اہم سرگرمياں

شہر اعتکاف میں مفتی عبدالقیوم خان ہزاروی کی فقہی نشست

شہر اعتکاف میں مفتی عبدالقیوم خان ہزاروی کی فقہی نشست

تحریک منہاج القرآن کے شہرِ اعتکاف میں مفتی اعظم پاکستان مفتی عبدالقیوم خان ہزاروی کی فقہی نشست روزانہ منعقد ہوتی ہے، جس میں معتکفین کی طرف سے پوچھے گئے فہقی سوالات کے جواب مفتی عبدالقیوم خان ہزاروی براہ راست دیتے ہیں۔ شہر اعتکاف کے دوسرے روز مفتی اعظم پاکستان مفتی عبدالقیوم خان ہزاروی نے فقہی نشست میں معتکفین کے سوالات کے تفصیلی جواب دیئے۔ اس موقع پر معتکفین نے انتہائی دل چسپی سے فقہی نشست کو اٹینڈ کیا اور مفتی عبدالقیوم خان ہزاروی کے علمی انداز کو بے حد سراہا۔

23 اپریل 2022ء

شہر اعتکاف 2022 (پہلا روز): شیخ الاسلام ڈاکٹر محمد طاہرالقادری کا ہزار ہا معتکفین سے فکر انگیز خطاب

شہر اعتکاف 2022 (پہلا روز): شیخ الاسلام ڈاکٹر محمد طاہرالقادری کا ہزار ہا معتکفین سے فکر انگیز خطاب

شیخ الاسلام ڈاکٹر محمد طاہرالقادری نے سیدنا علی المرتضیٰ رضی اللہ عنہ کے یوم شہادت کی مناسبت سے شہر اعتکاف میں خطاب کرتے ہوئے کہا کہ حضرت علی کرم اللہ وجہہ نے حضرت امام حسن رضی اللہ تعالیٰ عنہ کو نصیحت فرمائی کہ بیٹا! آپ دنیا کے لئے نہیں آخرت کے لیے پیدا کئے گئے ہیں، اللہ کے احکامات پر پختگی کے ساتھ قائم رہنا اور موت کی حقیقت کو کبھی نظر انداز نہ کرنا۔ شیخ الاسلام نے اپنے خطاب میں کہا کہ حضرت علی کرم اللہ وجہہ کی یہ نصیحت قیامت تک کے لئے آنے والے ہر بیٹے اور ہر بیٹی کے لئے زاد راہ ہے۔ اس نصیحت کا ایک ایک حرف سنہری حرو ف کے ساتھ لکھ کر ہمہ وقت ساتھ رکھنے کی ضرورت ہے۔

22 اپریل 2022ء

منہاج القرآن کے زیراہتمام شہر اعتکاف آباد ہو گیا

منہاج القرآن کے زیراہتمام شہر اعتکاف آباد ہو گیا

منہاج القرآن انٹرنیشنل کے زیر اہتمام شہر اعتکاف میں ملک بھر سے ہزاروں افراد معتکف ہوگئے، منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری، ناظم اعلیٰ خرم نواز گنڈاپور نے معتکفین کو خوش آمدید کہا، شہر اعتکاف میں 7 ہزار سے زائد افراد کی رہائش اور سحر و افطار کے انتظامات کیے گئے ہیں، معتکفین کی خدمت اور دیگر انتظامات کے لیے 5 سو سے زائد کارکنان کی ڈیوٹیاں لگائی گئی ہیں، لاہور پولیس کے اہلکار بھی حفاظتی ڈیوٹی انجام دے رہے ہیں، شیخ الاسلام ڈاکٹر محمد طاہرالقادری روزانہ نماز تراویح کے بعد معتکفین سے خطاب کریں گے۔

22 اپریل 2022ء

ڈاکٹر حسن محی الدین قادری کا مرکزی قائدین کے ہمراہ شہر اعتکاف کا دورہ

ڈاکٹر حسن محی الدین قادری کا مرکزی قائدین کے ہمراہ شہر اعتکاف کا دورہ

منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ناظم اعلیٰ خرم نواز گنڈاپور و دیگر قائدین کے ہمراہ بغداد ٹاؤن شہر اعتکاف کا دورہ کیا اور انتظامات کا جائزہ لیا۔ انہوں نے سیکرٹری شہر اعتکاف کو ہدایت کی کہ معتکفین کے آرام اور سکون کا ہر ممکن خیال رکھا جائے تاکہ وہ پوری یکسوئی کے ساتھ عبادت و ریاضت میں مشغول رہ سکیں۔ انہوں نے کہا کہ اعتکاف ایک مسنون عبادت ہے اور اس کا بے اندازہ اجر و ثواب ہے۔

21 اپریل 2022ء

شہر اعتکاف 2022: شیخ الاسلام ڈاکٹر محمد طاہرالقادری ''طہارۃ القلوب'' کے موضوع پر خطابات کریں گے

شہر اعتکاف 2022: شیخ الاسلام ڈاکٹر محمد طاہرالقادری ''طہارۃ القلوب'' کے موضوع پر خطابات کریں گے

منہاج القرآن انٹرنیشنل کے زیراہتمام رمضان المبارک کے آخری عشرے سے شروع ہونے والے شہر اعتکاف کو معتکفین کے لیے سجا دیا گیا ہے، اندرون بیرون ملک سے ہزراہا معتکفین شریک ہوں گے، شیخ الاسلام ڈاکٹر محمد طاہرالقادری نماز تراویح کے بعد ویڈیو لنک پر ''طہارۃ القلوب'' کے موضوع پر خطابات کریں گے۔

20 اپریل 2022ء

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کیلئے دعائیہ تقریب

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کیلئے دعائیہ تقریب

منہاج القرآن انٹرنیشنل سویڈن کے صدر سید محمود شاہ الازھری کی والدہ محترمہ کے ایصال ثواب کیلئےمرکزی سیکرٹریٹ دعائیہ تقریب کا انعقاد کیا گیا، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور صدر منہاج القرآن انٹرنیشنل ڈاکٹر حسین محی الدین قادری نے کی شرکت کی۔

دعائیہ تقریب کا آغاز تلاوت قرآن پاک سے ہوا اور ظہیر بلالی برادران نے بارگاہِ رسالت مآب میں ہدیہ عقیدت پیش کیا، اس موقع پر ڈاکٹر حسن محی الدین قادری نے ’’والدین کی عظمت و شان‘‘ کے حوالے سے گفتگو کی۔ آخر میں ڈاکٹر حسین محی الدین قادری نے مرحومہ کے لیے بلندی درجات کی دعا کی۔

20 اپریل 2022ء

شہر اعتکاف کی تیاریاں مکمل، ہزاروں فرزندان توحید شہر اعتکاف کے مکین بنیں گے

شہر اعتکاف کی تیاریاں مکمل، ہزاروں فرزندان توحید شہر اعتکاف کے مکین بنیں گے

منہاج القرآن انٹرنیشنل کے زیراہتمام رمضان المبارک کے آخری عشرے سے شروع ہونے والے شہر اعتکاف کو معتکفین کے لیے سجا دیا گیا ہے، اندرون بیرون ملک سے ہزراہا معتکفین شریک ہوں گے، شیخ الاسلام ڈاکٹر محمد طاہرالقادری نماز تراویح کے بعد ویڈیو لنک پر ''طہارۃ القلوب'' کے موضوع پر خطابات کریں گے، اس حوالے سے سیکرٹری شہر اعتکاف جواد حامد نے بتایا کہ معتکفین کے آرام و سکون کے لیے جملہ انتظامات مکمل کر لیے گئے ہیں، انھوں نے بتایا کہ معتکفین کے لیے کورونا ویکسینیشن کارڈ ہمراہ لانا ضروری ہے اور سکیورٹی کے فول پروف انتظامات کئے گئے ہیں۔

20 اپریل 2022ء

نظام المدارس کو پروفیشنل بورڈ کے طور پر چلایا جائے: ڈاکٹر حسن محی الدین قادری کی نظام المدارس کے مرکزی عہدیداروں سے ملاقات میں گفتگو

نظام المدارس کو پروفیشنل بورڈ کے طور پر چلایا جائے: ڈاکٹر حسن محی الدین قادری کی نظام المدارس کے مرکزی عہدیداروں سے ملاقات میں گفتگو

نظام المدارس پاکستان کے سرپرست و چیئرمین سپریم کونسل ڈاکٹر حسن محی الدین قادری نے کہا ہے کہ مختصر وقت میں اصلاح شدہ دینی نصاب کی تیاری و نفاذ اور نئے نصاب کے تحت ہزار ہا طلبہ کے کامیاب امتحانات کا انعقاد بہت بڑی کامیابی ہے۔ نظام المدارس پاکستان مدارس دینیہ کی ترقی و استحکام اور نئے تعلیمی و تربیتی عہد کے آغاز کے حوالے سے سنگ میل ثابت ہوا ہے۔ ان خیالات کا اظہار انہوں نے نظام المدارس پاکستان کے وائس چیئرمین بورڈ آف گورنرز خرم نواز گنڈاپور، صدر نظام المدارس پاکستان علامہ الحاج امداد اللہ خان قادری، ناظم اعلیٰ علامہ میر آصف اکبر، ناظم امتحانات علامہ عین الحق بغدادی، ڈاکٹر شفاقت بغدادی، مفتی خلیل حنفی، علامہ اشفاق چشتی سے ملاقات کے دوران کیا۔

19 اپریل 2022ء

ڈاکٹر حسن محی الدین قادری کا منہاج القرآن گجرات کے رہنماء چوہدری گلریز اختر وڑائچ ایڈووکیٹ سے اظہار تعزیت

ڈاکٹر حسن محی الدین قادری کا منہاج القرآن گجرات کے رہنماء چوہدری گلریز اختر وڑائچ ایڈووکیٹ سے اظہار تعزیت

چیئرمین سپریم کونسل ڈاکٹر حسن محی الدین قادری نے گجرات میں منہاج القرآن گجرات کے رہنماء چوہدری گلریز اختر وڑائچ ایڈووکیٹ سے ان کی رہائش پر ان کے والد محترم چوہدری محمد خان وڑائچ مرحوم کے انتقال پر اظہارِ تعزیت کیا۔ انہوں نے مرحوم کی تحریک منہاج القرآن کے لیے خدمات کو خراج تحسین پیش کیا اور ان کی بخشش و مغفرت کی دعا بھی کی۔

18 اپریل 2022ء

ڈاکٹر حسن محی الدین قادری کا منہاج القرآن گجرات کے بانی ممبر غلام سرور قادری مرحوم کے بیٹوں سے اظہار تعزیت

ڈاکٹر حسن محی الدین قادری کا منہاج القرآن گجرات کے بانی ممبر غلام سرور قادری مرحوم کے بیٹوں سے اظہار تعزیت

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے گجرات آمد پر تحریک منہاج القرآن گجرات کے بانی ممبر غلام سرور قادری (مرحوم) کے بیٹوں سے ان کی رہائش گاہ پر ملاقات کی اور ان کے والد گرامی کے انتقال پر اظہارِ تعزیت کیا۔ اس موقع پر انہوں نے مرحوم کے لیے بلندی درجات کی دعا بھی کی۔

18 اپریل 2022ء

تحریک منہاج القرآن کا شہر اعتکاف (تزکیۂ نفس، تصفیۂ قلب، فہمِ دین، اصلاحِ احوال، تہذیبِ اخلاق اور روحانی تربیت و ترقی کا ‏مرکز)

تحریک منہاج القرآن کا شہر اعتکاف (تزکیۂ نفس، تصفیۂ قلب، فہمِ دین، اصلاحِ احوال، تہذیبِ اخلاق اور روحانی تربیت و ترقی کا ‏مرکز)

تحریک منہاج القرآن کا امتیازی وصف یہ ہے کہ اِس نے فرد کے در قلب پر دستک دی ہے اور روحوں کا زنگ اتار کر دلوں کا میل بھی دھو دیا ہے۔ اس کی ایک مثال جامع المنہاج (بغداد ٹاؤن) لاہور میں ہر سال آباد ہونے والا شہرِ اعتکاف ہے۔ 1990ء میں شیخ الاسلام ’جامع شیخ الاسلام‘ مسجد ماڈل ٹاؤن میں معتکف ہوئے تو آپ کے ساتھ 50 افراد بھی وہیں گوشہ نشین ہو گئے۔ 1991ء میں یہ تعداد مزید بڑھی تو اس مسجد کی وسعت تنگ محسوس ہونے لگی، 1992ء میں ٹاؤن شپ میں واقع جامع المنہاج باقاعدہ اجتماعی اعتکاف کے انعقاد کی مستقل جگہ قرار پائی، اور معتکفین کی تعداد 1500 ہوگئی۔ 1992ء سے معتکفین کی تعداد سال بہ سال بڑھتی گئی جو 2019 میں 20 ہزار تک پہنچ چکی ہے۔

19 اپریل 2022ء

گجرات: منہاج القرآن انٹرنیشنل فرانس کے سینئر رہنماء حاجی گلزار احمد کی والدہ مرحومہ کیلئے قل خوانی

گجرات: منہاج القرآن انٹرنیشنل فرانس کے سینئر رہنماء حاجی گلزار احمد کی والدہ مرحومہ کیلئے قل خوانی

منہاج القرآن انٹرنیشنل فرانس کے بانی ممبر و سینئر رہنما حاجی گلزار احمد کی والدہ مرحومہ کے ایصال ثواب کیلئے جامع مسجد صفہ حرم نیو شادمان کالونی گجرات میں ختم قل خوانی منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر انہوں نے خطاب کرتے ہوئے حاجی گلزار احمد کی تحریک منہاج القرآن کے لیے خدمات کو سراہا۔

18 اپریل 2022ء

تحریک منہاج القرآن کے شہر اعتکاف کی تیاریاں و انتظامات آخری مراحل میں داخل

تحریک منہاج القرآن کے شہر اعتکاف کی تیاریاں و انتظامات آخری مراحل میں داخل

تحریک منہاج القرآن کے زیراہتمام شہر اعتکاف کی تیاریاں و انتظامات آخری مراحل میں داخل ہو گئے، تحریک منہاج القرآن کے زیراہتمام حرمین شریفین کے بعد دنیائے اسلام کے سب سے بڑے شہر اعتکاف میں ملک بھر اور بیرون ممالک سے جامع المنہاج میں ہزاروں افراد اجتماعی اعتکاف بیٹھیں گے۔ شیخ الاسلام ڈاکٹر محمد طاہرالقادری دامت برکاتہم العالیہ اجتماعی اعتکاف کے موقع پر طہارۃ القلوب باطنی امراض اور ان کا علاج کے موضوع پر خصوصی خطابات فرمائیں گے۔

19 اپریل 2022ء

منہاج ویلفیئر فاؤنڈیشن کے زیراہتمام رمضان المبارک میں راشن کی تقسیم

منہاج ویلفیئر فاؤنڈیشن کے زیراہتمام رمضان المبارک میں راشن کی تقسیم

منہاج ویلفیئر فاؤنڈیشن کے زیراہتمام رمضان المبارک کے مقدس و بابرکت مہینے میں مستحق خاندانوں میں راشن تقسیم کرنے کی تقریب منعقد ہوئی، جس میں سینکڑوں خاندانوں کو کھانے پینے کی اشیاء پر مشتمل راشن بیگ دیئے گئے۔ اس موقع پر ناظم اعلیٰ تحریک منہاج القرآن خرم نواز گنڈاپور، منہاج ویلفیئر فاؤنڈیشن پاکستان کے کنٹری ڈائریکٹر سید امجد علی شاہ، خرم شہزاد، شہباز طاہر و دیگر رہنما موجود تھے۔

20 اپریل 2022ء

منہاجینز ڈے کے موقع پر سیشن 2016 کے منہاجینز کا آنلائن اجلاس

منہاجینز ڈے کے موقع پر سیشن 2016 کے منہاجینز کا آنلائن اجلاس

جامعہ اسلامیہ منہاج القرآن، منہاج یونیورسٹی سے فارغ التحصیل طلباء منہاجینز سیشن 2016 کا آنلائن اجلاس منہاجینز ڈے کے موقع پر 17 اپریل کو بذریعہ زوم ایپ ہوا۔ اس موقع پر ملک بھر اور دنیا بھر میں خدمات سرانجام دینے والے منہاجینز نے اجلاس میں شرکت کی۔ اجلاس میں ناظم منہاجینز علامہ راجہ محمد حنیف بھی شریک ہوئے۔ تلاوت و نعت کے بعد اجلاس میں شیخ الحدیث علامہ حافظ محمد معراج الاسلام رحمۃ اللہ علیہ کے یوم وصال کی مناسبت سے آپ کے افکار و نظریات، تعلیم و تربیت، تصوفانہ پہلو، للہیت اور آپ کی 50 سالہ تدریسی و حدیث مبارکہ کی خدمات پر لیکچر ہوا اور سیر حاصل گفتگو ہوئی۔

17 اپریل 2022ء

Admissions Open Minhaj University Lahore

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top