سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہورکے زیراہتمام ’’پری بجٹ سیمینار‘‘ سے خطاب کرتے ہوئے مقررین نے کہا کہ آج قوموں کی خوشحالی کی ضمانت معدنی ذخائر نہیں اعلیٰ تعلیم، سائنس وٹیکنالوجی، ٹیکنیکل ایجوکیشن اور جدید تحقیق اور ہنر مند افرادی قوت ہے، قومی وسائل سڑکوں، پلوں، عمارات کی بجائے اعلیٰ تعلیم و تحقیق پر خرچ کرنے سے پاکستان سیاسی، سماجی، معاشی بحرانوں سے باہر نکلے گا، پاکستان میں ہنر مند افرادی قوت کی شرح 4 سے 6 فیصد کے درمیان ہے جبکہ جرمنی میں یہ شرح 78 فیصد، کوریا، ہنگری، فن لینڈ، چین اور جاپان میں 100 فیصد ہے، ترقی کرنیوالے ممالک میں یہ شرح 66 فیصد سے زیادہ ہے، پاکستان تعلیم پر 2.2 فیصد جبکہ فنی تعلیم پر فنڈز نہ ہونے کے برابر ہیں۔
انٹرنیشنل اسلامی یونیورسٹی میں دعوۃ اکیڈمی کے زیراہتمام نویں سالانہ بک فئیر 2018ء کا انعقاد 12 سے 16 اپریل تک ہوا، بک فیئر میں منہاج القرآن اسلام آباد کی طرف سے شیخ الاسلام ڈاکٹر محمد طاہرالقادری کی کتب کا منہاج القرآن پبلی کیشنز اسٹال لگایا گیا۔ جہاں شیخ الاسلام ڈاکٹر محمد طاہرالقادری کی تمام کتب 50 فیصد رعائت کیساتھ دستیاب تھیں۔
سانحہ ماڈل ٹاون کیس کی انسداد دہشتگردی عدالت لاہور میں سماعت ہوئی، جہاں جواد حامد کی مسلسل تین روز شہادت قلمبند کی گئی۔ جواد حامد کا بیان 16 اپریل 2018 ء کو شروع ہوا مورخہ 18 اپریل 2018 ء کو مکمل ہو گیا۔ سانحہ ماڈل ٹاؤن کے مرکزی کردار ڈی آئی جی رانا عبدالجبار جو ایف آئی آر 510 کے گواہ تھے اے ٹی سی میں بیان ریکارڈ کروانے نہیں آئے، اے ٹی سی جج نے غیر حاضری پر ان کے وارنٹ گرفتاری جاری کر دئیے۔
آغوش کمپلیکس کے زیراہتمام آغوش گرائمر اسکول کی سالانہ تقریب انعامات و یوم والدین 17 اپریل 2018ء کو منعقد ہوئی۔ تقریب کی صدارت ڈاکٹر حسین محی الدین قادری (صدر منہاج القران انٹرنیشنل) نے کی۔ انہوں نے خطاب کرتے ہوئے کہا کہ آج پاکستان میں جیوگرافی و سوشل سائنسز کی کتب اور خاص طور پر پڑھائے جانے والے تعلیمی نصاب میں سے پاکستان کے نقشہ سے کشمیر کو نکال دیا گیا ہے۔
سانحہ ماڈل ٹاؤن استغاثہ کیس کے حوالے سے 16 اپریل 2018ء کو مستغیث جواد حامد کی اہم شہادت انسداد دہشتگردی عدالت میں قلمبند کی گئی، جواد حامد نے اپنی شہادت قلمبند کرواتے ہوئے کہا کہ 2010 ء میں ڈاکٹر محمد طاہرالقادری نے دہشتگردی کے خلاف عالمی اہمیت کا فتویٰ جاری کیا جس پر دہشتگرد گروپوں کی طرف سے جان سے مارنے کی دھمکیاں دی گئیں اس پر ملکی ایجنسیز نے ڈاکٹر محمد طاہرالقادری کو دہشتگردوں کے مذموم عزائم کے بارے میں تحریری طور پر آگاہ کیا، ان دھمکیوں کا علم جب ڈاکٹر محمد طاہرالقادری کے ہمسایوں اور سیکرٹریٹ کو ہوا تو ماڈل ٹاؤن ایم بلاک کے رہائشیوں نے لاہور ہائیکورٹ میں رٹ دائر کی کہ ان دھمکیوں کے تناظر میں انہیں تحفظ دیا جائے۔
منہاج القرآن ویمن لیگ کے زیر اہتمام اپنی نوعیت کی پہلی ’’ویمن پارلیمنٹ‘‘ کی 500 اراکین نے مؤرخہ 15 اپریل 2018 کو منہاج القرآن کے مرکزی سیکرٹریٹ میں منعقدہ خصوصی تقریب میں حلف اٹھایا، تقریب میں سندھ، بلوچستان، خیبرپختونخواہ، پنجاب، گلگت بلتستان، آزاد کشمیر سمیت بیرون ملک سے تعلق رکھنے والی عہدیدار خواتین نے شرکت کی، فرح ناز کو ویمن پارلیمنٹ کا سپیکر اور افنان بابر کو سیکرٹری نامزد کیا گیا۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے ویمن پارلیمنٹ کی ممبران سے حلف لیا اور انہیں ایک عظیم مقصد کے حصول کیلئے جمع ہونے پر مبارکباد دی۔
شیخ الاسلام ڈاکٹر محمد طاہرالقادری کا منہاج القرآن مرکزی سیکرٹریٹ میں منعقدہ منہاج القرآن ویمن لیگ کے 5 روزہ تنظیمی و تربیتی سیشن سے خطاب کرتے ہوئے کہا کہ مشن پر کاربند رہتے ہوئے اہداف کے 100 فیصد حصول کیلئے فرد اور تنظیم کے مابین احترام پر مبنی رشتہ استوار کرنا ناگزیر ہے۔ اچھی ریلیشن شپ ولایت کا بیج ہے۔ نیت ہو تو بندے کا اللہ سے رشتہ قائم کرنا آسان ہے مگر بندے کا بندے سے رشتہ استوار کرنا اور نبھانا مشکل ہے۔
چیئرمین سپریم کونسل ڈاکٹر حسن محی الدین قادری نے ویمن لیگ کے 5 روزہ تربیتی سیشن کے چوتھے روز خطاب کرتے ہوئے کہا کہ منہاج القرآن احیائے اسلام اور تجدید دین کی عالمگیر تحریک ہے، یہ تحریک دینی، سماجی، عائلی، انفرادی، اجتماعی امور و اقدار میں اسلامی تقاضوں کے مطابق اپنی ذمہ داریاں انجام دے رہی ہے۔ تحریک منہاج القرآن شرق و غرب میں اپنے وسیع و عریض تنظیمی ڈھانچے کے ذریعے اسلام کا علمی، تحقیقی، اصلاحی، فلاحی پر امن پیغام امت مسلمہ اور بنی نوع انسانیت تک پہنچا رہی ہے، جسکے ثمرات نوجوان نسل کی طرف سے اسلام کی طرف تیزی سے بڑھتی ہوئی رغبت کی صورت میں سامنے آ رہے ہیں۔
سپریم کورٹ نے سانحہ ماڈل ٹاؤن پر باقر نجفی رپورٹ عدالتی ریکارڈ کا حصہ بنانے کا حکم د ے دیا جبکہ انسداد دہشت گردی عدالت کے جج اعجاز اعوان کی چھٹی منسوخ کرتے ہوئے انہیں روزانہ کی بنیاد پر سماعت کرنے اور ہائیکورٹ میں زیر التوا مقدمات 2 ہفتوں میں نمٹانے کے احکامات جاری کردیئے۔ ہفتہ کو سپریم کورٹ لاہور رجسٹری میں چیف جسٹس پاکستان جسٹس میاں ثاقب نثار کی سربراہی میں 2 رکنی بینچ نے سانحہ ماڈل ٹاؤن نوٹس کیس کی سماعت کی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین القادری نے مرکزی سیکرٹریٹ میں منعقدہ ’’معراج النبی ﷺ کانفرنس و ماہانہ مجلس ختم الصلوٰۃ علی النبی ﷺ‘‘ سے خطاب کرتے ہوئے کہا کہ طائف کے بازاروں میں سنگ باری نے اللہ کے محبوب ﷺ کو ملول کر دیا تھا، رب کائنات نے اپنے محبوب ﷺ کی دلجوئی فرماتے ہوئے آپ ﷺ کا دامن عظمتوں اور رفعتوں سے بھر دیا اور منصب رسالتﷺ کو نئی شان عطا کی۔ شب معراج تاجِ عظمت حضور ﷺ کے سر اقدس پر رکھا گیا، معراج کی شب فضیلتیں قدم قدم پر آپ ﷺ کے ہم رکاب رہیں۔ سفرِ معراج حضور ﷺ کا ایک معجزہ ہے اور معجزہ رب کائنات کی قدرت کا مظہر ہوتا ہے۔
تربیتی سیشن سے خطاب کرتے ہوئے تحریک منہاج القرآن کے صدر ڈاکٹر حسین محی الدین قادری نے کہا کہ اسلام دین فطرت اور مکمل ضابطہ حیات ہے، دیگر تہذیبوں کی بنیاد مفاد اور جذبات پر جبکہ اسلام کی بنیاد اخلاص اور حکمت پر قائم ہے۔ اسلام جذبات کی بجائے اخلاص کی مضبوط بنیادوں پر قائم ہے، مخالفانہ پروپیگنڈے کا سبب کم علمی ہے یا بدنیتی، اسلام کی حقیقی تعلیمات سے آگاہی کیلئے قرآن و سنت کا براہ راست مطالعہ کیا جائے اور طالبات، خواتین حصول علم پر توجہ مرکوز کریں۔
منہاج القرآن ویمن لیگ کے زیراہتمام پانچ روزہ تنظیمی تربیتی کیمپ 11 اپریل 2018ء سے مرکزی سیکرٹریٹ ماڈل ٹاؤن لاہور میں جاری ہے، جس میں ملک بھر سے زونل، ضلع اور تحصیل سطح کی تنظیمات شریک ہیں۔ کیمپ کے دوسرے روز تحریک منہاج القرآن کی سپریم کونسل کے چیئرمین ڈاکٹر حسن محی الدین القادری، ممبر سپریم کونسل منہاج القرآن انٹرنیشنل ڈاکٹر غزالہ حسن قادری، ڈاکٹر فضہ حسین قادری، نظامت تربیت منہاج القرآن کے ڈپٹی ڈائریکٹر سعید رضا بغدادی اور مرکزی ناظمہ منہاج القرآن ویمن لیگ افنان بابر نے شرکاء سے تربیتی امور پر گفتگو کی۔
چیئرمین سپریم کونسل منہاج القرآن انٹرنیشنل نے 8 اپریل 2018ء کو گجرات کا تنظیمی دورہ کیا۔ ڈاکٹر حسن محی الدین قادری نے خطاب نے ورکرز کنونشن سے خطاب کرتے ہوئے کہا کہ ملک کی اشرافیہ اس مروجہ کرپٹ نظام کی محافظ ہے، اس کرپٹ نظام کو اپنی جدوجہد سے جڑ سے اکھاڑ پھینکنے کی ضرورت ہے۔ آئندہ انتخابات میں آئین کی شق 62 اور 63 پر عمل درآمد نہ ہوا تو ملک و قوم کے ساتھ جرم ہوگا۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے 3 اپریل 2018ء کو دورہ شمالی علاقہ جات کے دوران مری کا وزٹ کیا۔ مری پہنچنے پر جگہ جگہ تحریک منہاج القرآن، عوامی تحریک، یوتھ لیگ، ایم ایس ایم اور دیگر فورم کی جانب سے پرتپاک استقبال کیا گیا۔ مری میں عوامی تحریک و تحریک منہاج القرآن کے زیراہتمام ورکرز کنونشن میں آپ مہمان خصوصی تھے۔
منہاج القرآن انٹرنیشنل کے صدر ڈاکٹر حسین محی الدین قادری نے 9 اپریل 2018ء کو پاکپتن شریف کا دورہ کیا۔ یونیورسٹی آف لاہور پاکپتن کیمپس کی دعوت پر ڈاکٹر حسین محی الدین قادری نے تقریب میں بطور مہمان خصوصی شرکت کی اور خطاب کیا۔ ڈاکٹر حسین محی الدین قادری نے خطاب کرتے ہوئے کہا کہ آج سے 1400 سال پہلے امت مسلمہ ایک روشن خیال قوم اور ترقی یافتہ معاشرہ کے طور پر پہچان رکھتی تھی۔ آج امت مجموعی طور پر سیاسی، معاشی حالات اور سائنس و ٹیکنالوجی کے میدان میں زوال پزیر ہے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
