سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستانی عوام دہشت گردی کے خلاف اٹھ کھڑے ہوں اور پنے اپنے حلقوں کے اندر اپنی مدد آپ کے تحت امن کمیٹیاں تشکیل دے کر معاشرے میں خوف وہراس، ڈاکہ زنی ، قبضہ گروپوں اور غریبوں کی زندگیاں اجیرن کرنے والوں کے خلاف قانون نافذ کرنے والے اداروں کا ساتھ دیں اورجو ادارے اپنے فرائض منصبی دیانتداری سے ادا نہ کریں ان کا محاسبہ کرنے کے لئے میڈیا کی خدمات حاصل کریں جو ملکی سیاسی او معاشرتی حالات کی بہتری کے لئے اپنی اہلیت کے مطابق قابل ستائش ذمہ داریاں نبھانے کی کوششوں میں مصروف ہے ان خیالات کا اظہار بانی وسرپرست اعلیٰ منہاج القرآن انٹرنیشنل اور معروف سکالر شیخ الاسلام ڈاکٹر محمد طاہر القادری نے مورخہ 23 اکتوبر 2010 کو ہیتھرو ایئر پورٹ لندن پہنچنے پر میڈیا کے نمائندوں سے خصوصی گفتگو میں کیا۔
ڈاکٹر محمد طاہرالقادری نے کہا کہ اسلام امن و محبت، غریب پروری، باہمی گفت و شنید، ایک دوسرے کے معاملات کو سمجھنے، برداشت کرنے اور انسانیت کے عزت واحترام و اتحاد کا سبق دینا ہے نہ کہ اسلام کے نام پر قتل وغارت گری کا بازار گرم کیا جائے۔ اسلام میں کسی بھی طرح کی دہشت گردی کی گنجائش نہیں ہے۔
منہاج القرآن انٹرنیشنل نیکیا یونان میں مورخہ 23 اکتوبر 2010ء بروز ہفتہ محمد نوید آف سیالکوٹ نے اپنی والدہ کی روح کے ایصال ثواب کے لئے محفل کا اہتمام کیا۔ پروگرام کا آغاز محمد عارف قادری نے قرآن پاک کی آیات سے کیا، ناصر اکبر، مظہر اقبال نے نعت رسول مقبول صلی اللہ علیہ والہ وسلم پیش کی جبکہ ظفر اقبال اعوان نے ماں کی شان میں خصوصی کلام پیش کیا۔
گلوبل پیش اینڈ یونٹی کانفرنس2010ء لندن کے ایکسل سنٹر میں مورخہ23,24اکتوبر2010ء کو منعقد ہوئی جس میں یو کے اور یورپ بھر سے مختلف مذاہب اور مسالک سے تعلق رکھنے والے پچاس ہزار سے زائد لوگوں نے اپنی فیملیز کے ہمراہ شرکت کی۔ کانفرنس میں منہاج القرآن انٹرنیشنل کے بانی وسرپرست اعلیٰ شیخ الاسلام ڈاکٹر محمد طاہر القادری نے خصوصی شرکت کی۔
منہاج القرآن انٹرنیشنل برلن جرمنی کے صدر فیض احمد اور صدر مجلس شوریٰ برلن خضر حیات تارڑ نے وفد کے ساتھ مورخہ 21 اکتوبر2010ء بروز جمعرات مرکزی سیکرٹریٹ منہاج القرآن انٹرنیشنل پاکستان کا وزٹ کیا۔ فیض احمد اور خضر حیات تارڑ نے مرکزی سیکرٹریٹ کے جملہ دفاتر کا وزٹ کیا اور قائدین سے ملاقات کی۔
گزشتہ روز منہاج گرلز کالج برائے خواتین میں فرسٹ ایئر میں نئی آنے والی طالبات کے لیے ویلکم تقریب کا اہتمام کیا گیا جس میں مرکزی ناظمہ ویمن لیگ محترمہ سمیرا رفاقت ایڈووکیٹ نے خصوصی شرکت کی۔ طالبات سے گفتگو کرتے ہوئے انہوں نے کہا کہ آج ہمارا معاشرہ بدامنی، اخلاقی بگاڑ اور برائیوں کی آماجگاہ بن کر جہنم کی تصویر اس لیے پیش کررہا ہے کیونکہ آج کی خاتون اپنا لاثانی کردار فراموش کر چکی ہے۔
مورخہ 21 نومبر 2010ء بروز جمعرات منہاج القرآن ویمن لیگ نے اپنی ذیلی تنظیم ویمن لیگ کامونکی کی تنظیم نو کی، اس موقع پر مرکزی نائب ناظمہ محترمہ ساجدہ صادق، سابقہ منہاج القرآن ویمن لیگ کامونکی کی تمام ممبران اور نئی ذمہ داریاں سنبھالنے والی بہنیں بھی شامل تھیں۔
منہاج ایجوکیشن سوسائٹی (MES) نے منہاج ویلفیئر فاؤنڈیشن (MWF) کے زیراہتمام متاثرین سیلاب کے لیے قائم مختلف خیمہ بستیوں میں ’’منہاج خیمہ بستی سکولز پراجیکٹ‘‘ کا آغاز کر دیا ہے۔ نوشہرہ اور اکوڑہ خٹک میں قائم ہونے والے پراجیکٹ کے سلسلہ کی اہم کڑی تصور کئے جا رہے ہیں۔ ان پراجیکٹس کی لانچنگ کے لیے اکوڑہ اور نوشہرہ میں تقریب منعقد ہوئی۔
گذشتہ سال 19 اپریل 2009 کو ناظم اعلیٰ تحریک منہاج القرآن ڈاکٹر رحیق احمد عباسی نے اس پراجیکٹ کا افتتاح کیا۔ اس کے بعد منہاج ویلفیئر فاؤنڈیشن کے مرکزی عہدیدار اور تعمیراتی ٹیم کے ایکسپرٹ ممبر نے جگہ کی dimention کرائی۔
برلن بیورو اور مرکزی آفس اور مرکزی آفس MCB یورپ کے مطابق برلن میں مورخہ 19 اکتوبر 2010ء بروز منگل جرمنی کی پاکستانی اور کشمیری کمیونٹی کے افرادنے برلن کے مشہور اور پررونق شاہراہ کوڈام پر واقع یادگاری گرجاگھرکے قریب کشمیریوں کے حق خود ارادیت کے لئے مظاہرہ کیا۔ اسلامی تحریک کے سابق امیر اور کشمیر فورم کے صدر خالد محمود اور تحریک منہاج القرآن کے میڈیا کوآرڈینیٹر برائے یورپ و جنرل سیکرٹری کشمیر فورم محمد شکیل چغتائی نے مظاہرے کی قیادت کی جس میں آزادکشمیر کے سابق وزیر اعظم بیرسٹرسلطان محمودچوہدری نے خصوصی شرکت کی
فرینکفرٹ بیورو اور مرکزی آفس MCB یورپ کی مطابق منہاج یورپین کونسل کے تین روزہ اجلاس میں اتوار کو MQI فرینکفرٹ کی تنظیم، منہاج یوتھ لیگ، اجلاس کے دیگر شرکاء اور عام افراد کا اجلاس ادارہ منہاج القرآن فرینکفرٹ کی مسجد میں جاری تھا کہ MEC کے امیر علامہ حسن میر قادری کی پر اثر اور دل سوز تقریر کے بعد پاکستان پیپلز پارٹی جرمنی کے مرکزی کوآرڈینٹر رانا محمد بشیر نے منہاج القرآن انٹرنیشنل میں شمولیت کا اعلان کیا۔
منہاج القرآن انٹرنیشنل برمنگھم کے زیر اہتمام مورخہ 18 اکتوبر2010ء بروز سوموار کو بعد نماز ظہر برمنگھم سنٹر میں شیخ الاسلام ڈاکٹر محمد طاہر القادری کی علمی وتحقیقی خدمات کو خراج تحسین پیش کر نے کے لئے ایک خوبصورت نشست کا اہتمام کیا گیا جس میں ویسٹ میڈ لینڈ اور بلیک کنٹری سے تعلق رکھنے والے علماء ومشائخ اور مفتیان کرام کی کثیر تعداد نے شرکت کی۔
شیخ الاسلام نے کینیڈا سے ٹیلیفونک خطاب کرتے ہوئے کہا کہ 30 برس قبل لاہور سے شروع ہونے والی تحریک منہاج القرآن آج عالم اسلام کی سب سے بڑی اور مؤثر تحریک بن چکی ہے۔ تجدید و احیائے دین اور اقامت دین کی اس عالم گیر تحریک کا وجود 5 براعظموں تک پھیل چکا ہے اور اسلام کی حقیقی تعلیمات جو امن و سلامتی اور فلاح پر مبنی ہیں کے پھیلاؤ میں تحریک منہاج القرآن کا کردار تاریخی نوعیت کا حامل ہے۔
منہاج القرآن انٹرنیشنل(دیزیو) اٹلی کے زیر اہتمام مورخہ 17 اکتوبر2010ء بروز اتوار مشنری ساور یانی ہال دیزیو میں عظیم الشان محفل ذکر ونعت کا انعقاد کیا گیاجس میں منہاج القرآن یورپین کونسل کے امیر علامہ حسن میر قادری نے خصوصی شرکت کی جبکہ یو کے کے مشہور نعت خواں محمد میلاد رضا قادری بھی خصوصی دعوت پر اٹلی تشریف لائے۔
منہاج ویلفیئر فاؤنڈیشن یوکے کے تحت چلنے والے پینڈل کمیونٹی ریڈیو آواز 103.1FM کے سٹاف کے اعزاز میں مورخہ 17 اکتوبر 2010ء کو ایک شاندار ڈنر کا اہتمام کیا گیا۔ اس پروگرام میں منہاج القرآن انٹرنیشنل کے سیکرٹری جنرل ڈاکٹر رحیق احمد عباسی، منہاج ویلفیئر فاؤنڈیشن یوکے کے ایگزیکٹو ممبرز، منہاج القرآن انٹرنیشنل نیلسن کے احباب اور منہاج یوتھ لیگ یوکے کے صدر تحسین خالد کے علاوہ China Trek ایونٹ کے شرکاء نے خصوصی شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
