سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل بنگلہ دیش کے زیراہتمام حالی شہر چٹاگانگ میں آقائے دوجہاں حضور نبی اکرم صلی اللہ علیہ وآلہ وسلم کی ولادت باسعادت کے موقع پر مورخہ 19 مارچ 2009ء کو ایک عظیم الشان محفل میلاد مصطفیٰ صلی اللہ علیہ وآلہ وسلم منعقد ہوئی۔ جس کا آغاز تلاوت قرآن پاک اور نعت رسول مقبول صلی اللہ علیہ وآلہ وسلم سے ہوا۔
منہاج ویلفیئر فاؤنڈیشن پاکستان کے زیراہتمام 23 شادیوں کی اجتماعی سالانہ تقریب 12 اپریل 2009ء کو منعقد ہوئی۔ شادیوں کی اس تقریب کو خصوصی طور پر حضور صلی اللہ علیہ وآلہ وسلم کی عمر بعثت مبارک کی نسبت سے منعقد کیا گیا۔
تحریک منہاج القرآن اور پاکستان عوامی تحریک کے زیراہتمام ہونے والی قومی امن کانفرنس میں پاکستان کی سیاسی، مذہبی جماعتوں، فلاحی تنظیموں، وکلاء، علماء، اساتذہ، طلبہ، صحافی، تاجر اور مختلف طبقہ ہائے زندگی کی نمائندہ تنظیموں کے 150 نمائندگان شریک ہوئے۔ کانفرنس سے شیخ الاسلام ڈاکٹر محمد طاہرالقادری نے بذریعہ ٹیلی فون خطاب کیا۔
جگر گوشہ قدوۃ الاولیاء سیدنا طاہر علاؤ الدین القادری الگیلانی رحمۃ اللہ علیہ اور ممبر قومی اسمبلی پیر السید عبدالقادر جمال الدین القادری الگیلانی مورخہ 7 اپریل 2009ء کو تحریک منہاج القرآن کے مرکزی سیکرٹریٹ تشریف لائے۔ آپ کی آمد پر تحریک منہاج القرآن کے نائب ناظم اعلیٰ شیخ زاہد فیاض کی قیادت میں دیگر مرکزی قائدین کے وفد نے آپ کا خصوصی استقبال کیا۔
فرانس کے شہر مونتینی میں ایک بین الثقافتی (انٹر کلچرل) پروگرام کا انعقاد ہوا۔ جس میں برازیل، تیونس، الجزائر، مراکش، انڈیا، مروشش اور افریقہ کے ممالک کے علاوہ پاکستانی وفود نے بھی شرکت کی، پاکستان عوامی تحریک فرانس کے ایک خصوصی وفد نے صدر پاکستان عوامی تحریک فرانس طارق چوہدری کی قیادت میں شرکت کی۔
گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا ماہانہ روحانی اجتماع 2 اپریل 2009ء کو منعقد ہوا۔ گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا یہ 40 واں اجتماع تھا۔ اس پروگرام کا انعقاد گوشہ درود کے صفہ ہال میں کیا گیا۔
یوم پاکستان 23 مارچ 1940ء برصغیر کے مسلمانوں کے لئے ایک یادگار دن کی حیثیت رکھتا ہے اسی دن برصغیر کے مسلمانوں نے ایک آزاد اور خود مختار وطن کو اپنی منزل قرار دیتے ہوئے علیحدہ وطن کے حصول کی خاطر برصغیر کی تقسیم کا مطالبہ کیا اور پھر بانی پاکستان حضرت قائد اعظم محمد علی جناح رحمۃ اللہ علیہ کی قیادت میں صرف سات سالہ تاریخی جدوجہد کے نتیجے میں قیام پاکستان کی منزل کو سر کرلیا۔
نظامت دعوت تحریک منہاج القرآن کے زیراہتمام دس روزہ عرفان القرآن ٹریننگ کورس برائے معلمین تحریک منہاج القرآن کے مرکزی سیکرٹریٹ میں منعقد ہوا۔ اس کورس کا دورانیہ یکم اپریل سے 10 اپریل 2009ء تک ہے۔
منہاج القرآن انٹرنیشنل جنوبی کوریا کے زیراہتمام 15 مارچ بروز اتوار آنس شیوا میں ایک عظیم الشاں جشن عید میلاد النبی صلی اللہ علیہ وآلہ وسلم کانفرنس کا انعقاد کوریا پولی ٹیکنیکل یونیورسٹی میں کیا گیا۔ جس میں پورے کوریا سے ہزاروں کی تعداد میں عاشقان رسول صلی اللہ علیہ وآلہ وسلم نے شرکت کی۔ کانفرنس کے مہمان خصوصی سفیر پاکستان جناب مراد علی صاحب تھے
گورنمنٹ پولی ٹیکنکل کالج ہری پور کے ایک سو طلبہ نے مصطفوی سٹوڈنٹس موومنٹ کی مرکزی قیادت کی دعوت پر تحریک منہاج القرآن کے مرکزی سیکرٹریٹ کا وزٹ کیا۔ سیکرٹری جنرل موومنٹ ساجد گوندل اور سیکرٹری کوآرڈنیشن محمد طیب ضیاء نے تمام طلبہ اور اساتذہ کو خوش آمدید کہا۔
منہاج القرآن انٹرنیشنل سپین بارسلونا کے زیراہتمام 13ویں سالانہ میلاد النبی (ص) کانفرنس اسپورٹس ہال El Raval میں انعقاد پذیر ہوئی جس میں اہل بارسلونا نے کثیر تعداد میں شرکت کی۔ اس تقریب میں پاکستانی کمیونٹی کے علاوہ انڈیا اور بنگلہ دیش سے تعلق رکھنے والے مسلمانوں نے بھی شرکت کی۔ اس موقع پر بلدیہ بارسلونا کے نمائندہ Paco Salvador اور کتالونیا کی حکمران جماعت PCS کے سیکریٹری کوآرڈینیشن Jose Maria Sala میں موجود تھے۔
سوات میں لڑکی کو کوڑے مارنے کے غیر انسانی واقعہ پر منہاج القرآن ویمن لیگ نے احتجاجی مظاہرہ کیا جس میں سینکڑوں خواتین نے شرکت کی۔ مظاہرہ لاہور پریس کلب کے باہر مورخہ 4 اپریل 2009ء کو کیا گیا۔ مظاہرے میں اس ظالمانہ، غیرانسانی، غیر اخلاقی اور مذموم واقعہ کی شدید ترین مذمت کی گئی، خواتین نے کتبے اور بینرز اٹھا رکھے تھے۔
وائس چانسلر منہاج یونیورسٹی پروفیسر ڈاکٹر محمد نذیر رومانی کی نمازہ جنازہ مورخہ 3 اپریل کو پنجاب یونیورسٹی نیوکیمپس، لاہور میں ادا کی گئی۔ تحریک منہاج القرآن کے مرکزی امیر تحریک صاحبزادہ مسکین فیض الرحمن درانی نے نماز جنازہ پڑھائی۔
تحریک منہاج القرآن کے ناظم اعلیٰ ڈاکٹر رحیق احمد عباسی نے لاہور پریس کلب میں پریس کانفرنس کے دوران ملک میں جاری دہشت گردی کی بدترین لہر جس میں قانون نافذ کرنے والے ادارے تک محفوظ نہیں رہے، کی روک تھام کے لیے 9 اپریل بروز جمعرات "قومی امن کانفرنس" منعقد کرنے کا اعلان کیا ہے۔
منہاج ایجوکیشن سنٹر اوسلو کے زیراہتمام گذشتہ دنوں یوم پاکستان کے حوالے سے ایک نہایت ہی خوبصورت اور رنگا رنگ پروگرام کا انعقاد کیا گیا۔ پروگرام کا باقاعدہ آغاز آیات ربانی سے کیا گیا جس کی سعادت خوش الحان حافظ علامہ خالد محمود آف موس نے حاصل کی۔ پروگرام کے شرکاء بچے تھے اس لئے منہاج ایجوکیشن سنٹر کے پرنسپل پروفیسر محمد یٰسین نے پروگرام کے بارے میں سب کو آگاہ کیا
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
