سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مصطفوی سٹوڈٹٹس موومنٹ کے مرکزی صدر عرفان یوسف نے کہا ہے کہ کشمیریوں کو ان کا بنیادی حق، حق آزادی دیا جائے، تحریک آزادی کشمیر کے منتطقی انجام تک جدوجہد جاری رہے گی، کئی سو سال تاریخی اور جغرافیائی حیثیت کا حامل خطہ کشمیر اور کشمیری قوم کی آزادی سے محروم کرنا انسانی حقوق کی خلاف ورزی ہے، جس پر عالمی طاقتوں کو بغور دیکھنا ہوگا۔ انہوں نے کہا کہ ڈاکٹر طاہرالقادری کی قیادت نے پاکستان کو نئے جذبے سے سرشار کیا ہے۔
پاکستان عوامی تحریک (پی اے ٹی) نے سانحہ ماڈل ٹاؤن کے خلاف ملک بھر میں دوبارہ احتجاج کا اعلان کردیا ہے۔ عوامی تحریک نے سانحہ ماڈل ٹاؤن کے چھ ماہ مکمل ہونے پر 17 دسمبر کو ملک گیر احتجاج کا اعلان کیا تھا، جس کے تحت ماڈل ٹاؤن واقعے کی تفتیش میں تاخیر کے خلاف ریلیاں اور احتجاجی مظاہرے کیے جانے تھے۔ تاہم 16 دسمبر کو سانحہ پشاور کے بعد پی اے ٹی نے ڈاکٹر طاہرالقادری کی ہدایت پر 17 دسمبر کا ملک گیر احتجاج ملتوی کردیا تھا۔
نہاج القرآن علماء کونسل کے صدر علامہ نصیر احمد بابرنے کہا ہے کہ حضور نبی کریم صلی اللہ علیہ وآلہ وسلم کی بعثت کے وقت مختلف الانواع تضادات کا شکار اور کئی طبقات میں تقسیم تھی، سماجی اور معاشرتی شرف و منزلت کی بنیاد نسلی، لسانی اور طبقاتی معیارات پر مشتمل تھی۔ معاشرے کے طاقتور لوگ ہر لحاظ سے قابل عزت ہوتے تھے جبکہ غلام کمزور اور زیردست طبقے طاقتور کے رحم و کرم پر ہوتے تھے اور طاقتور کا قانون ہی ان کے مقدر کا فیصلہ کرتا، نبی اکرم صلی اللہ علیہ وآلہ وسلم کی بعثت جاہلیت کے ان تمام بتوں کی شکستگی کا پیغام تھا
ربیع الاول کا مہینہ شروع ہوتے ہی یورپ سمیت دُنیا بھر میں عاشقان رسول صلی اللہ علیہ وآلہ وسلم محافل میلاد مصطفی صلی اللہ علیہ وآلہ وسلم کا اہتمام کرتے ہیں۔ اسی سلسلہ کو آگے بڑھاتے ہوئے محفل کا اہتمام مسجدمنہاج القرآن اینی پتال(ہاگن ) میں کیا گیا۔محفل میں عاشقان رسول کی کثیر تعداد موجود تھی، جو جھوم جھوم کر اپنے آقا و مولا کا ذکرسن کراپنے دل وروح کو تسکین پہنچا رہے تھے۔
علامہ رانا محمد ادریس نے کہا کہ جب محشر بپا ہوگا قیامت کی سختیاں اپنے عروج پر ہونگی وہاں کامیابی کے لئے جس میزان میں اعمال تولے جائیں گے اس میزان کا معیار صرف نسبتِ محمدی صلی اللہ علیہ وآلہ وسلم اور محبتِ محمدی صلی اللہ علیہ وآلہ وسلم پر قائم ہوگا جن اعمال میں یہ محبت اور نسبت نہیں ہوگی وہ اعمال اللہ تبارک وتعالیٰ کے حضور قابلِ قبول نہیں ہونگے لہذا ہمیں چاہئے کہ اپنے ہر عمل میں اللہ کے پیارے حبیب صلی اللہ علیہ وآلہ وسلم کے حکم کو پیشِ نظر رکھیں کیونکہ ہم نے اللہ کو اللہ مانا تو پیارے رسول اللہ صلی اللہ علیہ وآلہ وسلم کے ذریعے ماناہے۔
پاکستان عوامی تحریک حلقہ پی پی 39 وادئ سون کے سیکرٹری جنرل ملک شاہ دل اعوان کی پانچویں کتاب ’’مَشَاھِیرِ سُون‘‘ کی تقریب رونمائی پیراڈائز پلازہ نوشہرہ میں منعقد ہوئی جس میں وادئ سون کی ہر دلعزیز، سیاسی، سماجی، علمی، قومی اور بین الاقوامی سطح کی ممتاز شخصیات نے شرکت کی اور ملک شاہ دل اعوان کی اس تاریخی، علمی، معلوماتی تصنیف کو شاندار الفاظ میں خراج تحسین پیش کیا۔
منہاج القرآن ہارون آباد کے زیراہتمام مورخہ 11 جنوری 2015ء بروز اتوار سالانہ محفل میلاد مصطفیٰ صلی اللہ علیہ وآلہ وسلم کانفرس کا انعقاد کیا گیا جس کی صدارت منہاج القرآن علماء کونسل کے سرپرست حضرت علامہ سید احمد کمال فیاض شاہ نے کی جبکہ استقبالیہ کلمات علامہ صاحبزادہ احمد حسن فاروقی نے ادا کیے۔ محفل کا باقاعدہ آغاز تلاوت کلام پاک سے کیا گیا جس کی سعادت قاری غلام رسول مدرس جامعہ رضویہ نے حاصل کی جبکہ حضور نبی اکرم صلی اللہ علیہ وآلہ وسلم کی بارگاہ میں عقیدت کے پھول قاری دین محمد، محمد عمران قادری، قاری محمد الطاف حامد اور محمد آصف حیدری نے پیش کیے۔
ہرسال کی طرح امسال بھی مورخہ11 جنوری 2015بروز ہفتہ منہاج القرآن انٹرنیشنل اوسلو ناروے کے زیر اہتمام سالانہ عظیم الشان میلاد مصطفی صلی اللہ علیہ وآلہ وسلم کا انعقاد کیا گیا۔ جس میں شدید برف باری اور سردی کی شدت کے باوجود کثیر تعداد میں ہر شعبہ ہائے زندگی سے تعلق رکھنے والے خواتین و حضرات نے کانفرنس میں شرکت کی
تحریک منہاج القرآن کے روحانی سرپرست شہزادہ غوث الوری قدوۃ الاولیاء حضرت سیدنا طاہر علاؤالدین القادری الگیلانی البغدادی رضی اللہ عنہ کے یوم ولادت کی تقریب آج مورخہ 10 جنوری بمطابق 18 ربیع الاول مرکز تحریک منہاج القرآن پر منعقد ہوئی۔ اس موقع پر مرکزی صدر پاکستان عوامی تحریک محترم ڈاکٹر رحیق احمد عباسی، محترم جی ایم ملک، قائم مقام ناظم اعلی تحریک منہاج القرآن، محترم بریگیڈیئر ریٹائرڈ اقبال احمد خان نائب صدر تحریک منہاج القرآن، محترم محمد جواد حامد ڈائریکٹر اجتماعات، محترم سہیل احمد رضا ڈائریکٹر انٹرفیتھ ریلیشنز اور محترم شہزاد رسول قادری چیف آرگنائزر بزم قادریہ نے شرکت کی۔
منہاج القرآن آسٹریا کی جانب سے منہاج سنٹر ویانا میں 15 ویں سالانہ میلاد کانفرنس کا انعقاد منہاج سنٹر ویانا کے بانی الحاج خواجہ محمد نسیم کی زیرصدارت 10 جنوری بروز ہفتہ کیا گیا، جس میں منہاجین، رفقاء، منہاج یوتھ ونگ، منہاج وومن ، پاکستانی، آسٹرین، اور ترکی کمیونٹی کی خواتین و مرد حضرات نے کثیر تعداد میں شرکت کی۔
منہاج القرآن ڈنمارک کے زیر اہتمام 10 جنوری 2015 منہاج اسلامک سنٹر آما میں سالانہ محفل میلاد منعقد ہوئی جس میں مرد وخواتین کی کثیر تعداد نے شرکت کی۔ محفل کا باقاعدہ آغاز فخر القراء قاری محمد ندیم اختر نے کیا۔ برطانیہ سے تشریف لائے مہمان نعت خواں حافظ عبدالقادر نوشاہی اور حافظ احسن امین نے بھی گلہائے عقیدت پیش کئے۔ منہاج یورپین کونسل کے امیر علامہ حسن میر قادری نے میلاد کانفرنس سے خطاب کرتے ہوئے عشق رسول صلی اللہ علیہ وآلہ وسلم کی پختگی اور اطاعت کے موضوع پر پرمغز خطاب کیا۔
برصغیر کی تاریخ میں پہلی بار کیتھولک کیتھڈرل چرچ (ریگل چوک)، لاہور میں میلاد مصطفی صلی اللہ علیہ وآلہ وسلم کی خصوصی نشست کا اہتمام کیا گیا جس سے ڈاکٹر رحیق عباسی، فادر جوزف شہزاد، ڈاکٹر جمیز چنن، کاشف نواب، پنڈت بھگت، یوسف بنجوری، فیض الرحمن درانی، جی ایم ملک، راجہ زاہد، غلام مرتضیٰ علوی، قاضی فیض اور سہیل احمد رضا نے خطاب کیا۔ اقلیتی رہنماؤں نے میلاد مصطفی کی تقریب کے انعقاد پر اسلامیان پاکستان کو مبارکباد دیتے ہوئے کہا کہ حضور نبی اکرم صلی اللہ علیہ وآلہ وسلم دنیا میں امن، محبت اور رواداری کا پیغام لیکر آئے۔
پیرس میں ہونے والے دہشتگردی کے واقعہ کے خلاف گزشتہ روز بارسلونا میں پاکستانی کمیونٹی کی مختلف تنظیمات نے Rambla Raval پر مشترکہ طور پر احتجاجی مظاہرے کا انعقاد کیا جس میں پاکستانی تنظیموں کے نمائندگان کے ساتھ ساتھ کاتالان اور سپانش میڈیا، شامی اور مراکشی تنظیموں کے نمائندوں، پاکستانی ویلفیئر قونصلر محمد اسلم غوری، کاتالان ڈائریکٹر جنرل مذہبی امور،مقامی سیاسی جماعتوں کے نمائندوں، سابق اور موجودہ ممبران پارلیمنٹ اور مختلف شعبہ ہائے زندگی سے تعلق رکھنے والے نمایاں افراد نے شرکت کی۔
لودہراں: تحریک منہاج القرآن کے زیراہتمام فوجی ظہور حسین کے گھر محفل میلاد النبی صلی اللہ علیہ وآلہ وسلم کا انعقاد کیا گیا جس میں عوام الناس کی کثیر تعداد نے شرکت کی۔ محفل کا آغاز صحیفہ انقلاب کی آیات بینات سے کیا گیا، بعد ازاں تاجدار کائنات صلی اللہ علیہ وآلہ وسلم کی بارگاہ میں درود و سلام کے گجرے پیش کیے گئے اور ثناء خوان مصطفی صلی اللہ علیہ وآلہ وسلم نے گلہائے عقیدت نچھاور کیے۔
منہاج القرآن وویمن لیگ بھنگالی شریف دولتالہ حلقہ پی پی 4 کے زیراہتمام پہلی سالانہ عظیم الشان محفل میلاد مصطفی صلی اللہ علیہ وآلہ وسلم برائے خواتین کا انعقاد چوہدری وقار احمد کی رہائش گاہ پر کیا گیا جس میں خصوصی خطاب محترمہ سمیہ ظفر رہنما منہاج القرآن وویمن لیگ جہلم نے کیا۔ پروگرام میں نقابت کے فرائض ہاجرہ محمود قریشی ناظمہ منہاج القرآن وویمن لیگ پی پی 4نے ادا کئے۔
4M
فیس بک
2M
ٹوٹر
© 1994 - 2026 Minhaj-ul-Quran International.
