سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کی مجلس شوریٰ کا دو روزہ اجلاس 22 اور 23 جنوری 2011ء کو مرکزی سیکرٹریٹ ماڈل ٹاؤن لاہور میں ہوا۔ اجلاس کا افتتاحی سیشن ہفتہ کی شام 6 بجے شروع ہوا، جس کی صدارت مرکزی امیر تحریک فیض الرحمن درانی کی۔ قائدین کے علاوہ ملک بھر سے 600 سے زائد ضلعی و تحصیلی عہدیداران نے بھی شرکت کی۔
مصطفوی سٹوڈنٹس موومنٹ کی پارلیمنٹ کا دوروزہ اجلاس 15، 16 جنوری بروز ہفتہ اور اتور مرکزی سیکرٹریٹ تحریک منہاج القرآن میں منعقد ہوا جس کی صدرات تجمل حسین انقلابی سپیکر سٹوڈنٹس پارلیمنٹ نے کی جبکہ ڈپٹی سپیکر سٹوڈنٹس پارلیمنٹ کی ذمہ داری عبدالغفار مصطفوی نے سرانجام دی۔ سندھ، بلوچستان، آزاد جموں و کثمیر، خیبر پختونخواہ، پنجاب اور ملک بھر کے مختلف یونیورسیٹوں، کالجوں اور تحصیلات کے ممبران سٹوڈنٹس پارلیمنٹ نے شرکت کی۔
تحریک منہاج القرآن کے ناظم اعلیٰ ڈاکٹر رحیق احمد عباسی تحریکی و دعوتی اور تنظیمی دورہ یورپ کے بعد 18 جنوری 2011 کو وطن واپس تشریف لے آئے ہیں۔ منگل کی شام کو لاہور پہنچنے پر تحریک منہاج القرآن کے مرکزی قائدین نے آپ کا ایئرپورٹ پر پرتپاک استقبال کیا۔ اس سلسلے میں قائمقام ناظم اعلیٰ تحریک منہاج القرآن شیخ زاہد فیاض کی قیادت میں مرکزی قائدین کا وفد لاہور ائیرپورٹ گیا
شیخ الاسلام نے روحانی اجتماع کے شرکاء سے خطاب کرتے ہوئے کہا کہ اچھے عمل اور نیکی پر استقامت کا رویہ ہی فرد کو معاشرے کی اصلاح کے قابل بناتا ہے۔ باطنی تزکیہ کا عمل ہی انسان کو بندگی کی حقیقت سمجھاتا ہے۔ اس لئے ضروری ہے کہ ایسی محافل اور اجتماعات میں شرکت کی جائے جہاں اللہ اور اسکے رسول (ص) کا ذکر کثرت سے کیا جاتا ہے۔
پاکستان عوامی تحریک کے سیکرٹری جنرل انوار اختر ایڈووکیٹ نے کہا کہ میڈیا کا کردار ایک آئینہ کا ہے۔ بحالی جمہوریت کے لیے میڈیا کی تاریخ قربانیوں سے بھری ہوئی ہے۔ بیداری شعور کی حالیہ تحریک میں میڈیا کلیدی کردار ادا کررہا ہے، عوامی مسائل پر صرف عدلیہ اور میڈیا نوٹس لے رہے ہیں، عوام کی توقعات میڈیا سے وابستہ ہیں پارلیمنٹ سے نہیں۔ سیاسی جماعتوں کو اپنے اندر جمہوریت پیدا کرنا ہوگی۔
منہاج ویلفیئر فاؤنڈیشن کے زیراہتمام مرکزی سیکرٹریٹ لاہور میں تحصیلی ناظمین کے لیے 2 رروزہ ورکشاپ 25 دسمبر 2010ء کو منعقد ہوئی۔ ورکشاپ کا باقاعدہ آغاز دوپہر تین بجے ہوا اور 26 دسمبر 2010ء کو شام 5:00 بجے تک جاری رہی۔
تحر یک منہاج القرآن اور منہاج القرآن یوتھ لیگ میرپور آزاد کشمیر کے زیراہتمام ’’پیغام شہادت امام حسین رضی اللہ عنہ کا نفرنس‘‘ میر پور میں منعقد ہوئی جس کی صدارت رانا محمد ادریس قادری نائب ناظم اعلیٰ تحریک منہاج القرآن نے کی۔
منہاج القرآن علماء کونسل کے زیراہتمام شہادت امام حسین علیہ السلام کے حوالے سے "پیغام امام حسین کانفرنس 2010ء" 9 محرم الحرام 16 دسمبر 2010ء کو منعقد ہوئی۔ کانفرنس کا انعقاد جامع مسجد منہاج القرآن ماڈل ٹاون میں کیا گیا۔
مورخہ 20 دسمبر 2010ء کو منہاج القرآن ویمن لیگ کے زیر اہتمام ایک کانفرنس بعنوان ’’احیائے اسلام اور خانوادہ رسول صلی اللہ علیہ وآلہ وسلم کا کردار‘‘ کا انعقاد کیا گیا جس میں مختلف شعبہ ہائے زندگی سے تعلق رکھنے والی شخصیات نے شرکت کی۔ مہمانان گرامی میں حضرت سلطان باہو رحمۃ اللہ علیہ کے سجادہ نشین پیر سلطان فیاض الحسن، پیر جمیل الرحمٰن چشتی، نامور محقق اور مصنف حسن عسکری، محترمہ مہناز رفیع، سید فرحت حسین شاہ، علامہ محمد حسین آزاد، محترمہ لبنٰی زیدی و دیگر شامل تھے۔
منہاج ویلفیئر فاؤنڈیشن نے متاثرین سیلاب کی عارضی بحالی کے مرحلے کے اختتام پر مستقل بحالی کے پروگراموں کا آغاز کر دیا ہے، نوشہرہ میں 85 جبکہ ممتاز آباد ملتان میں 13گھروں کی تعمیر کرائی جاچکی ہے۔
منہاج ویلفیئر فاؤنڈیشن نارووال کے زیراہتمام 4 دسمبر تا 6 دسمبر 2010ء کو تین روزہ 13واں سالانہ فری آئی سرجری کیمپ منعقد ہوا۔ جس میں کل 4400 مریضوں کا چیک اپ کیا گیا اور 270 مریضوں کی فری آئی سرجری کی گئی جس میں 8 ڈاکٹرز نے خدمات سرانجام دیں۔
شیخ الاسلام ڈاکٹر محمد طاہرالقادری کی کتابوں اور خطابات کی CDs کی دو روزہ نمائش ایوان اقبال لاہور میں 25 نومبر 2010ء کو منعقد ہوئی۔ اس نمائش میں شیخ الاسلام کی 400 سے زائد طبع شدہ کتب اور مختلف النوع موضوعات پر ہزاروں خطابات کی سی ڈیز، DVDs شامل تھیں۔
منہاج القرآن یوتھ لیگ کے یوم تاسیس کی تقریب 28 نومبر 2010ء کو صاحب میرج ہال سیالکوٹ میں منعقد ہوئی ۔پروگرام کی صدارت محمد سلیم بٹ (ضلعی امیر تحریک منہاج القرآن سیالکوٹ) نے کی جبکہ علامہ تیمور ربانی، علامہ ظہیر احمد نقشبندی (مرکزی ناظم دعوت وتربیت)، سہیل احمد گجر (امیدوار قانون ساز اسمبلی جموں 3 آزاد ریاست جموں و کشمیر ) مہمان خصوصی تھے۔
خانقاہ ڈوگراں میں منہاج ویلفیئر فاؤنڈیشن اور دارالاحسان ویلفیئر سوسائٹی کے زیراہتمام شادیوں کی اجتماعی تقریب منعقد 20 نومبر 2010ء کو ہوئی۔ جس میں 10 جوڑوں کی رخصتی ہوئی۔ تقریب میں ڈائریکٹر منہاج ویلفیئر فاؤنڈیشن افتخار شاہ بخاری، سردار عرفان ڈوگر ایم این اے، ڈاکٹر شیخ محمد جمیل اختر، ڈاکٹر محمد حفیظ، ڈاکٹر ماریہ حفیظ، پیر محمد مظہر قادری اور صاحبزادہ میاں مظفر حسین نے خصوصی شرکت کی۔
منہاج ویلفیئر فاؤنڈیشن کے تحت ہر سال اجتماعی قربانی کا اہتمام ملک بھر میں کیا جاتا ہے۔ امسال شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن نے 40 سے زائد سیلاب زدہ علاقوں میں بھی اجتماعی قربانی کر کے متاثرین کو عید کی خوشیوں میں شامل کیا ہے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
