سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل ڈنمارک میں آما تنظیم کے سابق صدر، موجودہ ممبر منہاج ایجوکیشن بورڈ اور ممبر منہاج ایجوکیشن کونسل محمد طارق قادری (منہاجین) کے والد گرامی 9 ستمبر 2017 کو گجرات میں انتقال فرما گئے۔ انا للہ وانا الیہ راجعون
ڈنمارک میں 10 ستمبر 2017ء کو اتوار کے دن کوپن ہیگن کے اسکوائر پر روہنیگا مسلمانوں کے لیے احتجاج کیا گیا، جس میں ڈنمارک بھر سے مختلف قومیتوں نے بھرپور شرکت کی۔ پاکستان عوامی تحریک ڈنمارک اور منہاج القرآن انٹرنیشنل ڈنمارک کے قائدین و کارکنان اور پاکستانیوں نے بھی مظاہرے میں شرکت کی اور احتجاج ریکارڈ کرایا۔
تحریک منہاج القرآن پی پی حلقہ 248 کی یونین کونسل لعل گڑھ میں ماہانہ درس عرفان القرآن کا پروگرام 10 ستمبر 2017ء کو ہوا، جس میں علامہ غضنفر حسنین تونسوی نے خصوصی خطاب کیا۔ پروگرام میں ضلعی ناظم ابو ارسل مصطفوی المدنی، ضلعی صدر ایم ایس ایم حافظ راشد مصطفوی اور فیاض احمد جمالی سابق صدر تحریک منہاج القرآن مہمان تھے۔
تحریک منہاج القرآن کی سپریم کونسل کے چئیرمین ڈاکٹر حسن محی الدین قادری مارچ 2017ء کے دورہ ڈنمارک کے دوران MQI ڈنمارک کی ملکی تنظیم اور تمام فورمز کی تنظیم نو کی۔ اسی سلسلہ میں نظامت تعلیمات کی تنظیم نو بھی کی گئی، جس میں ڈائریکٹر منہاج القرآن انٹرنیشنل ڈنمارک علامہ مفتی ارشاد حسین سعیدی کو ان کی سابق کارکردگی اور تجربہ کی روشنی میں ڈائریکٹر ایجوکیشن کی ذمہ داری دی گئی۔
بانی و سرپرستِ اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری نے منہاج القرآن اسلامک سنٹر ویلبی کے ڈائریکٹر محمد طارق قادری منہاجین کے والد محترم کے انتقال پر گہرے دکھ اور افسوس کا اظہار کرتے ہوئے ان سے تعزیت کی ہے۔ انہوں نے مرحوم کی بخشش و مغفرت کے لیے دعا کی ہے۔
پاکستان عوامی تحریک کے سربراہ ڈاکٹر محمد طاہرالقادری کی ہدایت پر عوامی تحریک پشاور کے زیراہتمام روہنگیا مسلمانوں کے حق میں 8 ستمبر 2017ء کو پشاور شہر میں بھرپور احتجاج کیا گیا۔ پشاور میں احتجاج کے دوران عوامی تحریک نے مطالبہ کیا کہ برمی فوج اور بدھوؤں کی دہشتگردی بند کروائی جائے۔ اس موقع پر لوگوں کی بڑی تعداد مظاہرہ میں شریک ہوئی۔
پاکستان عوامی تحریک سرگودھا کے زیراہتمام برما میں مسلمانوں پر ظلم و ستم اور قتل عام کے خلاف 8 ستمبر 2017ء کو بھرپور احتجاج کیا گیا۔ امیر تحریک سرگودھا ملک غلام حسین، نگران جنرل سیکرٹری PAT شمالی پنجاب محمد عمران ملک، صدر یوتھ لیگ سرگودھا چوہدری شوکت ابرار، صدر ایم ایس ایم سرگودھا چوہدری احمد شیر نے مظاہرہ کی قیادت کی اور خطاب کیا۔
پاکستان عوامی تحریک راجن پور اور منہاج القرآن راجن پور نے برما میں روہنگیا مسلمانوں پر ظلم و ستم اور قتل عام کے خلاف 8 ستمبر 2017ء کو شہر میں بھرپور احتجاج کیا۔ احتجاجی ریلی پریس کلب کے سامنے منعقد ہوئی۔ ضلعی امیر تحریک رانا گلزار اور ضلعی ناظم ابو ارسل مصطفیٰ نے ریلی کی قیادت کی۔ مظاہرہ میں عوامی تحریک و منہاج القرآن کے کارکنان کے علاوہ لوگوں کی بڑی تعداد نے شرکت کی۔ اس موقع پر مقررین نے خطاب کرتے ہوئے برما میں مسلمانوں کے خلاف قتل عام بند کرانے کا مطالبہ کیا۔
برما میں روہنگیا مسلمانوں پر ہونے والے بد ترین مظالم کے خلاف پاکستان عوامی تحریک اور تحریک منہاج القرآن کے زیراہتمام اسلام آباد میں میلوڈی تا آبپارہ چوک پرامن احتجاجی ریلی 8 ستمبر 2017ء کو نکالی گئی۔ جس میں مرد، خواتین، نوجوانوں نے شرکت کی۔ احتجاجی مظاہرہ کی قیادت عوامی تحریک کے صوبائی و ضلعی رہنمائوں نے کی۔ میڈیا کوآرڈینیٹر غلام علی خان، میر اشتیاق ایڈووکیٹ، جمشید خان، سردار پھل نصیب، عرفان طاہر، فاروق بٹ، سفیان صابر، ایاز صابر، عاطف محمود، احسان اللہ سیال، احمد یار گوندل، شیخ اقبال، ملک تنویر، سردار محمد علی لاشاری، یوتھ ونگ کے عاتطف محمود، سلیم رشید، ضیاء رسول بٹ، حمزہ بٹ، ویمن لیگ کی خواتین، یوتھ ونگ کے نوجوان، مصطفوی سٹوڈنٹس موومنٹ کے عہدیداران و کارکنان نے بڑی تعداد میں ریلی میں شرکت کی۔
عوامی تحریک کراچی کے زیراہتمام شہر قائد میں پرامن احتجاج پریس کلب پر ہوا، جس میں تمام سیاسی، سماجی، مذہبی، انسانی حقوق کی تنظیموں سمیت سول سوسائٹی، پاکستان عوامی تحریک، تحریک منہاج القرآن کے کارکنان اور بچوں سمیت خواتین نے بھی شرکت کی۔ عوامی تحریک کے یوم احتجاج سے مختلف سیاسی، سماجی، مذہبی تنظیموں کے قائدین نے بھرپور شرکت کی۔ مقررین نے مطالبہ کیا کہ روہنگیا مسلمانوں کا قتل فوری بند کرایا جائے۔
پاکستان عوامی تحریک گوجرانوالہ کے زیراہتمام جمعہ 8 ستمبر 2017ء کو برما کے مسلمانوں کے حق میں احتجاجی مظاہرہ اور ریلی کا انعقاد کیا گیا۔ ریلی کی قیادت صدر پاکستان عوامی تحریک ضلع گوجرانوالہ محمد فاروق ملک اور امیر تحریک عمران علی ایڈووکیٹ نے کی۔ ریلی میں عوامی تحریک و منہاج القرآن کے کارکنان اور گوجرانوالہ کے شہریوں نے بھرپور شرکت کی۔ اس موقع پر مقررین نے اظہار خیال کرتے ہوئے مطالبہ کیا کہ برما میں مسلمانوں کے خلاف قتل عام کو بند کیا جائے۔
روہنگیا (برما) میں مسلمانوں کے سفاکانہ قتل عام اور بد ترین مظالم کے خلاف پاکستان عوامی تحریک اور تحریک منہاج القرآن فیصل آباد کے زیراہتمام 8 ستمبر 2017ء کو ضلع کونسل تا کچہری چوک فیصل آباد احتجاجی ریلی نکالی گئی۔ ریلی میں عوامی تحریک و منہاج القرآن کے کارکنان اور سینکڑوں مرد و خواتین نے شرکت کی۔ ریلی کی قیادت تحریک منہاج القرآن کے مرکزی نائب ناظم اعلیٰ انجینئر رفیق نجم، ضلعی امیرسید ہدایت رسول قادری اور دیگر قائدین نے کی۔
پاکستان عوامی تحریک حیدرآباد، منہاج القرآن حیدرآباد، مصطفوی اسٹوڈنٹ موومنٹ اور منہاج یوتھ لیگ کے زیراہتمام برما کے روہنگیا مسلمانوں کے حق میں پرامن احتجاجی مظاہرہ اور ریلی تلک چاڑی تا حیدر آباد پریس کلب نکالی گئی۔ ریلی کی قیادت پاکستان عوامی تحریک کے صدر امیر منہاج القرآن لوئر سندھ ندیم احمد نقشبندی، سید کامران پرویز، یونس القادری، خالد راجپوت، جان محمد بروہی، سید مبشر علی شاہ، دلنواز بلوچ اور شیراز قریشی انوار خان نے کی۔ ریلی کے شرکاء نے برما کے مسلمانوں کے ساتھ اظہار یکجہتی کے لیے پلے کارڈ اٹھائے ہوئے تھے اور عالمی برادری سے برما کے روہنگیا مسلمانوں پر مظالم بند کرانے کے لیے مطالبہ کررہے تھے۔
روہنگیا مسلمانوں کے قتل عام کیخلاف عوامی تحریک کھپرو سندھ نے 8 ستمبر 2017ء کو پرامن احتجاج کیا۔ احتجاج کی قیادت عوامی تحریک کھپرو کے صدر شوکت علی قائمخانی، جنرل سیکرٹری عوامی تحریک کھپرو ریٹائرڈ صوبیدار عبداللہ خان، ایم ایس ایم بے نظیرآباد کے ڈویژنل صدر محمد طیب قادری، منہاج القرآن سانگھڑ کے امیر سید زاہد علی شاہ، ڈویژنل کوارڈینیٹر بےنظیرآباد عبدالستار چوہان نے کی۔ مظاہرے میں کارکنان کی بڑی تعداد شریک ہوئی۔ اس موقع پر مقررین نے اظہار خیال کرتے ہوئے مطالبہ کیا کہ اقوام متحدہ روہنگیا مسلمانوں کے قتل عام کو بند کرا ئے۔
روہنگیا مسلمانوں کے قتل عام کیخلاف تحریک منہاج القرآن اور پاکستان عوامی تحریک گھوٹکی (سندھ) نے 8 ستمبر 2017ء کو پرامن احتجاج کیا۔ ریلی کی صدارت امیر تحریک منہاج القرآن ڈسٹرکٹ گھوٹکی محمد امین کلوڑ نے کی، جبکہ کوآرڈینیٹر ڈسٹرکٹ گھوٹکی عزیز احمد مہر نے ریلی کو آرگنائز کیا۔ مظاہرے میں کارکنان کی بڑی تعداد شریک ہوئی۔ اس موقع پر مقررین نے اظہار خیال کرتے ہوئے مطالبہ کیا کہ اقوام متحدہ روہنگیا مسلمانوں کے قتل عام کو بند کرا کر برما کے خلاف معاشی و اقتصادی اور سفارتی بائیکاٹ کرے۔
4M
فیس بک
2M
ٹوٹر
© 1994 - 2026 Minhaj-ul-Quran International.
