سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
آستانہ عالیہ چشتیہ آباد کامونکی شریف میں حضور سیدنا امامِ حسین علیہ السلام و خواجگانِ چشت کے 99ویں سالانہ عُرس مبارک کی تقریب منعقد ہوئی، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین نے کہا کہ اللہ کے ولی اللہ تعالیٰ اور اس کی مخلوق دونوں کے انتہائی قریب ہوتے ہیں۔ انہوں نے کہا کہ صوفیائے کرام اپنے اعلیٰ اخلاق، روحانی تربیت، اتباعِ قرآن و سنت اور معرفتِ الٰہی کی وجہ سے حیاتِ ظاہری میں رشد و ہدایت کا مظہر ہوتے ہیں۔
تحریک منہاج القرآن آئرلینڈ کے زیر اہتمام پورٹ لیش میں میلاد النبی ﷺ کانفرنس کا انعقاد کیا گیا، جس میں منہاج القرآن برطانیہ لندن کے ڈائریکٹر علامہ محمد ذیشان قادری مہمان خصوصی تھے۔ انہوں نے خطاب کرتے ہوئے کہا کہ اللہ رب العزت نے اپنے بندوں کو جو بھی نعمت عطا فرمائے بندوں کو چاہیے کہ اس نعمت کا خوب خوشی سے اظہار کریں اور رب کائنات کا شکر ادا کرے۔
منہاج حلال پاکستان کے زیراہتمام منہاج یونیورسٹی لاہور میں ایک سالہ پوسٹ گریجوایٹ ڈپلومہ آن حلال سٹینڈرڈز اینڈ مینجمنٹ سسٹم کے کامیاب شرکاء کو سرٹیفکیٹس دینے کرنے کی تقریب منعقد ہوئی، جس میں چیئرمین منہاج حلال پاکستان اور ڈپٹی چیئرمین بورڈ آف گورنرز منہاج یونیورسٹی لاہور ڈاکٹر حسین محی الدین قادری نے خصوصی شرکت کی۔
معروف معالج کنگ ایڈورڈ کالج کے سابق وائس چانسلر، تحریک منہاج القرآن کے دیرینہ رفیق ڈاکٹر ممتاز الحسن کے ایصال ثواب کے لئے دعائیہ تقریب (ختم قل خوانی) کا انعقاد جامع شیخ الاسلام ماڈل ٹاؤن میں انعقاد کیا گیا۔ شیخ الاسلام ڈاکٹر محمد طاہرالقادری نے خصوصی دعا فرمائی۔ </p> <p>چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، ناظم اعلیٰ خرم نواز گنڈاپور سمیت تحریک منہاج القرآن کے مرکزی، صوبائی، ضلعی رہنماؤں، رفقاء اور کارکنان نے بڑی تعداد میں شرکت کی۔ شیخ الاسلام ڈاکٹر محمد طاہر القادری نے کہا کہ میرا ڈاکٹر ممتاز الحسن (مرحوم) سے تعلق 1980 سے ہے۔
بزم منہاج کالج آف شریعہ اینڈ اسلامک سائنسز (سیشن 23-2022ء) کے زیراہتمام بین الفصول سلسلہء أدبی مقابلہ جات میں دوسرے روز أدبی مقابلہ عربی تقریر (بعنوان أھمیۃ اتباع السیرۃ النبویۃ فی ھذا العصر) منعقد ہوا، جس میں ہر کلاس سے ایک طالبعلم نے اپنی کلاس کی نمائندگی کرتے ہوئے شرکت کی۔
منہاج القرآن انٹرنیشنل کے صدر ڈاکٹر حسین محی الدین قادری نے سانحہ ماڈل ٹاؤن کے شہید صوفی محمد اقبال کی بیٹی کے نکاح و تقریب رخصتی اور ان کے بیٹے کی دعوت ولیمہ میں خصوصی شرکت کی۔ اس موقع پر انہوں نے شہید کے بیٹے اور بیٹی کو شیخ الاسلام ڈاکٹر محمد طاہرالقادری کی طرف سے تحائف دیئے اور بیٹی کو اپنی ڈھیروں دعاؤں کے ساتھ رخصت کیا۔
تحریک منہاج القرآن کے 42 ویں یوم تاسیس کے حوالے سے مرکزی سیکرٹریٹ پر منعقدہ تقریب سے خطاب کرتے ہوئے بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری نے کہا ہے کہ 42 سال قبل تجدید و احیاء دین، ترویج و اشاعت اسلام اور اصلاحِ احوال امت کی ضرورت کو محسوس کرتے ہوئے امت کی فکری و نظری، اخلاقی و روحانی اور تحریکی و تنظیمی تربیت کا بیڑا اٹھاتے ہوئے تحریک منہاج القرآن کی بنیاد رکھی۔
تحریک منہاج القرآن کے 42ویں یومِ تاسیس کی مرکزی سیکرٹریٹ پر منعقدہ خصوصی تقریب سے صدر منہاج القرآن انٹرنیشنل ڈاکٹر حسین محی الدین قادری نے خطاب کرتے ہوئے کہا کہ تحریک منہاج القرآن دعوت و تبلیغِ حق، اِصلاحِ اَحوالِ اُمت، تجدید و اِحیاءِ دین، ترویج و اِشاعتِ اسلام، اتحادِ اُمت اور اِنسانی معاشرے میں تحمل و برداشت اور اَمن و اِعتدال کے فروغ کے لیے عالم گیر جدوجہد کی تحریک ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے جامعہ عروۃ الوثقیٰ میں ”وحدت امت و منہج رسالت کانفرنس“ سے خطاب کرتے ہوئے کہاکہ امت کو آج اتحاد کی ضرورت ہے۔ تمام مسالک جدا جدا خوشبو والے خوشنما پھول ہیں۔ یہ پھول یکجا ہوں تو اسلام کا گلدستہ مکمل ہوتا ہے۔ نقطہ نظر کے احترام سے اتحاد امت فروغ پائے گا۔ اللہ اور اس کے رسول ﷺ کی اطاعت ہی صراط مستقیم ہے۔
کنگ ایڈورڈ میڈیکل یونی ورسٹی کے سابق وائس چانسلر اور شیخ الاسلام ڈاکٹر محمد طاہرالقادری کے معالج پروفیسر ڈاکٹر ممتاز الحسن قضاے اِلٰہی سے انتقال فرما گئے ہیں، إنا لله وإنا إليه راجعون۔ شیخ الاسلام ڈاکٹر محمد طاہرالقادری نے اپنے تعزیتی پیغام میں کہا کہ مرحوم بلا شبہ ایک درد مند دل کے حامل، اِنسانیت نوازی کے جذبے سے سرشار اور ہمہ وقت مخلوقِ خدا کی خدمت کے لیے مستعد ہستی تھے۔
تحریک منہاج القرآن کے زیراہتمام تحریک منہاج القرآن کے روحانی سرپرست حضور قدوۃ الاولیاء پیر سیدنا طاہرعلاؤالدین القادری الگیلانی البغدادی ؒ کے یوم ولادت کے موقع پر دعائیہ تقریب مرکزی سیکرٹریٹ میں منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت و دعا کی۔
بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کی بنگلا دیش میں نئی طبع ہونے والی چار کتب کی تقریبِ رونمائی ڈھاکہ کے ایک مقامی ہوٹل میں منعقد ہوئی۔ نئی کتب میں عرفان القرآن (انگریزی ترجمۂ قرآن)، عرفان القرآن (بنگالی ترجمہ قرآن)، سیرتِ نبوی ﷺ کا اصل خاکہ (انگریزی ورژن) اور سیرتِ نبوی کا اصل خاکہ (بنگالی ترجمہ) شامل ہیں۔
خانہ فرہنگ اسلامی جمہوریہ ایران لاہور میں ہفتہ وحدت کی مناسبت سے’’ اتحاد بین المسلمین قرآن کی نگاہ میں‘‘ کے عنوان سے کانفرنس منعقد کی، جس میں منہاج القرآن انٹرنیشنل کی نمائندگی مرکزی نائب ناظم اعلیٰ کوآرڈینیشن انجینئر محمد رفیق نجم نے کی۔ کانفرنس کی میزبانی قونصل جنرل محمد رضا ناظری اور ڈائریکٹر جنرل خانہ فرہنگ جعفر روناس نے کی۔ اس موقع پر انجینئر محمد رفیق نجم نے خانہ فرہنگ قونصلیٹ جنرل اسلامی جمہوریہ ایران کو پروگرام کے انعقاد پر مبارکباد دی۔
منہاج القرآن انٹرفیتھ ریلیشنز کے زیراہتمام تحریک منہاج القرآن کے مرکزی سیکرٹریٹ پر جاری 12 روزہ محافل میلاد النبی ﷺ و ضیافت میلاد میں مسلم، مسیحی، ہندو، سکھ رہنماؤں اور مختلف مکاتب فکرکے جید علماء کرام نے شرکت کی۔ تقریب میں تحریک منہاج القرآن کے مرکزی قائدین ممتاز، سیاسی، سماجی و دیگر دیگر شعبہ ہائے زندگی سے تعلق رکھنے والی شخصیات نے بھی شرکت کی۔ صدر منہاج القران انٹرنیشنل ڈاکٹر حسین محی الدین قادری نے تقریب کی صدارت کی جبکہ مسیحی رہنما، ڈائریکٹر کرسچن سٹڈی سنٹر بشپ رابرٹ سیموئیل عزرایا مہمان خصوصی تھے۔
معروف ماہر معیشت، ایک سو سے زائد ریسرچ پیپرز اور کتب کے مصنف منہاج القرآن انٹرنیشنل کے صدر ڈاکٹر حسین محی الدین قادری پروفیسر آف اکنامکس کے عہدہ پر ترقی پا گئے ہیں۔ وہ 2017ء سے سکول آف اکنامکس اینڈ فنانس منہاج یونیورسٹی لاہور میں ایسوسی ایٹ پروفیسر کے طور پر خدمات انجام دے رہے تھے۔ منہاج یونیورسٹی لاہور کے فیکلٹی ممبرز نے پروفیسر کا اعزاز ملنے پر انہیں مبارکباد دی ہے۔ ڈاکٹر حسین محی الدین قادری منہاج یونیورسٹی لاہور کے بورڈ آف گورنرز کے ڈپٹی چیئرمین بھی ہیں۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
