سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے صدر ڈاکٹر حسین محی الدین قادری نے شاہ لطیف ٹاؤن، کراچی میں منہاج ویلفیئر فاؤنڈیشن کے زیراہتمام غرباء و مساکین کیلئے عوامی دسترخواں کا افتتاح کیا۔ اس موقع پر انچارج عوامی دسترخواں علامہ زاہد خان نے بریفنگ دیتے ہوئے بتایا کہ عوامی دسترخواں گزشتہ دو سالوں سے جاری ہے جہاں مستحق افراد کو کھانا باعزت طریقے سے فراہم کیا جاتا ہے۔ صدر منہاج القرآن نے عوامی دسترخواں کی انتظامیہ کو مبارکباد دی اور ان کیلئے خصوصی دعا بھی کی۔
منہاج یوتھ لیگ کراچی کے زیراہتمام 28 فروری 2021ء کو شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے ’علم، تحقیق اور تجدید کا عہدِ بے مثال‘ کے عنوان سے کانفرنس کا انعقاد کیا گیا جس کی صدارت منہاج القرآن انٹرنیشنل کے صدر ڈاکٹر حسین محی الدین قادری نے کی۔ کانفرنس میں تحریک منہاج القرآن، منہاج یوتھ لیگ و جملہ فورمز کراچی کے ذمہ داران و کارکنان اور عوام الناس کی بڑی تعداد شریک تھی۔ کانفرنس میں آمد پر کارکنان نے ڈاکٹر حسین محی الدین قادری کا پرجوش نعروں سے استقبال کیا۔
ساؤتھ افریقہ کے لئے پاکستان کے نئے ہائی کمشنر جناب ڈاکٹر مظہر اقبال سے سابقہ منسٹر اینڈ ممبر آف پارلیمنٹ علامہ رفیق علی شاہ (امیر منہاج القرآن انٹرنیشنل ساؤتھ افریقہ)، علامہ طاہر رفیق نقشبندی (صدر منہاج القران نٹال) اور دیگر عہدیداران نے ملاقات کی۔ ملاقات میں ساؤتھ افریقہ میں منہاج القرآ ن کی خدمات کے بارے میں پاکستانی ہائی کمشنر کو تفصیلی بریفنگ دی گئی۔ اس موقع پر ساؤتھ افریقہ KZN کی ڈپٹی میئر ڈاکٹر فوزیہ پیر بھی موجود تھیں۔
شیخ الاسلام ڈاکٹر محمدطاہرالقادری کی 70ویں سالگرہ کے موقع پر منہاج القرآن انٹرنیشنل ہانگ کانگ کے زیراہتمام 28 فروری 2021ء کو دعائیہ تقریب کا انعقاد کیا گیا۔ تقریب میں محمد سکندر باچا، محمد نجیب، جاوید اقبال، طاہر محمود، علامہ حافظ محمد نسیم نقشبندی، علامہ ناصر جمال، علامہ قاری محمد عثمان الازہری اور منہاج القرآن انٹرنیشنل ہانگ کانگ کے عہدیداران اور رفقا سمیت مختلف شعبہ ہائے زندگی سے تعلق رکھنے شخصیات نے شرکت کی۔ تقریب کا آغاز تلاوت کلام پاک سے ہوا اور بارگاہِ رسالتمآب ﷺ میں درود و سلام اور نعت کا نذرانہ پیش کیا گیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے منہاج القرآن علماء کونسل لاہور کے زیراہتمام منعقدہ ''اتحاد امت و شیخ الاسلام کانفرنس'' سے خطاب کرتے ہوئے کہا کہ تحریک منہاج القرآن نے انتہاء پسندی کے خاتمے کیلئے گرانقدر علمی، تحقیقی خدمات انجام دیں، اور فکری اعتبار سے منتشر امت کو قرآن و سنت کی تعلیمات کی روشنی میں متحد کرنے کیلئے ہمیشہ عملی کاوشیں کی ہیں، عقائد اسلامیہ کا تحفظ، علم و تحقیق اور اتحاد امت منہاج القرآن کی شناخت ہے۔ شیخ الاسلام ڈاکٹر محمد طاہرالقادری نے 21 ویں صدی میں تکفیریت کو قرآن و سنت کی تعلیمات کی روشنی میں جڑ سے کاٹ کر نسلوں کے ایمان و عقائد کی حفاظت کی۔ شیخ الاسلام فی زمانہ فکر احناف کی سب سے معتبر اور توانا علمی آواز ہیں۔
منہاج القرآن انٹرنیشنل کے صدر ڈاکٹر حسین محی الدین قادری تنظیمی وزٹ پر کراچی پہنچ گئے، ائرپورٹ پر تحریک منہاج القرآن کے قائدین نے پرتپاک استقبال کیا۔ صدر منہاج القرآن انٹرنیشنل اپنے کراچی وزٹ کے دوران قائد ڈے کے سلسلہ میں منعقدہ تقریبات میں شرکت کریں گے، تحریک منہاج القرآن و جملہ فورمز کے قائدین و کارکنان سے ملاقاتیں، منہاج ایجوکیشن سوسائٹی کے زیرانتظام "سالانہ ایجوکیشنل اسمبلی" میں شرکت اور 2 مارچ کو حیدرآباد سندھ میں منعقدہ "شیخ الاسلام کانفرنس" میں بھی شرکت کریں گے۔
آغوش کمپلیکس کراچی کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے تقریب منعقد ہوئی جس میں صدر تحریک منہاج القرآن اور چیئرمین آغوش آرفن کیئر ہومز ڈاکٹر حسین محی الدین قادری نے شرکت کی اور خطاب بھی کیا۔ تقریب میں آغوش کمپلیکس کراچی کے اساتذہ، انتظامیہ اور منہاج القرآن و جملہ فورمز کراچی کے ذمہ داران شریک ہوئے۔ ڈاکٹر حسین محی الدین قادری نے آغوش میں زیرتعلیم بچوں کے ہمراہ شیخ الاسلام کی سالگرہ کا کیک کاٹا اور ان کی درازیٔ عمر کیلئے دعا کی۔
شیخ الاسلام ڈاکٹر محمد طاہرالقادری اپنی جدو جہد سے پوری دنیا میں اسلام کا پرامن چہرہ عیاں کررہے ہیں تحریک منہاج القرآن انٹرنیشنل کے مرکزی ناظم اعلیٰ خرم نواز گنڈاپور نے یہاں ڈاکٹر طاہر القادری کی 70ویں سالگرہ کے موقع پر ایک بہت بڑی تقریب سے خطاب کرتے ہوئے مزید کہا کہ امت مسلمہ کی وحدت کے لیے طاہر القادری ایک استعارہ بن گئے ہیں مرکزی صدر منہاج القرآن علماء کونسل پاکستان علامہ حاجی امداد اللہ خان نے اس تقریب سے خطاب کرتے ہوئے کہا کہ ڈاکٹر طاہرالقادری کا پورا گھرانہ دین کی سربلندی کے لئے اپنی علمی تبلیغی خدمات سے اسلام کا پیغام جدید دور کے تقاضوں کے مطابق سرانجام دے رہے ہیں۔
تحریک منہاج القرآن کے مرکزی سیکرٹریٹ میں منہاج انٹرنیٹ بیورو کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے ’شیخ الاسلام کا فروغِ اسلام میں جدید ذرائع سے استفادہ‘ کے عنوان سے منعقدہ تقریب سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کہا کہ مجدد کی یہ شان ہوتی ہے کہ وہ اپنے عصری تقاضوں کے مطابق تجدید و احیاء دین کا کام کرتا ہے۔ لوگوں کے ذہنوں کے گرد تنگ نظری، شدت پسندی اور نفرت کے دائروں کو توڑ کر سوچوں میں وسعت، رویوں میں اعتدال اور باہمی احترام اور برداشت کی فضاء قائم کرتا ہے۔ انہوں نے کہا کہ شیخ الاسلام ڈاکٹر محمد طاہرالقادری دورِ حاضر کے مجدد ہیں۔
شیخ الاسلام ڈاکٹر محمد طاہرالقادری کی 70ویں سالگرہ کے موقع پر آپ کی خدمات کو خراج تحسین پیش کرنے کے لیے 25 فروری 2021ء کو تحریک منہاج القرآن فیصل آباد کے زیر اہتمام سمندری میں ’سفیرِ امن کانفرنس‘ کا انعقاد کیا گیا۔ کانفرنس میں تحریک منہاج القرآن کے مرکزی ناظم اعلیٰ خرم نواز گنڈاپور، نائب ناظمِ اعلیٰ تنظیمات انجینیر محمد رفیق نجم، پاکستان عوامی تحریک پنجاب کے سیکرٹری جنرل میاں ریحان مقبول اور رافعہ عروج ملک سمیت تحریک منہاج القرآن فیصل آباد اور ذیلی فورمز کے عہدیداران و کارکنان اور مختلف شعبہ ہائے زندگی سے تعلق رکھنے والی شخصیات نے بڑی تعداد میں شرکت کی۔
بانی و سرپرستِ اعلیٰ تحریک منہاج القران شیخ الاسلام ڈاکٹر محمد طاہرالقادری کی 70ویں سالگرہ کی تقریبات دنیا بھر میں موجود تحریک منہاج القرآن کی تنظیمات جوش و خروش کے ساتھ منا رہی ہیں۔ اس سلسلے میں 24 فروری 2021ء کو منہاج القران انٹرنیشنل یونان کے ناظم مالیات عابد علی جٹ اور ناظم حلقہ دورود قاری محمد اقبال کی رہائش گاہ پر قائد ڈے کی تقریب کا انعقاد کیا گیا۔
بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری کی 70ویں سالگرہ کی تقریبات دنیا بھر میں موجود تحریک منہاج القرآن کی تنظیمات جوش و خروش کے ساتھ منا رہی ہیں۔ یہ دن تحریک منہاج القرآن کے رفقاء و وابستگان کے لیے یومِ تشکر اور تجدیدِ عہدِ وفا کا دن ہے۔ قائد ڈے کے اس پرمسرت موقع پر کارکنان اپنے اپنے انداز میں شیخ الاسلام سے محبت، تعلق اور نسبت کا اظہار کرتے ہیں۔ اس سلسلے میں تحریک منہاج القرآن ملتان کے زیر اہتمام 24 فروری 2021ء کو ’سفیرِ امن سیمینار کا انعقاد کیا گیا۔ سیمینار کے مہمانِ خصوصی تحریک منہاج القرآن کے مرکزی ناظمِ اعلیٰ خرم نواز گنڈاپور تھے، جبکہ دیگر شرکاء میں مرکزی نائب ناظم اعلیٰ سردار شاکر مزاری، پاکستان عوامی تحریک جنوبی پنجاب کے قائم مقام صدر میاں نور احمد سہو، تحریک منہاج القرآن ضلع ملتان کے صدر یاسر ارشاد دیوان، معروف صحافی اکمل وینس، راؤ محمد عارف رضوی، منہاج القرآن ویمن لیگ ضلع ملتان کی صدر ہما اسماعیل، پروفیسر اسحاق ساقی، ڈاکٹر زبیر اے خان، زمان خان اعوان، میجر اقبال چغتائی، خالد سلطانی، نشاط احمد باجوہ ایڈووکیٹ، مخدوم شہباز ہاشمی، ڈاکٹر خالد محمود، چوہدری مشتاق سندھو، احمد قریشی، انجینئر جواد صادق، رائے رمضان ایڈووکیٹ، غلام حسین کھوکھر، قاری لیاقت حسین، شاہد ہاشمی اور سجاد نقشبندی سمیت خواتین و حضرات کی بڑی تعداد شریک تھی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کالج آف شریعہ میں ای لرننگ ڈیپارٹمنٹ کے زیراہتمام شیخ الاسلام ڈاکٹر محمد طاہر القادری کی 70ویں سالگِرہ کے سلسلہ میں منعقدہ تقریب میں شرکت کی۔ اس موقع پر خطاب کرتے ہوئے آپ نے کہا کہ قرآن پڑھنا، قرآن سیکھنا اور سکھانا افضل ترین عمل اور دنیا و آخرت کی بہترین سرمایہ کاری ہے۔
تحریک منہاج القرآن لاہور پی پی 167 کے زیرانتظام شخ اسلام ڈاکٹر محمد طاہر القادری کی 70 ویں سالگرہ کے موقع پر سوشل ویلفیئر آڈیٹوریم ٹاؤن شپ میں ’’مجدد عصر حاضر سیمینار‘‘ منعقد ہوا۔ سیمینار کی صدارت حافظ غلام فرید صدر تحریک منہاج القرآن لاہور نے کی۔ پروگرام میں لاہور بار ایسوسی ایشن کے نائب صدر محمد حسین شاہین ایڈووکیٹ مہمان خصوصی تھے۔
شیخ الاسلام ڈاکٹر محمد طاہرالقادری کی 70 ویں سالگرہ کے موقع پر منہاج القرآن انٹرنیشنل ملائیشیا کے زیر اہتمام 22 فروری 2021ء کو دعائیہ تقریب کا انعقاد کیا گیا۔ تقریب کی صدارت منہاج القرآن انٹرنیشنل ملائیشیا کے امیر محمد سلیم قادری کر رہے تھے۔ تقریب میں منہاج ایشیئن کونسل کے ممبر محمد عمر القادری، منہاج القرآن انٹرنیشنل ملائیشیا کے صدر عبدالرسول بھٹی، علی رضا، غلام علی سولنگی، طارق محمود قادری سمیت کوالالمپور، شاہ عالم اور دیگر شہروں سے منہاج القرآن انٹرنیشنل کے رفقاء و واسبتگان شریک تھے
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
