سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن راولپنڈی واہ کینٹ ٹیکسلہ کے زیراہتمام پی پی 19 اور پی پی 20 کا تنظیمی و تعارفی اجلاس منعقد ہوا، جس میں انجینئر رفیق نجم نے خصوصی شرکت کی۔ اجلاس میں خطاب کرتے ہوئے انجینئر رفیق نجم نے کہا کہ منہاج القرآن نے معاشرے میں اصلاح احوال اور فہم دین کے ذریعے دعوتی سرگرمیوں کو پھیلا دیا ہے۔
ڈاکٹر عبد الجبار قمر (لائبریری انچارج فریدِ ملّتؒ ریسرچ اِنسٹی ٹیوٹ) نے شیخ زید اسلامک سینٹر، جامعہ پنجاب سے اپنی پی ایچ ڈی مکمل کر لی ہے۔ان کے مقالہ کا موضوع ’’برصغير میں نقد تصوف کا علمی و تحقیقی جائزہ‘‘ تھا۔ انہوں نے اپنا مقالہ ڈاکٹر اشتیاق احمد گوندل (ایسوسی ایٹ پروفیسر یونیورسٹی اف دی پنجاب) کے زیر نگرانی مکمل کیا۔ شیخ الاسلام ڈاکٹر محمد طاہر القادری، ڈاکٹر حسن محی الدین قادری اور ڈاکٹر حسین محی الدین قادری نے ڈاکٹر عبد الجبار قمر کو اس عظیم علمی اعزاز کے حصول پر مبارک باد پیش کی اور ڈھیروں دعاؤں سے نوازا۔
حریک منہاج القرآن نواب شاہ کے زیراہتمام مسجدِ باب الاسلام میں خطبۂ جمعہ بعنوان عشق رسول صلی اللّٰہ علیہ وآلہٖ وسلم اور معاشرہ کا انعقاد کیا گیا، جس میں نظامت دعوت کے اسکالر علامہ فیصل نذیر الازہری نے خطاب کیا۔ انہوں نے کہا کہ نبی مکرم صلی اللّٰہ علیہ وآلہٖ وسلم کی اتباع و اطاعت ہی اصل ایمان ہے۔
منہاج القرآن نواب شاہ کے زیراہتمام درس عرفان القرآن بعنوان ’’عظمتِ اہلبیت و مقامِ اہل بیعت‘‘ منعقد ہوئی، جس میں نظامت دعوت کے اسکالر علامہ فیصل نذیر الازہری نے خطاب کیا۔ انہوں نے اہلبیت اطہار و صحابہ کرام علیہم الرضوان اجمعین کی قدرو منزلت اور قرب و یگانگت پر تفصیلی گفتگو کی۔
منہاج القرآن نواب شاہ کے زیراہتمام محفل ذکرِحسین علیہ السلام منعقد ہوئی جس میں نظامت دعوت کے اسکالر علامہ فیصل نذیرالازہری نے خطاب کرتے ہوئے کہا کہ آج فتن کا دور ہے، جس میں حسینی کردار ادا کرتے ہوئے ظالمانہ نظام کی تبدیلی کے لئے حق کا ساتھ دینے کی ضرورت ہے۔
دین کی حفاظت خالی تقریروں اور محض رسومات کی ادائیگی سے نہیں ہو گی۔ حفاظت دین کے لئے اخلاص نیت، تزکیہ نفس ضروری ہے۔ ان خیالات کا اظہار قائد تحریک منہاج القرآن شیخ الاسلام ڈاکٹر محمد طاہرالقادری نے فہم دین پراجیکٹ کے تحت تحریک منہاج القرآن کے ذمہ داران و کارکنان سے خصوصی گفتگو کرتے ہوئے کیا۔
نظام المدارس پاکستان کا اہم اجلاس سرپرست و چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی زیر صدارت منعقد ہوا۔ ڈاکٹر حسن محی الدین قادری نے ہدایات جاری کیں کہ نظام المدارس پاکستان سے الحاق کرنے والے مدارس دینیہ کو رجسٹریشن، نصاب سمیت جملہ انتظامی و تدریسی امور میں بھرپور تعاون فراہم کیا جائے۔
منہاج القرآن انٹرنیشنل کے صدر ڈاکٹر حسین محی الدین قادری یورپ کے تنظیمی دورہ سے وطن واپس پہنچ گئے، بدھ کی صبح علامہ اقبال انٹرنیشنل ایئرپورٹ پہنچنے پر تحریک منہاج القرآن لاہور کے راہنماوں نے آپ کا استقبال کیا۔ اس موقع پر راجہ زاہد محمود، شہزاد رسول قادری، حاجی محمد اسحاق، رانا نفیس قادری، عبدالرحمن، الیاس ڈوگر اور مرکزی رہنماء و کارکنان بھی موجود تھے۔
منہاج القرآن جرمنی کے رہنماؤں فیض احمد اور مقصود اکرام نے جرمنی میں نئی سیاسی جماعت Team Todenhöfer کے سربراہ Jürgen Todenhöfer سے برانڈ برگ گیٹ کے سامنے ملاقات کی۔ ملاقات میں منہاج القرآن کے رہنماؤں نے پارٹی سربراہ کو کمیونٹی کی طرف سے ہر طرح کے تعاون کی یقین دہانی کرائی۔ اس موقع پر انہوں نے جرمن رہنماء کو منہاج القرآن انٹرنیشنل برلن سنٹر کے وزٹ کی دعوت دی گئی جو کہ انہوں نے بخوشی قبول کی۔
تحریک منہاج القرآن فیصل آباد کے زیراہتمام تمام فورمز کے نو منتخب عہدیداروں کی تقریب حلف برداری پریس کلب میں منعقد ہوئی، جس میں منہاج القرآن کے جملہ فورمز کے عہدیداروں نے حلف اٹھایا۔ اس موقع پر میاں عبدالقادر صدر تحریک منہاج القرآن ضلع فیصل آباد نے تقریب کی صدارت کی۔ تقریب میں علامہ رانا محمد ادریس قادری اور میاں ریحان مقبول نے خطاب کرتے ہوئے کہا کہ منہاج القرآن کا ہر کارکن گلی گلی جائے اور ظالم نظام کے خلاف آواز اٹھانے کی جدوجہد کا حصہ بنے۔
تحریک منہاج القرآن تحصیل جہلم کا اجلاس منعقد ہوا، جس میں انجینئر رفیق نجم نے شرکت کی۔ اس موقع پر منہاج القرآن جہلم کے عہدیداروں نے بھی اجلاس میں شرکت کی۔ انہوں نے اجلاس میں گفتگو کرتے ہوئے کہا کہ تحریک منہاج القرآن دعوتی و تنظیمی مہم کو بھرپور انداز میں شروع کر رہی ہے۔
منہاج القرآن انٹرنیشنل جموں کشمیر کے زیراہتمام چوتھی سالانہ ’’منہاج القرآن کانفرنس‘‘ مرکزی ادارہ منہاج القرآن چھتری پورہ شوپیاں میں 12 ستمبر 2021ء کو منعقد ہوئی۔ کانفرنس کی صدارت مشائخ عظام ڈاکٹر پیر نثار احمد مبارکی، سرپرست حقانی میموریل ٹرسٹ سید حمید اللہ حقانی، سرپرست غوثیہ عربی کالج ابن الحفیظ سید محمد شفیع اندرانی، سرپرست دارالعلوم ہمدانیہ دورہ ییزادہ غلام جیلانی اور الحاج عبدالرشید خان نے کی۔ کانفرنس میں مقررین نے اظہار خیال کرتے ہوئے تحریک منہاج القرآن کی سالانہ کانفرنس کے انعقاد کو سراہا۔
شیخ الاسلام ڈاکٹر محمد طاہرالقادری دامت برکاتہم العالیہ نے حافظ محمد ادریس الأزہری کو عالم اسلام کی عظیم درسگاہ الأزہر یونیورسٹی قاہره (جامعۃ الازہر مصر) سے پی ایچ ڈی کی ڈگری کی تکمیل پر اظہار مسرت کیا اور انہیں مبارکباد دی ہے۔ حافظ محمد ادریس الأزہری کو الازہر یونیورسٹی قاہره کے کلیۃ اصول الدین قاہرہ کے شعبہ ’’قسم الدعوۃ والثقافۃ الاسلامیہ‘‘ نے پی ایچ ڈی کی ڈگری امتیازی پوزیشن میں جاری کردی ہے۔ ان کا پی ایچ ڈی کا مقالہ ’ڈنمارک میں دعوت و تبلیغ کے وسائل اور اسلامی مراکز کا کردار‘ پر تھا۔
تحریک منہاج القرآن کے مرکزی نائب ناظم اعلیٰ وسطی پنجاب علامہ رانا محمد ادریس قادری نے منہاج القرآن سیالکوٹ کے نومنتخب عہدیداروں کی تقریب حلف برداری سے خطاب کرتے ہوئے کہا کہ منہاج القرآن نظریاتی، فکری اور دعوتی تحریک ہے، جس نے ملک بھر میں اصلاح احوال کے ساتھ اصلاح معاشرہ کا مقصد بھی پورا کرنا ہے۔ انہوں نے کہا کہ آج ہم سب یہ عہد کریں کہ ملک پاکستان میں مصطفوی انقلاب کے سویرے کے لئے ہر فرد تک منہاج القرآن کا دعوتی پیغام پہنچائیں گے۔
تحریک منہاج القرآن چکوال کے تنظیمی اجلاس سے خطاب کرتے ہوئے نائب ناظم اعلیٰ انجینئر محمد رفیق نجم نے کہا کہ تحریک منہاج القرآن ملک بھر میں مختلف جہات پر فکری و تجدیدی کام کر رہی ہے، کیونکہ آج معاشرہ میں اصلاح احوال کی اشد ضرورت ہے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
