سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل ساوتھ افریقہ علماء کونسل کے رہنماء حافظ اسمعیل ابوبکر خطیب فیملی نے اپنی رہائشگاہ پر میلاد النبی صلی اللہ علیہ وسلم اور شہادت امام حسین علیہ السلام کے سلسلہ میں پروگرام کا اہتمام کیا۔ اس موقع پر محفل میں قرآت و نعت اور عربی قصائد کے بعد USA سے تشریف لائے ہوئے معزز مہمان محدث یمن حضرت شیخ محمد بن یحی نینوی نے خصوصی خطاب کیا جبکہ حافظ محمود خطیب کیپ ٹاون نے منہاج القرآن کے سرپرست اعلی ڈاکٹر محمد طاہرالقادری اور مشن کا تعارف پیش کیا۔
امام عالی مقام حضرت امام حسین علیہ السلام اور آپ کے خانوادے کی عظیم قربانیوں کو خراج تحسین پیش کرنے کے لیے تحریک منہاج القرآن آئرلینڈ کے زیراہتمام ڈبلن میں شہدائے کربلا کانفرنس منعقد ہوئی جس میں تحریک منہاج القرآن آئرلینڈ کے قائدین و کارکنان کے علاوہ پاکستانی و مسلم کمیونٹی کے افراد نے کثیر تعداد نے شرکت کی۔
منہاج القرآن یوتھ لیگ حافظ آباد کے زیراہتمام محفل ذکر اہل بیت اطہار علیہم السلام منعقد کی گئیں جس میں علامہ محمد اعجاز ملک، علامہ سید ہدایت رسول شاہ، علامہ انوار المصطفی ہمدمی نے خطابات کیے۔
منہاج القرآن انٹرنیشنل دبئی کے صدر صابر حسین گجر اور صدر پاکستان عوامی تحریک ساوتھ افریقہ جاوید اقبال اعوان نے صدر منہاج القرآن انٹرنیشنل KZN علامہ طاہر رفیق نقشبندی کے ہمراہ منہاج القرآن انٹرنیشنل ساوتھ افریقہ کے پہلے اسلامک سنٹر اور لائبریری KZN کا وزٹ کیا۔ اس موقع پر یوتھ لیگ کے نوجوان طاہر چوہدری، ظاہر چوہدری اور ذاکر رفیق چوہدری بھی موجود تھے۔
منہاج القرآن انٹرنیشنل دبئی کے صدر صابر حسین گجر اور جوہانسبرگ سے PAT ساوتھ افریقہ کے صدر جاوید اقبال اعوان نے نٹال جبکہ صدر منہاج القرآن انٹرنیشنل دبئی صابر حسین گجر نے منہاج القرآن انٹرنیشنل ڈربن کا چار روزہ دورہ کیا، دورے میں جاوید اقبال اعوان بھی ان کے ساتھ تھے۔
منہاج القرآن انٹرنیشنل ساوتھ افریقہ میں MQI نٹال کی صوبائی اور علاقائی تنظیموں اور عہدیداروں نے علامہ طاہر رفیق نقشبندی صدر منہاج القران نٹال کی سربراہی میں MQI دبئی سے تشریف لائے ہوئے مہمان گرامی صابر حسین گجر صدر اور جوہانسبرگ سے پاکستان عوامی تحریک ساوتھ افریقہ کے صدر جاوید اقبال اعوان کے اعزاز میں عشائیہ دیا گیا۔
جنوبی افریقہ کی سب سے بڑی مسجد گرے سٹریٹ جمعہ مسجد ڈربن کے چئیرمین اور کنوینر ورلڈ میمن کیمونٹی ڈاکٹر اے وی محمد کی دعوت پر منہاج القرآن انٹر نیشنل دبئی کے صدر صابر حسین گجر اور جوہانسبرگ سے PAT کے صدر جاوید اقبال اعوان، منہاج القرآن انٹرنیشنل Kzn کے صدر علامہ طاہر رفیق نقشبندی اور علامہ ایوب طفیل قادری صدر ڈربن نے مسجد میں جمعہ کی نماز ادا کی۔
منہاج القرآن بریڈ فورڈ کے زیراہتمام مدینہ الزاہرا میں شہدائے کربلا کی یاد میں ’’درسِ کربلا کانفرنس ‘ ‘ کا انعقاد کیا گیا۔ پروگرام ڈائریکٹر ’’مدینہ الزاہرا‘ ‘ شیخ محمد افضل سعیدی کی زیرنگرانی منعقد ہوا جس میں منہاج القرآن برمنگھم کے ڈائریکٹر علامہ اشفاق عالم قادری مہمان خصوصی تھے۔ پروگرام میں خواتین و حضرات نے بھرپور شرکت کی۔
شیخ الاسلام ڈاکٹر محمد طاہرالقادری نے یوم عاشور پر اپنے پیغام میں کہا ہے کہ حضرت امام حسین علیہ السلام قیامت تک کے لیے حق اور یزید باطل قوتوں کا نمائندہ ہے۔ جس کے دل میں رتی برابر بھی ایمان باقی ہے اسے یزید کے جھوٹے قاتل، اقتدار کے لالچی اور فاسق و فاجر ہونے پر شک نہیں ہو سکتا۔ اہل بیت اطہار کے مقدس خون کی سرخی کی وجہ سے آج دین محمدی ﷺ کی کرنیں اپنی تمام توانائیوں کے ساتھ دنیا کے کونے کونے کو روشن رکھے ہوئے ہے۔ نواسہ رسول اور اہل بیت اطہار علیہم السلام پر ظلم کرنے والے دنیا میں نشان عبرت بنے اور قیامت کے دن بھی ان کا ٹھکانہ جہنم اور دردناک عذاب ہے۔
تحریک منہاج القرآن کے زیراہتمام 9 اور 10 محرم الحرام کی درمیانی شب ’’پیغام امام حسین علیہ السلام کانفرنس‘‘ منعقد ہوئی جس میں شیخ الاسلام ڈاکٹر محمد طاہرالقادری نے خصوصی شرکت کی اور گفتگو بھی کی، تحریک منہاج القرآن کے صدر ڈاکٹر حسین محی الدین قادری نے کانفرنس سے خطاب کیا۔
منہاج القرآن انٹرنیشنل ساؤتھ افریقہ پائن ٹاؤن کی مرکزی جمعہ مسجد میں 10 محرم الحرام کو شہادت امام حسین علیہ السلام کانفرنس منعقد ہوئی۔ جس میں پائن ٹاون کے مقامی اور دور دراز علاقوں سے لوگوں نے شرکت کی اور علامہ ایوب طفیل قادری صدر ڈربن، عمیر صابر جنرل سیکریٹری KZN، شیخ خالد، حیدر علی، محمد ثاقب اور عمر بھائی نے خصوصی شرکت کی۔
شیخ الاسلام ڈاکٹر محمد طاہرالقادری بیرون ملک سے وطن واپس پہنچ گئے۔ وہ بدھ کی صبح 4 بجے ترکش ائیرلائن پر لاہور ائیرپورٹ پہنچے پر ناظم اعلیٰ خرم نواز گنڈاپور کی قیادت میں مرکزی قائدین کے وفد اور کارکنان کی بڑی تعداد نے آپ کا استقبال کیا۔ اس موقع پر ڈاکٹر طاہرالقادری نے میڈیا سے گفتگو کی۔ سانحہ ماڈل ٹاؤن میں انصاف کے لیے عمران خان اور پی ٹی ائی حکومت اپنے وعدے پورے کرے
تحریک منہاج القرآن ڈسکہ سیالکوٹ کے زیراہتمام تین روزہ ’’سلام یا حسین‘‘ کانفرنس ڈسکہ میں منعقد ہوئی، جس میں دوسرے روز علامہ وقاص علی خالد نے خطاب کیا۔ اس موقع پر اہل علاقہ کی بڑی تعداد نے کانفرنس میں شرکت کی۔ منہاج القرآن ڈسکہ اور سیالکوٹ سے قائدین و کارکنان نے بھی پروگرام میں شرکت کی۔
تحریک منہاج القرآن تحصیل جہلم کے زیراہتمام ماہانہ درس عرفان القرآن جادہ، جہلم میں انعقاد پذیر ہوا، جس میں تحریک منہاج القرآن تحصیل جہلم کے تمام ضلعی اور تحصیلی عہدیداران سمیت کثیر تعداد میں مرد و خواتین نے شرکت کی۔ اس موقع پر مرکزی ناظم دعوت اور عظیم اسکالر فیاض بشیر نے ''ذبح اسماعیل علیہ السلام سے ذبح عظیم تک'' کے عنوان پر خصوصی خطاب کیا۔ درس عرفان القرآن کے اختتام پر تحریک منہاج القرآن کے تاحیات رفاقت لینے والے خواتین و حضرات میں اسناد تقسیم کی گئیں۔
سانحہ ماڈل ٹاؤن استغاثہ کیس کے سلسلے میں انسداد دہشتگردی عدالت میں عوامی تحریک کے 3 چشم دید زخمی گواہان محمد علی، منیر احمد اور ادارہ منہاج القرآن کے سیکیورٹی انچارج امتیاز حسین اعوان پر جرح ہوئی، امتیاز حسین اعوان نے کہا کہ اس وقت کے ڈی آئی جی آپریشن رانا عبدالجبار، ڈی ایس پی آفتاب پھلروان اور ایس ایچ او فیصل ٹاؤن رضوان قادر ہاشمی نے گوشہ درود کی طرف آنے والے افراد پر تشدد کا حکم دیا، یہ حکم ملتے ہی اہلکار نہتے کارکنوں پر ٹوٹ پڑے، شیلنگ کی، اندھا دھند لاٹھی چارج کیا اور بے رحمی کے ساتھ کارکنوں پر ڈنڈے برسائے، فائرنگ بھی کی گئی۔
4M
فیس بک
2M
ٹوٹر
© 1994 - 2026 Minhaj-ul-Quran International.
