سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
غزوہ بدر اہل ایمان کی فتح و کامیابی کا دن ہے: منہاج القرآن علماء کونسل
تحریک منہاج القرآن فیصل آباد کے زیرانتظام 22 جون 2016 کو تنظیمی عہدیداران اور کارکنان کے اعزاز میں افطار ڈنر کا اہتمام کیا گیا جس میں تحریک منہاج القرآن فیصل آباد کے ضلعی امیر سید ہدایت رسول قادری، ضلعی ناظم رانا رب نواز انجم، میاں کاشف محمود، رانا طاہر سلیم، عزیز الحسن اعوان، محمود الحسن، رانا غضنفر علی، میاں امجدقادری، خالد رفیق سندھو، آصف عزیز، عامر حسین، حاجی امین القادری، غلام محمد قادری اور عبدالرشید اعوان سمیت دیگر شریک تھے۔
سانحہ ماڈل ٹائون کو دوسال گزرگئے۔ لیکن مظلوم خاندانوں ابھی تک انصاف کے سورج کو طلوع ہوتا دیکھنے کے منتظر ہیں۔ پروڈیوسر و سکرپٹ رائٹر رضی طاہر اور انکی ٹیم نے ’’ دی بیرئیرز‘‘ ڈاکومنٹری جاری کردی۔ جس میں سانحہ ماڈل ٹائون کے پس پردہ حقائق اور مکمل کہانی کو دکھایا گیا ہے۔ ڈاکومنٹری میں سینئر صحافی و تجزیہ کار اسد کھرل کے انٹرویو شامل ہیں، جس میں انہوں نے چشم کشا انکشافات کیے ہیں۔ ان کا کہنا تھا کہ سانحہ ماڈل ٹائون کے کچھ کرداروں کو بیرون ملک روانہ کردیا گیا، وزیراعظم اور وزیراعلیٰ ہائوس سے براہ راست اس کو مانیٹر کیا جارہا تھا۔
دھرنے کے شرکاء سے خطاب کرتے ہوئے ڈاکٹر طاہرالقادری نے کہا کہ دھرنے میں عوام کا ٹھاٹھے مارتا سمندر ہے، کارکنان کی ہمت اور جواں مردی کو مبارکباد پیش کرتے ہوئے سلام پیش کرتا ہوں، 17 جون سانحہ کے شہدا کے خاندان، ان کے پسماندگان جو صبرو استقامت، جرات اور بہادری کے پہاڑ بنے رہے ان کو خراج تحسین پیش کرتا ہوں۔ انہوں نے کہا کہ پاکستان میں خون بکتا ہے، ہر روز ملک میں قتل ہوتے ہیں، ہر روز شہادتیں ہوتی ہیں، ظلم و جبر ہوتا ہے، چونکہ یہاں کا نظام کسی مظلوم کو کسی کمزور مجبور کو انصاف دلانے کی صلاحیت نہیں رکھتا۔
شہدائے ماڈل ٹاؤن کی دوسری برسی کے موقع پر پاکستان عوامی تحریک ڈنمارک نے 17 جون 2016 کو یومِ شہداء کی تقریب کا اہتمام کیا جس میں کمیونٹی کے خواتین و حضرات اور سیاسی و سماجی اور مذہبی تنظیمات کے نمائندگان نے شرکت کی۔ تقریب میں شہداء کے ایصالِ ثواب کے لیے قرآن خوانی اور افطاری کا اہتمام کیا گیا تھا۔ تقریب سے خطاب کرتے ہوئے تنظیم اسلامی ڈنمارک کے صدر فرید مومن نے کہا کہ سانحہ ماڈل ٹاؤن کے شہداء صرف پاکستان عوامی تحریک کے کارکن نہیں، ریاست کے شہری اور قوم کے فرزند بھی ہیں۔
پاکستان عوامی تحریک یونان کے زیراہتمام سانحہ ماڈل ٹاؤن لاہور کے دو سال مکمل ہونے پر مورخہ 17 جون 2016 پاکستانی سفارت خانہ کے سامنے پر امن احتجاجی مظاہرہ کیا گیا، جس میں منہاج القرآن یونان و پاکستان عوامی تحریک کے کارکنان کے ساتھ ساتھ پاکستان تحریک انصاف یونان کی قیادت نے بھی شرکت کی۔
تحریک منہاج القرآن اور پاکستان عوامی تحریک اوکاڑہ کے ضلعی عہدیداروں کا اجلاس 16 جون 2016 کو تحریک منہاج القرآن اوکاڑہ کے دفتر میں منعقد ہوا جس کی صدارت تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے کی۔ اجلاس میں تحریک منہاج القرآن اوکاڑہ کے امیر مرزا خالد محمود، ناظم چوہدری فرید احمد، انفارمیشن سیکرٹری و میڈیا کوآرڈینیٹر شیخ گلفام علی قادری، سیکرٹری سوشل میڈیا شعیب حسن، حافظ غلام محی الدین اور قاری مظہر فرید سمیت دیگر عہدیداران شریک تھے۔
سانحہ ماڈل ٹاؤن کی دوسری برسی پر منہاج القرآن انٹرنیشنل شارجہ کے زیراہتمام 17 جون 2016 کو یومِ شہداء کی تقریب کا انعقاد کیا گیا جس میں شہداء کے ایصالِ ثواب کے لیے قرآن خوانی کی گئی اور ان کے ورثاء کے ساتھ یکجہتی کا اظہار کیا گیا۔ تقریب میں منہاج القرآن انٹرنیشنل متحدہ عرب امارات کے صدر خالد محمود صابری، علامہ شکیل ثالث، حفیظ کیانی اور پاکستانی کمیونٹی کے افراد نے بھرپور شرکت کی۔
سانحہ ماڈل ٹاؤن کی دوسری برسی پر منہاج القرآن انٹرنیشنل اور پاکستان عوامی تحریک دبئی کی تنظیمات کے زیراہتمام 17 جون 2016 کو یومِ شہداء کی تقریب کا انعقاد کیا گیا جس میں شہداء کے ایصالِ ثواب کے لیے قرآن خوانی کی گئی اور ان کے ورثاء کے ساتھ یکجہتی کا اظہار کیا گیا۔ تقریب میں منہاج القرآن انٹرنیشنل دبئی کے صدر عبدالقیوم نے اعلامیہ پیش کرتے ہوئے قانون نافذ کرنے والے اداروں سے مطالبہ کیا کہ سانحہ ماڈل ٹاؤن کے ذمہ داروں کو جلد سے جلد کیفرِ کردار تک پہنچایا جائے اور شہداء کے ورثاء کو انصاف دیا جائے۔
سربراہ عوامی تحریک ڈاکٹر محمد طاہرالقادری نے کہا ہے کہ حکمرانوں کی موت ان کے اپنے ہاتھوں سے ہو گی۔ ان کی روح پرواز ہوتے دیکھ رہا ہوں، ان پر نزع کی حالت طاری ہو چکی ہے۔ 17 جون کو مال روڈ کے احتجاجی دھرنے میں ایک خاص اعلان کروں گا۔ ماڈل ٹاؤن سانحہ کے ذمہ دار شریف برادران اور ان کے حواری ہیں جنہوں نے دن کی روشنی میں 14 لوگ شہید اور 100 سے زائد کو زخمی کیا، یہ سارا قتل عام یکطرفہ تھا۔ اگر دن کی روشنی میں ہونے والی اس خون ریزی کے ذمہ داروں کو سزا نہیں دینی تو پھر پارلیمنٹ قانون بنا دے کہ ریاست جسے چاہے مار دے اور مرنے والے انصاف حاصل کرنے کا کوئی حق حاصل نہیں ہو گا۔
تحریک منہاج القرآن اور پاکستان عوامی تحریک کے جملہ فورمز کا مشترکہ اجلاس 13 جون 2016 کو ہوا، جس کی صدارت مرکزی نائب ناظم اعلیٰ انجینئر محمد رفیق نجم نے کی۔ اجلاس میں سید ہدایت رسول قادری، رانا طاہر سلیم، رب نواز انجم، میاں کاشف محمود اور میاں ریحان مقبول سمیت دیگر عہدیداران شریک تھے۔ اجلاس سے خطاب کرتے ہوئے انجینئر محمد رفیق نجم نے کہا کہ دھاندلی زدہ حکومت آئینی، اخلاقی، جمہوری اور شرعی طور پر حق حکمرانی کھو چکی ہے۔
منہاج ویلفیئر فاؤنڈیشن جنوبی افریقہ کی طرف سے غریب اور مستحق افراد کے لیے رمضان پیکج کی تقسیم کی گئی۔ رمضان پیکج کی تقسیم کے موقع پر پاکستان عوامی تحریک جنوبی افریقہ کے صدر جاوید اقبال اعوان، پاک ساوٴتھ افریقہ ایسوسی ایشن کے نائب صدر امانت علی تارڑ اور منہاج القرآن انٹرنیشنل جنوبی افریقہ ہوہٹنگ کے امیر جناب قاری شوکت علی مصطفوی، پاکستان عوامی تحریک جنوبی افریقہ کے جنرل سیکرٹری سرفراز حسین، سید زبیر گیلانی اور عمر بلال سمیت دیگر بھی موجود تھے۔
تحریک منہاج القرآ ن کے نوجوان کارکن، جامعہ اسلامیہ منہاج القرآن لاہور سے فارغ التحصیل اطہر رضا واہلہ علالت کے بعد خالق حقیقی سے جا ملے۔ وہ طویل عرصے سے کینسر کے مرض میں مبتلا تھے۔ پاکستان عوامی تحریک کے سربراہ ڈاکٹر طاہرالقادری نے اطہر رضا واہلہ کی وفات پر گہرے دکھ کا اظہار کرتے ہوئے اپنے تعزیتی پیغام میں کہا ہے کہ مرحوم کی دین اسلام کی ترویج و اشاعت اور مصطفوی مشن کیلئے خدمات ناقابل فراموش ہیں۔ اطہر رضا واہلہ تحریک منہاج القرآن کا جانثار فرزند تھا، اس کی محنت اور تحریک سے محبت ہمیشہ یاد رکھی جائیگی۔
منہاج القرآن انٹرنیشنل کارپی سنٹر میں 10 جون 2016ء کو جمعۃ المبارک کے اجتماع کے موقع پر اطالوی خاتون نے اسلام قبول کرنے کا اعلان کیا۔ منہاج اسلامک سنٹر کارپی کے ڈائریکٹر علامہ وقار احمد قادری نے خاتون کو کلمہ پڑھاتے ہوئے اس کا اسلامی نام فاطمہ جبین رکھا گیا۔ اس موقع پر موجود شرکاء نے انہیں دائرہ اسلام میں داخل ہونے پر مبارکباد پیش کی۔
ڈاکٹر محمد طاہرالقادری نے پاکستان عوامی تحریک کے ڈپٹی سیکرٹری اطلاعات عمر ریاض عباسی کے والد محترم اور ڈاکٹر رحیق احمد عباسی کے چچا جان محمد ریاض عباسی کے انتقال پر گہرے دکھ اور افسوس کا اظہار کرتے ہوئے اپنے تعزیتی بیان میں کہا کہ مرحوم پوری زندگی استقامت، جانثاری اور وفاداری کے ساتھ مصطفوی مشن کے لیے خدمات سرانجام دیتے رہے، ان کی عمر بھی کی کاوشوں کو اللہ نے قبول فرمایا اور رمضان المبارک میں اپنے پاس بلا لیا، ان کی محنت اور تحریک سے محبت ہمیشہ یاد رکھی جائیگی۔
4M
فیس بک
2M
ٹوٹر
© 1994 - 2026 Minhaj-ul-Quran International.
