سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مورخہ 8 دسمبر بروز جمعرات منہاج تحفیظ القرآن اسلامک سنٹر مانکیالہ مسلم (گوجر خان) میں ٹیچرز ٹریننگ کا اہتمام کیا گیا جس میں تحصیل گوجر خان کے متعدد سکولوں (منہاج ماڈل سکول جبووکسی اعوان، منہاج ماڈل سکول گلیانہ، منہاج ماڈل سکول گوجر خان اور النور یونیورسل اکیڈمی) سے40 کے قریب خواتین پرنسپل صاحبان اور ٹییچرز کے علاوہ منہاج تحفیظ القرآن کے ایگزیکٹو ممبران نے شرکت کی۔
محرم الحرام کے سلسلے میں منہاج تحفیظ القرآن مانکیالہ مسلم میں 12 محرم الحرام کو ایک عظیم الشان جلسہ بعنوان شہادت امام حسین علیہ السلام منعقد ہوئی جس کی صدارت علامہ محمد صفدر عثمانی (خطیب جامع مسجد مدینہ مانکیالہ مسلم) نے کی۔ تحریک منہاج القرآن گوجر خان کے تمام فورمز کے ناظمین اور صدور نے خصوصی طور پر پروگرام میں شرکت کی جبکہ دیگر جید علماء کرام کے علاوہ علاقہ بھر کی دیگر تنظیمات، طلبہ وطالبات اور مرد و خواتین کی ایک کثیر تعداد نے پروگرام میں شرکت کر کے اہل بیت اطہار سے اپنی محبت کا ثبوت پیش کیا۔
تحریک منہاج القرآن تحصیل شرقپور شریف کے زیراہتمام شہادت امام حسین علیہ السلام کے سلسلہ میں 49 واں ماہانہ درس عرفان القرآن 6 دسمبر 2011ء کو منعقد ہوا۔ یوم عاشور 10 محرم الحرام کو پروگرام کا انعقاد نور محل شادی ہال شرقپور شریف میں ہوا جہاں شرقپور شریف اور گردونواح سے سینکڑوں خواتین و حضرات نے شرکت کی۔ پروگرام میں حاجی محمد الیاس قادری مہمان خصوصی تھے۔
تحریک منہاج القرآن کمالیہ کے زیراہتمام پیغام شہادت امام حسین علیہ السلام اور بیداری شعور کانفرنس مورخہ 6 دسمبر 2011ء کو (714 گ ب، کمالیہ) میں منعقد ہوئی جس میں چودھری منصور صدر تحریک منہاج القرآن کمالیہ، صفدر علی ڈوگر نائب ناظم تحریک منہاج القرآن کمالیہ، ڈاکٹر فاروق ناظم نشرواشاعت، فوجی محمد اشرف ناظم دیہی علاقہ جات، چوہدری عبدالشکور رہنما پاکستان عوامی تحریک، سعید ہاشمی ناظمہ امور خواتین کے علاوہ کثیر لوگوں نے شرکت کی۔ مرکز سے علامہ محمد شریف کمالوی ناظم عرفان القرآن کورسز نے خصوصی شرکت کی۔
دنیا میں حضور نبی اکرم صلی اللہ علیہ وآلہ وسلم کی بعثت سے قبل اور بعد میں بے شمار شہادتیں ہوئیں، صحابہ کرام و تابعین اور مابعد ادوار میں بڑے بڑے اکابرین امت شہادت سے سرفراز ہوتے رہے لیکن کسی شہادت کو وہ شہرت اور دوام نہ مل سکا جو شہادت امام حسین رضی اللہ عنہ کے حصے میں آئی، یعنی شہادت حسین کا جو باب کربلا کی زمین پر رقم ہوا اس سے سیرت مصطفی صلی اللہ علیہ وآلہ وسلم کا تشنہ تکمیل باب مکمل ہوگیا۔
بارسلونا(سپین) کے معروف سماجی راہنماء اور کاتالان فیڈریشن کے صدر طارق حفیظ عباسی نے منہاج القرآن انٹرنیشنل سپین، لوگرونیو کے امیر علامہ صفدر مجید قادری کے اعزاز میں مقامی ریسٹورنٹ پر پرتپاک عشائیہ دیا جو کہ محرم الحرام کی محافل کے سلسلہ میں بارسلونا کے دعوتی دورہ پر تشریف لائے تھے۔
منہاج القرآن ویمن لیگ جاتلی دولتالہ کے زیراہتمام شہادت امام حسین رضی اللہ عنہ کانفرنس (برائے خواتین) منعقد ہوئی جس میں خصوصی شرکت محترمہ نوشابہ (مرکزی ناظمہ منہاج القرآن ویمن لیگ) اور محترمہ نائلہ (مرکزی رہنما منہا ج القرآن ویمن لیگ) نے کی۔
بابر علی چوہدری مرکزی صدر منہاج القرآن یوتھ لیگ نے بیداری شعور عوامی ریلی کے سلسلہ میں اسلام آباد اور راولپنڈی کا دو روزہ دورہ کیا۔ انہوں نے 5 دسمبر صبح 10 بجے دفتر تحریک منہاج القرآن چاندنی چوک راولپنڈی میں منہاج القرآن یوتھ لیگ راولپنڈی کی ضلعی تنظیم سے میٹنگ کی جس میں انہوں نے ضلعی تنظیم کو 18 دسمبر کی بیداری شعور عوامی ریلی میں زیادہ سے زیادہ نوجوانون کی شرکت کو یقینی بنانے کی ہدایت کی۔
منہاج القرآن انٹرنیشنل فرانس کے زیراہتمام مورخہ 05 دسمبر 2011ء کو مرکز لاکورونیو میں شہادت امام حسین رضی اللہ عنہ کانفرنس منعقد ہوئی جس میں محبان اہل بیت نے کثیر تعداد میں شرکت کی۔
نیٹو جارحیت کے خلاف تحریک منہاج القرآن اور پاکستان عوامی تحریک لاہور کی احتجاجی ریلی سے خطاب کرتے ہوئے امیر لاہور ارشاد احمد طاہر نے کہا ہے کہ ریلی میں شریک ہزاروں افراد نیٹو حملہ کی شدید مذمت کرتے ہیں۔ ملک کا بچہ بچہ دفاع وطن کیلئے افواج پاکستان کے ساتھ کھڑا ہے۔ خارجہ اور داخلہ پالیسیوں کو ملکی مفاد کے مطابق تشکیل دئیے بغیر ملکی استحکام ممکن نہیں۔
تحریک منہاج القرآن پی پی 4 دولتالہ کے زیراہتمام بیداریء شعور ورکرز کنونشن مورخہ 04 دسمبر بروز اتوار دن 2 بجے منہاج ماڈل سکول دولتالہ میں منعقد ہوا۔ پروگرام کا باقاعدہ آغاز تلاوت کلام پاک سے حافظ مہتاب احمد نے کیا اور نعت رسول مقبول صلی اللہ علیہ وآلہ وسلم کی سعادت راجہ ناصر محمود (نائب ناظم تحریک منہاج القرآن یونین کونسل جاتلی) نے حاصل کی۔
منہاج القرآن انٹرنیشنل آسٹریا کے زیر اہتمام دین اسلام کی بقاکے لئے شہدائے کربلا کی عظیم قربانی کی یاد میں محفل شہیدان کربلا مورخہ 04 دسمبر 2011ء بروز اتوار نماز ظہر سے لیکر مغرب تک منعقدہوئی جس میں ویانا بھر سے ہر مکبتہ فکر کے علاوہ منہاج القرآن آسٹریا کے عہدیداران، منہاج یوتھ لیگ، منہاج ویمن لیگ، رفقاء اور وابستگان کی کثیر تعداد نے شرکت کی
منہاج القرآن انٹرنیشنل مرکز انوفیتا (یونان) کے زیر اہتمام مورخہ 04 دسمبر 2011ء کو شہدائے کربلا کی یاد میں محفل منعقد ہوئی جس میں منہاج القرآن انٹرنیشنل فرینکفرٹ جرمنی کے ڈائریکٹر علامہ محمد اقبال فانی نے خصوصی شرکت کی
منہاج القرآن انٹرنیشنل آئرلینڈ کے زیر اہتمام مورخہ 04 دسمبر 2011ء بروز ہفتہ المصطفی اسلامک سنٹر لمرک میں’’ شہادت امام حسین رضی اللہ عنہ ‘‘ کانفرنس منعقد ہوئی جس میں اہل بیت اطہار کی قربانیوں کو خراج عقیدت پیش کیاگیا۔کانفرنس میں آئرلینڈ کے مختلف شہروں سے پاکستانی کمیونٹی نے کثیر تعداد میں شرکت کی۔
منہاج القرآن انٹرنیشنل لندن کے زیراہتمام مورخہ 04 دسمبر 2011ء کو عظیم الشان شہادت امام حسین رضی اللہ عنہ کانفرنس منعقد ہوئی جس میں خصوصی خطاب شیخ الاسلام ڈاکٹر محمد طاہرالقادری کا ہوا جو منہاج ٹی وی کے ذریعے دنیا بھر میں دیکھا گیا۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
