سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
صدر منہاج القرآن انٹرنیشنل ڈاکٹر حسین محی الدین قادری نے گلفشاں کالونی، فیصل آباد میں منہاج القرآن اسلامک سنٹر سائنس ڈیپارٹمنٹ کے افتتاح کر دیا ہے۔ اس موقع پر صدر منہاج القرآن انٹرنیشنل نے اسلامک سنٹر کے مختلف شعبہ جات کا وزٹ کیا۔ علاوہ ازیں ڈاکٹر حسین محی الدین قادری نے تحریک منہاج القرآن فیصل آباد کے قائدین و کارکنان سے ملاقات کی اور اسلامک سنٹر کے بانی الحاج محمد عنایت اللہ قادری کی قبر پر فاتحہ خوانی بھی کی، اس موقع پر نائب ناظم اعلیٰ کوآرڈینیشن محمد رفیق نجم بھی موجود تھے۔
منہاج القرآن انٹرنیشنل کویت و پاکستان عوامی سوسائٹی کویت کے اعلیٰ سطحی وفد نے صدر حاجی عبدالرشید کی قیادت میں پاکستانی گلف انگلش سکول، فحاحیل، کویت کا دورہ کیا۔ پرنسپل میڈم عذرا خالد اور وائس پرنسپل مسٹر شہزاد نے سٹاف کے ہمراہ وفد کا پرتپاک استقبال کیا۔ سکول اسمبلی ہال میں طلبہ و طالبات نے نہایت گرمجوشی سے خوش آمدید کہا۔
منہاج القرآن انٹرنیشنل پیرس، فرانس کے زیراہتام شیخ الاسلام ڈاکٹر محمد طاہرالقادری کی 69 ویں سالگرہ کی پروقار تقریب منعقد ہوئی جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی اور خطاب کیا۔ تقریب میں منہاج یورپین کونسل کے اعلیٰ سطحی وفد نے خصوصی شرکت کی، منہاج القرآن فرانس کے قائدین و کارکنان، رفقاء و وابستگان اور مختلف شعبہ ہائے زندگی سے تعلق رکھنے والے خواتین و حضرات کی بڑی تعداد شریک ہوئی۔
بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کی 69ویں سالگرہ پر مرکزی سیکرٹریٹ میں ’’دعائیہ تقریب و محفل سماع‘‘ منعقد ہوئی، جس میں معروف قوال شیر علی و مہر علی اور ہمنواوں نے پرفارم کیا۔ تقریب میں منہاج القرآن کے صدر ڈاکٹر حسین محی الدین قادری، صوبائی وزیر مذہبی امور صاحبزادہ سعید الحسن شاہ، آستانہ عالیہ دربار بابا صاحب پاکپتن شریف سے دیوان احمد مسعود قادری، بیرسٹر عامر حسن، منہاج یونیورسٹی لاہور کے وائس چانسلر ڈاکٹر ساجد محمود، خرم نواز گنڈاپور اور علماء و مشائخ نے بھی شرکت کی۔
منہاج یونیورسٹی لاہور میں شیخ الاسلام ڈاکٹر محمد طاہرالقادری کی 69 ویں سالگرہ پر ’’فاونڈرز ڈے‘‘ تقریب کا انعقاد کیا گیا، جس میں ڈپٹی چیئرمین بورڈ آف گورنرز ڈاکٹر حسین محی الدین قادری نے خصوصی شرکت کی۔ تقریب میں اعلیٰ تعلیمی کارکردگی کا مظاہرہ کرنے والے 19 طلباء و طالبات کو لاکھوں روپے سے سکالر شپ ایوارڈ دئیے گئے اور یونیورسٹی کے ٹیچنگ اور کلیریکل سٹاف میں سے 3 خوش نصیبوں کو قرعہ اندازی کے ذریعے عمرہ کے ٹکٹ بھی دئیے گئے۔ اس موقع پر مقررین نے اظہار خیال کرتے ہوئے منہاج یونیورسٹی کے بانی شیخ الاسلام ڈاکٹر محمد طاہرالقادری کی علمی و تجدیدی خدمات کو خراج تحسین پیش کیا۔
کالج آف شریعہ اینڈ اسلامک سائنسز کے سٹاف ممبران نے پرنسپل ممتاز الحسن باروی کی سربراہی میں ڈاکٹر حسین محی الدین قادری کیساتھ قائد ڈے تقریب منائی۔ تقریب میں شیخ الفقہ مفتی عبدالقیوم خان ہزاروی، رانا محمد اکرم قادری، علامہ محمد الیاس اعظمی، ڈاکٹر فیض اللہ بغدادی اور دیگر سٹاف ممبران شامل تھے۔
مؤرخہ 19 فروری 2020ء کو شیخ الاسلام ڈاکٹر محمد طاہرالقادری کی 69ویں سالگرہ کی تقریب لسبن پرتگال میں منعقد کی گئی۔ تقریب میں کشمیری رہنما فیصل شمیم اور ذیشان رفاقت نے خصوصی طور پر شرکت کی۔ اس پروقار تقریب کے موقع پر پرتگال میں باقاعدہ تنظیم کی بنیاد بھی رکھی گئی جس میںنجم الحسن کوناظم ، عمران منور صدر، یاسر عارف سیکرٹری فنانس اور بابرمغل جنرل سیکرٹری وانچارج میڈیا سیل تحریک منہاج القرآن لسبن پرتگال کی ذمہ داریاں سونپی گئی۔ اس موقع پر شیخ الاسلام ڈاکٹر محمد طاہرالقادری کی سالگرہ کا کیک کاٹا گیا اور ان کی صحت و تندرستی اور لمبی عمر کے لیے دعاکی گئی۔
تحریک منہاج القرآن لاہور کی جانب سے شیخ الاسلام ڈاکٹر محمد طاہرالقادری کی 69 ویں سالگرہ پر قائد ڈے کی تقریب مرکزی سیکرٹریٹ میں منعقد ہوئی۔ تقریب میں شیخ الاسلام کی سالگرہ کا کیک کاٹا گیا اور آپ کی صحت و سلامتی اور درازی عمر کیلئے خصوصی دعا کی گئی۔
شیخ الاسلام ڈاکٹر محمد طاہرالقادری کی 69ویں سالگرہ کے موقع پر کالج آف شریعہ اینڈ اسلامک سائنسز (بزم منہاج) کے زیراہتمام قائد ڈے تقریبات جاری ہیں۔ مؤرخہ 18 فروری 2020 کو ’’شیخ الاسلام کوئز‘‘ کے عنوان سے طلبا اور طالبات کے درمیان مقابلہ کوئز منعقد ہوا، جس کی صدارت صدر منہاج القرآن انٹرنیشنل ڈاکٹر حسین محی الدین قادری نے کی۔ طلبا و طالبات سے شیخ الاسلام ڈاکٹر محمد طاہرالقادری کی زندگی اور عملی، تحقیقی، تجدیدی خدمات پر سوال پوچھے گئے۔
منہاج یوتھ لیگ اٹلی کے ایگزیکٹیو ممبران نے چیئرمین سپریم کونسل ڈاکٹر حسن محی الدین قادری سے ملاقات کی۔ ملاقات میں نوجوانوں نے ڈاکٹر حسن محی الدین قادری کو منہاج یوتھ لیگ اٹلی کی کارکردگی رپورٹ پیش کی۔ اس موقع پر ڈاکٹر حسن محی الدین قادری نے یوتھ کے نوجوانوں کی کارکردگی کو حوصلہ افزاء قرار دیا۔
منہاج القرآن انٹرنیشنل اٹلی کی مختلف تنظیمات کے عہدیداروں اور قائدین نے چیئرمین سپریم کونسل ڈاکٹر حسن محی الدین قادری سے ملاقات کی۔ اس موقع پر منہاج القرآن انٹرنیشنل اٹلی کی کارپی تنظیم، Macerata، نیپولی، بولزانو، ایریزو، فرینزی، سینٹو اور ویرونا تنظیم کے عہدیدار و کارکنان موجود تھے۔
منہاج کالج برائے خواتین ٹاون شپ میں شیخ الاسلام ڈاکٹر محمد طاہرالقادری کی 69 ویں سالگرہ پر ہفتہ تقریبات کا انعقاد کیا گیا، تقریبات کا آغاز مقابلہ حسن قرات و نعت سے ہوا، مقابلہ حسن و قرات میں ملک کے معروف قاری رفیق نقشبندی، نامور ثناء خواں الحاج محمد اختر حسین قریشی مہمان خصوصی تھے۔
تحریک انصاف کے وفد نے اٹلی میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ ملاقات میں پی ٹی آئی کے وفد میں مرزا محمد خالد، حاجی بشیر بوسال، ملک عبدالرحمن، عاطف بسرا، راجہ انوار الحق، راجہ صدام اور مہر نوید شامل تھے۔ اس موقع پر باہمی دلچسپی کے امور پر تبادلہ خیال ہوا۔
منہاج القرآن انٹرنیشنل کے صدر ڈاکٹر حسین محی الدین قادری نے مسقط میں منعقدہ ’’اومان اسلامک فنانس فینٹیک فورم‘‘ میں خصوصی شرکت کی۔ سالانہ فورم میں ڈاکٹر حسین محی الدین قادری نے ’’The Role of Youth in driving the New Age Islamic Finance‘‘ کے موضوع پر اظہار خیال کیا۔ آپ نے اسلامک فنانس کے نئے رحجانات، نوجوانوں کا کردار اور اسلامک فنانس میں تجدیدی حوالوں پر گفتگو کرتے ہوئے کہا کہ IFSI کے مطابق دنیا بھر میں اسلامک کیپٹل مارکیٹ کا شیئر 2017ء کے 4 فیصد سے بڑھ کر 2018ء میں 27 فیصد تک ہو چکا ہے، جو اسلامک فنانس کے مقبول ہونے کا ایک بہترین ثبوت ہے۔
منہاج القرآن علماء کونسل نارووال کے زیراہتمام شیخ الاسلام کانفرنس کا انعقاد 14 فروری 2020 کو کیا گیا، کانفرنس میں نارووال، شکرگڑھ، ظفروال اور نارروال کے علماء و مشاہخ نے شرکت کی۔ اس موقع پر کانفرنس سے علامہ امداد اللہ قادری مرکزی صدر علماء کونسل، علامہ میر محمد آصف اکبر قادری مرکزی ناظم، علامہ ڈاکٹر ارشد نقشبندی، علامہ ڈاکٹر شفیق قادری اور دیگر علماء نے اظہار خیال کرتے ہوئے شیخ الاسلام کی خدمات خراج تحسین پیش کیا۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
