سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
کانفرنس سے علامہ محمد شکیل ثانی نے تحفظ ناموس رسالت صلی اللہ علیہ وآلہ وسلم کے موضوع پر مدلل خطاب کیا۔ انہوں نے کہا کہ حضور صلی اللہ علیہ وآلہ وسلم کی خلقت عالم نور میں ہوئی جبکہ ولادت حضور صلی اللہ علیہ وآلہ وسلم کی بشریت کی معراج ہے۔ لہذا حضور صلی اللہ علیہ وآلہ وسلم کی دونوں شانوں کا اعلان عظمت رسول صلی اللہ علیہ وآلہ وسلم ہے۔ انہوں نے کہا کہ حضور صلی اللہ علیہ وآلہ وسلم کی بارگاہ میں گستاخی اللہ تعالی کو گوارہ نہیں۔ جب اللہ تعالی نے اپنے حبیب صلی اللہ علیہ وآلہ وسلم کی بارگاہ کے آداب خود سکھائے ہوں تو پھر اُن کی شان کیا ہوگی۔
پیرس (اے کے راؤ) صدر پاکستان عوامی تحریک فرانس حاجی محمد اسلم چوہدری کی Stephane Troussel صدر مشیر عام حکومت فرانس سے ملاقات پیرس کے شمالی مضافات لابرجے میں ہوئی۔ اس ملاقات میں فرانس میں ہونے والے صوبائی الیکشن جس کا 22 مارچ کو پہلا ٹور اور 29 کو دوسرے ٹور ہورہا ہے پر باہمی دلچسپی کے ساتھ گفتگو ہوئی۔ صدر عوامی تحریک فرانس نے مسٹر Stephane Troussel کو عوامی تحریک فرانس کی حلف برداری کی تقریب جو کہ 15 مارچ کو ہونا قرار پائی ہے میں بھی مدعو کیا۔
منہاج القرآن انٹرنیشنل انڈیا کولکتہ کے زیراہتمام محمد جان ہائیر سیکنڈری سکول میں فری میڈیکل کیمپ کا انعقاد کیا گیا جس میں مریضوں کا فری چیک اپ کرنے کے ساتھ ساتھ میڈیسن بھی فری دی گئیں۔ اس موقع پر ڈاکٹروں کی ٹیم نے 1568 مریضوں کا فری چیک اپ کیا اور وہ مریض جن کی حالت زیادہ خراب تھی ان کے لیے فری میڈیکل ٹیسٹ کا بھی انتظام کیا گیا تھا۔
تحریک منہاج القرآن کے زیراہتمام بلوچستان کے ضلع ڈیرہ بگٹی کی تحصیل سوئی میں میلاد مصطفیٰ صلی اللہ علیہ وآلہ وسلم کانفرنس کا انعقاد کیا گیا، جس میں عوام الناس کی کثیر تعداد نے شرکت کی۔ اس عظیم میلاد کانفرنس کی صدارت معروف عالمِ دین علامہ منظور احمد عباسی الحسینی نے کی۔ علاوہ ازیں مقامی تنظیم کی خصوصی دعوت پر مرکزی سیکرٹری کوآرڈینیشن تنظیمات محمد طیب ضیاء نے بطور مہمان خصوصی شرکت کی۔ کانفرنس سے علامہ مفتی ممتاز حسین صدیقی ناظم منہاج القرآن علماء کونسل لاہور نے خصوصی خطاب کیا، جبکہ لاہور سے آئے ہوئے معروف نعت خواں محمد شکیل قادری نے بارگاہ رسالت صلی اللہ علیہ وآلہ وسلم میں عقیدت کے پھول نچھاور کیے۔
مکالمہ بین المذاہب اور مطالعہ اسلام و مسیحیت کے تناظر میں ایک اجمالی علمی دستاویز کے طور پر ڈاکٹر نعیم مشتاق کی کتاب ’انتہاپسندی اور دہشت گردی کے خاتمے میں شیخ الاسلام ڈاکٹر محمد طاہرالقادری کا کردار‘ منظرِ عام پر آگئی ہے۔ کتاب کی خاص بات اس کا بین المذاہب مکالمہ پر قرآن و حدیث کی روشنی میں واضح کردہ اسلامی نکتہ نظر، اور اس میدان میں تحریک منہاج القرآن اور اس کی قیادت کی خدمات کا پیش کردہ جائزہ ہے۔ اِس کتاب میں قرآن و سنت کے دلائل کے ساتھ ساتھ مسیحیت کی الہامی کتاب بائبل کے بھی حوالے دیے گئے ہیں۔
ڈائریکٹر منہاج القرآن اسلامک سنٹر ٹوکیو اباراکی کین باندوشی حضرت علامہ شکیل ثانی پاکستان کا کامیاب اور طویل دورہ کرنے کے بعد واپس جاپان پہنچ گئے۔ ناریتا ائیر پورٹ ٹوکیو پر ان کا پرتپاک استقبال کیا گیا۔ سیکرٹری جنرل جاپان محمد رفیع اور ناظم نشرواشاعت اباراکی کین ثاقب الرحمن کے ہمراہ مرکز پہنچے تو احمد سعید بھٹی، حافظ محمد ایوب، محمد فیصل ملک، حافظ محمد یعقوب مغل، طلال احمد، محمد ندیم، جنید اقبال اوراعجاز احمد نے بھر پور استقبال کیا۔
ڈائریکٹر انٹرفیتھ ریلیشنز سہیل احمد رضا کا ہندوؤں کے دو ہزار سال پرانے تاریخی مندر کٹاس راج چکوال کے زیرانعقاد تقریب میں بحثیت ممبر بورڈ متروکہ وقف املاک بورڈ وزارت مذہبی امور وبین المذاہب رواداری کے تحت سرکاری سطح پر شرکت کی۔ تقریب کے مہمان خصوصی سپیکر اسمبلی حکومت پاکستان جبکہ وزیر مملکت مذہبی امور کے علاوہ پاکستان مین انڈین ہائی کمیشن ڈاکٹر ٹی سی اے راہگوان اور ممبران قومی اسمبلی بھی شریک ہوئے۔
چیئرمین سپریم کونسل تحریک منہاج القرآن ڈاکٹر حسن محی الدین القادری نے کہا ہے کہ دہشت گردی کے فتنے کو کچلنے کا بہترین حل فوجی آپریشن ہی تھا کیونکہ مکالمہ انسانوں سے ہوتا ہے درندوں سے نہیں، پوری قوم افواج پاکستان کو سلام پیش کرتی ہے جو غیرت ملی کا اظہار کرتے ہوئے دہشت گردوں کے خلاف آپریشن کررہے ہیں۔ بدامنی، ظلم، بربریت، لاقانونیت اور دہشت گردی کے خلاف عوام کو اٹھنا ہو گا اور ڈاکٹر طاہرالقادری کا دست بازو بن کر ملکی مفادات کی دھجیاں اڑانے والے حکمرانوں کو اقتدار کے ایوانوں سے باہر پھینکنا ہوگا۔ موجودہ حکومت چند روز کی مہمان ہے حکومتی امداد کو جوتے کی نوک پر رکھتے ہیں۔
تحریک منہاج القرآن کے زیراہتمام بلوچستان کے ضلع ڈیرہ بگٹی کی تحصیل سوئی میں شیخ الاسلام ڈاکٹر محمد طاہرالقادری کے 64 ویں یوم پیدائش کے سلسلہ میں قائد ڈے کی تقریب کا انعقاد کیا گیا، جس میں لاہور مرکز سے آئے ہوئے علامہ مفتی ممتاز حسین صدیقی ناظم منہاج القرآن علماء کونسل لاہور، محمد طیب ضیاء مرکزی سیکرٹری کوآرڈینیشن تنظیمات، سیف اللہ بھنگر زونل ناظم تحریک، معروف نعت خواں محمد شکیل قادری، علامہ منظور احمد عباسی الحسینی، علامہ محمد ارشد سعیدی، علامہ نسیم احمد حسینی نے خصوصی شرکت کی۔
ڈاکٹر حسین محی الدین نے عوامی تحریک گوجرانوالہ کے امن یوتھ ورکرز کنونشن سے خطاب کرتے ہوئے کہا ہے کہ بلدیاتی انتخابات کے انعقاد کے حوالے سے سپریم کورٹ نے 18 کروڑ عوام کی امنگوں کی ترجمانی کی، پنجاب کی حکمران جماعت کو پاکستان کے سب سے بڑے صوبے میں بلدیاتی اداروں کو مسلسل 7سال تک تالے لگا کر رکھنے کا ریکارڈ مبارک ہو۔ سپریم کورٹ کی خصوصی دلچسپی سے انتخابات کی امید پیدا ہوئی ہے۔ بلدیاتی اداروں کو ملنے والے 150ارب روپے کا آج تک آڈٹ نہیں ہونے دیا گیا۔ موجودہ حکمرانوں نے 7سال میں بلدیاتی اداروں کے 700 ارب سرکاری ایڈمنسٹریٹرز کے ذریعے پسندیدہ منصوبوں پر خرچ کیے جن کا آڈٹ اور حساب ہونا ابھی باقی ہے۔
منہاج القرآن کے مرکزی قائدین کے ایک وفد نے نئی دہلی، انڈیا میں اولیاء کرام کے مزارات پر حاضری دی۔ وفد میں مرکزی ڈائریکٹر انٹرفیتھ ریلیشنز سہیل احمد رضا اور پاکستان عوامی تحریک پنجاب کے نائب صدر راجہ زاہد محمود شامل تھے۔ منہاج القرآن انٹرنیشنل انڈیا سے صدر منہاج القرآن بڑودھہ سید ناد علی حسن علی، صدر یو پی کانپور عبدالحمید خان، ناظم تحریک دہلی رضوان قادری، محمد جنید خان کوآرڈینیٹر انٹرفیتھ ریلیشنز دہلی اور سید مسرور حسین صدر تحریک دہلی بھی شامل تھے۔
منہاج القرآن ناگویا اور جاپانی کمیونٹی کے لوگوں نے مورخہ یکم مارچ 2015 بروز اتوار کو ملکر علاقہ بھر کی صفائی کی اور اظہار یکجہتی کی مثال قائم کی۔ انہوں نے لوگوں کو بتایا کہ اسلام دین امن ہے اور امن کا ہی پیغام دیتا ہے۔ انہوں نے کہا کہ صفائی ایمان کا حصہ اور نصف ایمان ہے۔ صفائی کی اس مہم میں جاپانی بلدیہ کے اعلیٰ عہدوں کے حامل پولیس افسران بھی شامل تھے، جبکہ منہاج القرآن ناگویا جاپان کی جانب سے علامہ عبدالمصطفیٰ، حاجی محمد صفدر، خالد علی، محمد جاوید سجن، سید نواز اور احسان اللہ شامل تھے۔
ڈاکٹر حسن محی الدین قادری نے گفتگو کرتے ہوئے کہا کہ ہم سانحہ ماڈل ٹاؤن کے شہیدوں کا قصاص ہر صورت میں لیں گے اور قاتلوں کو ان کے کیفرکردار تک پہنچائیں گے، ڈاکٹر طاہرالقادری ان شاءاللہ جلد ہی پاکستان واپس آکر اس جدوجہد کو منطقی انجام تک پہنچائیں گے اور پاکستان میں مصطفوی انقلاب کا سویرا ان شاءاللہ جلد طلوع ہوگا۔ اس کے بعد وہ ایک قافلہ کی صورت میں کوٹ چوہدریاں روانہ ہوئے جہاں پر انہوں نے حافظ محمد رضوان شہید کے گھر جا کر ان کے والدین سے اظہار تعزیت کی اور فاتحہ خوانی کی۔
پاکستان عوامی تحریک فرانس کی ’’ کرائی‘‘ میں زیلی تنظیم کا قیام، ملک فتح شیر برہان صدر اور شیخ خالد محمود کوجنرل سیکریٹری نامزد کیا گیا۔ رپورٹ کے مطابق پاکستان عوامی تحریک میں بڑھتی ہوئی دلچسپی کے پیش نظر گذشتہ روز معروف شخصیت سید شبیر حسین شاہ کی زیر سرپرستی اورپاکستان عوامی تحریک کے چیف آرگنائزر شیخ محبوب سلطان کی سربراہی میں ایک اجلاس منعقد ہو جس کی صدارت پاکستان عوامی تحریک فرانس کے صدر حاجی محمد اسلم چوھدری نے کی۔ علاقے کے لوگوں کی بڑی تعداد نے ڈاکٹر طاہر القادری کے 10 نقاتی ایجنڈے پر اتفاق کرتے ہوئے عوامی تحریک میں شمولیت کا اعلان کیا۔
پاکستان عوامی تحریک شعبہ خواتین کے زیر اہتمام ڈاکٹر طاہرالقادری امن کے سفیر کے عنوان سے سیمینار منعقد ہوا جس کی صدارت فضہ حسین قادری نے کی، سیمینار میں مختلف شعبہ ہائے زندگی سے تعلق رکھنے والی نامور خواتین نے شرکت کی۔ سیمینار سے خطاب کرتے ہوئے مرکزی صدر شعبہ خواتین راضیہ نوید نے کہا کہ ماڈل ٹاؤن میں خواتین کے چہروں پر گولیاں برسانے والے قاتل اور درندے آج بھی دندناتے پھررہے ہیں انہیں گرفتار کیا جائے۔
4M
فیس بک
2M
ٹوٹر
© 1994 - 2026 Minhaj-ul-Quran International.
