سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام ڈاکٹر محمد طاہرالقادری کی 71 ویں سالگرہ کے سلسلہ میں منہاج القرآن انٹرنیشنل کویت کے زیراہتمام قائد ڈے تقریب منعقد ہوئی۔ اس موقع پر منہاج القرآن کویت کے عہدیداروں نے پروگرام میں شرکت کی۔ پروگرام میں ’’میرا قائد میری کہانی‘‘ بیان کرتے ہوئے الحاج عبد الرؤف بھٹی نے بتایا کہ تحریک اور قائد تحریک کی والہانہ عقیدت و محبت نے انہیں 54 سال کی عمر کے بعد آقا کریم صلی اللہ علیہ وآلہ وسلم کا ثناء خواں بنا دیا۔
منہاج القرآن انٹرنیشنل گونساول فرانس کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع پر قائد ڈے سیمینار منعقد ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی اور تربیتی گفتگو فرمائی۔ اس موقع پر سفیر یورپ علامہ نذیر احمد خان، علامہ حسن میر قادری، بابر حسین، طارق چوہدری، سرپرست منہاج القرآن گونساول حسن ارشد، صدر منہاج القرآن گونساول سرفراز احمد ساہی، صاحبزادہ محمد قاسم، مہر ارشد، محمد اقبال مصطفوی اور طاہر گورائیہ و دیگر ذمہ داران بھی موجود تھے۔ سیمینار میں منہاج القرآن انٹرنیشل کے رفقاء اور پاکستانی کمیونٹی کے احباب نے بڑی تعداد میں شرکت کی۔
تحریک منہاج القرآن کے دعوتی پراجیکٹ ’’فہم دین‘‘ کے ایک سال مکمل ہونے پر تقریب منعقد ہوئی، اس موقع پر کیک کاٹا گیا۔ ناظم اعلیٰ خرم نواز گنڈاپور نے ڈائریکٹر پراجیکٹ حفیظ اللہ جاوید، سیکرٹری علامہ غلام مرتضیٰ علوی اور پوری ٹیم کو مبارکباد دی ہے۔ انہوں نے اپنے مبارکبادی پیغام میں کہا ہے کہ منہاج القرآن انٹرنیشنل شیخ الاسلام ڈاکٹر محمد طاہرالقادری کے ویژن کی روشنی میں دعوت دین کے فروغ کے لیے جدید ذرائع ابلاغ بروئے کار لا رہا ہے۔
منہاج یوتھ لیگ کراچی کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع پر قائد ڈے سیمینار منعقد ہوا، جس میں منہاج یوتھ لیگ کے مرکزی صدر مظہر محمود علوی اور پاکستان عوامی تحریک کے مرکزی صدر قاضی زاہد حسین نے خصوصی شرکت کی۔ سید ظفر اقبال شاہ، نعیم انصاری، مرزاجنید علی، راؤ کامران، مشتاق قائم خانی، زاہد لطیف، شاہد راجپوت، مفتی مکرم خان قادری، صاحبزادہ ثاقب نوشاہی، بشیر خان مروت، مسز فوزیہ جنید، طوبیٰ سلیمان، جواد انصاری، فاروق شیخ، تحریک منہاج القرآن و جملہ فورمز کے قائدین و کارکنان نے بھر پور شرکت کی۔ تقریب میں شاندار کارکردگی پہ زونل اور ٹاؤنز کے ذمہ داران کو شیلڈز پیش کی گئی اور آخر میں سالگرہ کا کیک کاٹا گیا اور شیخ الاسلام ڈاکٹر محمد طاہرالقادری کی درازئ عمر کے لیے خصوصی دعا کی گئی۔
تحریک منہاج القرآن اور پاکستان عوامی تحریک مانسہرہ کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع تقریب منعقد ہوئی، جس میں راجہ زاہد محمود قادری، محمد جاوید ہزاروی، قاضی شفیق الرحمن، سید راحت کاظمی، نصیر خان جدون، ڈاکٹر عمران یونس اور تحریک منہاج القرآن و جملہ فورمز کے قائدین و کارکنان نے بھر پور شرکت کی۔ تقریب کے آخر میں سالگرہ کا کیک کاٹا گیا اور شیخ الاسلام ڈاکٹر محمد طاہرالقادری کی درازئ عمر کے لیے خصوصی دعا کی گئی۔
تحریک منہاج القرآن رحیم یارخان (اے) کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع تقریب منعقد ہوئی، جس میں مرکزی نائب ناظم اعلٰی سردار شاکر خان مزاری، مرکزی نائب ناظم دعوت علامہ محمد احسان رضوی القادری، حافظ راشد مصطفوی، حاجی محمد فاروق، ڈاکٹر عبدالقیوم کانجو، شہزاد خان رند ایڈووکیٹ، تحریک منہاج القرآن رحیم یار خان و جملہ فورمز کے قائدین و کارکنان نے بھر پور شرکت کی۔ تقریب کے آخر میں 71 پاؤنڈ کا کیک کاٹا گیا اور شیخ الاسلام ڈاکٹر محمد طاہرالقادری کی درازئ عمر کے لیے خصوصی دعا کی گئی۔
منہاج القران انٹرنیشنل جاپان کی مرکزی تنظیم کے زیراہتمام محفل معراج النبی ﷺ کا انعقاد کیا گیا، جس میں شیخ الاسلام ڈاکٹر محمد طاہرالقادری کا ویڈیو خطاب دکھایا گیا، پروگرام کا آغاز حافظ ذوالقرنین نے تلاوت قرآن پاک کی مبارک آیات سے کیا جبکہ نعت رسول مقبول ﷺ سید یوسف شاہ نے پیش کی۔ پروگرام میں تحریک منہاج القرآن جاپان کے جنرل سیکرٹری سیّد اکمل حسین نقوی اور مرکزی فنانس سیکرٹری منہاج القرآن جاپان سید ثاقب شیرازی نے بھی شرکت کی۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے ”معجزہ معراج النبی ﷺ“کے مقدس و مبارک موقع پر اپنے بیان میں کہا ہے کہ شب معراج اللہ رب العزت کی طرف سے حضور نبی اکرم ﷺ کو قیامت تک ہونے والے واقعات کا پیشگی علم عطا ہوا اور آپ ﷺ نے اسرار کائنات کا بنفس نفیس مشاہدہ کیا۔ معراج النبی ﷺ کو روح کا سفر کہنا عقل و دانش کے خلاف ہے۔ اگر خالی روح نے سفر کرنا تھا تو پھر براق کے بھیجے جانے کی کیا ضرورت تھی؟ براق کا بھیجا جانا پیغام ہے کہ آپ ﷺ کو جسم اطہر کے ساتھ مشاہدہ حق کے لئے بلایا گیا۔
صدر منہاج القرآن انٹرنیشل ڈاکٹر حسین محی الدین قادری نے 28 فروری 2022ء کو مرکزی سیکرٹریٹ میں منعقدہ ’’معراج النبی ﷺ کانفرنس و ماہانہ مجلس ختم الصلوٰۃ علی النبی ﷺ‘‘ سے خطاب کرتے ہوئے کہا کہ معراج النبی آقا کریم ﷺ کے چند عظیم ترین معجزات میں سے سب سے عظیم معجزہ ہے، ایسا معجزہ آپ سے قبل کسی اور نبی، رسول اور پیغمبر کو عطاء نہیں کیا گیا جو اللہ تعالیٰ نے تاجدار کائنات ﷺ کو عطاء کیا۔
تحریک منہاج القرآن مورو سندھ کے زیراہتمام شیخ الاسلام ڈاکٹر محمد طاہرالقادری صاحب کی 71ویں سالگرہ کا کیک کاٹا گیا، جس میں خصوصی شرکت مرکزی نائب ناظم اعلیٰ تحریک منہاج القران سندھ محترم جناب مخدوم ندیم ہاشمی، منہاج القرآن علماء کونسل اپر سندھ کے صدر مفتی عبدالحفیظ کھوڑو قادری، منہاج القرآن مورو ضلع نوشہرو فیروز سندھ کے صدر سعید احمد میمن نے کی۔ تقریب کا آغاز تلاوت قرآن پاک سے ہوا، خدا بخش کلہوڑو نے تلاوت قرآن پاک کی اور بارگاہ رسالت مآب ﷺ میں مصطفی کریم نے ہدیہ نعت پیش کی، شیخ الاسلام ڈاکٹر محمد طاہرالقادری کی سوانح حیات اور تحریک منہاج القرآن کے موجودہ صدی میں امت مسلمہ پر احسان و انعام پر خصوصی خطاب جناب مخدوم ندیم ہاشمی نے کیا۔
جامعہ اسلامیہ منہاج القرآن کے فاضل اور کالج آف شریعہ اینڈ اسلامک سائنسز منہاج یونیورسٹی لاہور کے لیکچرار حافظ محمد آصف الازہری نے جامعۃ الدول العربیہ قاھرہ (مصر) سے ایم فل عریبک کی ڈگری امتیازی پوزیشن کے ساتھ مکمل کر لی ہے۔ ان کا ایم فل کا مقالہ ’الصورة الشعرية عند خداش بن زهير العامري‘ پر تھا۔ ایم فل کی تکمیل پر جامعہ اسلامیہ منہاج القرآن کے پرنسپل ڈاکٹر ممتاز الحسن باروی اور اساتذہ و طلبہ نے حافظ محمد آصف الازہری کو مبارکباد پیش کی ہے اور ان کی کامیابیوں کے لیے دعا کی ہے۔
تحریک منہاج القرآن راولپنڈی کے زیراہتمام حضور شیخ الاسلام ڈاکٹر محمد طاہرالقادری کی 71ویں سالگرہ کی مناسبت سے دعائیہ تقریب منعقد ہوئی جس میں صدر منہاج القرآن انٹرنیشنل ڈاکٹر حسین محی الدین قادری نے خصوصی شرکت کی اور خطاب کیا۔ تقریب میں تحریک منہاج القرآن راولپنڈی کے جملہ فورمز کے ذمہ داران و کارکنان و وابستگان نے بڑی تعداد میں شرکت کی۔
دنیا بھر میں منہاج القرآن انٹرنیشنل کے رفقاء کارکنان اور وابستگان اپنے بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری کی 71ویں سالگرہ منا رہے ہیں۔ منہاج القرآن انٹرنیشنل چلی کے کارکنان نے بھی اپنے قائدِ تحریک کی سالگرہ کی مناسبت سے سینٹیاگو میں شاندار تقریب کا انعقاد کیا۔
منہاج القرآن انٹرنیشنل ہانگ کانگ کے زیراہتمام قائد ڈے کے موقع پر آن لائن تقریب 19 فروری 2022ء کو منعقد ہوئی، جس میں علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے خطاب کیا۔ انہوں نے کہا کہ شیخ الاسلام ڈاکٹر محمد طاہرالقادری نے اپنی زندگی کا ایک ایک لمحہ دین اسلام کی خدمت اور امت مسلمہ کی تعلیمی، علمی، فکری اور نظریاتی راہنمائی کے لیے وقف کیا ہوا ہے۔
منہاج القرآن انٹرنیشنل جاپان کی مرکزی تنظیم کے زیراہتمام شیخ الاسلام ڈاکٹر محمد طاہرالقادری کے یوم ولادت کے موقع پر 19 فروری کو تقریب منعقد ہوئی، جس میں جنرل سیکٹری منہاج القرآن جاپان سیّد اکمل حسین نقوی اور مرکزی فایننس سیکٹری منہاج القرآن جاپان سید ثاقب شیرازی نے سرپرستی کی۔ تقریب کے آخر میں سالگرہ کا کیک کاٹا گیا اور شیخ الاسلام ڈاکٹر محمد طاہرالقادری کی درازئ عمر کے لیے خصوصی دعا کی گئی۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
