سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل آئرلینڈ کے زیراہتمام ڈبلن میں ایک عظیم الشان میلاد النبی صلی اللہ علیہ وآلہ وسلم کانفرنس کا انعقاد کیا گیا، جس میں منہاج القرآن انٹرنیشنل ایکرنگٹن برطانیہ کے ڈائریکٹر الشیخ الحافظ علامہ عبدالسعید مہمان خصوصی تھے۔ پروگرام میں ڈبلن سٹی کونسلر روری میک لینی اور آئرش سیاسی سماجی اہم رکن میری فری مین المروف میری آئرش انصافین نے بھی خصوصی طور پر شرکت کی۔
یکم دسمبر 2018 بروز ہفتہ گماکین جاپان کی تاریخی جامع مسجد محمدیہ معصومیہ ایسا ساکی میں فقید المثال میلاد کانفرنس کا انعقاد کیا گیا، علامہ حافظ محمد احمد قمر نے کانفرنس کی صدارت کی، علامہ غلام ربانی تیمور کانفرنس میں خطاب کیا، ثاقب الرحمن اصغر علی بھنڈر اور محمد حفیظ نے گلہائے عقیدت کی سعادت حاصل کی۔
منہاج ویلفیئر فاؤنڈیشن یوکے، یورپ کے پروجیکٹ مینیجر الشیخ عدنان سہیل کا ڈبلن ایئرپورٹ پہنچنے پر پرتپاک استقبال کیا گیا، استقبالیہ وفد میں منہاج القرآن آئرلینڈ کے صدر، اسلامک سینٹر کارلو کے چیئرمین اور منہاج القرآن آئرلینڈ کے تاحیات رفیق محمد یوسف، پی ٹی آئی آئرلینڈ کے انفارمیشن سیکرٹری سید قاسم شاہ، منہاج نعت کونسل کے رکن علی بٹ قادری اور ناصر چشتی شامل تھے۔ محمد یوسف نے الشیخ عدنان سہیل کو پھولوں کا گلدستہ پیش کیا۔
مصطفوی سٹوڈنٹس موومنٹ کے زیراہتمام عشق فروغ مصطفی ﷺ کانفرنس مکہ میرج ہال چکوال میں 28 نومبر 2018 کو منعقد ہوئی، جس میں قاضی محمد احسن صدر ایم ایس ایم شمالی پنجاب اور ملک محمد ارسلان مصطفوی نائب صدر ایم ایس ایم شمالی پنجاب مہمان خصوصی تھے۔ پروگرام میں ایم ایس ایم کے قائدین و کارکنان کے علاوہ مختلف کالجز کے سٹوڈنٹس اور عوام الناس نے بھر پور شرکت کی۔
منہاج القرآن انٹرنیشنل امریکا کے زیراہتمام میلاد النبی ﷺ کا تیسرا سالانہ جلوس امریکی ریاست کنیٹیکٹ میں 25 نومبر 2018 کو منعقد ہوا۔ جلوس کی قیادت منہاج القرآن النور اسلامک سینٹر کے ڈائریکٹر علامہ محمد شریف کمالوی اور منہاج القرآن اسلامک سینٹر نیو جرسی کے ڈائریکٹر علامہ اویس منصف قادری نے کی۔
منہاج القرآن پائن ٹاون کی تنظیم اور محمد ندیم نے ملکر جامع مسجد پائن ٹاون میں سالانہ جشن عید میلادالنبی صلی اللہ علیہ وسلم کے سلسلے میں محفل کا انعقاد 25 نومبر 2018ء کو بعد نماز عصر کیا۔ پروگرام میں تلاوت کلام پاک کی سعادت ذاکر رفیق MYL اور درود شریف و نعت پاک کی سعادت محمد حسنین، محمد اکرام، حافظ نادر، علی رفیق اور محمد محسن نے حاصل کی۔
تحریک منہاج القرآن واہ کینٹ اور منہاج ویلفیئر فاؤنڈیشن کے زیراہتمام 12 شادیوں کی اجتماعی تقریب مقامی ہال میں منعقد ہوئی۔ تقریب میں 12 جوڑوں کا نکاح منہاج القرآن علماء کونسل کے سکالرز نے پڑھایا۔ اس موقع پر تحریک منہاج القرآن کی طرف سے ہر دلہن کو زیور، دولہا کو انگوٹھی، جہیز میں ضروریات زندگی کاگھریلو سامان اور سینکڑوں باراتیوں کو کھانا بھی پیش کیا گیا۔ ہر جوڑے کو ڈیڑھ لاکھ مالیت کا سامان تحفے میں دیا گیا۔ تقریب میں شیخ الاسلام ڈاکٹر محمد طاہرالقادری نے ٹیلی فونک خطاب کیا۔
منہاج یونیورسٹی لاہور کا کانووکیشن 2018ء منہاج یونیورسٹی لاہور ٹاون شپ میں منعقد ہوا، جس کی صدارت چیرمین بورڈ آف گورنرز شیخ الاسلام ڈاکٹر محمد طاہرالقادری نے کی۔ کانووکیشن میں گورنر پنجاب چوہدری محمد سرور مہمان خصوصی تھے۔ حجۃ الاسلام چانسلر آف رضوی اسلامک سائنس یونیورسٹی ایران ڈاکٹر سید محمد حسن وحدتی شبیری، ڈپٹی چیئرمین بورڈ آف گورنرز (MUL) ڈاکٹر حسین محی الدین قادری اور چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے بھی کانووکیشن میں خصوصی شرکت کی۔ گورنر پنجاب چوہدری محمد سرور نے کانووکیشن سے خطاب کرتے ہوئے کہا کہ حکومت اعلیٰ تعلیم کے فروغ کے لئے پر عزم ہے اور اس کے لئے تمام وسائل مہیا کرے گی۔
مصطفوی سٹوڈنٹس موومنٹ خانپور کے زیراہتمام عظیم الشان میلاد مارچ کا انعقاد کیا گیا۔ جس مین خصوصی شرکت میر احسن ڈپٹی سیکرٹری جنرل ایم ایس ایم نے کی۔ اس موقع پر بہت بڑی تعداد میں عاشقان رسول ﷺ نے مارچ میں شرکت کی۔
منہاج القرآن انٹرنیشنل ساؤتھ کوریا اپنی سابقہ روایات کو برقرار رکھتے ہوئے اس سال بھی حضور تاجدار کائنات ﷺ کے میلاد کا جشن شایان شان سے منا رہی ہے، ملک بھر میں مجالس میلاد منعقد ہو رہی ہیں۔ اس سلسلے میں مرکزی سالانہ میلاد کانفرنس کا انعقاد 25 نومبر 2018 کو ساؤتھ کوریا کے شہر شیوا میں واقع یونیورسٹی کے ہال میں کیا گیا۔ ہال کو بہت خوبصورتی سے سجایا گیا تھا، مختلف عنوانات کے بینرز آویزاں تھے، ہال کے شروع میں شیخ الاسلام ڈاکٹر محمد طاہرالقادری کی کتب کا اسٹال بھی لگایا گیا تھا جو تمام شرکاء کی توجہ کا مرکز رہا۔
منہاج القرآن انٹرنیشنل انڈیا کے ذیلی فورم منہاج یوتھ لیگ کے زیراہتمام میسور شہر کے میلاد باغ اشوکہ روڈ میں جشن عید میلاد النبی صلی اللہ علیہ وآلہ وسلم کے سلسلہ میں پروگرام منعقد ہوا، جس کی صدارت قاری علامہ محمد مقبول نظامی الآمری آلقادری نے کی۔ پروگرام کی مہمان شخصیات میں سید عمران حسینی القادری، احمد مصطفیٰ قادری، سید نعمت اللہ الحسینی، محمد اربازالقادری شامل تھے۔
مؤرخہ 24 نومبر 2018 بروز ہفتہ بعد نماز عصر میاں محمد افضل اینڈ فیملی اور پاکستان ساؤتھ افریقہ ایسوسی ایشن کے تحت ویزٹول ڈربن میاں افضل کی رہائشگاہ پر جشن عید میلاد النبی صلی اللہ علیہ وآلہ وسلم کے سلسلہ میں ایک پروقار تقریب کا انعقاد کیا گیا جس میں منہاج القرآن انٹرنیشنل نٹال کے قرآء حضرات، نعت خواں اور مقررین نے بھر پور حصہ لیا اور علاقائی تنظیمات اور ممبرز نے شرکت بھی کی۔
منہاج القرآن انٹرنیشنل امریکہ کے زیراہتمام سالانہ میلادالنبی صلی اللہ علیہ وآلہ وسلم کانفرنس 24 نومبر 2018 ء کو منہاج القرآن النور اسلامک سنٹر کنیکٹیک میں منعقد ہوئی، جس کی صدارت علامہ شہباز احمد قادری، مفتی صغیر احمداور محمداشرف بھورا نے کی۔ شام 5 بجے پروگرام کا باقاعدہ آغاز تلاوت قرآن مجید سے ہوا، جس کی سعادت عدیلہ شریف، فاطمہ ماجد اور معراج ماجد نے حاصل کی۔
ڈاکٹر محمد طاہرالقادری نے سانحہ ماڈل ٹاؤن کے شہید میاں عمر صدیق کے بڑے بھائی میاں احمد صدیق کی دعوت ولیمہ میں شرکت کی اور اس موقع پر میڈیا سے گفتگو کرتے ہوئے کہا کہ سانحہ ماڈل ٹاؤن کے قاتلوں کا عبرتناک انجام دنیا دیکھے گی، سانحہ کے ماسٹر مائنڈ کی رسوائی ابھی ابتداء ہے، بے گناہوں کا خون بہانے والے اس دنیا میں بھی سزا بھگتیں گے اور آخرت میں بھی ان قاتلوں سے بہائے جانے والے معصوم خون کے قطرے قطرے کا حساب لیا جائے گا۔
منہاج القرآن انٹرنیشنل نٹال، ساؤتھ افریقہ کے صدر اور ایگزیکٹیو ممبر علامہ طاہر رفیق کے بہنوئی اور منہاج القرآن انٹرنیشنل تابنکولو، ساؤتھ افریقہ کے صدر محمد خالق گذشتہ روز رضائے الٰہی سے فیصل آباد میں انتقال کرگئے۔ بانی سرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری نے محمد خالق کے انتقال پر گہرے رنج و غم کا اظہار کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
