سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن سرگودھا اور متعلقہ فورمز کا مشترکہ اجلاس منعقد ہوا، جس میں نائب ناظم اعلیٰ انجینئر رفیق نجم نے خصوصی شرکت کی۔ اس موقع پر منہاج القرآن سرگودھا کے عہدیداروں، کارکنان اور تمام فورمز کے نمائندگان نے فورمز کی کارکردگی رپورٹ پیش کی۔ انجینئر رفیق نجم نے فورمز اور تنظیمات کی کارکردگی رپورٹ کا جائزہ لیا اور آئندہ کے تنظیمی لائحہ عمل بارے ہدایات دیں۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے فہم دین پراجیکٹ کے مشاورتی اجلاس سے خطاب کرتے ہوئے کہا کہ قرآن مجید قیامت تک کے لیے منبع رشد و ہدایت اور ذریعہ راہنمائی ہے، اب کسی پیغمبر نے نہیں آنا، خاتم النبیین حضور نبی اکرم ﷺ نے دعوتِ حق کا فریضہ براہِ راست اُمتِ محمدیہ کو سونپا ہے، مصطفوی تعلیمات کو عصری تقاضوں کے مطابق خاص و عام تک پہنچانا ہر کلمہ گو مسلمان کی دینی ذمہ داری ہے۔ فہم دین پراجیکٹ کے مشاورتی اجلاس میں صدارت کرتے ہوئے انہوں نے کہا کہ شیخ الاسلام ڈاکٹر محمد طاہرالقادری نے اہم موضوعات پر ہزاروں خطابات اور سینکڑوں کتب تحریر فرمائیں اور آئندہ نسلوں کے ایمان کی حفاظت کی۔
منہاج القرآن انٹرنیشنل کینیڈا کے زیراہتمام میسی ساگا اسلامک سنٹر میں حضور قدوۃ الاولیاء سیدنا طاہر علاؤالدین القادری الگیلانی البغدادی رحمۃ اللہ علیہ کی صاحبزادی مرحومہ کے ایصال ثواب کیلئے دعائیہ تقریب کا انعقاد کیا گیا۔ اس موقع پر منہاج القرآن انٹرنیشنل کینیڈا کے صدر کامران رشید، ایگزیکٹیو ممبران، عہدیداروں اور رفقاء نے بھی دعائیہ تقریب میں شرکت کی۔
منہاج القرآن انٹرنیشنل ہانگ کانگ کے زیراہتمام 2 جنوری 2022ء کو بعد نماز ظہر منہاج القرآن اسلامک سنٹر کھوائی چنگ، چھنگ یئی اور سن پوکنگ میں تحریک منہاج کے روحانی سرپرست قدوۃ الاولیاء حضور پیر سیدنا طاہر علاؤالدین القادری الگیلانی البغدادی کی صاحبزادی بی بی جان مرحومہ کے ایصال ثواب کے لیے خصوصی دعائیہ تقریبات کا انعقاد کیا گیا، جن میں منہاج القرآن کے اراکین، طلباء اور عوام الناس نے خصوصی شرکت کی۔ اس موقع پر علامہ حافظ محمد نسیم خان نقشبندی نے حضور پیر سیدنا طاہر علاؤالدین القادری الگیلانی البغدادی کے منہاج القرآن پر روحانی فیوض و برکات پر روشنی ڈالی اور ان کی صاحبزادی کی رحلت پر پورے خاندان سے اظہار تعزیت کیا۔
تحریک منہاج القرآن لاہور پی پی 144 شاہدرہ ٹاؤن کے زیراہتمام درس عرفان القرآن منعقد ہوا، جس میں نائب ناظم اعلیٰ سنٹرل پنجاب رانا محمد ادریس قادری اور منہاج القرآن لاہور کے صدر علامہ رانا نفیس حسین قادری نے خطاب کیا۔ رانا محمد ادریس قادری نے اظہار خیال کرتے ہوئے کہا کہ قرآن مجید اللہ تعالیٰ اور آقا علیہ السلام دو محبوبوں کا کلام ہے، لہذا محبت کا عالم یہ ہونا چاہیے کہ ہمیں قرآن کے ساتھ اپنا عملی تعلق مضبوط بنانا ہو گا۔
منہاج القرآن اسلامک سنٹر ڈنمارک، جرمنی اور ہانگ کانگ کے زیراہتمام تحریک منہاج القرآن کے روحانی سرپرست حضور قدوۃ الاولیاء سیدنا طاہر علاؤالدین القادری الگیلانی البغدادی رضی اللہ عنہ کی صاحبزادی مرحومہ کے ایصال ثواب کے لیے دعائیہ تقاریب اور محافل کا انعقاد ہوا۔ دعائیہ تقاریب میں منہاج القرآن انٹرنیشنل کے ذمہ داران اور رفقاء و وابستگان اور عقیدت مندوں نے صاحبزادی مرحومہ کے اِنتقال پر گہرے دکھ کا اظہار اور ان کے لئے بلندی درجات کی دعائیں کیں۔
راجہ زاہد محمود کے ہمراہ تحریک منہاج القرآن کے سینئر رہنماؤں پر مشتمل وفد نے تحریک منہاج القرآن کے روحانی سرپرست حضور قدوۃ اولیا ء سیدنا طاہر علاؤالدین القادری الگیلانی ؒ کی صاحبزادی کی نماز جنازہ میں شرلت کی۔ نماز جنازہ کوئٹہ ہزار گنجی میں ادا کی گئی۔ وفد میں حافظ وقار، محمد علی، احمد بلال، اسماعیل نورزئی، میر میکائیل نذر سنجرانی و دیگر رہنما شامل تھے۔ تحریک منہاج القرآن کے رہنماؤں نے مرحومہ کی قبر پر پھولوں کی چادر چڑھائی اور فاتحہ خوانی کی۔
منہاج القرآن کے مرکزی گوشۂ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا سال نو 2022ء کا پہلا روحانی اجتماع یکم جنوری کو منعقد ہوا، جس میں ماہ دسمبر 2021ء میں 5 ارب 54 کروڑ 33 لاکھ مرتبہ پڑھا گیا درود پاک حضور صلی اللہ علیہ وآلہ وسلم کی بارگاہ میں پیش کیا گیا، تحریک منہاج القرآن کے گوشۂ درود میں 2005 سے اب تک مجموعی طور پر پڑھے گئے درود پاک کی تعداد 4 کھرب 92 ارب 12 کروڑ 90 لاکھ 53 ہزار اور 16 ہو گئی ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے قائد اعظم یونیورسٹی اسلام آباد میں ’’سیرت النبیﷺ‘‘ سیمینار سے خطاب کرتے ہوئے کہا کہ حضور نبی اکرم ﷺ کی تعلیمات بین المذاہب رواداری، انسانی حقوق کے تحفظ و احترام پر مبنی ہیں۔ سیمینار سے خطاب کرتے ہوئے انہوں نے کہا کہ سیرت الرسول ﷺ کا عملی مطالعہ زندگی میں ہر سطح پر کامیابی کی ضمانت ہے۔ آج ہمیں سیاسی و معاشی، معاشرتی اور تہذیبی پہلووں پر غور کرتے ہوئے سیرت الرسول ﷺ کا مطالعہ کرنا چاہیے۔
چیئرمین سپریم کونسل تحریک منہاج القرآن ڈاکٹر حسن محی الدین قادری نے وفد کے ساتھ اسلام آباد میں شعیب اختر سے انکی والدہ کے انتقال پر اظہار تعزیت کیا۔ اس موقع پر شعیب اختر کے بھائی شاہد اختر بھی موجود تھے۔ ڈاکٹر حسن محی الدین قادری نے شعیب اختر کی والدہ کے انتقال پر اظہار افسوس کرتے ہوئے مرحومہ کے درجات کی بلندی کیلئے دعا کی۔ اس موقع پر ڈاکٹر حسن محی الدین قادری نے شعیب اختر کو قائد تحریک منہاج القرآن شیخ الاسلام ڈاکٹر محمد طاہرالقادری کا تعزیتی پیغام بھی پہنچایا۔
منہاج القرآن علماء کونسل سلانوالی کے زیراہتمام ’’پیغام پاکستان نظام المدارس کانفرنس‘‘ سے خطاب کرتے ہوئے ناظم اعلی نظام المدارس پاکستان علامہ میر آصف اکبر قادری نے کہا نظام المدارس مدارس دینیہ کے طلبہ کو قومی دھارے میں لانے کیلے عصر حاضر کے تقاضوں سے ہم آہنگ معیاری سلیبس فراہم کر رہا ہے۔ مدارس دینیہ میں جمود کو توڑ کر طلبہ کو جدید تحقیق کی طرف راغب کیا۔ انہوں نے کہا کہ الحمدللہ منہاج القرآن کے 40 سالہ بے مثال تعلیمی کیرئیر کی بدولت ہزاروں مدارس نظام المدارس پاکستان سے ملحق ہو چکے ہیں۔
منہاج القرآن لاہور (منہاج ویلفیئر فاؤنڈیشن) کے زیراہتمام آؤٹ فال روڈ ٹبہ بابا فرید لاہور میں ایک روزہ موبائل میڈیکل کیمپ و لیب کا انعقاد کیا گیا۔ میڈیکل کیمپ میں پروفیسر ڈاکٹر علی ایاز، پروفیسر ڈاکٹر یار محمد، پروفیسر ڈاکٹر خواجہ خورشید احمد سمیت ماہر و تجربہ کار ڈاکٹرز و پیرا میڈیکل سٹاف نے سینکڑوں مریضوں کا طبی معائنہ کیا اور ادویات دیں۔ ایک روزہ میڈیکل کیمپ کا افتتاح صدر تحریک منہاج القرآن لاہور رانا نفیس حسین قادری اور ناظم منہاج ویلفیئر فاؤنڈیشن لاہور فلائٹ لیفٹیننٹ (ر) عبد المجید نے کیا۔ سابق ایم ایس میو ہسپتال لاہور ڈاکٹر پروفیسر فیاض رانجھا، سابق آئی جی پنجاب غلام حیدر مارتھ سمیت سیاسی و سماجی شخصیات، معززین علاقہ نے بڑی تعداد میں شرکت کی۔ کیمپ میں سی بی سی، کیلسٹرول، شوگر، ہپا ٹائٹس بی سی، یورک ایسڈ، بلڈ گروپنگ سمیت مریضوں کے مفت ٹیسٹ بھی کئے گئے۔
تحریک منہاج القرآن ضلع خوشاب کے زیراہتمام تنظیمی تربیتی ورکشاپ کا انعقاد کیا گیا، جس میں نائب ناظم اعلیٰ کوارڈینیشن انجینئر محمد رفیق نجم نے تمام تحصیلات کی کارکردگی رپورٹ کا جائزہ لیا اور مرکزی ہدایات کی روشنی میں آئندہ کے لائحہ عمل اور فہم دین پراجیکٹ کے حوالہ سے بریفنگ دی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے فیصل آباد میں ’’فروغِ عشقِ مصطفیٰ‘‘ کانفرنس سے خطاب کرتے ہوئے کہا کہ حضور نبی اکرم ﷺ خاتم النبیین اور سید الانبیاء ہیں۔ انہوں نے مزید کہا کہ آپ صلی اللہ علیہ والہ وسلم نبی رحمۃ للعالمین ہیں اور آپ ﷺ کی تعلیمات اور مبارک سنتوں پر عمل میں ہی دنیا و آخرت کی کامیابی ہے۔ ڈاکٹر حسن محی الدین قادری نے ’’تصرفاتِ مصطفیٰ‘‘ صلی اللہ علیہ والہ وسلم کے موضوع پر خطاب کرتے ہوئے مستند احادیث مبارکہ کے مستند حوالہ جات پیش کیے۔
تنظیمات اہل سنت کا اجلاس تحریک منہاج القرآن کے مرکزی سیکرٹریٹ ماڈل ٹاؤن میں منعقد ہوا۔ اجلاس میں جمیعت علمائے پاکستان، سنی اتحاد کونسل، سنی تحریک، انجمن اساتذہ پاکستان، نعیمین ایسوسی ایشن پاکستان، جماعت اہل سنت، تحریک اسلام جموں و کشمیر، جے یو پی (نورانی)، انجمن مہرویہ گولڑویہ، میلاد کونسل، انجمن طلبا اسلام، دعوت حق، جامعہ صدیقیہ لاہور، جاگو تحریک سمیت دیگر جماعتوں کے رہنماؤں و علمانے شرکت کی۔ اجلاس کی صدارت منہاج القرآن علما کونسل کے صدر و نظام المدارس پاکستان کے ناظم اعلیٰ علامہ میر محمد آصف البر قادری نے کی۔ اجلاس میں اہل سنت تنظیمات کے درمیان اتحاد کے فروغ اور موثر رابطوں کیلئے رابطہ کمیٹی تشکیل دی گئی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
