سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل یوکے کے زیراہتمام ساوتھ زون کے کارکنان اور برطانیہ بھر سے منہاج یوتھ کے نوجوانوں کے ساتھ شیخ الاسلام ڈاکٹر محمد طاہرالقادری کی خصوصی نشست کا اہتمام کیا گیا، جس میں شیخ الاسلام ڈاکٹر محمد طاہرالقادری نے تربیتی خطاب کیا۔ اس موقع پر شیخ حماد مصطفیٰ المدنی القادری اور شیخ احمد مصطفیٰ العربی القادری بھی موجود تھے۔ شیخ الاسلام نے ’’وفاداری اور بے وفائی‘‘ کے موضوع پر گفتگو کرتے ہوئے کہا کہ اپنے دین اور ایمان کے ساتھ وفاداری ہی اصل زندگی ہے۔ اپنے ایمان پر استقامت کے ساتھ قائم رہتے ہوئے اللہ تعالیٰ کا شکر گزار رہنا ہم سب کی ذمہ داری ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے یونان میں ’’پیغام اِمام حُسین علیہ السلام کانفرنس‘‘ سے خطاب کرتے ہوئے کہا کہ حضرت امام حسین علیہ السلام نے جان کا نذرانہ پیش کر کے حق و باطل اور خلافت و ملوکیت کا فرق قیامت تک کے لیے واضح کر دیا ہے۔ حضور نبی اکرم ﷺ نے فرمایا حسین مجھ سے ہے اور میں حسین سے ہوں، آپ ﷺ نے فرمایا میرے بعد قرآن اور میری عترت یعنی میرے اہلِ بیت سے جڑے رہنا، کبھی گمراہ نہیں ہوگے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری تنظیمی دورے پر یونان پہنچ گئے، ایتھنز ائرپورٹ پر منہاج القرآن انٹرنیشنل یونان کے صدر ارسلان خرم چیمہ، جنرل سیکرٹری غلام عباس، ڈائریکٹر محمد نواز ہزاروی و دیگر راہنماؤں اور ذمہ داران و کارکنان نے آپ کا پرتپاک استقبال کیا۔ اس موقع پر یورپین کونسل کے ذمہ داران محمد اقبال وڑائچ، فیض عالم قادری اور احمد جاوید بھی ڈاکٹر حسن محی الدین قادری کے ہمراہ تھے۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے کہا ہے کہ محرم الحرام کی آمد پر اپنے خصوصی پیغام میں کہا ہے کہ ماہ محرم نواسۂ رسول حضرت امام حسین علیہ السلام کی حق و صداقت کے لئے دی جانے والی عظیم قربانی کی یاد دلاتا ہے۔ نواسۂ رسولؑ نے ظلم و بربریت، شعائر دین کی خلاف ورزی اور یزیدی فاشزم کے خلاف صدائے حق بلند کی اور جبر و تشدد کے سامنے سر جھکانے سے انکار کر دیا۔ انہوں نے اسلام کے لئے جان کی قربانی دے کر انسانیت کو پیغام دیا کہ طاقت حق نہیں، حق طاقت ہے۔
تحریک منہاج القرآن کے بانی رکن اور پاکستان عوامی تحریک خیبرپختونخوا کے سابق جنرل سیکرٹری خالد محمود درانی کے انتقال پر تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے دلی تعزیت کا اظہار کیا ہے۔ شیخ الاسلام نے اپنے تعزیتی پیغام میں کہا ہے کہ خالد محمود درانی ایک دین دار، محب اور خدا ترس انسان تھے۔ تحریک منہاج القرآن کے لئے ان کی خدمات ناقابل فراموش ہیں۔
تحریک منہاج القرآن خیبرپختون خواہ کے رہنماء اور سابق جنرل سیکرٹری پاکستان عوامی تحریک کے پی کے خالد محمود خان درانی انتقال کر گئے، انا للہ و انا الیہ راجعون۔ مرحوم کی نماز جنازہ جامع شیخ الاسلام ماڈل ٹاؤن لاہور میں صدر منہاج القرآن انٹرنیشنل ڈاکٹر حسین محی الدین قادری نے پڑھائی۔ اس موقع پر انہوں نے سوگوار خاندان سے اظہارِ تعزیت کیا اور مرحوم کے لیے بلندی درجات کی دعا بھی کی۔
ڈائریکٹر منہاج انٹرنیٹ بیورو عبدالستار منہاجین کی خوشدامن کا فیصل آباد میں انتقال ہو گیا، انا للہ و انا الیہ راجعون۔ مرحومہ کا جنازہ نماز ظہر کے بعد فیصل آباد میں ہو گا۔
تحریک منہاج القرآن کی نظامت تربیت کے شعبہ کورسز کے زیراہتمام گرمیوں کی چھٹیوں میں ملک بھر کے اساتذہ اور طلبہ وطالبات کے لیے دس روزہ فن خطابت و نقابت کورس منہاج ٹریننگ اکیڈمی آغوش کمپلیکس میں منعقد کیا گیا، جس میں ملک بھر سے پچاس سے زائد شرکاء نے شرکت کی۔ فن خطابت کورس کی افتتاحی تقریب 28 جون کو منعقد ہوئی جس میں مہمان خصوصی ڈائریکٹر کورسز حافظ محمد سعید رضا بغدادی نے افتتاحی کلمات سے کلاس کا آغاز کیا۔ اس موقع پر معروف ٹرینرز اور سکالرز محمود مسعود قادری، محمد سرفراز قادری، حسن محمود جماعتی اور مہتاب اظہر راجپوت نے لیکچرز دیئے۔
تحریک منہاج القرآن لاہور زون کا سالانہ اجلاس مقامی ریستوران میں ہوا، جس میں ناظم اعلیٰ منہاج القرآن انٹرنیشنل خرم نواز گنڈاپور، رانا محمد ادریس قادری، محمد جواد حامد، عبدالرحمن ملک اور رانا نفیس حسین قادری نے خصوصی شرکت کی۔ اجلاس میں لاہور زون کی سابقہ کارکردگی رپورٹ پیش کی گئی جس کو حوصلہ افزاء قرار دیتے ہوئے مرکزی قائدین نے آئندہ کے لائحہ عمل پر بریفنگ دی۔
ہانگ کانگ میں Christian Faith Hope Love Church کے ایک 20 رکنی وفد نے منہاج اسلامک سنٹر کھوائی چنگ کا دورہ کیا۔ اس موقع پر علامہ حافظ محمد نسیم خان نقشبندی ڈائریکٹر منہاج القرآن ہانگ کانگ، علامہ محمد طیب شمیم اور علامہ قاری محمد عثمان الترازی نے معزز مہمانوں کا استقبال کیا۔ مہمان وفد کے ساتھ تعارفی نشست منعقد ہوئی، جس میں علامہ حافظ محمد نسیم خان نقشبندی نے اسلام کے بنیادی عقائد اور تعلیمات کے بارے میں مفصل گفتگو کی۔
منہاج القرآن انٹرنیشنل کے صدر ڈاکٹر حسین محی الدین قادری دو ماہ کے تنظیمی دورے کے بعد وطن واپس پہنچ گئے۔ ایئرپورٹ پر نائب ناظم اعلیٰ علامہ رانا محمد ادریس، صدر منہاج القرآن لاہور رانا نفیس حسین قادری، شہزاد رسول قادری، میاں ممتاز حسین، حاجی محمد اسحاق، محمد الیاس ڈوگر، کیپٹن (ر) عبدالمجید، عابد بشیر قادری، رانا عتیق الرحمان، محسن اقبال سمیت رہنماؤں و کارکنان کی بڑی تعداد نے ان کا استقبال کیا۔
منہاج القرآن انٹرنیشنل انگلینڈ نارتھ زون کے عہدیداروں اور کارکنان نے شیخ الاسلام کیساتھ ملاقات کی۔ اس موقع پر چیئرمین سپریم کونسل ڈاکٹر حسن محی الدین قادری، شیخ حماد مصطفیٰ المدنی القادری اور شیخ احمد مصطفیٰ العربی القادری بھی موجود تھے۔ ملاقات میں شیخ الاسلام ڈاکٹر محمد طاہرالقادری نے تربیتی گفتگو کی۔
شیخ الاسلام ڈاکٹر محمد طاہرالقادری کی مانچسٹر اولڈہم کی سنٹرل مسجد میں علماء اور سکالرز کے خصوصی ملاقات کا اہتمام کیا گیا، جس میں برطانیہ بھر سے مختلف مکاتب فکر کے علماء کرام اور اسکالرز نے شرکت کی۔ اس موقع پر چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، شیخ حماد مصطفیٰ المدنی القادری اور شیخ احمد مصطفیٰ العربی القادری بھی موجود تھے۔ اس موقع پر شیخ الاسلام ڈاکٹر محمد طاہرالقادری نے علماء سے خطاب بھی کیا۔
منہاج القرآن انٹرنیشنل برطانیہ کے زیراہتمام ’’نیشنل یوتھ کانفرنس‘‘ منعقد ہوئی، جس میں شیخ الاسلام ڈاکٹر محمد طاہرالقادری نے خطاب کیا۔ اس موقع پر انہوں نے منہاج القرآن انٹرنیشنل برطانیہ کے پلیٹ فارم سے ’’منہاج القرآن انٹرنیشنل یوکے یوتھ موومنٹ‘‘ کے قیام کا اعلان کیا۔ شیخ الاسلام ڈاکٹر محمد طاہرالقادری نے کانفرنس سے خطاب کرتے ہوئے کہا کہ برطانیہ میں ’’یوتھ موومنٹ‘‘ نوجوانوں میں محبت رسول ﷺ کے فروغ کے لیے ’’منہاج مسلم جنریشنز‘‘ کے نام سے کام کرے گی۔
قائد تحریک منہاج القرآن شیخ الاسلام ڈاکٹر محمد طاہرالقادری سے برطانیہ میں سکاٹ لینڈ میں خدمتِ دین انجام دینے والے علمائے کرام اور مذہبی سکالرز کی ایک بڑی تعداد نے ملاقات کی۔ اس موقع پر گفتگو کرتے ہوئے شیخ الاسلام ڈاکٹر محمد طاہرالقادری نے کہا کہ اسلام کی حقیقی انسانی و روحانی تعلیمات کے فروغ و احیاء کے لئے علمائے کرام کو فروعی و مسلکی اختلافات سے بالاتر ہونا ہو گا۔ اسلام اتحادِ امت اور اجتماعیت کا دین ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
