سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کامرہ کے زیراہتمام 15 مئی 2016 کو تقسیم اسناد کی تقریب انعقاد کیا گیا، جس کے مہمانِ خصوصی پاکستان عوامی تحریک کے مرکزی ڈپٹی چیف آرگنائزر شہزاد حسین نقوی تھے۔ تقریب میں تحریک منہاج القرآن کامرہ کے رہنما محمد نعیم، دیگر مقامی عہدیداران اور کارکنان سمیت مختلف سیاسی و سماجی شخصیات نے شرکت کی۔
منہاج القرآن انٹرنیشنل آئرلینڈ کے زیراہتمام ماہانہ مجلس ختم الصلوٰۃ علی النبی صلی اللہ علیہ وسلم کا انعقاد 17 مئی 2016 کو ڈبلین میں مرزا رضوان بیگ کی رہائش گاہ پر ہوا جس میں منہاج القرآن انٹرنیشنل آئرلینڈ کے عہدیداران، تحریک انصاف آئرلینڈ کے صدر چوہدری عمران خورشید، دربار عالیہ چراغیہ والٹن (لاہور) کے سجادہ نشین پیر سید حافظ جواد حیدر شاہ، سید حماد حیدر شاہ، ڈاکٹر سلیم خان، مدثر علی، چوہدری عارف، رضوان احمد طور، سید ذیشان شاہ، سید سجاد شاہ، سرفراز احمد، میاں شہزاد حافظ محمد آصف، حافظ غضنفر، فرقان اسلم اور پاکستانی کمیونٹی کے افراد نے شرکت کی۔
تحریک منہاج القرآن کے ضلعی امیر سید ہدایت رسول قادری نے کہا ہے کہ عوام سانحہ ماڈل ٹاؤن پر انصاف کے منتظر ہیں، ظالم اور جابر حکمرانوں نے ہمیشہ غریبوں کو دھوکہ دیا، لیکن اب ظلم کی تاریک رات ختم ہونے والی ہے۔ جب تک شہداء ماڈل ٹاؤن کے اصل قاتل گرفتار نہیں ہوتے یہ کیس بھی ختم نہیں ہوگا، ہمارے ملزمان وہ حکمران ہیں جو سانحہ ماڈل ٹاؤن پر بننے والے جوڈیشل کمیشن کی رپورٹ دبا کر بیٹھے ہیں
منہاج القرآن انٹرنیشنل کویت کے دیرینہ رفیق شمشاد حسین گذشتہ دنوں حرکت قلب بند ہونے کی وجہ سے انتقال کر گئے۔ منہاج القرآن انٹرنیشنل کے بانی و سرپرست اعلیٰ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری، صدر ڈاکٹر حسین محی الدین قادری، ناظم اعلیٰ خرم نواز گنڈاپور، ناظم امور خارجہ جی ایم ملک، جملہ نائب ناظمین اعلیٰ، سربراہان شعبہ جات اور سٹاف ممبران نے شمشاد حسین کی وفات پر گہرے دکھ اور غم کا اظہار کیا ہے۔
تحریک منہاج القرآن تحصیل مریدکے کے زیرِاہتمام 7 مئی 2016 کو ماہانہ درس عرفان القرآن کا انعقاد کیا گیا، جس میں تحریک منہاج القرآن کے نائب ناظم اعلیٰ دعوت مفتی ارشاد حسین سعیدی نے خطاب کیا۔ تقریب کی صدارت تحریک منہاج القرآن مریدکے کے صدر جاوید کمبوہ نے کی جبکہ تحریک منہاج القرآن شیخوپورہ کے ضلعی امیر اظہر مصطفوی، پاکستان عوامی تحریک مریدکے کے نائب صدر محمد آصف سلہریا ایڈوکیٹ، انجمن صحافیاں کے صدر اسلام دین کمبوہ سمیت تحریک منہاج القرآن کے کارکنان نے بڑی تعداد میں شرکت کی۔
سپریم کونسل منہاج القرآن انٹرنیشنل کے چیئرمین ڈاکٹر حسن محی الدین قادری نے شعبہ انسداد دہشت گردی (Counter Terror Department) انڈونیشیا کے سربراہ سے ملاقات کی۔ ملاقات میں دونوں راہنماؤں نے اس بات پر اتفاق کیا کہ اسلام کے نام ہونے والی دہشت گردی کے خاتمے کے لیے جہاد کے اصل معنیٰ اور شرائط کی تفہیم ضروری ہے، تاکہ شدت پسند عام لوگوں کو اپنے مذموم مقاصد استعمال نہ کر سکیں۔ اس موقع پر ڈاکٹر حسن محی الدین قادری نے فروغ امن اور انسداد دہشت گردی کے سلسلے میں شیخ الاسلام ڈاکٹر محمد طاہرالقادری کی کاوشوں کا تذکرہ کرتے ہوئے کہا کہ شیخ الاسلام گزشتہ تیس سال سے انتہاپسندی، تنگ نظری اور فرقہ واریت کے خلاف علمی و فکری جدوجہد میں مصروف عمل ہیں۔
تحریک منہاج القرآن جنوبی پنجاب کی صوبائی مجلس شوریٰ کا اجلاس 09 مئی 2016 کو ملتان میں تحریک منہاج القرآن کے مرکزی نائب ناظم اعلیٰ سردار شاکر مزاری کی صدارت میں ہوا جس میں تحریک منہاج القرآن ملتان کے نومنتخب عہدیداران سے حلف لیا گیا۔ اجلاس میں تحریک منہاج القرآن ملتان کے ڈویژنل کوآرڈینیٹر راؤ محمد اسحاق، ضلعی امیر پروفیسر جاوید اختر زواری سمیت تحریک منہاج القرآن کے ذمہ داران اور کارکنان شریک تھے۔
چیئرمین سپریم کونسل ڈاکٹر حسن محی الدین القادری نے فرید ملت ریسرچ انسٹی ٹیوٹ کی تزئین نو کی تکمیل کے بعد عمارت کا افتتاح کیا، اس موقع پر ناظم اعلیٰ خر م نواز گنڈا پور، نائب صدر بریگیڈئر (ر) محمد اقبال، مفتی عبد القیوم ہزاروی، منہاج یونیورسٹی لاہور کے وائس چانسلر ڈاکٹر محمد اسلم غوری، کرنل احمد خان، میجر محمد خان، ڈپٹی ڈائریکٹر فرید ملت ریسرچ انسٹی ٹیوٹ محمد فاروق رانا ودیگر ذمہ داران موجود تھے۔
منہاج القرآن انٹرنیشنل آئرلینڈ کے سیکرٹری فنانس حافظ محمد سعید کی رہائش گاہ پر ان کی والدہ کے ایصال ثواب کے لیے 05 مئی 2016 کو محفلِ نعت کا انعقاد کیا گیا جس سے علامہ محمد عدیل قادری نے خطاب کیا۔ قرآن خوانی کے بعد محفل کا آغاز تحریک انصاف آئرلینڈ کے سیکرٹری جنرل معید حامد نے تلاوت کلامِ مجید سے محفل کا آغاز کیا۔ منہاج القرآن انٹرنیشنل آئرلینڈ کے سیکرٹری جنرل رضوان احمد طور نے بارگاہِ رسالتمآب صلیٰ اللہ علیہ وآلہ وسلم میں گلہائے عقیدت پیش کیے، جبکہ حافظ محمد صدیق نقشبندی نے نقابت کے فرائض انجام دیے۔
منہاج ویلفیئر فرانس کے صدر بابر حسین نے میڈیا پرسن راؤ خلیل احمد سے گفتگو کرتے ہوئے بتایا کہ منہاج ویلفیئر فرانس معززین پیرس کے اعزاز میں شاہنواز ریسٹورنٹ پیرس میں گرینڈ چیرٹی ڈنر کا اہتمام کرے گی۔ 6 مئی جمعہ شام 8 بجے ہونے والے اس گرینڈ ڈنر میں درد دل رکھنے والے مخیر حضرات کو دعوت دی گئی ہے۔ اس سلسلے میں دعوت نامے ایشوء کر دیے گئے ہیں
شیخ الاسلام ڈاکٹر محمد طاہرالقادری نے معراج النبی صلی اللہ علیہ وآلہ وسلم کے مبارک موقع پر اپنے پیغام میں کہا ہے معراج النبی صلی اللہ علیہ وآلہ وسلم انسانیت کی معراج ہے، سفر معراج ایسا معجزہ ہے جسے عقل سمجھنے سے قاصر ہے۔ سائنسی ترقی نے سفر معراج کو سمجھنے میں آسانی پیدا کی، واقعہ معراج عقل سے نہیں محبت رسول صلی اللہ علیہ وآلہ وسلم سے سمجھ میں آتا ہے، جوں جوں علم کی روشنی بڑھے گی قلوب و اذہان پر واقعہ معراج کی حقیقت آشکار ہوتی رہے گی۔ معراج النبی صلی اللہ علیہ وآلہ وسلم زندہ معجزہ ہے جس کی تصدیق اللہ تعالیٰ نے قرآن پاک میں بھی کی۔
تحریک منہاج القرآن کے زیراہتمام معراج النبی (ص) کانفرنس و ماہانہ مجلس ختم الصلوٰۃ علی النبی صلی اللہ علیہ وآلہ وسلم کا انعقاد مورخہ 4 مئی 2016ء کو گوشہ درود، مینارۃ السلام کے صحن میں کیا گیا۔ پروگرام کی صدارت مرکزی ناظم اعلیٰ کوآرڈینیشن احمد انواز انجم نے کی جبکہ نائب ناظم اعلیٰ علامہ رانا محمد ادریس قادری، راجہ زاہد محمود، جواد حامد، علامہ میر آصف اکبر، ذیشان بیگ، صاحبزادہ محمد حسین آزاد، امیر لاہور غلام فرید، ناظم اشتیاق حنیف مغل، وائس پرنسپل شریعہ کالج ممتاز الحسن باروی، ساجد محمود بھٹی، مقصود احمد قادری اور دیگر قائدین نے خصوصی شرکت کی۔
آستانہ عالیہ قادریہ نقیبیہ جلال آباد، افغانستان کے سجادہ نشین صاحبزادہ پیر السید محمود حسام الدین الگیلانی نے 2 مئی 2016 کو تحریک منہاج القرآن کے مرکزی سیکرٹریٹ کا دورہ کیا، جس میں انہوں نے سپریم کونسل تحریک منہاج القرآن کے چیئرمین ڈاکٹرحسن محی الدین قادری سے ملاقات کی۔ اس موقعے پر صاحبزادہ محمد مطیع اللہ، ڈاکٹر سید عبدالمالک، مفتی عثمان باچا، خلیفہ محمد سرور قادری، حبیب اللہ خان، اکرم خان اور فیروز خان ان کے ہمراہ تھے۔
2 مئی 2016 کو کوہاٹ میں ضرب امن ٹریننگ ورکشاپ منعقد ہوئی، جس میں منہاج القرآن یوتھ لیگ کے مرکزی صدر مظہر محمود علوی نے لیکچر دیا اور شرکاء کو نصاب امن سے متعلق پریزینٹیشن دی۔ورکشاپ کے شرکاء سے گفتگو کرتے ہوئے انہوں نے بتایا کہ ڈاکٹر محمد طاہرالقادری نے نسلِ نُو کو انتہاپسندی سے دور کرنے اور انہیں امن کا داعی بنانے کیلئے فروغِ امن اور انسدادِ دہشتگردی کا قومی نصاب مرتب کر دیا ہے۔
تحریک منہاج القرآن سنٹرل پنجاب کی تقریب حلف برداری یکم مئی 2016 کو مرکز پر منعقد ہوئی۔ جس کی صدارت ناظم اعلیٰ تحریک منہاج القرآن خرم نواز گنڈا پور نے کی، جبکہ مہمان خصوصی چیئرمین سپریم کونسل تحریک منہاج القرآن ڈاکٹر حسن محی الدین قادری تھے۔ تقریب میں تحریک منہاج القرآن سنٹرل پنجاب کے ضلعی، پی پی حلقہ جات کے عہدیداران اور یونین کونسل کے ناظمین و نائب ناظمین مدعو تھے۔
4M
فیس بک
2M
ٹوٹر
© 1994 - 2026 Minhaj-ul-Quran International.
