سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مصطفوی سٹوڈنٹس موومنٹ کی پارلیمنٹ کا دوروزہ اجلاس 15، 16 جنوری بروز ہفتہ اور اتور مرکزی سیکرٹریٹ تحریک منہاج القرآن میں منعقد ہوا جس کی صدرات تجمل حسین انقلابی سپیکر سٹوڈنٹس پارلیمنٹ نے کی جبکہ ڈپٹی سپیکر سٹوڈنٹس پارلیمنٹ کی ذمہ داری عبدالغفار مصطفوی نے سرانجام دی۔ سندھ، بلوچستان، آزاد جموں و کثمیر، خیبر پختونخواہ، پنجاب اور ملک بھر کے مختلف یونیورسیٹوں، کالجوں اور تحصیلات کے ممبران سٹوڈنٹس پارلیمنٹ نے شرکت کی۔
منہاج القرآن آسٹریا کی تنظیم نے حافظ محمد اقبال اعظم کے اعزاز میں تقریب کا اہتمام کیا۔ تنظیم نے حافظ محمد اقبال اعظم کو جامعۃ الازہر سے حصول علم اور فراغت کے بعد ڈگری ملنے پر خوشی اور نیک جذبات کا اظہار کیا۔ علامہ حافظ محمد اقبال اعظم جوان دنوں منہاج یورپین کونسل کے اجلاس میں شرکت کے لئے ڈنمارک آئے ہوئے ہیں
چیئرمین جذبہ فورم ڈنمارک چودھری لیاقت علی نے مورخہ 11 جنوری 2011ء بروز منگل کو جذبہ کے ریزیڈنٹ ایڈیٹر آسٹریا محمد اکرم باجوہ کے اعزاز میں کوپن ہیگن میں ڈنر کا اہتمام کیا۔ محمد اکرم باجوہ جو ان دنوں منہاج یورپین کونسل کے اجلاس کے سلسلہ میں ڈنمارک آئے ہوئے ہیں۔
منہاج القرآن انٹرنیشنل برلن (جرمنی) کے زیراہتمام مورخہ 10جنوری 2010ء بروز سوموار کو پاک محمد مسجد برلن کی انتظامیہ اور منہاج القرآن انٹرنیشنل برلن کی انتظامیہ نے مشترکہ طور پر شہادت امام حسین کانفرنس کا انعقاد کیا۔
منہاج ویلفیئر فاؤنڈیشن نوشہرہ نے شدید سردی کے موسم میں سیلاب سے متاثرہ لوگوں میں گرم بستر اور گرم کپڑے تقسیم کیے ہیں۔ اس حوالے سے 9 جنوری 2011ء کو نوشہرہ میں ایک خصوصی تقریب ہوئی۔ جس میں منہاج ویلفیئر فاونڈیشن نوشہرہ کے صدر خواجہ محمد اشرف نے سیلاب متاثرین میں امدادی سامان تقسیم کیا۔ انہوں نے پستون گڑھی کے متاثرین سیلاب میں گرم کپڑے، چادریں، سلے اور ان سلے کپڑوں کے علاوہ گرم بستر، رضائیاں، لہاف اور کمبل بھی تقسیم کیے۔
منہاج القرآن انٹرنیشنل ڈنمارک کے زیراہتمام مورخہ 08 جنوری 2011ء بروز ہفتہ کو بعد نماز عشاء عظمت شہادت امام حسین رضی اللہ تعالیٰ عنہ کانفرنس منعقد ہوئی۔ کانفرنس کی صدارت منہاج یورپین کونسل کے امیر علامہ حسن میر قادری نے کی جبکہ ناظم اعلیٰ تحریک منہاج القرآن ڈاکٹر رحیق احمد عباسی اور منہاج یورپین کونسل کے صدر اعجاز احمد وڑائچ نے خصوصی کے طور پر شرکت کی۔
منہاج القرآن یوتھ لیگ لودہراں کے انتخابات مورخہ 07 جنوری 2011ء کو منعقد ہوئے۔ انتخابات ملک اسلم حماد صدر تحریک منہاج القرآن اور ناظم رانا محمد ظاہر کی زیرنگرانی منعقد ہوئے۔ نومنتخب عہدیداران میں سید مدثر احمد بخاری (صدر)، راشد بھٹی (نائب صدر)، سید وسیم بخاری (ناظم)، نادر بھٹی (ناظم انفارمیشن)، ارشد علی مرزا (ناظم مالیات) اور جمال احمد (ناظم دعوت) شامل ہیں۔
منہاج یورپین کونسل (زون 1) کا سال 2011ء کا پہلا سہ روزہ اجلاس مورخہ 07 جنوری سے 09 جنوری کوپن ہیگن ڈنمارک میں منعقد ہوا۔ اجلاس کی صدارت چودھری اعجاز احمد وڑائچ نے کی جبکہ ایگزیکٹو ممبران یورپین کونسل کے علاوہ ناروے، سویڈن، ڈنمارک اور فن لینڈ کی تنظیمات کے عہدیداران نے شرکت کی ۔ اجلاس میں منہاج القرآن انٹرنیشنل کے سیکرٹری جنرل ڈاکٹر رحیق احمد عباسی اور داؤد حسین مشہدی نے خصوصی شرکت کی۔
شیخ الاسلام نے روحانی اجتماع کے شرکاء سے خطاب کرتے ہوئے کہا کہ اچھے عمل اور نیکی پر استقامت کا رویہ ہی فرد کو معاشرے کی اصلاح کے قابل بناتا ہے۔ باطنی تزکیہ کا عمل ہی انسان کو بندگی کی حقیقت سمجھاتا ہے۔ اس لئے ضروری ہے کہ ایسی محافل اور اجتماعات میں شرکت کی جائے جہاں اللہ اور اسکے رسول (ص) کا ذکر کثرت سے کیا جاتا ہے۔
منہاج القرآن انٹرنیشنل فرانس کی تنظیم نو کے بعد مورخہ 6 جنوری 2011ء بروزجمعرات کو نئی ایگزیکٹو کا پہلا اجلاس منعقد ہوا، جس میں تما م فورمز کے صدور، نائب صدور اور ناظمین نے شرکت کی۔اجلاس کی صدارت عبدالجبار بٹ(صدرمنہاج القرآن انٹرنیشنل فرانس) نے کی۔
منہاج ویلفیئر فاؤنڈیشن فرانس کے قیام کے بعد پہلا اجلاس مورخہ 04 جنوری 2011ء کو ایک مقامی ہوٹل میں منعقد ہوا، اجلاس میں محمد نعیم چودھری صدر، سینئر نائب صدر طارق جاوید اور ناظم مالیات عامر جواد بٹ نے شرکت کی جبکہ منہاج القرآن انٹرنیشنل کے ناظم اعلیٰ ڈاکٹر رحیق احمد عباسی نے خصوصی دعوت پر اجلاس میں شرکت کی۔ ڈاکٹر رحیق احمد عباسی نے میٹنگ کے شرکاء کو نئی ذمہ داریاں سنبھالنے پر مبارکباد پیش کی۔
منہاج القرآن انٹرنیشنل یونان کے ذیلی مرکز کپسیلی میں مورخہ 03 جنوری 2011ء کو ایک سکھ نوجوان نے ڈائریکٹر قاری محمد اکرم زاہد کے ہاتھ پر اسلام قبول کیا، جس کا نیا اسلامی نام محمد حسنین رکھا گیا ہے۔
تحریک منہاج القرآن لودہراں کے زیراہتمام منہاج القرآن اسلامک سنٹر کے سنگ بنیاد کی عظیم الشان تقریب منعقد ہوئی جس کی صدارت پیر سید فضل حسین شاہ سرپرست تحریک منہاج القرآن لودہراں نے کی ۔
پاکستان عوامی تحریک کے سیکرٹری جنرل انوار اختر ایڈووکیٹ نے کہا کہ میڈیا کا کردار ایک آئینہ کا ہے۔ بحالی جمہوریت کے لیے میڈیا کی تاریخ قربانیوں سے بھری ہوئی ہے۔ بیداری شعور کی حالیہ تحریک میں میڈیا کلیدی کردار ادا کررہا ہے، عوامی مسائل پر صرف عدلیہ اور میڈیا نوٹس لے رہے ہیں، عوام کی توقعات میڈیا سے وابستہ ہیں پارلیمنٹ سے نہیں۔ سیاسی جماعتوں کو اپنے اندر جمہوریت پیدا کرنا ہوگی۔
منہاج القرآن انٹرنیشنل سائپرس کے زیراہتمام مورخہ 01 جنوری 2011ء بروز ہفتہ حلقہ درود کی ماہانہ محفل منعقد ہوئی جس میں نکوشیا کی پاکستانی کمیونٹی کی کثیر تعداد نے شرکت کی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
