سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن راولپنڈی کا ورکرز کنونشن 28 جنوری 2017ء کو ہوا، جس کی صدارت صدر منہاج القرآن انٹرنیشنل ڈاکٹر حسین محی الدین قادری نے کی۔ ورکرز کنونشن میں نائب ناظم اعلیٰ رانا محمد ادریس، نعیم کیانی، آغا محمود الحسن، ابرار رضا ایڈووکیٹ اور انار خان گوندل نے بھی خصوصی شرکت کی۔ پروگرام کا باقاعدہ آغاز تلاوت و نعت سے ہوا، جس کے بعد مقامی قائدین نے اظہار خیال کیا۔
ڈاکٹر طاہرالقادری نے جسٹس باقر علی نجفی کمیشن کی رپورٹ کو پبلک کرنے کے حوالے سے نکالی جانیوالی احتجاجی ریلی سے خطاب کرتے ہوئے کہا ہے کہ سانحہ ماڈل ٹاؤن ریاستی دہشتگردی کا بد ترین واقعہ ہے اس میں وفاقی اور صوبائی حکمران ملوث ہیں، جب دیکھوں گا انصاف کا کوئی راستہ نہیں بچا تو پھر فیصلہ کن راؤنڈ کا اعلان ہو گا، اگر شہدا کے ورثاء انصا ف کیلئے باہر نکل آئے تو قاتل حکمرانوں کیلئے چلنا پھرنا مشکل ہو جائے گا۔
برطانیہ میں منہاج القرآن انٹرنیشنل رامفورڈ اسلامک سنٹر میں اے آر وائی نیوز کے انوسٹی گیشن ہیڈ اور ممتاز صحافی اسد کھرل کے اعزاز میں استقبالیہ تقریب 27 جنوری 2017ء کو لندن میں منعقد ہوئی۔ استقبالیہ کا اہتمام منہاج القرآن انٹرنیشنل یوکے کی طرف سے کیا گیا، جہاں شاہد مرسلین سمیت منہاج القرآن انٹرنیشنل برطانیہ کے دیگر قائدین نے آپ کا پروقار استقبال کیا۔
منہاج انٹرفیتھ اینڈ ویلفیئر فاونڈیشن مغربی بنگال کولکتہ نے 26 جنوری 2017ء کو خواتین اور بچوں کے لیے ثقافتی نمائش میلے کا اہتمام کیا۔ یہ ایونٹ دی مسلم انسٹی ٹیوٹ شادی ہال حاجی محسن سکوائر پر منعقد کیا گیا، جہاں مقامی ثقافت کو اجاگر کرنے اور موسم بہار کی آمد پر خواتین اور بچوں کی دل چسپی کے اسٹالز لگائے گئے تھے۔
کولکتہ: منہاج انٹرفیتھ اینڈ ویلفیئر فاؤنڈیشن انڈیا، منہاج القرآن ویمن لیگ کولکتہ اور منہاج القرآن انٹرنیشنل انڈیا کے اشتراک سے 26 جنوری 2017 کو یومِ جمہوریہ کے موقع پر منہاج ونٹر کارنیول (Minhaj Winter Carnival) کا اہتمام کیا جس میں خواتین اور بچوں نے بڑی تعداد میں شرکت کی۔ کارنیول کا آغاز پرچم کشائی کی تقریب سے ہوا جس کے بعد قومی ترانہ پڑھا گیا۔ کارنیول میں خواتین نے کپڑوں، جیولری اور دیگر گھریلو اشیاء کے سٹال سجا رکھے تھے، جبکہ بچوں نے ڈرائنگ، فینسی لباس اور معلوماتِ عامہ کے مقابلہ جات میں حصہ لیا۔ مقابلہ جات میں شاندار کاکردگی کا مظاہرہ کرنے والے بچوں میں انعامات تقسیم کیے گئے۔
حزب محاذ ملی اسلامی افغانستان کے بانی فضیلت مآب الشیخ سید احمد قادری الجیلانی البغدادی کے وصال پر شیخ الاسلام ڈاکٹر محمد طاہرالقادری نے گہرے رنج و الم کا اظہار کرتے ہوئے آپ کے لیے فاتحہ خوانی کی ہے۔ ڈاکٹر محمد طاہرالقادری اور تحریک منہاج القرآن کے ناظم اعلیٰ خرم نواز گنڈا پور سمیت قائدین نے افغان قوم کے اس عظیم قائد و رہنما سے محروم ہوجانے پر اپنے تعزیتی پیغام میں بانی حزب محاذ ملی اسلامی کی خدمات کو خراج تحسین پیش کیا ہے۔
پاکستان عوامی تحریک کے زیراہتمام سانحہ ماڈل ٹاون میں انصاف کے حصول کے لیے احتجاجی مظاہرہ 27 جنوری 2017ء کو ایوان اقبال سے لاہور پریس کلب تک ہوگا۔ عوامی تحریک کے قائد ڈاکٹر محمد طاہرالقادری نے اپنے ایک ٹی وی انٹرویو میں کہا کہ حکمرانوں کے ذمہ ماڈل ٹاون کے 14 شہیدوں کا خون ہے، انہوں نے 90 لوگوں کو گولیاں ماریں۔ سانحہ ماڈل ٹاون کے انصاف میں دیر ہو سکتی لیکن اللہ کی بارگاہ میں اندھیر نہیں۔
برلن میں یو این او کے ادارہ International Youth Voluteer Service (آئی جے ایف ڈی) کے تحت انسانی خدمت کے لیے تربیت حاصل کرنے والے طلباء و طالبات نے منہاج القرآن اسلامک سنٹر برلن جرمنی کا وزٹ کیا۔ جس کا انتظام یو این او کے ورکر سید محمد آصف نے کیا تھا۔
تحریک منہاج القرآن فاضل پور کے زیراہتمام ماہانہ درس عرفان القرآن منعقد کیا گیا، جس کی صدارت منہاج القرآن راجن پور کے ضلعی ملک ابو ارسل المدنی نے کی جبکہ ضلعی صدر ایم ایس ایم راشد مصطفوی مہمان خصوصی تھے۔ پروگرام میں صدر عوامی تحریک راجن پور محمد سعید مغل، صدر منہاج القرآن راجن پور خادم حسین، ناظم تحریک غلام مصطفیٰ سٹی ناظم امان اللہ غوری اور فیاض احمد جمالی نے بھی خصوصی شرکت کی۔
پاکستان عوامی تحریک اور تحریک منہاج القرآن لاہور کا مشترکہ اجلاس 22 جنوری 2017ء کو مرکزی سیکرٹریٹ ماڈل ٹاؤن میں منعقد ہوا۔ منہاج القرآن لاہور کے امیر حافظ غلام فرید اور عوامی تحریک لاہور کے صدر چودھری افضل گجر نے اجلاس کی صدارت کی۔ اجلاس میں سانحہ ماڈل ٹاؤن کے حوالے سے 27 جنوری کو لاہور میں ہونے والے احتجاجی مظاہرے کے انتظامات کے حوالے سے مشاورت کی گئی۔
پاکستان عوامی تحریک کے سیکرٹری جنرل خرم نواز گنڈاپور نے مرکزی رہنماؤں کے ساتھ ہنگامی پریس کانفرنس میں 27 جنوری 2017ء جمعہ کے دن سانحہ ماڈل ٹاؤن کے انصاف کے لیے پرامن احتجاجی مظاہرہ کرنے کا اعلان کیا ہے۔ عوامی تحریک کے مرکزی رہنماوں کی ہنگامی پریس کانفرنس 23 جنوری کو مرکزی سیکرٹریٹ میں ہوئی، جہاں خرم نواز گنڈاپور نے میڈیا سے گفتگو کی۔
تحریک منہاج القرآن کی نظامت تربیت کے شعبہ کورسز کے زیراہتمام عرفان القرآن کورس کی خصوصی کلاس منہاج یونیورسٹی میں شروع کی جا رہی ہے، اس حوالے سے 23 جنوری 2017ء کو منہاج یونیورسٹی میں افتتاحی تقریب منعقد ہوئی۔ کورس کی افتتاحی تقریب میں منہاج یونیورسٹی کے طلباء و طالبات نے شرکت کی اور ڈائریکٹر کورسز سعید رضا بغدادی نے انہیں لیکچر دیا۔
تحریک منہاج القرآن کے ڈائریکٹر انٹرفیتھ اینڈ ریلیشنز سہیل احمد رضا نے اپنے دورہ یورپ میں ناروے کے شہر اوسلو میں سکھ کمیونٹی کی دعوت پر گوردوارہ درمن کا دورہ کیا۔ وزٹ میں چوہدری محمد فاروق وسن بھی ان کے ساتھ تھے۔ درمن گوردوارہ پہنچنے پر صدر گوردوارہ بابا گرو نانک جی درمن سردار منجوسویل سنگھ اور سردار ملیک سنگھ، سردار سرجیت سنگھ براڑ نے سہیل احمد رضا کا استقبال کیا۔
تحریک منہاج القرآن فیصل آباد کے عہدیداران کا اجلاس 22 جنوری 2016ء کو مرکزی نائب ناظم اعلیٰ انجینئر محمد رفیق نجم زیرصدارت ہوا۔ ضلعی امیرسیدہدایت رسول قادری، چوہدری ریاست علی، رانا رب نواز انجم، حافظ محمودالحسن، راناغضنفرعلی، میاں امجدقادری اور خالد رفیق سندھو بھی اجلاس میں شریک ہوئے۔
منہاج القرآن یوتھ لیگ فاضل پور کے سابق صدر محمد طاہر حسن کی دادی کے وصال پر 24 جنوری 2017 کو فاضل پور میں ان کی قل خوانی کی تقریب ہوئی۔ تقریب سے منہاج القرآن علماء کونسل کے مرکزی نائب ناظم علامہ محمد لطیف مدنی نے خطاب کیا۔
4M
فیس بک
2M
ٹوٹر
© 1994 - 2026 Minhaj-ul-Quran International.
