سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
سلسلہ ڈائیلاگ موومنٹ اور ریلیجنز کونسل آف فلپائن کی دعوت پر دس روزہ بین المذاہب رواداری ورکشاپ میں منہاج القرآن انٹرنیشنل انٹرفیتھ ریلیشنز کے ڈائریکٹر سہیل احمد رضا نے شرکت کی۔ سربراہ سلسلہ ڈائیلاگ موومنٹ فادر سبطینانو ڈی ایمبرا (Fr. Sebastiano D Ambra) نے ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا کا ایئرپورٹ پر شاندار استقبال کیا۔ یہ ورکشاپ فلپائن کے دارالحکومت منیلا کے معروف جزیرہ Zamboanga ہارمنی ویلج میں منعقد ہوئی، جس میں اٹلی، پاکستان، جرمنی، آسٹریا، بنکاک اور ملائیشیا کے علاوہ فلپائن منیلا اور Zamboanga کے انٹرفیتھ راہنماؤں نے شرکت کی۔
پاکستان عوامی تحریک کے سربراہ ڈاکٹر طاہرالقادری گزشتہ روز یورپی ممالک کا تنظیمی دورہ مکمل کرکے لندن پہنچے، جہاں پاکستان عوامی تحریک کے مرکزی راہنماء ڈاکٹر رحیق عباسی، منہاج القرآن برطانیہ کے راہنماء سید علی عباس بخاری، ابو احمد آدم الشیرازی، علامہ ذیشان قادری، حاجی عبدالغفور، شاہد مرسلین، شاہد اقبال اور مبشر سہیل سمیت کارکنوں کی بڑی تعداد نے ان کا استقبال کیا۔
منہاج ایجوکیشن سوسائٹی کے زیراہتمام فرید ملت سکالرشپ کی 6 ویں سالانہ تقریب 10 ستمبر 2015 کو تحریک منہاج القرآن کے مرکزی سیکرٹریٹ کے صفہ ہال میں منعقد ہوئی۔ تقریب کے صدارت تحریک منہاج القرآن کے صدر ڈاکٹر حسین محی الدین قادری نے کی۔ انہوں نے اپنے صدارتی خطاب میں کہا کہ منہاج ایجوکیشن سوسائٹی معیاری، بامقصد اور سستی تعلیم کا واحد ادارہ ہے جس کے 630 سکولوں میں ڈیڑھ لاکھ بچے زیر تعلیم ہیں اور جنہیں 10 ہزار سے زائد اعلیٰ تعلیم یافتہ اساتذہ جدید علوم سے روشناس کروارہے ہیں۔ منہاج ایجوکیشن سوسائٹی ڈاکٹر طاہرالقادری کے تعلیمی ویژن کی روشنی میں آئمہ مساجد نہیں بلکہ اسلامک سکالر پیدا کررہی ہے۔
تحریک منہاج القرآن کا قائم کردہ گوشہ درود عالمگیر سطح پر قُربتِ رسالتمآب صلی اللہ علیہ وآلہ وسلم اور نسبتِ رسول صلی اللہ علیہ وآلہ وسلم کو مستحکم کرنے اور بارگاہِ ایزدی سے برکات کے حصول کا ذریعہ ہے۔ درود و سلام ایک منفرد اور بےمثل عبادت ہے، جو رضائے الٰہی اور قربت مصطفیٰ صلی اللہ علیہ وآلہ وسلم کا مؤثر ترین ذریعہ ہے۔ اس مقبول ترین عبادت کے ذریعے ہم بارگاہِ ایزدی سے فوری برکات کے حصول اور قبولیتِ دعا کی نعمت سے سرفراز ہوسکتے ہیں۔
محترمہ غزالہ حسن قادری نے سپین میں منہاج القرآن ویمن لیگ کے زیراہتمام منعقدہ تربیتی نشست سے گفتگو کرتے ہوئے کہا کہ ماں کی گود انسان کی پہلی درس گاہ ہے۔ ماں کا جذبۂ ایمان جتنا زیادہ ہوگا یہ درس گاہ اتنی ہی بلند معیار کی حامل ہوگی اور اس میں پلنے والے بچوں کی تربیت اتنی ہی عمدہ ہوگی۔ عربی میں ماں کو ’’ ام‘‘ کہا جاتا ہے اور نبی اکرم صلی اللہ علیہ وآلہ وسلم کو بھی ’اُمّی‘ کہا گیا ہے۔ اس میں لفظی نسبت کے ساتھ ساتھ ایک معنوی نسبت ہے اور وہ یہ کہ نبی اکرم صلی اللہ علیہ وآلہ وسلم ساری انسانیت کے لیے رحمت و شفقت تھے اور ماں اپنی اولاد کے لیے سراپا محبت و شفقت ہوتی ہے۔
تحریک منہاج القرآن کی فیڈرل کونسل کے صدر ڈاکٹر حسین محی الدین القادری نے کہا ہے کہ دین اور دنیا کی تعلیم کو الگ کرنا دشمنوں کی کامیاب سازش ہے، جب سے طبقاتی نظام تعلیم کا غلبہ ہوا امام ابو حنیفہ رحمۃ اللہ علیہ اور جابر بن حیان جیسی ہستیاں پیدا ہونا بند ہو گئیں۔ دہشتگردی کے سیاسی استعمال نے اس کی جڑوں کوگہرا کیا
منہاج القرآن انٹرنیشنل نیدرلینڈز کے منعقدہ ورکر کنونشن میں کارکنان کی بڑی تعداد سے خطاب کرتے ہوئے شیخ الاسلام نے کہا ہے کہ 2013ء کے الیکشن سے قبل خلاف آئین تشکیل پانے والے الیکشن کمیشن اور اس کے صوبائی ممبرز کی تقرریوں کو سب سے پہلے ہم نے سپریم کورٹ میں چیلنج کیا تھا۔ اس وقت کے چیف جسٹس افتخار چودھری نے سیاسی عزائم اور تعصب کے باعث ہماری آئینی پٹیشن کو سننے سے انکار کر دیا۔
منہاج القرآن انٹرنیشنل نارتھ اٹلی بریشیاء کے زیراہتمام انسداد دہشت گردی اور امن نصاب کے تعارف اور شیخ الاسلام ڈاکٹر محمد طاہرالقادری سے ورکرز کی ملاقات اور نمایاں کارکردگی کا مظاہرہ کر نے والے کارکنان میں اعزازی اسناد تقسیم کرنے کی تقریب کا انعقاد کیا گیا۔ اس موقع پر ڈاکٹر محمد طاہرالقادری نے امن کے فروغ اور دہشت گردی کے خاتمے کے حوالے سے منہاج القرآن کی خدمات کا ذکر کیا اور امن نصاب کا تعارف کرایا۔
منہاج القرآن ویمن لیگ کی صدر فرح ناز، مصطفوی سٹوڈنٹس موومنٹ سسٹرز کی صدر انعم ریاض اور نائب ناظمہ دعوت منہاج ویمن لیگ سعدیہ حفیظ نے یہ دورہ جات 16 سے 21 اگست اسلام آباد، راولپنڈی، گوجر خان، کامرہ، اٹک، واہ کینٹ، ٹیکسلا، پنڈی گھیپ، حضرو، حسن ابدال، فتح جنگ، ایبٹ آباد، مانسہرہ، حولیاں، ہری پور، نوشہرہ اور پشاور سمیت پنجاب اور خیبر پختون خواہ کے مختلف شہروں کے تنظیمی دورہ جات کیے۔ دورہ جات کا مقصد ملک کے مختلف حصوں میں منہاج القرآن ویمن لیگ کے تنظیمی سٹرکچر مضبوط اور مؤثر بنانا تھا۔
منہاج القرآن انٹرنیشنل کی طرف سے 18 اگست 2015ء کو Android سسٹم کے لئے نئی App کے نام سے متعارف کروائی گئی، جس میں شیخ الاسلام ڈاکٹر طاہرالقادری کی سیکڑوں اردو، عربی، انگلش کتب موجود ہیں۔ یہ App گوگل پلے سٹور پر "Islamic Library by MQI" کے نام سے مفت ڈاؤن لوڈ کے لئے دستیاب ہے۔ ڈاکٹر حسن محی الدین قادری نے App کا افتتاح فرمایا۔ اس موقع پر انہوں نے App کے ڈویلپر طیب خان رند اور اس کی ٹیم کی کاوشوں کو خوب سراہا اور کہا کہ ان کی یہ خدمت اسلام کے پیغام امن کے فروغ کا باعث بنے گی۔ یہ App منہاج انٹرنیٹ بیورو کے تعاون سے BlueHornTechnologies نے رضاکارانہ طور پر تیار کی ہے۔
انٹرفیتھ ریلیشنز کی قیادت میں 14 اگست 2015 یوم آزادی کے موقع پر مختلف مذاہب کے نوجوانوں کے لیے جشن آزادی ٹور کا اہتمام کیا گیا، جس میں ہندو، سکھ، مسلم اور مسیحی نوجوان شامل تھے۔ انہوں نے جشنِ آزادی کے موقع پر وطنِ عزیز کی سلامتی اور بلندی کیلئے مختلف مندر، چرچ، گوردوارہ اور مساجد میں اجتماعی دُعائیں کیں۔
گوشہ درود کی ماہانہ مجلس ختم الصلوٰۃ علیٰ النبی صلیٰ اللہ علیہ وآلہ وسلم کے اجتماع سے خطاب کرتے ہوئے ڈاکٹر حسین محی الدین قادری کا کہنا تھا کہ کائنات کی تشکیل و تکمیل کا سبب محبت ہے۔ زمین و زماں، کون و مکاں، جبرئیل و میکائیل، بہشت و برزخ اور ملائک کی تخلیق سے پہلے جوہرِ محمد مصطفی صلیٰ اللہ علیہ وآلہ وسلم کو تخلیق کیا گیا۔ اللہ پاک کی تمام تخلیقات کی بنیاد و اساس ذات محمد اور حبُ محمد تھی۔ یہی وجہ ہے کہ رب نے اپنے حبیب کا ذکر نہ صرف تمام الہامی مذاہب کی روحانی کتب میں کیا۔
اس موقع پر انٹرفیتھ ریلیشنز کے ڈائریکٹر سہیل رضا نے کہا کہ نیشنل مینارٹی ڈے منانے کا بنیادی مقصد قیام پاکستان میں قائداعظم محمد علی جناح کی قیادت میں غیر مسلم رہنماؤں کی جدوجہد اور قربانیوں کو خراج تحسین پیش کرنے کا دن ہے۔ قیام پاکستان میں غیر مسلم رہنماؤں کے کردار کو کبھی فراموش نہیں کیا جاسکتا۔ پاکستان کے تمام مذاہب مل کر ایک قوم بنتی ہے۔
منہاج القرآن انٹرنیشنل اٹلی نے 6 اگست 2015 کو عظیم الشان ورکرز کنونشن منعقد کیا، جس میں اٹلی سے منہاج القرآن انٹرنیشنل کے رفقا، کارکنان اور وابستگان نے بڑی تعداد میں شرکت کی۔ کنونشن میں بانی و سرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری مہمان خصوصی تھے۔
ڈاکٹر طاہرالقادری کی ہدایات کے مطابق منہاج ویلفیئر فاؤنڈیشن کی طرف سے امدادی سامان کے ٹرکوں کی پہلی کھیپ متاثرہ اضلاع کو روانہ کر دی گئی۔ 15سو خاندانوں کیلئے خوراک اور ادویات راجن پور، ڈی جی خان اور مظفر گڑھ کی سیلاب سے شدید متاثرہ 25 یونین کونسلوں کی طرف روانہ کی گئی ہیں۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
