سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل اوسلو ناروے کے زیراہتمام مورخہ 16 فروری 2011ء کو عید میلاد النبی صلی اللہ علیہ وآلہ وسلم کی خوشی میں اوسلو کے علماء کرام اور پاکستان سے تشریف لائے مہمان الحاج حافظ مفتی خان محمد قادری اور قاری سید صداقت علی شاہ کے اعزاز میں عظیم الشان ضیافت میلاد کا اہتمام کیا گیا۔
تحریک منہاج القرآن کے زیراہتمام ماہ ربیع الاول میں اندرون ملک سمیت دنیا بھر میں میلاد النبی صلی اللہ علیہ وآلہ وسلم کے جلوس منعقد کیے گئے۔ اس حوالے سے ایم ایس ایم واہ کینٹ نے میلاد کا جلوس نکالا۔ جس میں تحریک منہاج القرآن واہ کینٹ کے دیگر فورمز کے علاوہ شہر بھر سے عشاقان مصطفیٰ صلی اللہ علییہ وآلہ وسلم کی بڑی تعداد نے شرکت کی۔
شیخ الاسلام ڈاکٹر محمد طاہر القادری کی معرکۃ الآراء تصانیف اور خطابات کی سی ڈیز (CDs) کا سٹال کھوئیرٹہ شہر میں مورخہ 16 فروری 2011ء بمطابق 12 ربیع الاول کو لگایا گیا۔ سٹال پر رکھی گئی شیخ الاسلام ڈاکٹر محمد طاہر القادری کی کتب میں قرآنیات، حدیث، ایمانیات، اعتقادیات، سیرت و فضائل نبوی صلی اللہ علیہ وآلہ وسلم، ختم نبوت، عبادات، علمیات، اقتصادیات، اسلام اور جدید سائنس، اسلامی شخصیات سمیت درجنوں موضوعات پر کتب موجود تھیں۔
منہاج القرآن ویمن لیگ کے زیرِاہتمام میلاد مہم 2011ء کا آغاز "حضور (ص) نبی رحمت وشفقت" کے عنوان سے یکم فروری 2011ء سے ہوا۔ میلاد مہم 2011ء کے مقاصد میں حضور صلی اللہ علیہ وآلہ وسلم کی ذاتِ اقداس کو نبی رحمت و شفقت اجاگر کرنا، رجوع الرسول صلی اللہ علیہ وآلہ وسلم کے اہداف کا حصول اور شیخ الاسلام ڈاکٹر محمد طاہر القادری کے فکر و نظر یہ کو عام کرنا شامل تھا۔
تحریک منہاج القرآن لودھراں کے زیراہتمام گھر گھر میلاد مصطفی صلی اللہ علیہ وآلہ وسلم کے سلسلہ میں ناظم تحریک منہاج القرآن رانا محمدظاہر کے گھر پر عظیم الشان محفل میلاد مصطفی صلی اللہ علیہ وآلہ وسلم کا انعقاد کیاگیا۔ جس میں سوز و گداز اور عشق مصطفی صلی اللہ علیہ وآلہ وسلم سے معمور نعت خوانی ہوئی۔
ماہ ربیع الاول کی پُرنور ساعتوں میں تحریک منہاج القرآن لودھراں کے زیراہتمام عظیم الشان جلوس نکالا گیا۔ جس کی قیادت امیر اہل سنت ملتان ڈویژن پیر سید ظفر علی شاہ، تحریک منہاج القرآن لودھراں کے صدر ملک اسلم حماد، ڈی سی او لودھراں شیخ غلام فرید، ڈی پی او آغا یوسف، مرکزی میلاد کمیٹی کے صدر الحاج حافظ شیر محمد، شیخ افتخار الدین تاری، ملک نازک آرائیں، نواب غلام مصطفیٰ خاں نے کی۔
تحریک منہاج القرآن کی 27 ویں سالانہ اور عالم اسلام کی سب سے بڑی عالمی میلاد کانفرنس 11 اور 12 ربیع الاول کی درمیانی شب (بمطابق 15 فروری 2011ء) مینار پاکستان لاہور اور رامفورڈ لندن میں مشترکہ طور پر منعقد ہوئی، جس میں شیخ الاسلام ڈاکٹر محمد طاہرالقادری نے ویڈیو کانفرنس کے ذریعے لندن سے براہ راست خصوصی خطاب کیا۔ یہ کانفرنس تحریک منہاج القرآن کی سپریم کونسل کے صدر صاحبزادہ حسن محی الدین قادری کی زیرنگرانی منعقد ہوئی۔
تحریک منہاج القرآن ہارون آباد کے زیراہتمام 11 اور 12 ربیع الاول کی درمیانی شب 15 فروری 2011ء کو ہارون آباد کی عظیم درسگاہ مدرسہ جامعہ رضویہ میں محفل میلاد مصطفیٰ صلی اللہ علیہ وآلہ وسلم کا انعقاد کیا گیا۔
منہاج القرآن انٹرنیشنل کے بانی و سرپرست اعلیٰ شیخ الاسلام ڈاکٹر محمد طاہرالقادری مورخہ 15 فروری 2011ء بروز منگل کو میلاد کانفرنس میں شرکت کے لئے لندن پہنچ گئے۔ اپنے محبوب قائد کے ہیتھرو ایئر پورٹ لندن پہنچنے پر منہاج القرآن انٹرنیشنل لندن کے عہدیداران، رفقاء اور وابستگان کی کثیر تعداد نے استقبال کیا۔
منہاج القرآن انٹرنیشنل بانی و سرپرست اعلیٰ شیخ الاسلام ڈاکٹر محمد طاہرالقادری نے کہا ہے کہ امت مسلمہ اگر مصائب و مشکلات کے بھنور سے نکلنا چاہتی ہے تو اپنی نسبت و محبت کا مرکز و محور حضور اکرم صلی اللہ علیہ وآلہ وسلم کی ذات اقدس کو بنا لے کیونکہ ایمان کی آخری منزل مدینہ میں ہے ایمان نسبت مصطفی صلی اللہ علیہ وآلہ وسلم کا نام ہے جس جانب توجہ مصطفی صلی اللہ علیہ وآلہ وسلم ہو گی ایمان کا رخ بھی ادھر ہو گا۔
تحریک منہاج القرآن لودھراں کے زیراہتمام سالانہ میلاد مصطفیٰ صلی اللہ علیہ وآلہ وسلم کانفرنس 2011 منعقد ہوئی۔ یہ کانفرنس مورخہ 14 فروری 2011ء کو منعقد ہوئی جس میں پروفیسر نواب غلام مصطفی خاں، حاجی شیر محمد، حاجی رشید احمد، راو اسحاق، سعید الرشید اور سید شفیق شاہ کے علاوہ تحریک منہاج القرآن لودھراں کے عمائدین نے شرکت کی۔
ماہ ربیع الاول کے آغاز سے ہی دنیا بھر میں قائم منہاج القرآن کے مراکز کا رنگ دیکھنے والا ہوتا ہے۔ عاشقان رسول صلی اللہ علیہ وآلہ وسلم محافل و ضیافت میلاد کی تقاریب کا اہتمام کرتے ہیں۔ آقائے دو جہاں صلی اللہ علیہ وآلہ وسلم کے میلاد کی خوشی منانا ہر مسلمان پر فرض ہے۔ دنیا میں نبی اکرم صلی اللہ علیہ وآلہ وسلم کی ولادت سے بڑی کوئی خوشی نہیں۔ تحریک منہاج القرآن میلاد مصطفیٰ صلی اللہ علیہ وآلہ وسلم کو عالمی جشن کے طور پر مناتی ہے۔
منہاج القرآن انٹرنیشنل ہانگ کانگ کے زیر اہتمام مورخہ 14 فروری 2011ء بروز پیر بعد نماز عشاء منہاج القرآن اسلامک سنٹر کھوائی چنگ میں سالانہ عظیم الشان محفل میلاد منعقد ہوئی۔ محفل کا باقاعدہ آغاز تلاوت کلام مجید سے ہوا جس کی سعادت حافظ عدنان سیالوی نے حاصل کی۔
منہاج یوتھ لیگ سپین کے زیر اہتمام مورخہ 12 فروری 2011ء بروز ہفتہ منہاج اسلامک سنٹر بارسلونا میں میلاد النبی صلی اللہ علیہ وآلہ وسلم کی عظیم الشان محفل منعقدہوئی جس میں بارسلونا کے نوجوانوں کی ایک کثیر تعداد نے شرکت کی۔
منہاج القرآن انٹرنیشنل سپین کے زیراہتمام مورخہ 14 فروری بروز سوموار (11 اور 12 ربیع الاول کی درمیانی شب) منہاج اسلامک سنٹر بارسلونا میں شب میلاد کے موقع پر خصوصی محفل کا اہتمام کیا گیا جس میں بارسلونا، بادالونا اور اوسپتالیت سمیت دیگر قریبی علاقوں سے سینکڑوں عاشقان رسول صلی اللہ علیہ وآلہ وسلم نے شرکت کی اسلامک سنٹر بارسلونا کو رنگ برنگی جھنڈیوں اور برقی قمقموں سے سجایا گیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
