سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
الحاج شیخ محمد جمیل رحمۃ اللہ علیہ کی یاد میں جامع مسجد شیخ الاسلام ماڈل ٹاؤن لاہور میں منعقدہ تعزیتی ریفرنس اور محفل قرآن خوانی کی تقریب سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ الحاج شیخ محمد جمیل قادری شیخ الاسلام ڈاکٹر محمد طاہرالقادری کے دستِ راست اور تحریک منہاج القرآن کے بانی ممبر تھے، انہوں نے کہا کہ حاجی شیخ محمد جمیل قادری جیسے مخلص، عاشقِ رسول ﷺ اور دینِ اسلام کی تعلیمات کی ترویج و اشاعت میں حصہ لینے والے اہل اللہ کے ایثار اور عملی کاوشوں کے باعث آج تحریک منہاج القرآن دنیا بھر کے مسلمانوں کے لئے ذریعہ علم و ہدایت ہے۔
چیئرمین سپریم کونسل ڈاکٹر حسن محی الدین قادری نے کالج آف شریعہ اینڈ اسلامک سائنسز کی لائبریری کی نئی عمارت کی افتتاحی تقریب کے موقع پر گفتگو کرتے ہوئے کہا کہ قوم کے بیٹوں اور بیٹیوں کو تعلیم اور دینی شعور دینا فی زمانہ دنیا و آخرت کی بہترین نیکی اور انویسٹمنٹ ہے۔ انہوں نے ناظم اعلیٰ خرم نوازگنڈاپور، حاجی امین القادری چیئرمین ریسورسز اینڈ ڈویلپمنٹ، حاجی ارشد سینئر ممبر، شاہد لطیف ڈائریکٹر آر اینڈ ڈی، ڈاکٹر ممتاز الحسن باروی کے ہمراہ کالج آف شریعہ اینڈ اسلامک سائنسز لائبریری کی نئی عمارت کا افتتاح کیا۔ اس موقع پر اویس طاہر، ملک وزیر، شیخ محمد حنیف اور کالج آف شریعہ کے فیکلٹیز ممبر موجود تھے۔
شیخ الاسلام ڈاکٹر محمد طاہرالقادری نے کہا ہے کہ قیادت سیاسی ہو یا مذہبی قوم کی کردار سازی اسکی اولین ذمہ داری ہے۔ جس نظام میں حلال اور حرام کی تمیز ختم ہو جائے اس سے نجات میں ہی ملک و قوم کی خیر ہے۔ موجودہ دور کا سب سے بڑا بحران اخلاقی گراوٹ ہے۔ سچ اور جھوٹ میں تمیز ختم ہو گئی۔ اخلاقی اقدار کی جگہ حرص، ہوس اور لالچ نے لے لی ہے۔ علمائے کرام اور نوجوان سوشل میڈیا کے ذریعے اسلام کی حقیقی تعلیمات کو اجاگر کریں۔ تحریک منہاج القرآن نے نوجوانوں کی تعلیم و تربیت اور کردار سازی کیلئے بے مثال ادارے قائم کئے اور نوجوانوں کو تشدد، انتہا پسندی اور فرقہ واریت سے بچایا۔
چیئرمین سپریم کونسل ڈاکٹر حسن محی الدین قادری نے منہاج القرآن ویمن لیگ کے زیراہتمام قائم ایگرز کلب کی افتتاحی تقریب سے خطاب کرتے ہوئے کہا کہ سوسائٹی کو پرامن بنانے اور فرقہ واریت و انتہا پسندی سے پاک کرنے کے لیے بچوں کی اوائل عمری میں ہی اخلاقی تربیت کرنا ہوگی اس کیلئے والدین، اساتذہ، علمائے کرام اور میڈیا مرکزی کردار کا حامل ہے۔ شیخ الاسلام ڈاکٹر محمد طاہرالقادری نے منہاج القرآن کے پلیٹ فارم سے ہر عمراور طبقہ کے افراد کی اخلاقی، روحانی تربیت کیلئے ادارے قائم کئے ہیں۔ انہوں نے منہاج القرآن ویمن لیگ کے زیراہتمام بچوں کی تربیت کیلئے قائم ڈیپارٹمنٹ ’’ایگرز‘‘ کی جملہ ذمہ داران بہنوں کو انکی شاندار کاکردگی پر مبارک باد دی۔ انہوں نے کہا کہ ایگرز کا ڈیپارٹمنٹ بیک وقت ماں، باپ، استاد اور بزرگوں والا تربیتی کردار ادا کر رہا ہے۔
شیخ الاسلام ڈاکٹر محمد طاہرالقادری دامت برکاتہم العالیہ کی ہمشیرہ کے ایصال ثواب کیلئے "جامع شیخ الاسلام" لاہور میں قرآن خوانی کی محفل کا اہتمام کیا گیا۔ اس موقع پر ممتاز نعت خواں شہزاد برادران، پروفیسر ذیشان بیگ نے حضور سرور کونین ﷺ کی بارگاہ میں ہدیہ تبریک بھی پیش کیا۔ اختتامی دعا چیئرمین سپریم کونسل ڈاکٹر حسن محی الدین قادری نے مرحومہ کی بخشش اور درجات کی بلندی کے لیے دعا کروائی۔
امیر جماعت اسلامی سینیٹر سراج الحق اور علامہ ڈاکٹر راغب حسین نعیمی نے منہاج القرآن کے مرکزی سیکرٹریٹ میں چیئرمین سپریم کونسل تحریک منہاج القرآن ڈاکٹر حسن محی الدین قادری سے ملاقات کی۔ سینیٹر سراج الحق اور علامہ ڈاکٹر راغب حسین نعیمی نے شیخ الاسلام ڈاکٹر محمد طاہرالقادری کی ہمشیرہ کے انتقال پر تعزیت کا اظہار کرتے ہوئے مرحومہ کی بخشش اور درجات کی بلندی کے لیے دعا کی۔
قائد تحریک منہاج القرآن حضور شیخ الاسلام ڈاکٹر محمد طاہرالقادری دامت برکاتہم العالیہ کی بڑی ہمشیرہ کا جھنگ میں انتقال ہو گیا تھا، ان کی نماز جنازہ چیئرمین سپریم کونسل ڈاکٹر حسن محی الدین قادری نے مرکزی جناز گاہ جھنگ میں پڑھائی۔
شیخ الاسلام ڈاکٹر محمد طاہرالقادری کی بڑی ہمشیرہ محترمہ جھنگ میں داعیِ اَجل کو لبیک کہتے ہوئے وصال فرما گئی ہیں۔ اِنَّا لِلّٰہِ وَ اِنَّاۤ اِلَیۡہِ رٰجِعُوۡن۔ مرحومہ کی عمر 76 برس تھی، مرحومہ کی نماز جنازہ آج مؤرخہ 31 مارچ دوپہر 1:30 بجے جھنگ میں چئیرمین سپریم کونسل ڈاکٹر حسن محی الدین قادری پڑھائیں گے۔ اللہ رب العزت مرحومہ و مغفورہ کے درجات بلند فرمائے اور معرفت و شفاعتِ مصطفی ﷺ سے بہرہ یاب فرمائے۔
قائد تحریک منہاج القرآن شیخ الاسلام ڈاکٹر محمد طاہرالقادری نے تحریک منہاج القرآن کے مرکزی سیکرٹریٹ ماڈل ٹاؤن لاہور میں ’’شب برات‘‘ کے عظیم الشان مرکزی روحانی اجتماع سے خطاب کرتے ہوئے کہا کہ اللہ تعالیٰ نے جس طرح انسانوں میں سے انبیائے کرام اور مہینوں میں سے رمضان المبارک کو فضیلت عطاء کی ہے اسی طرح رب کائنات نے راتوں میں سے شب برأت کو بھی فضیلت بخشی ہے۔
شیخ الاسلام ڈاکٹر محمد طاہرالقادری نے کہا ہے گناہوں پر ندامت اور معافی کا عمل اللہ کو بہت پسند ہے ہم آج جن بحرانوں، مسائل، بدامنی، خوف و ہراس اور بے برکتی کا شکار ہیں، اس سے چھٹکارے اور نجات کے لئے قوم اجتماعی استغفار کرے اور اللہ سے گڑگڑا کر معافی مانگے۔ انہوں نے کہا کہ یہ مقدس راتیں در توبہ کھولتی اور اللہ کو راضی کرنے کا ذریعہ بنتی ہیں، انہوں نے کہا کہ شب برات کو شبِ توبہ، شب مغفرت اور شب عبادت و ریاضت کا مقام حاصل ہے، دعاؤں سے تقدیریں بھی بدل جاتی ہیں، ہر وقت اللہ سے معافی مانگتے رہیں۔
شیخ الاسلام ڈاکٹر محمد طاہرالقادری نے عوام اور کارکنان کے نام اپنے خصوصی پیغام میں کہا کہ کرونا وائرس کی حالیہ تیسری لہر خطرناک اور تشویشناک صورتحال اختیار کر چکی ہے، یہ پہلی اور دوسری لہر سے زیادہ شدید ہے، پاکستان میں لوگ اسے سیریس نہیں لے رہے بچاؤ کے لیے صحت کے قومی و بین الاقوامی ادارے جو ضروری پروٹوکول اور اقدامات اختیار کرنے کی ہدایات دے رہے ہیں ان کا خیال نہیں رکھا جا رہا، بدقسمتی سے وباء کے دوران ماسک لگانے کا کلچر پروان نہیں چڑھ سکا سماجی فاصلہ رکھنے کی اہمیت کا بھی ادراک نہیں کیا جا رہا ہے، کورونا وائرس کی سنگینی کا اندازہ اسی کو ہوتا ہے جو اس تکلیف سے دوچار ہوتا ہے۔ انہوں نے کہا کہ جسے اللہ پاک نے اس تکلیف سے محفوظ رکھا ہوا ہے وہ اس کو سیریس لیں، ایس او پیز کا خیال رکھیں۔
منہاج گرلز کالج خانیوال میں 21 مارچ 2021ء کو تحریک منہاج القرآن جنوبی پنجاب زون کا گرینڈ زونل اجلاس منعقد ہوا جس کی صدارت تحریک منہاج القرآن جنوبی پنجاب زون کے نائب ناظم اعلیٰ سردار شاکر مزاری نے کی۔ اجلاس میں تحریک منہاج القرآن جنوبی پنجاب زون کے نائب ناظم چوھدری جاوید اشرف وڑائچ، راؤ محمد اسحاق خان، ممتاز حسین نون، مخدوم شہباز شاہ ھاشمی، صاحبزادہ محمد اسلم صابری، رانا گلزار احمد، رانا محمد ظاھرالقادری، غلام قادر خان سرانی، محمد علی، نور احمد سہو، چوھدری محمد فاروق، پروفیسر جاوید اختر زواری اور ڈاکٹر رفیق احمد بھٹہ سمیت جنوبی پنجاب کے 23 اضلاع سے تحریک منہاج القرآن اور اس کی ذیلی تنظیمات کے 250 عہدیداران اور وفود شریک تھے۔
قائد تحریک منہاج القرآن شیخ الاسلام ڈاکٹر محمد طاہرالقادری نے مدارس دینیہ کے نصاب کے موضوع پر منعقدہ قومی کانفرنس میں ”نظام المدارس پاکستان“کا نیا نصاب پیش کر دیا ہے۔ انہوں نے علمائے کرام کو دعوت دی کہ وہ معیاری نصاب کی تشکیل کے لیے تجاویز دیں، ان کی تجاویز کھلے دل کے ساتھ قبول کریں گے۔ انہوں نے کہا کہ ہمارا کسی بورڈ، مکتب فکر سے کوئی مقابلہ نہیں ہے، ایسی سوچ کو بھی گناہ سمجھتا ہوں۔ ہم اسلاف کی اعلیٰ علمی، اخلاقی اقدار کے احیاء کیلئے جدوجہد کررہے ہیں، میں مکالمہ پر یقین رکھتا ہوں۔
شیخ الاسلام ڈاکٹر محمد طاہرالقادری نے ملک شام سے تعلق رکھنے والے عالم اسلام کے نامور عالم دین، محقق اور بحر العلوم الشیخ محمد علی الصابونی کے انتقال پر گہرے رنج و الم کا اظہار کیا ہے۔ شیخ صابونی کا ترکی میں استنبول کے نواحی علاقے میں وصال ہوا ہے۔ اس حوالے سے شیخ الاسلام نے اپنے تعزیتی بیان میں کہا ہے کہ اس رحلت سے عالم اسلام ایک معتبر اور مستند علمی شخصیت سے محروم ہو گیا ہے۔ وہ عالم اسلام کا بالعموم اور اہل سنت و جماعت کا بالخصوص علمی اثاثہ تھے۔ انہوں نے کہا کہ الشیخ محمد علی الصابونی علوم القرآن والتفسیر، علوم الحدیث اور علوم الفقہ کے بلند پایہ عالم تھے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے پی پی 153 لاہور میں منہاج ویلفیئر فاؤنڈیشن کے زیراہتمام منہاج ویلفیئر کلینک کا افتتاح کیا۔ انہوں نے گفتگو کرتے ہوئے کہا کہ غریب اور مستحق مریضوں کی طبی مدد فی زمانہ عبادت اور انسانیت کی بہترین خدمت ہے۔ پاکستان میں علاج بہت مہنگا ہو گیا، عام آدمی علاج کیلئے مہنگی ادویات، بھاری فیسیں ادا کرنے کی سکت نہیں رکھتا۔ انہوں نے منہاج ویلفیئر کلینک کے قیام پر مقامی رہنماؤں اور مخیر حضرات کے جذبہ خدمت انسانیت کو سراہا۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
