلی تنظیمات کے تمام صدور اور ناظمین نے شرکت کی۔
ڈاکٹر فرید الدین قادری رحمۃ اللہ علیہ کے سالانہ عرس کے موقع پر تحریک منہاج القرآن کے زیراہتمام عظیم الشان فرید ملت سیمینار جھنگ میں منعقد ہوا، جس کی صدارت پیر خلیل الرحمن چشتی نے کی۔ علاوہ ازیں تحریک منہاج القرآن کے مرکزی قائدین، کارکنان اور مقامی لوگوں نے کثیر تعداد میں شرکت کی۔
مورخہ 26 ستمبر 2010 بروز اتوار منہاج القرآن ویمن لیگ کے زیراہتمام رنمل شریف میں 40 روزہ عرفان القرآن کورس کی افتتاحی تقریب منعقد ہوئی جس میں علاقہ بھر سے خواتین اور طالبات نے بھرپور شرکت کی۔ مرکز کی جانب سے ناظمہ ویمن لیگ محترمہ سمیرا رفاقت اور ناظمہ (سسٹر) MSM محترمہ صدف اقبال نے شرکت کی۔
منہاج القرآن یوتھ لیگ کے مرکزی صدر چودھری بابر علی نے اسلام آباد کا دورہ کیا۔ اسلام آباد میں منہاج القرآن یوتھ لیگ اسلام آباد کی ڈسٹرکٹ ایگزیکٹیو کونسل کی میٹنگ یوتھ لیگ کے ضلعی آفس میں منعقد ہوئی، جس کی صدارت مرکزی صدر چودھری بابر علی نے کی۔ میٹنگ میں ملک تنویر، میاں کاشف محمود، عارف ہاشمی، احمد ذوالقرنین و دیگر احباب نے شرکت کی۔
منہاج ویلفیئر فاؤنڈیشن دھونکل وزیر آباد کے زیراہتمام منہاج ایمبولینس سروس کی افتتاحی تقریب کا انعقاد ہوا جسکی صدارت منہاج ویلفیئر فاؤنڈیشن انٹرنیشنل کے ڈائریکٹر افتخار شاہ بخاری نے کی جبکہ ڈسٹرکٹ ہیلتھ آفیسر مہمان خصوصی تھے۔ میاں افتخار احمد، انجینئرافضال غوث سمیت علاقے کے معززین سماجی اور سیاسی رہنماؤں اور مختلف شعبہ ہائے زندگی سے تعلق رکھنے والے افراد نے شرکت کی۔
کمالیہ کے ایک عیسائی خاندان کے 6 افراد نے اپنا مذہب چھوڑ کر اسلام قبول کر لیا ہے۔ قبول اسلام کے حوالے سے مختصر تقریب 24 ستمبر 2010ء کو نماز جمعہ کے بعد مقامی محلہ خورشید آباد کمالیہ میں منعقد ہوئی۔ اس موقع پر مسیحی برادری کے کونسلر سابقہ نام اقبال مسیح نے اپنے خاندان کے ساتھ منہاج یونیورسٹی لاہور میں کالج آف شریعہ اینڈ اسلامک سائنسز کے لیکچرار اور سربراہ شعبہ علوم اسلامیہ منہاج یونیورسٹی لاہور ڈاکٹر حافظ محمد اصغر جاوید الازہری کے ہاتھ پر قبول اسلام کیا۔
یونائیٹڈ ریلجن Initiative پاکستان اور منہاج القرآن انٹرنیشنل کے زیراہتمام عالمی یوم امن پر 21 ستمبر 2010ء کو خصوصی ’’امن سیمینار‘‘ کا انعقاد کیا گیا۔ تقریب کا اہتمام منہاج القرآن کے مرکزی سیکرٹریٹ میں ہوا۔ پروگرام کی صدارت مسیحی رہنماء اور فادر عابد حبیب نے کی۔ ڈائریکٹر امور خارجہ منہاج القرآن انٹرنیشنل راجہ جمیل اجمل، ڈاکٹر کنور فیروز اور وکٹر ڈینییل بھی معزز مہمانوں میں شامل تھے۔
سیلاب سے بے گھر افراد کے لیے منہاج ویلفیئر فاؤنڈیشن کے تحت اکوڑہ خٹک اور نوشہرہ میں قائم خیمہ بستیوں میں متاثرہ خاندان کی کفالت کا سلسلہ جاری ہے۔ منہاج ایجوکیشن سوسائٹی کے تحت اکوڑہ خٹک کی خیمہ بستی میں قائم سکول کا افتتاح ممبر گورننگ باڈی منہاج ایجوکیشن سوسائٹی اور ممتاز آرٹسٹ عثمان پیر زادہ نے کیا۔
سیلاب سے متاثرہ افراد کے لیے منہاج ویلفیئر فاونڈیشن کی امدادی کارروائیاں جاری ہیں۔ اس سلسلے میں منہاج ویلفیئر فاؤنڈیشن فیصل آباد نے فیصل آباد میں 80 امدادی کیمپ لگائے۔ اس حوالے سے تحریک منہاج القرآن فیصل آباد کے ضلعی امیر سید ہدایت رسول قادری نے ایک پریس کانفرنس میں میڈیا کو تفصیلات بتائیں۔
گورنمنٹ کالج یونیورسٹی لاہور کے زیراہتمام مقابلہ "حسان بن ثابت نعت اینڈ قرات" میں ٹیم ٹرافی منہاج یونیورسٹی نے جیت لی۔ مقابلہ حسن نعت اور حسن قرات میں مجموعی طور پر منہاج یونیورسٹی نے 2 پوزیشنیں حاصل کیں۔ 20 ستمبر 2010ء کو مقابلہ حسن قرات اور نعت جی سی یونیورسٹی کے بخاری آڈیٹوریم میں ہو، جس میں ملک بھر سے بیس کالجز اور یونیورسٹی کے طلبہ و طالبات نے حصہ لیا۔
تحریک منہاج القرآن لودہراں کے زیراہتمام دوسرا سالانہ حج ٹریننگ کیمپ ضلع کونسل کے شہید محمد صدیق کانجو ہال میں منعقد ہوا۔ جس میں ضلع بھر کے عازمین حج کی ایک بہت بڑی تعداد نے شرکت کی۔ امیر پنجاب احمد نواز انجم کی ہنگامی اطلاع پر ضلع کونسل ہال کی منظوری لی گئی۔
منہاج ویلفیئر فاؤنڈیشن سیالکوٹ کے زیراہتمام سیلاب زدگان کے لئے منہاج القرآن یوتھ لیگ کی امدادی مہم زور شور سے جاری ہے۔ اس سلسلے میں منہاج القرآن یوتھ لیگ سیالکوٹ نے عید سے پہلے ساڑھے 6 لاکھ روپے مالیت کا سامان سیلاب متاثرین تک پہنچا دیا ہے۔ اس کے لیے امدادی سامان کے 3 ٹرک جمع کیے گئے، جن میں ڈیڑھ لاکھ روپے مالیت کے سامان کا ایک ٹرک مرکزی منہاج ویلفیئر فاونڈیشن کے حوالے کیا گیا۔
نظامت دعوت تحریک منہاج القرآن نشتر ٹاؤن لاہور کے زیراہتمام تقریب تقسیم اسناد عرفان القرآن کورس کا پروگرام مورخہ 19 ستمبر 2010ء کو ملاپ شادی ہال مین بازار چونگی امرسدھو میں منعقد ہوا۔ پروگرام کا آغاز تلاوت قرآن پاک سے کیا گیا جس کی سعادت مسز زاہدہ پروین نے حاصل کی۔
شیخ الاسلام ڈاکٹر محمد طاہرالقادری کی ہدایات کی روشنی میں متاثرین سیلاب کی خدمت کے لیے تحریک منہاج القرآن ڈسکہ کے عہدیداران و کارکنان کے وفد نے مظفر گڑھ کے متاثرہ علاقوں کا دورہ کیا۔ وفد کی قیادت تحریک منہاج القرآن ڈسکہ کے صدر محمد اسلم قادری اور منہاج ویلفیئر فاؤنڈیشن کے صدر چوہدری عباس احمد گھمن نے کی جبکہ صفدر علی بٹ، محمد ناصر قادری، راشد رفیق، سجاد احمد، ظہیر احمد، شمس اقبال، ریاض قادری اور اللہ دتہ وفد میں شامل تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
