سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن لودھراں کے زیراہتمام بسلسلہ شہادت امام حسین علیہ السلام ماہانہ درس عرفان القرآن منعقد ہوا، جس میں علامہ آفتاب خان نے خطاب کیا۔ انہوں نے کہا کہ محبت اہل بیت رکھنا رضائے الٰہی حاصل کرنے کا سب سے بڑا ذریعہ ہے۔ محب اہل بیت کبھی بھی اجر سے محروم نہیں رہتا۔ اہل بیت سے سچی نسبت تحفظ ایمان اور توبہ کی نعمت عطا کرتی ہے۔
قائد تحریک منہاج القرآن شیخ الاسلام ڈاکٹر محمد طاہرالقادری نے سعودی عرب میں مقیم تحریک منہاج القرآن کے دیرینہ رفیق محمد آصف منہاس کی زوجہ کے انتقال پر دکھ اور افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحومہ کو جنت الفردوس میں جگہ عطا فرمائے اور لواحقین کو یہ صدمہ برداشت کرنے کی ہمت اور حوصلہ دے۔ مرحومہ کی نماز جنازہ چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے مرکزی سیکرٹریٹ میں پڑھائی۔
قائد تحریک منہاج القرآن ڈاکٹر محمد طاہرالقادری کی ہدایت پر منہاج القرآن میرپور کے رہنماؤں نے ڈسٹرکٹ ہیڈ کوارٹر ہسپتال میں زلزلہ سے زخمی ہونے والے غریب شہریوں کے علاج کے لیے ادویات کا عطیہ دیا، یہ عطیہ ایم ایس ڈی ایچ کیو میر پور ڈاکٹر فاروق نور کو دیا گیا، اس موقع پر ظفر اقبال طاہر، پروفیسر محمد رشید صدیقی، سید ارشد بخاری، محمد الیاس ملنگی، مقصود مغل، سردار شہزاد موجود تھے۔
تحریک منہاج القرآن کی ضلعی تنظیم کے انتخابات مکمل ہوگئے، انتخابات کی نگرانی مرکزی نائب ناظم اعلیٰ انجینئر محمد رفیق نجم نے کی۔ منہاج القرآن فیصل آباد کی ضلعی تنظیم کا اہم اجلاس اسلامک سنٹر گلفشاں کالونی میں منعقد ہوا۔ اجلاس میں تحریک منہاج القرآن کے تمام فورمز کے ضلعی اورصوبائی حلقہ جات کے عہدیداران ورفقاء نے بڑی تعداد میں شرکت کی۔
منہاج القرآن اسلامک سینٹر فتح جنگ میں ضلع اٹک کی تنظیمات کا ایک روزہ تنظیمی تربیتی کیمپ منعقد ہوا۔ جس میں ضلع بھر سے 70 سے زائد عہدہداران نے شرکت کی۔ کیمپ میں مرکزی نائب ناظم اعلیٰ شمالی پنجاب رانا محمد ادریس قادری نے خصوصی شرکت کی۔
مرکزی نظامتِ تربیت کے زیراہتمام ضلع چکوال کی تنظیمات کا ایک روزہ تنظیمی تربیتی کیمپ پریس کلب چکوال میں 29ستمبر 2019 کو منعقد ہوا۔ کیمپ میں تحریک کے تمام فورمز کی جملہ تنظیمات کے 150 سے زاید عہدیداران نے شرکت کی۔
پاکستان عوامی تحریک، تحریک منہاج القرآن، منہاج القرآن ویمن لیگ، علماء کونسل، مصطفوی سٹوڈنٹس موومنٹ اور یوتھ لیگ کا تربیتی ورکرز کونشن پریس کلب چکوال میں منعقد ہوا جس میں ضلع بھر کی پانچوں تحصیلوں کے وابستگان اور عہدیدران نے شرکت کی۔ اس موقع پر تحریک منہاج القرآن کے مرکزی قائدین میں سے علامہ رانا محمد ادریس، نائب ناظم اعلیٰ شمالی پنجاب، علامہ غلام مرتضیٰ علوی، ناظم تربیت، پروفیسر محمد سلیم نے بھی کنونشن میں خصوصی شرکت کی۔
Conversative Party کے MP Andrew Lewer نے منہاج القرآن انٹرنیشنل نارتھ ہمپٹن کا دورہ کیا۔ ان کے ساتھ منہاج یورپین کونسل کے صدر ظل حسن اور منہاج القرآن انٹرنیشنل ویکفیلڈ کے صدر چوہدری عثمان کے علاوہ کشمیر کمیٹی کے صدر چوہدری افتخار اور نارتھ ہمٹن کے میئر چوہدری ناظم بھی ہمراہ تھے۔
تحریک منہاج القرآن راجن پور کے زیرانتظام ’’سیدالشہداء کانفرنس‘‘ الخلیل پارک درہ مچھی والا راجن پور میں منعقد کی گئی جس میں خصوصی خطاب شیخ الاسلام ڈاکٹر محمد طاہرالقادری کے شاگرد رشید علامہ انوار المصطفی ہمدمی نے کیا، جبکہ مہمان خصوصی میں مرکزی نائب ناظم اعلیٰ جنوبی پنجاب سردار شاکر خان مزاری، ضلعی صدر تحریک منہاج القرآن راجن پور محمد سعید مغل، ضلعی ناظم تحریک منہاج القرآن راجن پور ملک ابو ارسل مصطفی المدنی، ضلعی صدر مصطفوی سٹوڈنٹس موومنٹ جلیل احمد گبول شامل تھے۔ اس پروگرام میں مردوخواتین کی بہت بڑی تعداد نے شرکت کی۔
منہاج القرآن کے مرکزی سیکرٹریٹ میں منہاج القرآن کے لائف ممبر جواں سال رضا المصطفیٰ کی یاد میں تعزیتی ریفرنس منعقد ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ ریفرنس سے خطاب کرتے ہوئے ڈاکٹر حسن محی الدین قادری نے کہا کہ منہاج القرآن سے وابستہ نوجوان محب وطن، ذمہ دار شہری اور الحمدللہ باعمل مسلمان ہیں۔
منہاج القرآن کی مرکزی نظامتِ تربیت اور منہاج گرلز کالج ٹاؤن شپ لاہور کے زیرِاہتمام ملک بھر کی خواتین کے لئے مستقل تعلیمی ادارہ اکیڈمی آف اسلامک سائنسز (برائے خواتین) میں 40 روزہ ڈپلومہ ان قرآن سٹڈیز کی کلاسز کا اہتمام کیا گیا، جس کی اختتامی تقریب منعقد ہوئی۔
ظامت ِتربیت تحریک منہاج القرآن کے زیراہتمام ٹیکسلا اور واہ کینٹ کا مشترکہ تنظیمی تربیتی کیمپ منعقد ہوا۔ ایک روزہ تنظیمی تربیتی کیمپ منہاج اسلامک سنٹر کری ٹیکسلا میں منعقد ہوا۔ کیمپ میں ٹیکسلا اور واہ کینٹ کے جملہ صوبائی حلقہ جات کے عہدہداران نےبھرپور شرکت کی۔
تحریک منہاج القرآن کے قائد ڈاکٹر محمد طاہرالقادری کی خصوصی ہدایت پر منہاج القرآن اور منہاج ویلفیئر فاؤنڈیشن کے مرکزی رہنماؤں پر مشتمل وفد کا میر پور کے زلزلہ سے متاثرہ اضلاع کا دورہ۔ وفد میں مرکزی سیکرٹری اطلاعات نوراللہ صدیقی، ڈائریکٹر منہاج ویلفیئر سید امجد علی شاہ شامل تھے۔ منہاج القرآن میر پور تنظیم کے راہنما ظفر اقبال، شاہد محمود قادری، حافظ احسان الحق ودیگر رہنما بھی ہمراہ تھے۔ منہاج ویلفیئر فاؤنڈیشن کی طرف سے زلزلے سے متاثرہ غریب خاندانوں کی مالی مدد کی گئی۔ راہنماؤں نے ڈسٹرکٹ ہسپتال میر پور میں زیر علاج مریضوں کے لیے ادویات بھی دیں۔
مرکزی نظامتِ تربیت کے شعبہ کورسزکے زیرِانتظام ضلع مظفر گڑھ میں ڈپلومہ ان قرآن سٹڈیز کی افتتاحی تقریب کا انعقاد ہوا۔ افتتائی تقریب 22 ستمبر 2019ء کو منعقد ہوئی جس میں مرکزی کوآرڈینٹرکورسز علامہ محمد مسعود قادری اور ڈپٹی ڈائریکٹر نظامتِ تربیت وکوآرڈینٹر علامہ محمد سرفراز قادری نے خصوصی شرکت کی۔
تحریک منہاج القرآن راولپنڈی کے زیراہتمام تنظیمی و تربیتی کنونشن کا انعقاد کیا گیا جس میں مرکزی نائب ناظم اعلیٰ علامہ رانا محمد ادریس اور مرکزی ناظم تربیت علامہ غلام مرتضی علوی نے خصوصی شرکت کی اور خطاب کیا۔ کنونشن سے انار خان گوندل، ملک نذیر اعوان، ناہیدہ راجپوت، عثمان ارشد، علامہ شبیر عباس اور حسنین ارشد نے بھی خطاب کیا۔ یہ کنونشن منہاج القرآن اسلامک سنٹر کری روڈ پر منعقد ہوا جس میں شہر بھر سے سیکڑوں عہدیداران شریک ہوئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
