سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن شمالی زون کے ضلعی و تحصیلی ذمہ داران کا مری میں دو روزہ روحانی، تربیتی، تنظیمی اور تفریحی کیمپ منعقد ہوا، جس میں شمالی زون کے ضلعی و تحصیلی ناظمین اور صدور نے شرکت کی۔ کیمپ میں تربیتی نشست منعقد ہوئی، جس میں علامہ غلام مرتضیٰ علوی نے خطاب کیا۔ اس موقع پر شیخ الاسلام ڈاکٹر محمد طاہرالقادری کا ویڈیو خطاب بھی دکھایا گیا۔
تحریک منہاج القرآن کے زیراہتمام گوشہ درود کی ماہانہ مجلس ختم الصلوۃ علی النبی ﷺ کی محفل 6 جولائی 2019ء کو مرکزی سیکرٹریٹ ماڈل ٹاؤن میں منعقد ہوئی۔ روحانی محفل کے مہمان خصوصی ناظم اعلیٰ تحریک منہاج القرآن خرم نواز گنڈاپور تھے جبکہ اس موقع پر جواد حامد، مظہر علوی، سید مشرف شاہ، علامہ محمد لطیف مدنی، راجہ زاہد محمود، حافظ غلام فرید، رمضان ایوبی، حاجی محمد امجد و دیگر رہنما بھی موجود تھے۔ مجلس ختم الصلوۃ علی النبی ﷺ کی تقریب میں جید علمائے کرام، مشائخ عظام، قرا و نعت خوان حضرات نے بھی بڑی تعداد میں شرکت کی۔
منہاج القران انٹرنیشنل جرمنی فرینکفرٹ کے زیراہتمام ڈائریکٹر فنانس عدنان جاوید کے ایصال ثواب کے لیے قرآن خوانی کی محفل کا اہتمام بعد نماز جمعہ کیا گیا۔ قرآن خوانی کی محفل میں کثیر تعداد میں لوگوں نے شرکت کی۔
تحریک منہاج القرآن فیصل آباد کے زیراہتمام ورکرز کنونشن منعقد ہوا، جسمیں مرکزی ناظم اعلیٰ خرم نواز گنڈاپور مہمان خصوصی تھے۔ انہوں نے خطاب کرتے ہوئے کہا کہ ہے منہاج القرآن کے کارکنان ملکی استحکام کیلئے جان و مال کی بے دریغ قربانیاں دینے کے جذبے سے کل بھی سرشار تھے اور آج بھی ان کے جذبوں میں کوئی کمی نہیں آئی۔
تحریک منہاج القرآن کے ڈائریکٹر فنانس عدنان جاوید مرحوم کے ایصال ثواب کے لیے قرآن خوانی و دعائیہ تقریب 6 جولائی 2019ء کو جامع المنہاج ٹاون شپ میں ہوئی، یہ تقریب منہاج انسٹیٹیوٹ آف قرآت و تحفیظ القرآن اینڈ منہاج القرآن ماڈل ہائی سکول بغداد ٹاؤن (ٹاؤن شپ) لاہور اور آغوش کمپلیکس کے زیراہتمام منعقد ہوئی۔ دعائیہ تقریب میں عدنان جاوید مرحوم کی تحریک منہاج القرآن کے لیے خدمات کو سراہا گیا۔ اور ان کے ایصال ثواب کے لیے فاتحہ خوانی بھی کی گئی۔
منہاج ایجوکیشن سوسائٹی کے ٹریننگ ڈیپارٹمنٹ کی جانب سے فیصل آباد میں پرنسپل ٹریننگ ورکشاپ کا انعقاد کیا گیا جس میں فیصل آباد زون کے منہاج گروپ آف سکولز کے پرنسپلز نے شرکت کی۔ ٹریننگ ورکشاپ تین سیشنز پر مشتمل تھی۔ ورکشاپ میں ڈپٹی ڈائریکٹر ٹریننگ ہارون ثانی اور منہاج ایجوکیشن سوسائٹی کے مینیجنگ ڈائر یکٹر راشد حمید کلیامی نے لیکچرز دیئے۔
منہاج القرآن انٹرنیشنل یوکے لندن کے زیراہتمام ڈائریکٹر فنانس منہاج القرآن عدنان جاوید مرحوم کے ایصال ثواب کے لیے دعائیہ تقریب 4 جولائی 2019ء کو منعقد ہوئی، جس میں شیخ الاسلام ڈاکٹر محمد طاہرالقادری نے خصوصی شرکت کی۔ صاحبزادہ حماد مصطفیٰ اور صاحبزادہ احمد مصطفیٰ بھی اس موقع پر موجود تھے۔ شیخ الاسلام ڈاکٹر محمد طاہرالقادری نے عدنان جاوید کی تحریک منہاج القرآن کے لیے خدمات کو گرانقدر قرار دیا۔
تحریک منہاج القرآن کے ڈائریکٹر فنانس اور شیخ الاسلام ڈاکٹر محمد طاہرالقادری کے بھانجے عدنان جاوید مرحوم کی یاد میں تعزیتی ریفرنس مرکزی سیکرٹریٹ میں منعقد ہوا، تعزیتی ریفرنس سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ انسانیت کیلئے زندہ رہنے والوں کے متعلق اللہ تعالیٰ دنیا میں ہی خاص و عام کے دلوں میں احترام کے جذبات پیدا کر دیتا ہے اور انسانیت سے پیار کرنے والوں کیلئے آخرت میں بھی انعامات اور بڑے درجات ہیں۔
تحریک منہاج القرآن لودھراں کے زیراہتمام ڈائریکٹر فنانس ادارہ منہاج القرآن عدنان جاوید مرحوم کے ایصال ثواب کے لئے قرآن خوانی کا اہتمام کیا گیا، جس میں تحریک منہاج القرآن کے کارکنان اور عہدیداران کے علاوہ بڑی تعداد میں منہاج القرآن اسلامک سنٹر کے طلباء اور اساتذہ کرام نے شرکت کی۔
تحریک منہاج القرآن کے فنانس ڈیپارٹمنٹ کے ڈائریکٹر اور شیخ الاسلام ڈاکٹر محمد طاہرالقادری کے بھانجے عدنان جاوید مرحوم کی رسم قل و دعائیہ تقریب 2 جولائی 2019ء کو مرکزی سیکرٹریٹ میں منعقد ہوئی، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، صاحبزادہ دیوان احمد مسعود چشتی، ناظم اعلیٰ خرم نواز گنڈاپور اور عدنان جاوید کے فیملی ممبرز نے شرکت کی۔
قائد تحریک منہاج القرآن ڈاکٹر محمد طاہرالقادری کے جواں سالہ بھانجے، منہاج القرآن انٹرنیشنل کے ڈائریکٹر فنانس محمد عدنان جاوید کی نماز جنازہ یکم جولائی 2019ء کو صبح 7 بجے منہاج یونیورسٹی لاہور میں ادا کی گئی۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے نماز جنازہ پڑھائی جبکہ شیخ الاسلام ڈاکٹر محمد طاہرالقادری نے دعا کرائی۔ مرحوم کو منہاج یونیورسٹی میں روضۃ المخلصین قبرستان میں دفن کیا گیا۔ عدنان جاوید کا اتوار کو عارضہ قلب کے باعث انتقال ہوا تھا۔
ڈائریکٹر فنانس تحریک منہاج القرآن محمد عدنان جاوید کی نمازِ جنازہ اور تدفین کے بعد مرکزی سیکرٹریٹ کے گوشہ درود میں قرآن خوانی اور دعائیہ تقریب کا اہتمام کیا گیا۔ قرآن خوانی اور دعائیہ تقریب میں ڈائریکٹر ایڈمن جواد حامد، مفتی عبدالقیوم خان ہزاروی، علامہ محمد الیاس اعظمی، ممتاز الحسن باروی، کالج آف شریعہ کے اساتذہ و طلباء، مرکزی قائدین تحریک منہاج القران، مرکزی سیکرٹریٹ کے سٹاف ممبران اور رفقاء و کارکنان نے بھی شرکت کی۔
شیخ الاسلام ڈاکٹر محمد طاہرالقادری کے بھانجے محمد عدنان جاوید (ڈائریکٹر فنانس تحریک منہاج القرآن) انتقال کر گئے۔ إنا لله وإنا إليه راجعون۔ گزشتہ دنوں ان کو ہارٹ اٹیک ہوا، وہ ہسپتال میں زیرعلاج تھے، مختصر علالت کے بعد وصال فرما گئے۔ انکی نمازِ جنازہ کل بروز سوموار صبح 7 بجے منہاج یونیورسٹی ٹاؤن شپ لاہور میں چیئرمین سپریم کونسل منہاج القران انٹرنیشنل ڈاکٹر حسن محی الدین قادری پڑھائیں گے۔
تحریک منہاج القرآن گجرات کے ناظم اور جامعہ اسلامیہ منہاج القرآن کے فاضل ساجد محمود قادری منہاجین انتقال کر گئے، انا للہ وانا الیہ راجعون۔ مرحوم کچھ عرصہ سے شدید علیل اور ہاسپتال میں داخل تھے۔ ساجد محمود قادری کی نماز جنازہ گجرات میں ادا کی گئی، نماز جنازہ میں تحریک منہاج القرآن کے مرکزی ناظم اعلیٰ خرم نواز گنڈاپور، نائب ناظم اعلیٰ انجینئر محمد رفیق نجم، ناظم منہاجین محمد مشتاق قادری، نظامت امور خارجہ سے وسیم افضل قادری اور علامہ غلام ربانی تیمور پر مشتمل وفد نے شرکت کی۔
منہاج القرآن النور اسلامک سینٹر کنیٹیکٹ کے زیراہتمام منہاج سنڈے سکول کی اختتامی تقریب 23 جون 2019ء کو منعقد ہوئی، جس میں طلبہ کو اسناد اور پوزیشن ہولڈرز کو شیلڈز دی گئیں۔ تقریب کا آغاز تلاوت قرآن سے ہوا، جس کی سعادت فاطمہ ماجد اور عدیلہ شریف نے حاصل کی جبکہ انگلش ترجمہ زید فیاض الدین اور آیت پٹیل نے کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
