سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہور اور ہائر ایجوکیشن کمیشن پنجاب کے تعاون سے منعقدہ دو روزہ عالمی کانفرنس کے اختتامی سیشن میں ڈپٹی چیئرمین ڈاکٹر حسین محی الدین نے ڈیکلیریشن پیش کرتے ہوئے کہاکہ انسانیت کی فلاح ہی امن کی راہ ہے۔ شرکائے کانفرنس اور بین الاقوامی سکالرز نے اسے ''سماجی ذمہ داریوں میں مذاہب عالم کے کردار'' کی دو روزہ کانفرنس کا سلوگن اور لب لباب قرار دیا اور اسکی متفقہ طور پر منظور دی۔
پنجاب ہائر ایجوکیشن کمیشن اور منہاج یونیورسٹی لاہور کے مشترکہ تعاون سے ’’سماجی ذمہ داریوں کے حوالے سے مذاہب عالم کا کردار‘‘ کے موضوع پر انعقاد پذیر دو روزہ عالمی کانفرنس کے پہلے روز مہمان خصوصی وفاقی وزیر مذہبی امور ڈاکٹر نورالحق قادری نے خطاب کرتے ہوئے کہا کہ حکومت پاکستان بین المذاہب رواداری کے فروغ کیلئے منعقدہ اس کانفرنس کے ایجنڈا سے مکمل طور پر اتفاق کرتی ہے، حکومت مذہبی رواداری، ہم آہنگی اور برداشت کے اصولوں پر گامزن ہے۔
منہاج القرآن علماء کونسل کے زیرِاہتمام شیخ الاسلام ڈاکٹر محمد طاہرالقادری کی علماءکرام کے ساتھ خصوصی علمی و فہقی نشست ’’بدلتے احوال و واقعات کے تناظر میں شرعی احکام میں رعایت اور تبدیلی‘‘ کے موضوع پر منعقد ہوئی، جس میں شیوخ الحدیث، شیوخ التفیسر، شیوخ الفقہ، علماء و خطبا، اسکالرز، جامعات کے اساتذہ کرام، طلباء اور محققین نے کثیر تعداد میں شرکت کی۔
تحریک منہاج القرآن کے شعبہ پبلک ریلیشنز نے کاروباری شخصیات و تاجروں اور تحریک منہاج القرآن کے اہم رہنماؤں کے اعزاز میں عشائیہ کا اہتمام کیا۔ مرکزی سیکرٹریٹ میں منعقدہ عشائیہ میں تحریک منہاج القرآن کے صدر ڈاکٹر حسین محی الدین قادری نے خصوصی شرکت کی۔ ناظم اعلیٰ تحریک منہاج القرآن خرم نواز گنڈا پور، ڈائریکٹر پبلک ریلیشنز شہزاد رسول چودھری، حاجی محمد اسحق معروف کاروباری شخصیات ملک عارف، ارشد مغل، میاں رضا لطیف، جنید وارثی، احمد صادق، اظہار حسین شاہ، شفقت محمود کموکا، شیخ آفتاب، راشد چودھری، عامر اسحاق، شیخ عامر رفیع، مدثر گوندل اور دیگر بھی تقریب میں موجود تھے۔
شیخ الاسلام ڈاکٹر محمد طاہرالقادری نے تحریک منہاج القرآن کے 38ویں یوم تاسیس کے موقع پر کیک کاٹنے کی خصوصی تقریب سے خطاب کرتے ہوئے کہا کہ یہ پاکستان کی واحد تحریک ہے جس نے 38 سال کی جدوجہد میں دنیا کے 90 سے زائد ملکوں میں اپنا فعال تنظیمی نیٹ ورک قائم کیا، تحریک کے کام کو پوری دنیا میں پذیرائی ملی، منہاج القرآن کے دائرہ کار میں احیائے دین، تجدید دین، روحانیت اور خدمت انسانیت شامل ہے، منہاج ویلفیئر فاؤنڈیشن، آغوش اور ملک گیر سکولوں کا نیٹ ورک اس کی قابل ذکر کامیابیاں ہیں۔
تحریک منہاج القرآن کے ناظم اعلیٰ و سیکرٹری جنرل پاکستان عوامی تحریک خرم نواز گنڈاپور کے بڑے بھائی جسٹس ریٹائرڈ جاوید نواز گنڈاپور کے انتقال پر تعزیتی اجلاس مرکزی سیکرٹریٹ میں منعقد ہوا، اس موقع پر قائد تحریک ڈاکٹر محمد طاہرالقادری نے ناظم اعلیٰ خرم نواز گنڈاپور سے دلی دکھ اور تعزیت کا اظہار کیا۔ ڈاکٹر طاہرالقادری نے تعزیتی اجلاس میں خصوصی دعا کرتے ہوئے کہا کہ اللہ رب العزت مرحوم کے درجات بلند کرے اور انہیں جنت الفردوس میں اعلیٰ مقام عطا کرے۔
گوشہ درود کی مجلس ختم الصلوۃ علی النبی صلی اللہ وآلہ وسلم کا ماہانہ پروگرام 13 اکتوبر 2018ء کو مرکزی سیکرٹریٹ میں منعقد ہوا۔ جس میں تحریک منہاج القرآن کے مرکزی قائدین، علماء کونسل کے رہنماوں اور گوشہ درود کے گوشہ نشینوں نے شرکت کی۔ اس موقع پر لاہور بھر سے لوگوں کی کثیر تعداد بھی پروگرام میں شریک ہوئی۔
قائد تحریک منہاج القرآن ڈاکٹر محمد طاہرالقادری سے شہدائے ماڈل ٹاؤن کے ورثاء اور 17 جون کے سانحہ ماڈل ٹاؤن میں پولیس کی طرف سے درج کی گئی جھوٹی ایف آئی آر کا شکار کارکنان نے خصوصی ملاقات کی، جھوٹی ایف آئی آر کا شکار کارکنان انسداد دہشتگردی کی عدالت میں 304 پیشیاں بھگت چکے، اس موقع پر اشرافیہ کے ظلم کا شکار کارکنان سے خصوصی گفتگو کرتے ہوئے قائد تحریک ڈاکٹر محمد طاہرالقادری نے کارکنوں کے جذبہ استقامت کو سراہا اور کہا کہ وہ ظلم کے خلاف لڑرہے ہیں اور مظلوموں کو انصاف دلوانے کی جدوجہد کررہے ہیں۔
وفاقی وزیر مذہبی امور ڈاکٹر نورالحق قادری نے قائد تحریک منہاج القرآن ڈاکٹر محمد طاہرالقادری سے ان کی رہائش گاہ پر ملاقات کی، ڈاکٹر محمد طاہرالقادری نے انہیں وفاقی وزیر مذہبی امور کا قلمدان سنبھالنے پر مبارکباد دی اور نیک تمناؤں کا اظہار کیا، اس موقع پر چیئرمین سپریم کونسل ڈاکٹر حسن محی الدین، صدر منہاج القرآن ڈاکٹر حسین محی الدین اور خرم نواز گنڈاپور و دیگر رہنما موجود تھے۔ وفاقی وزیر مذہبی امور نے ڈاکٹر محمد طاہرالقادری اور ادارہ منہاج القرآن کی طرف سے انسداد دہشتگردی اور خودکش دھماکوں کے خلاف فتویٰ کو انسانیت اور عالم اسلام کی ایک بڑی خدمت قرار دیا۔
قائد تحریک منہاج القرآن، سربراہ پی اے ٹی ڈاکٹر محمد طاہرالقادری نے کہا ہے کہ قومی وسائل نوجوانوں کی تعلیم و تربیت پر خرچ ہوتے تو آج پاکستان خطہ کا ناخواندہ ترین غریب ملک ہوتا اور نہ ملک چلانے کیلئے آئی ایم ایف سے قرضے مانگنا پڑتے، پاکستان کو ترقی کی پٹڑی پر چڑھانے کے لیے کرپشن کے اژدھائوں کے سر کچلنا ہوں گے، نام نہاد جمہوری، سیاسی مداریوں نے سیاست کو مال بنانے کا ذریعہ بنا کر قائداعظم کے پاکستان کو ناقابل تلافی نقصان پہنچایا، منہاج القرآن سے وابستہ طلبا، طالبات اور نوجوانوں نے پڑھے لکھے پاکستان، حقیقی جمہوریت کے قیام اور ظلم کے نظام کے خاتمے کیلئے بے مثال قربانیاں دیں، تحریک منہاج القرآن نے نوجوانوں کے دلوں میں علم، امن اور عشق مصطفی ﷺ کی شمعیں روشن کیں۔
ڈاکٹر محمد طاہرالقادری نے سانحہ ماڈل ٹاؤن کیس کے حوالے سے پریس کانفرنس سے خطاب کرتے ہوئے کہا کہ جن کیخلاف کیس ہے وہ طلب نہیں ہوئے، بنچ کے سربراہ کا اختلافی نوٹ قابل توجہ ہے، سازش کرنے اور کرانے والے دونوں کی سزا موت ہے۔ 50 تھانوں کے 1ہزار شوٹرز کس کے حکم پر ماڈل ٹاؤن جمع ہوئے؟ منصوبہ بندی اور سازش کرنے والے ہمیشہ پردے کے پیچھے ہوتے ہیں، اگر پولیس کی بھاری نفری کو آئی جی نے بھیجا تو آئی جی کو راتوں رات کوئٹہ سے لاہور کس نے بھیجا؟
تحریک منہاج القرآن کے زیراہتمام 9 اور 10 محرم الحرام کی درمیانی شب ’’پیغام امام حسین علیہ السلام کانفرنس‘‘ منعقد ہوئی جس میں شیخ الاسلام ڈاکٹر محمد طاہرالقادری نے خصوصی شرکت کی اور گفتگو بھی کی، تحریک منہاج القرآن کے صدر ڈاکٹر حسین محی الدین قادری نے کانفرنس سے خطاب کیا۔
شیخ الاسلام ڈاکٹر محمد طاہرالقادری نے یوم عاشور پر اپنے پیغام میں کہا ہے کہ حضرت امام حسین علیہ السلام قیامت تک کے لیے حق اور یزید باطل قوتوں کا نمائندہ ہے۔ جس کے دل میں رتی برابر بھی ایمان باقی ہے اسے یزید کے جھوٹے قاتل، اقتدار کے لالچی اور فاسق و فاجر ہونے پر شک نہیں ہو سکتا۔ اہل بیت اطہار کے مقدس خون کی سرخی کی وجہ سے آج دین محمدی ﷺ کی کرنیں اپنی تمام توانائیوں کے ساتھ دنیا کے کونے کونے کو روشن رکھے ہوئے ہے۔ نواسہ رسول اور اہل بیت اطہار علیہم السلام پر ظلم کرنے والے دنیا میں نشان عبرت بنے اور قیامت کے دن بھی ان کا ٹھکانہ جہنم اور دردناک عذاب ہے۔
شیخ الاسلام ڈاکٹر محمد طاہرالقادری بیرون ملک سے وطن واپس پہنچ گئے۔ وہ بدھ کی صبح 4 بجے ترکش ائیرلائن پر لاہور ائیرپورٹ پہنچے پر ناظم اعلیٰ خرم نواز گنڈاپور کی قیادت میں مرکزی قائدین کے وفد اور کارکنان کی بڑی تعداد نے آپ کا استقبال کیا۔ اس موقع پر ڈاکٹر طاہرالقادری نے میڈیا سے گفتگو کی۔ سانحہ ماڈل ٹاؤن میں انصاف کے لیے عمران خان اور پی ٹی ائی حکومت اپنے وعدے پورے کرے
دنیائے اسلام کی قدیم ترین جامعہ، الازہر یونیورسٹی مصر میں ایڈوائزر ٹو وائس چانسلر الشیخ پروفیسر ڈاکٹر عبدالصمد محمد مھنا نے منہاج القرآن انٹرنیشنل کے مرکزی سیکرٹریٹ کا دورہ کیا۔ مرکزی سیکرٹریٹ میں ناظم اعلیٰ خرم نواز گنڈاپور اور مرکزی قائدین کیساتھ آپ کی ملاقات کی خصوصی نشست ہوئی۔ معزز مہمان کو منہاج القرآن کے مرکزی سیکرٹریٹ اور کالج آف شریعہ میں مختلف شعبہ جات کا وزٹ کرایا گیا۔ اس موقع پر انہوں نے کہا کہ شیخ الاسلام ڈاکٹر محمد طاہرالقادری کی علمی خدمات دنیا اسلام کے لیے قیمتی اثاثہ ہیں۔
4M
فیس بک
2M
ٹوٹر
© 1994 - 2025 Minhaj-ul-Quran International.
