سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآنکے ڈائریکٹر ایڈمن جواد حامد کی والدہ مرحومہ کے ایصال ثواب کےلئے ضیافت میلاد 9 دسمبر 2019ء کو لاہور میں منعقد ہوئی، جواد حامد کی رہائش گاہ پر منعقدہ میلاد پروگرام میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔
پیر سید ارشاد حسین شاہ رحمۃ اللہ علیہ کے 22 ویں سالانہ عرس کی تقریب دربار عالیہ چراغیہ پیر کالونی والٹن لاہور میں 10 دسمبر 2019ء کی شب منعقد ہوئی۔ صدر تحریک منہاج القرآن ڈاکٹر حسین محی الدین قادری نے صوبائی وزیر مذہبی امور پنجاب صاحبزادہ سید سعید الحسن شاہ کی خصوصی دعوت پر ان کے والد گرامی کے سالانہ عرس کی تقریب میں شرکت کی اور خصوصی خطاب کیا۔
ایکسپو سینٹر کراچی میں پارنچ روزہ عالمی کتب میلے میں منہاج القرآن پبلی کیشنز کا کتب اسٹال لگایا گیا، بک سٹال میں شیخ الاسلام ڈاکٹر محمد طاہرالقادری کی کتب و تصانیف کو ڈسپلے کیا گیا۔ پانچ روزہ بک فیئر کے دوران منہاج القرآن کا بک سٹال عوامی توجہ کا مرکز رہا۔ اس موقع پر لوگوں نے منہاج القرآن پبلی کیشنز کے بک سٹال سے کتب کی خریداری کی اور ہزاروں کتب کی سیل کے پچھلے سارے ریکارڈ ٹوٹ گئے۔
تحریک منہاج القرآن کے مرکزی سیکرٹریٹ پر 7 دسمبر 2019 کو سالانہ محفلِ گیارہویں شریف و ماہانہ مجلس ختم الصلوۃ علی النبی صلی اللہ علیہ وآلہ وسلم کا انعقاد ہوا۔ روحانی مجلس میں ناظم اعلیٰ تحریک منہاج القرآن خرم نواز گنڈاپور، جواد حامد، جی ایم ملک، عرفان یوسف، مظہر محمود علوی، علامہ جمیل احمد، سید مشرف علی شاہ، حافظ غلام فرید، رانا محمد ادریس، سید الطاف حسین شاہ، علامہ ظہیر احمد نقشبندی، علامہ فیاض بشیر و دیگر مرکزی قائدین اور گوشہ نشینان نے شرکت کی۔ لاہور اور گرد و نواح سے مرد و خواتین کی بڑی تعداد بھی اجتماع میں شریک تھی۔
کالج آف شریعہ اینڈ اسلامک سائنسز کے زیراہتمام معذوروں کے عالمی دن کے موقع پر خصوصی تقریب منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ انہوں نے خطاب کرتے ہوئے کہا کہ حکومت معذوروں کو عزت اور ان کا حق دے، معذوری کے باعث پیچھے رہ جانے والوں سے شفقت اخلاق حسنہ ہے، ماضی میں معذوروں کے ساتھ فرضی وعدے کیے گئے اور انہیں تضحیک کا نشانہ بنایا گیا، اعلیٰ اخلاق اور تہذیب کا تقاضا ہے کہ معذوروں کو دیگر شہریوں کی نسبت زیادہ عزت اور حقوق دئیے جائیں۔
منہاج القرآن کی سپریم کونسل کے چیئرمین ڈاکٹر حسن محی الدین قادری نے الحمراء کلچرل کمپلیکس قذافی میں منعقدہ قومی طلبہ کنونشن سے خطاب کرتے ہوئے کہا کہ 1947ء سے اب تک 22 تعلیمی پالیسیاں بنیں سب کی سب ناکام ثابت ہوئیں، ایک قوم اور ایک پاکستان بنانے کے لیے ایک زبان میں ایک نصاب تیار کرنا ضروری ہے، جاپان، جرمنی، امریکہ، برطانیہ، چین سمیت کوئی ملک ایسا نہیں جس نے کسی اور کی زبان میں تعلیم حاصل کر کے ترقی کی ہو، پاکستان میں اغیار کی زبان کو تعلیمی زبان کے طور پر مسلط کرنے پر بضد صاحب اختیار پاکستان کو زمانہ غار کی طرف دھکیل رہے ہیں۔
منہاج یوتھ لیگ کا 31 ویں یوم تاسیس کے موقع پر ’’ہے زندگی کتاب دوستی‘‘ کے عنوان سے سیمینار 30 نومبر 2019ء کو اسلام آباد میں منعقد ہوا۔ سیمینار میں ناظم اعلیٰ خرم نواز گنڈاپور مہمان خصوصی تھے۔ سیمینار میں شیخ الاسلام ڈاکٹر محمد طاہرالقادری نے خطاب کیا جبکہ منہاج القرآن کے صدر ڈاکٹر حسین محی الدین قادری نے بھی ویڈیو پیغام دیا۔ شیخ الاسلام نے کہا کہ منہاج یوتھ لیگ نے کتاب دوستی کے کلچر کو زندہ کرنے میں اہم کرادر ادا کیا۔ علم اور کتاب دوستی سے مسلمانوں کو عروج ملا۔
تحریک منہاج القرآن کے زیراہتمام سالانہ میلاد مصطفیٰ ﷺ کانفرنس منہاج القرآن اسلامک سنٹر میں منعقد ہوئی، جس میں علامہ محمد شکیل ثانی نے مرکزی خطاب کیا اور دلائل سے ثابت کیا کہ میلاد النبی صلی اللہ علیہ وآلہ وسلم منانا توحید کی دلیل ناطق ہے، میلاد مصطفی ﷺ منانا حب مصطفیٰ ﷺ اور قرب الہٰی کے حصول کا ذریعہ ہے۔ انہوں نے مزید کہا کہ شیخ الاسلام ڈاکٹر محمد طاہرالقادری نے پوری دنیا میں عشق رسول صلی اللہ علیہ وآلہ وسلم کی دھوم مچا دی ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن انٹرنیشنل فرانس مرکز میں قائم لائبریری کا وزٹ کیا اس موقع پر منہاج القرآن انٹرنیشنل یورپ کے رہنماء علامہ حسن میر قادری، منہاج القرآن انٹرنیشنل فرانس کے رہنماء بھی موجود تھے۔ اس موقع پر انہوں نے لائبریری میں موجود کتب کو دیکھا۔ ڈاکٹر حسن محی الدین قادری کو بتایا گیا کہ لائبریری کی تزئین و آرائش کا کام ابھی جاری ہے اور جلد مکمل کر لیا جائے گا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری فرانس کے مختصر تنظیمی وزٹ کیا، دورہ میں انہوں نے منہاج القرآن انٹرنیشنل فرانس کے رہنماوں کے تنظیمی اجلاس میں شرکت کی۔ اجلاس میں ظل حسن، علی عباس بخاری ، فیصل حسین، شیخ زاہد، علامہ حسن میر قادری، راجہ بابر، چوہدری سلیمان اسلم، شعیب اشفاق و دیگر ذمہ داران شریک ہوئے۔ اجلاس میں گفتگو کرتے ہوئے انہوں نے کہا کہ منہاج القرآن اس پر فتن دور میں ایک عظیم تجدیدی تحریک ہے جو آئندہ نسلوں تک قرآن وسنت کے حقیقی پیغام اور تعلیمات کو پہنچانے کے لیے اپنا عالمگیر کردار ادا کر رہی ہے۔
منہاج ویلیفیئر فاونڈیشن کے زیراہتمام فیصل آباد میں 12 شادیوں کی اجتماعی تقریب کا انعقاد کیا گیا۔ تقریب میں 12 جوڑوں کے نکاح و رخصتی ہوئی، جنہیں جہیز کا مکمل سامان بھی دیا گیا۔ تقریب میں پاکستان عوامی تحریک کے مرکزی صدر پنجاب بشارت جسپال اور ممبر نیشنل اسمبلی خرم شہزاد اور ممپر پنجاب اسمبلی شکیل شاہد نے خصوصی شرکت کی۔ تقریب میں منہاج القرآن و پاکستان عوامی تحریک کے قائدین، عہدیداروں اور لوگوں کی بڑی تعداد شریک ہوئی۔ اس موقع پر مقررین نے اظہار خیال کرتے ہوئے منہاج ویلیفیئر فاونڈیشن کی اس کاوش کو سراہا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ہالینڈ میں الھدایہ کیمپ 2019ء میں خصوصی شرکت کی اور خطاب کیا۔ دو روزہ کیمپ کا انعقاد منہاج القرآن انٹرنیشنل ہالینڈ کی طرف سے کیا گیا۔ منہاج القرآن انٹرنیشنل یورپ کے صدر ظل حسن اور دیگر معزز مہمانوں نے کیمپ میں خصوصی شرکت کی جبکہ ہالینڈ بھر سے مردوخواتین کی بڑی تعداد بھی کیمپ میں شریک ہوئی۔
تحریک منہاج القرآن کے زیراہتمام سالانہ میلاد ڈنر 19 نومبر 2019ء کو مرکزی سیکرٹریٹ میں منعقد ہوا، ڈنر تقریب میں گورنر پنجاب چوہدری محمد سرور، صوبائی وزیر اطلاعات پنجاب میاں اسلم اقبال، سابق وزیراعلیٰ پنجاب میاں منظور وٹو، صوبائی وزیر مذہبی امور و اوقاف صاحبزادہ سید سعید الحسن شاہ مہمان خصوصی تھے۔ چیئرمین سپریم کونسل ڈاکٹر حسن محی الدین قادری، منہاج القرآن کے صدر ڈاکٹر حسین محی الدین قادری نے تقریب میں خصوصی شرکت کی۔ میلاد ڈنر کا اہتمام منہاج القرآن پبلک ریلیشنز اور مرکزی میڈیا ڈیپارٹمنٹ کے تعاون سے کیا۔
منہاج ایجوکیشن سوسائٹی کے زیر اہتمام فرید ملت سکالر شپ ایوارڈ کی تقریب لاہور میں منعقد ہوئی، تقریب میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی۔ تقریب میں فیصل آباد بورڈ میں میٹرک کے امتحان میں منہاج القرآن کے تعلیمی ادارے کے طالبعلم عمیر شاہد کو پہلی پوزیشن حاصل کرنے پر موٹر سائیکل کا تحفہ دیا گیا اور پانچویں پوزیشن حاصل کرنے والے محمد حنظلہ کو لیپ ٹاپ کا تحفہ دیا گیا۔
تحریک منہاج القرآن کی تنظیمات کے مرکزی سیکرٹری کوآرڈینشن طیب ضیاء کے چھوٹے بھائی محمد عرفان ضیاء روڈ ایکسیڈنٹ میں انتقال کر گئے، انا للہ و انا الیہ راجعون۔ مرحوم کی نماز جنازہ انکے آبائی شہر نارووال میں مورخہ 21 نومبر 2019ء کو دن 2 بجے ادا کی جائے گی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
